|
|
 نادر......... حسين ملاسي ........محمد الحاج
|
المتابع لهذا المنبر يعلم ان ما بين نادر عباس و حسين ملاسي ما صنعه وما لم يصنعه الحداد
فنادر لا يطيق حرفا مما يكتبه حسين وعتبر كل كا ياتي من كيبورد ملاسي ما هو الا افلاس مدقع*
___________________________________________________________
* لم اكتب ان نادر لا يطيق ملاسي شخصيا لانني
1/ لا اعرف ذلك تاكيدا
2/ انا ايضا لا اطيق كثير من كتابات ملاسي ولكن عندما التقيتيه شخصيا وجدته مهذبا, وودودا للغايه
|
|
 
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
من الجانب للاخر هناك استظراف واضح بين ملاسي ومحمد الحاج. استظراف وصل لدرجه ان ينادي ملاسي محمد الحاج "بجدو"
والمعروف ان "جدو" هو اسم الدلع لمن يحمل اسم جده وغالبا ما يكون محصورا بين الاسره وابناء الحله والمقربين جدا من الاصدقاء خارج هذين النطاقيين
وانا اعلم ان ملاسي ليس من الاسره و لا من ابناء الحله التي نشأ فيها محمد الحاج مما يترك فقط الفرضيه التالته وهو ان يكون من الاصدقاء المقربيين بل وتعداها
الي ابعد من ذلك. لان ابناء الاسره والاصدقاء المقربيين لمحمد الحاج او اسرته لاينادونه "جدو" في هذا السايبر
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
| Quote: انا ايضا لا اطيق كثير من كتابات ملاسي ولكن عندما التقيتيه شخصيا وجدته مهذبا, وودودا للغايه |
هلا يابوب
وانا زااتي لو بطيقو الحس المكوة الاسفيرية..
ولكن لمن لاقيتو لاقيت زول مسكييييييين خلاص وكاتل حيلو ولو قلت ليهو (هووووو) ممكن يقوم جاري
___________________________
لكن الملاقاة في محلهاوالدشمان والاختلاف والكجينة الاسفيرية في محلها..
وواصل ومتابعين
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
سلامات يا عمر الفاروق
| Quote: ملاسي حتى في السطرين ديل مؤدب ومحترم بيقول الحقيقة في سطرينو ديل لكن الناس قول النصيحة ده بيدخلوهو في الهمز واللمز |
لا احد ينكر تهذيب ملاسي ولكن في احيان كتيره بملاسي يسطرينو المهذبات ديل بيستهزئ ويسخر من الناس ومن كلامهم ومن مواقفهم
ان تكتب رايك يا عمر الفاروق فده محمده كبيره جدا حتي ولو كان رايك ضد رايغالبيه الناس فيما هو مطروح وانت زاتك بتعمل كده في مرات*
لكن ان تستهزئ باراء الناس وتسخر منهم فده ما كويس حتي لو اتكتب بصوره مهذبه
____________________________________________
* مثال لرايك المخالف للناس كلامك في بوست محمد عادل بتاع شيك العجب الطاير الناس كلها شبكت محمد عادل دي ما اخلاق سودانيه وده تشهيير
انت جيت - و عكس ما كتبه كل الناس- كتبت انو العجب مشهور ودي ضريبه الشهره
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Mohammed Elhaj)
|
هسه ياباشمنهدس بوب إنت بتمدح ولا بتذم فى ملاسى ؟
رسينا على بر .
غايتو أنا لما كنت برلوم فى المنبر ده كنت بقرأ
لملاسى ده بسطحيه شديده ( سطحيه دى راجعه لى أنا )
لكن بعد أن بلغت سن الرشد المنبريه وتعمقت فى كتابات
هذا الرجل صار من أحب الناس لى وأكثرهم عمقا وموضوعيه
( لاحظ يابوب أنا بقول الكلام ده ومالاقيت ملاسى ) وسوف
يظل كذلك فى نظرى سواء أن إلتقبته أو لا .
ومهما إختلف القراء والأعضاء هنا فى رأئهم , يظل ملاسى مدهشا
ومحيرا للجميع , والغريب أن أغلب الذين يقولون إنهم لايطيقونه
تجدهم أول المهرولين لكل مايكتب .
رضيتم أو لم ترضوا يا أعضاء وقراء المنبر فحسين ملاسى رائد فى
فن كتابة السطر أو السطرين ذات الدلالات الكبيره والعميقه
والمعانى الساخره والتى ربما تكون موجعه أحيانا .
وما يفعله ملاسى هنا أنا أعتبره مدرسه حديثه مثلها ومثل الفن
التشكيلى أو فن الكراكتير .
ولأ أنكر إننى من أوائل المهرولين لكل بوستات الرجل فهو بالنسبة
لى من أفضل الكتاب الذين يمكنك الإستمتاع بقراءة ماخلف سطوره .
يابوب يأخى شكرا ليك أن أتحت لى أن أتحدث عن ملاسى ,
وياحسين ملاسى أوعك تعتبر كلامى ده ( كسير تلج ) فأنا
والله لم أقل إلا ما أحس به تجاهك ,
ورمضان كريم لكم جميعا ,,
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: الطيب العامرى)
|
Quote: رضيتم أو لم ترضوا يا أعضاء وقراء المنبر فحسين ملاسى رائد فى
فن كتابة السطر أو السطرين ذات الدلالات الكبيره والعميقه
والمعانى الساخره والتى ربما تكون موجعه أحيانا. |
ولا يفوتني الا القليل فيما يكتب ولظروف خاصة بي..
يكفي أنه مهذب..لا تخرج الكلمات البذيئة من كتاباته ولا من لسانه علي الرغم من التعدي عليه ببذيء الكلام من البعض..
واضح ومباشر في مخاطبته..كلماته القليلة يكتبها بحساب وذكاء شديد حتي يصل معناها كاملا..
تحياتي لملاسي ومحمد الحاج ونادر..
كل سنة وانت وأسرتك بخير يا عمر..
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Muna Khugali)
|
سلامات يا مني
ورمضان كريم وتصومي وتفطري علي خير انت وايه وبقيه افراد الاسره
البوست ليس احتفاء بكتابات ملاسي بقدر ماهو احتفاء بمحمد الحاج
ملاسي كتاباته ممحل جدل كبير وانا راي في كتاباته وضحته في مداخلتي الاولي
ولكني اختلف معك في ان حسين واضح ومباشر
فهو كثير من الاحيان عكس ذلك تماما مما يعرضه للهجوم من كل الاتجاهات لان كل شخص يفسر ما يقوله بطريقته الخاصه
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: الطيب العامرى)
|
اصبحنا وأصبحت المجرات منطلقة الى لا مكان
صباح الخير يا بوب
يا عمر في مداخلتك التانية انطلقت من قراءة مباشرة لسطر ملاسي الذي يسميني فيه "بجدو"،
طبعاً الأمر الذي يجعل "ملاسي" "ملاسي الذي يقيم البورد ولا يقعده بسطر واحد"
أنه يكتب ما يكتب في سطر،
أي أنه يقول ولا يقول،
يترك مساحة شاسعة لخيال القارئ للحركة
فتنطلق كرته بين أرجل المتداخلين شذر مذر من خلال هذه المساحة التي يقولها سطره ولا يقولها،
"جدو" هذه التقطها حسين ملاسي، "سحس" من مداخلة احد البوستات الاجتماعية
فلت اللقب في مداخلة لاحد أفراد اسرتي والتقطه ملاسي ولبد به إلى وقت عوزة،
انسانيا، التقيت بملاسي مرة أو اثنتين باقتضاب
ولن تختلف وجهة نظري فيه عن من التقو به من انه شخص مهذب جداً،
ستجتهد لتجد أثراً ظاهراً لسخريته ولذاعته هذه في شخصيته "غير الاسفيرية "،
اذا افتراضك يا عزيزي لوجود صداقة "قدر دا" بيني وبين ملاسي فقط لأنه ناداني بلقب أنا معروف به على نطاق ضيق
ما صحيح...
من ناحية تانية
كما تعلم يا بوب
نادر كأخ وصديق له قناعاته الفكرية والسياسية
وطريقته الخاصة لإدارة صراعاته السياسية والفكرية والشخصية كمان
لا أعتقد أنه يحتاج لنصرتي من بعيد أو قريب في معاركه وحروبه في البورد،
هو شخص له قناعات راسخة تتسق ومواقفه ويتسق حكمه على الأشخاص والمواقف معها
وهو قادر على ادارتها والتعامل معها بطبيعة الحال
الأمر الذي يجعل مسألة دخولي في صراع دخله هو وفق المعطيات أعلاه
لمجرد العلاقة الانسانية التي تربطنا أمر لا يتماشى لا مع قناعاته ولا مع قناعاتي،
ينسحب الأمر كذلك -بالضرورة- على أن ليس -بالضرورة- أن تتسق رؤيتي ورؤيته حول زيد أو عمر من الناس
وبالتالي يمكن أن تجد له "أعداء اسفيريين" دون أن يخلق ذلك منهم تلقائياً اعداءًاً بالنسبة لي
وبالطبع دون أن يفترض أي منا انني يجب أن اتخندق ضد أحدهم لمجرد أن له صراعاً مع أخ أو صديق..
its that simple
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Mohammed Elhaj)
|
تحية عطرة يا عمر
كتبت الصديقة منى خوجلي:
Quote: يكفي أنه مهذب..لا تخرج الكلمات البذيئة من كتاباته ولا من لسانه علي الرغم من التعدي عليه ببذيء الكلام من البعض..
واضح ومباشر في مخاطبته..كلماته القليلة يكتبها بحساب وذكاء شديد حتي يصل معناها كاملا..
|
كيفك يا منى، وتحيات طيبات:
عندنا في السودان مقولة مشهورة جداً بالغة الدلالة، وهي "الجمرة بتحرق الـواطـيها"...
أكاد أجزم بأنه لو حدث في مرة من ذات المرّات ونعتك هذا الـ "ما" يُسمى ملاسي بالكذب
كما فعل معي دون سابق معرفة بمن أكون ومن هو مصدر معلوماتي، لو أنه يا منى استهزأ بما تكتبين
أو سخر من رأيٍ لك في قضيةٍ ما، لكان لك قول آخر الآن، كقول الذين تعدى عليهم والذين تفوق أعدادهم الحصر...
لاحظتُ أن صديقنا عصام جبر الله حقق لهذا الكائن العجيب ما يريد بأن انجرَّ وراء استفزازاته في بوست صور الهنود
وصورة محسن خالد مع أصدقائه... ولكم تعجبتُ من انسياق عصام،، فهو أكثر من يعلم بأنه لا داع لأن
"يعمل للحنابر قنابر" إذ أن هذا الكائن مصابٌ بمرضٍ عضال وهو استفزاز الآخرين والتلذذ بالسخرية منهم
والتهكم عليهم... فهذا في رأيي سلوك غير سوي. وقد أدرك معظم أعضاء المنبر هذه الحقيقة
ومثال لهم محسن خالد نفسه الذي اكتفى بوصفه بالـ "القنينيط أب شيبة" ولا أرى وصفاً أبلغ من هذا...
ولاحظت بعد ذلك أن محسن أقلع عن مجاراته..... وليت عصام يفعل.
يا عمر بوب، الحديث عن "انو شخص غاية في التهذيب والطيبة والأخلاق.... الخ" لا يفيد في تصوري،
لأنك بهذا الشكل تتحدث عن شخصية مصابة بمرض الفصام... في الحقيقة أو الواقع شكل مغاير لما في
"سودانيز أون لاين"، واكتب سودانيز أون لاين لأنني لا أراه في غيرها...
الطيبة عندي هي الطيبة في الواقع أو في الخيال أو "وير ايفر" .. وسؤ الخلق
(الذي يشمل نعت الناس بما ليس فيهم، التهكم، الاستهزاء، ... الخ) هو سؤ الخلق ...
سيف بشير
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: saif basheer)
|
عمر بوب كل عام وأنت وزوار بوستك بخير وتصوموا وتفطروا بخير
جملة ما وددت قوله عن هذا المفلس لخصه الأخ الأستاذ سيف في مداخلته الوافية. فلو أن ملاسي هذا تعدى عليك كما يتعدى على الكثيرين في هذا المنبر, صدقني لن تجرؤ على القول بأنه مهذب, وهو – ملاسي – بعيد كل البعد عن هذه الصفة, فالمهذب مهذب في كل مكان, الفرق بيني ومجموعة من يواصل ملاسي النيل منهم والتعدي عليهم والتشهير بهم وبينكم معشر المصروفون عن هذا الأذى أنكم لم تجربوا ما جربناه, بالتالي قولكم في شأن ملاسي لا يعنينا فهو لا ينطلق من أرضية مشتركة, ويظل بالنسبة لي ملاسي شخص مريض نفسيا وبحاجة لاستشارات نفسية مكثفة تقيه ومن حوله هذا الشر المستطير, ويقيني أن هذا الأمر - الاستشارة النفسية - ستضيف لأخواننا المستشفين في الييجاني الماحي شفاهم الله نزيلا.
كما وأود هنا الاشارة لنقطة هامة ومحورية بشأن التكتيك الذي يستخدمه ملاسي في ضرب خصومه, فهو ينال من كل من يجده أمامه ويترك بعض الذين يستخدمهم في حروبه ليحاربوا عنه بالوكالة, ومثال أولئك تجده واضحاً في بوست "أصدقاء الزمن الجميل" والملاحظ أن ملاسي يجد دعما ومحاربين بالوكالة, إضافة لعدد مهول من الذين يبغضون سلوك هذا الملاسي, لكنهم يتقون شره بالسكوت, وهو ما يجعل من يحارب ملاسي يعاني الأمرين في صد هجماته من جانب, وهجمات المحاربين بالوكالة عنه بدون أي دعم, وهو ما حدث لي غير مرة في هذا البورد.
مثال للذين دائما يحاربون بالوكالة عن ملاسي نجاة الصغيرة واساسي. لا أدري عن كمال سالم هذا, قد يكون يكون ممن تم تسجيلهم حديثاً في فترة تسجيلات الصيف.
المهم في هذا الجانب أني لا أعول كثيرا على اي دعم لوجستي في خلافاتي الكثيرة مع هذا الملاسي, وحتى الآن أنا راض كل الرضا عما يحدث, وسأضربه بقوة كلما تعدى علي، أقول ذلك وأنبه لنقطة هامة وهي أنه دائما من يبدأ هذه المماحكات وهذا المضيعة للزمن, ودونك الأرشيف يا بوب فهو الشاهد.
ختاماً يا بوب أرجو أن أنبه لنقطة هامة فاتت على الناس في بوست أصدقاء الزمن الجميل, وهي الطرق الملتوية التي تشمل الكذب والتضليل اللذان ينتهجهما ملاسي في إدارة خلافاته مع الآخرين, فقد حاول أن يضلل الرأي العام في البوست بوجود مسنجر أرسل مني له بأنه يحوي مضمون مغاير لما كان عليه, تلك النقطة الهامة التي تكشف سوء طوية هذا الرجل ضاعت في زحمت المداخللات ولم ينتبه لها أحد واردت أن أسلط الضوء عليها هنا, ولو تطلب الأمر يمكن أن أنقلها لكم بكل تفاصيلها.
نجاة الصغيرة حتجي ناطة بي ظمبليطتها... راقب بس
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
سلامات يا نادر تاين
يا نادر انا عارف انك تضررت من ملاسي وانت تدير معركتك معاه بناء علي رؤيتك وقناعتك - رغم رايي في الطريقه التي تدير بها المعركه- وده حقك ومافي زول جاء قال ليك تلت التلاته كم-باستثناء اساسي
المشكله يا نادر انك ما عايز تدي الناس الحق انهم يتعاملو مع ملاسي من موقف انهم ما اتضررو منهوفي ناس تانيه معجبه عديل بكتابات ملاسي وده حقهم-قد نختلف معاهم في التقييم- لكن ده اطلاقا ما بيدينا الحق انو نسلبهم الحق ده وما بيخلينا نستدعيهم لمجرد انهم اخلتفوا معانا فب تقييم كتابات ملاسي او شخصيه ملاسي هيمسلف الا اذا انحازو لملاسي جهارا نهارا في معركتو معاك
انا عمر ده يا نادر رايي في كتابات ملاسي عموما مش بس الموجه ليك انها في بعض الاحيان فيها كثبر من السخريهوالاستهزاء بالناس ويترك في كثبر منها الباب مفتوح لسوء الظن العريض
ولكن لمن لاقيت ملاسي وهي كانت ملاقه سريعه كان ودود للاخر. الحاجه دي ممكن علماء السبكولجي ينظرو فيها ما شاء لهم لكن ده تقيمي انا وممكن اقولو في اي مكان
انا شاعر انو انا قاعد اكرر في نفسي عشان اوضح ليك وجهه نظري والخلاصه يا نادر انا عايزك - عمليا وليس نظريا- تقييم انت بزوايه شوفك وتخلي الناس تقييم بزاويه شوفهم
انا بقول عمليا وليس نظريا لانو حقيقه انا شايفك في البوست ده وبوست الزمن الجميل عايز الناس كلهاتقييم ملاسي بزاوية شوفك انت
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: كمال سالم)
|
سلامات يا كمال سالم
ورمضان كريم
البوست ليس مدحا ولا زما في حسين ملاسي او كتابته يا كمال
البوست معني بالاشاده بمحمد الحاج الذي يحتفظ بعلاقه اسفيريه
جيده مع حسيم ملاسي رغم ان شقيقه نادر في عداء اسفيري بائن
مع حسين ملاسي وهذا الامر لا يحدث كثيرا في سودانيز اون لاين حيث
تسود حميه الاهل وحميه الاصدقاء وحميه الشله
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
بوب
شكرا لهذا البوست الجميل
لفت الانتباه الى نقطة القرابة ( الدم / الفهم)
Quote: الأمر الذي يجعل مسألة دخولي في صراع دخله هو وفق المعطيات أعلاه
لمجرد العلاقة الانسانية التي تربطنا أمر لا يتماشى لا مع قناعاته ولا مع قناعاتي، |
كلام جميل من رجل جميل ..
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: معتصم الطاهر)
|
سلامات عمر بوب والمتداخلين ورمضان كريم
Quote: نادر كأخ وصديق له قناعاته الفكرية والسياسية
وطريقته الخاصة لإدارة صراعاته السياسية والفكرية والشخصية كمان
لا أعتقد أنه يحتاج لنصرتي من بعيد أو قريب في معاركه وحروبه في البورد،
هو شخص له قناعات راسخة تتسق ومواقفه ويتسق حكمه على الأشخاص والمواقف معها
وهو قادر على ادارتها والتعامل معها بطبيعة الحال
الأمر الذي يجعل مسألة دخولي في صراع دخله هو وفق المعطيات أعلاه
لمجرد العلاقة الانسانية التي تربطنا أمر لا يتماشى لا مع قناعاته ولا مع قناعاتي،
ينسحب الأمر كذلك -بالضرورة- على أن ليس -بالضرورة- أن تتسق رؤيتي ورؤيته حول زيد أو عمر من الناس
وبالتالي يمكن أن تجد له "أعداء اسفيريين" دون أن يخلق ذلك منهم تلقائياً اعداءًاً بالنسبة لي
وبالطبع دون أن يفترض أي منا انني يجب أن اتخندق ضد أحدهم لمجرد أن له صراعاً مع أخ أو صديق.. |
برافووو يا محمد الحاج ... احترم منطقك
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: كمال سالم)
|
كمال سالم بذات منطقك :هل احتاج أن أستأذنك كي أعلق على ما تكتب هنا؟؟.
==============================
أها المشكلة يا بوب زي البوستات دي بتجيب الكائنات الغريبة زي حميدة ده, وتبدا تورطنا في متاهات خلافات مع ناس فاضية ووكتها هامل وبالها سلبة وكوم عداءات لا تنتهي, وفي النهاية مافي زول بيكلف نفسو يقرا ما تكتب ولا ما أكتب, سؤال بسيط هل قرأت أنت ما كتبته أنا في هذا البوست, إن كانت اجابتك بنعم لماذا لم تبدى وجهة نظرك حيال ما كتبته أنا بمثل ما احترمت أنا فتحك لهذا البوست وجئت وكتبت؟؟
موضوع البوست الذي أشرت إليه في مداخلة من مداخلاتك ضارب ساي, الناس دي كلها بتفتش الوجاهات والمنظرة هنا, وكلمات من نوع (رائع يا فلان) (فاهم يا علان مدهش يا فرتكان) ما قاله محمد الحاج وما قلته أنت يصح لو كان الخلاف خلاف فكري بحت, الخلاف بيني وبين ملاسي خلاف شخصي (ملاسي شنو كمان البيختلفو معاهو خلاف فكري) يعني ملاسي ده جا اتعدى علي وفي آخر مرة قال لي انت أصلا ما تستحق يحسبوك في التعداد السكاني, موضوعية شنو كمان في السكات والفلسفة البتقولوها دي؟ لكن كما اسلفت أنا في خلافي معاه ما محتاج لي زول يجي يكاتل معاي, بس برضو زي كمال سالم ده لما يجي يتخفف ما تقول لي يا نادر لو عرفت كمال سالم لن تقول ما قلت. وكمان الناس ما تجي تقيف وتدلي بدلوها وأول ما الموضوع يسخن أمشي أسك البوست أجيبو من الصفحة الرابعة كترت ما بيعملوا الناس نايمين منو.
لكن في النهاية يا ود الشيخ الورع بوب عليه شأبيب الرحمة والغفران (ده الفضل لينا فيك هاهاها) ده عالم افتراضي دلق افتراضيته على شخوصه فأضحو محض كائنات افتراضية, وبات من فرط هذه الافتراضية الممعنة أمثال هذا الملاسي يتطاول على وأنا ما لاقي لي فيهو فرقة في عالم حقيقي أسكتو بيها.
روحي محرقاني الليلة الجماعة سافروا الامارات قلت أفك حرتي فيكم في عالمكم الافتراضي ده.
وبرضو نواصل
(عدل بواسطة نادر on 08-27-2009, 06:58 PM)
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
عشان تعرف الفرق بيني وبين ظنكم عن هذا العالم الافتراضي يا بوب, نجيب مثال تاني من بوستك ده, ومدام الأخ حميدة ده شرفنا هنا نضرب ليك مثال بيهو
حميدة الافتراضي ده يا عمر بوب مرة قريت بوست زواجو هنا في البورد, والزول ده كان معانا في الشرقية وانضم لفترة قصيرة لبورداب الشرقية, لقيت رقم موبايلو في السودان, وعلى الرغم من انو مرات كتيرة دخل (بتشديد الخاء) نفسو معاي في صراعات بلا سبب يعني ساي كده يجي داخل ويشوت شمال فيني, قلت اتصل بيهو عليها تكون بادرة تمسح ذلك الصراع الخاوي, الزول ده قام دار الحوار التالي بيني وبينه:-
نادر : ألو
حميدة: ألو
نادر : مبروك يا حميدة ياخ معاك نادر من سودانيزأونلاين
حميدة: دقيقة يا نادر برجع اتصل بيك
قفلنا الخط ولي يومك سكتم بكتم, هسع الزول ده الكان بيمنعو شنو يقول لي الله يبارك فيك يا نادر وشكراً مع السلامة سوى ايمانه التام بافتراضية هذا النادر الي يجب أن لا يبارح هذه الافتراضية قيد انملة؟؟
المحصلة يا بوب أنا ما عايش العالم ده بافتراضيتو عشان كده بقيت في نظر الافتراضيين كائن طاعن في الواقعية يجب نسفه, يجب أن أقبل في عالمكم الافتراضي هذا ان يتمسخر ملاسي بي وأسكت أو أطاعنه بي تحت تحت عشان برضو ما أخلع قناع التهذيب الافتراضي وأصبح في نظر باقي الافتراضيين محض واقعي يأتي ألفاظ نابية وشتائم لا تليق بهذا العالم.
افتراضية العزابي ولا صومو
(عدل بواسطة نادر on 08-27-2009, 02:03 PM)
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
سؤال أخير يا بوب
ليه مافي زول أدان ملاسي أو على الأقل علق بخصوص التضليل والكذب الذي مارسه ضدي ملاسي بشأن المسنجر الذي أرسلته أنا له في زمن سابق على الرغم من أني استعرضت الأمر بكل وضوح في بوست أصدقاء الزمن الجميل وكذلك في بوستك هذا؟؟؟؟ وبالمقابل بقيت أنا بتاع الشتائم والقول الساقط .... ومن يكتب بباسويرد نادر!
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
سلامات يا نادر
اولا وقبل كل شي يا نادرانت عايز تقيس الاحترام البينا بي ردك لي او ردي ليك في سودانيز اون لاين
اذن تكون جنيت علي ذلك الاحترام
او اكون انا معطي الاحترام ده قدرا اكبر مما هو عليه حقيقة
يا نادر حقو تعرف انو ما كل الناس بتري بزاوية شوفك كل زول عندو زاوية شوفو
وده ما معناة انو نستعدي الناس لانو زاوية شوفهم بتختلف مننا الا اذا استعدونا
حسين ملاسي ده راي مكتوب واضح وصريح في كتاباتو وعندما التقيته وجدته مهذب وودود مش الامانه بتحتم علي اكتب الكلام ده زي ما كتبت راي في كتابتو
بعد كده يجي سيف بشير يطلعو عندو انفصام شخصيه او يجي زول تاني بتفسير نفساني اخر للظاهره دي دا بيقي موضوع تاني
وساعود
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
سلامات يا بوب
أولاً :أنا لم أمس الاحترام الذي بيننا من قريب أو بعيد، وتظل علاقتي بك وبكل - وكما تعلم - واحد من بين أميز ما أنجزت خلال السنوات الماضية، دي ختها بعيد كده وخلينا بعد داك نتكلم في كلامنا.
ثانياً : أنا لم أحجر عليك أن تقول رأيك في تهذيب ملاسي، وين في كلامي الفوق ده أنا قلت ليك كده ياعمر بوب؟؟؟ أنا أؤمن أن للجميع هنا الحق في قول ما يشاؤون وقت ما يشاؤون فيما يعتقدونه صاح، وفي ذات السياق والفهم أنا طلبت بمثل ذلك في حق الخلاف الذي بيني وبين هذا الملاسي قولوا أن ملاسي (مهذب لكنه تعدى على نادر تعدي شخصي ودائما يتمسخر بالناس) لأنكم عندما قلتم أنه مهذب قلتم ذلك على خلفية صراعي معه، مش ساي كده قولتو إنو مهذب، قولوا الحقيقة كاملة لأن نصفها يعطل النصف الآخر لوجهات النظر التي تحكم فيما يحدث بيني وبينه هنا، وما يحدث بيني وبين ملاسي يحدث هنا وليست في كافتريا النشاط أو المين رود أو شارع النيل.
ثالثاً:| Quote: حسين ملاسي ده راي مكتوب واضح وصريح في كتاباتو |
أنت يا عمر بوب جادي في كلامك ده؟؟؟!!! رأي شنو البيكتبو ملاسي؟؟!! بتسمي التهكم والسخرية بالناس في سطرين ملاسي ده رأي، ياتو يوم ملاسي ده ناقش مسألة فكرية أو مسألة وطنية أو دينية عشان تقول رأي؟؟؟ أرشيف ملاسي قدامك في مكتبتو بالله أمشي أخد ليك عينات وشوف بعينك الرأي البتتكلم عنو، آسف على الكلمة لكن أصح ما يمكن أن نطلقه على تلك المكتبة أنها (مكتبة سواطات ومسخرة في الخلايق وتهكم سمج).
هسع أنا لو في زول قال عنك : بوب ده زول عولاق ساي وما يستحق زاتو يعدوهو سوداني مع السودانيين في تهكم واضح وجلي، بجي بقول ده رأي وخلاص كده، راي شنو البيطعن في شخص زول ويتمسخر بيهو ده يا عمر بوب؟؟؟ كيف يستوي ذلك يا رجل؟
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
سلام يا نادر
نبدأ من الاخر
الكلام دا | Quote: حسين ملاسي ده راي مكتوب واضح وصريح في كتاباتو |
مكتوب بصوره خاطئه مني عشان كده خلاك تقراهو القرايه الخطأ الفي ردك
الكلام المقصود هناانو انارايي في كتابات حسين ملاسي وواضح وصريح وهو مكتوب في صدر هذا البوست وفي اماكن تانيه
تانيا| Quote: لأنكم عندما قلتم أنه مهذب قلتم ذلك على خلفية صراعي معه، مش ساي كده قولتو إنو مهذب، |
اها يا نادر اهي دي مشكلتك في العك الحاصل ده انو انت قايل الناس دي كلها بتقييم في حسين ملاسي من خلال صراعو معاك
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
| Quote: اها يا نادر اهي دي مشكلتك في العك الحاصل ده انو انت قايل الناس دي كلها بتقييم في حسين ملاسي من خلال صراعو معاك |
الكلام ده ما صاح، أنا ما قايل كده ولا حاجة، أنت مثلاً لما جيت فتحت البوست ده فتحتو عشان بتناول التهاتر الحاصل بيني أنا نادر وبين حسين ملاسي مش جيت كتبت بوست عنوانو (ملاسي أخلاقو حميدة ومهذب) وكتبته ما كتبت عن تهذيب ملاسي من عدمه، لأنو لو ده كان عنوان بوستك أنا ما كنت جيت فتحتو زاتو يا بوب، ما تنظروا ساي وتلفوا وتدوروا في مسألة واضحة زي الشمس في رابعة النهار.
كمال سالم ده لما عمل كليك وكتبت هتافو داك في بوست أصدقاء الزمن الجميل، كان في صراع شخصي مدور بيني وبين ملاسي ما كان بوست تقييمي لملاسي عشان يطلعو لينا المتنبئ.
وبعد ده كللللللو أي زول بي وجهة نظرو يا بوب يكتب ما يكتب بكامل الحرية، والماعاجبو يمشي يشوف مكان تاني يكتب فيهو، الناس لن تحجم عن كتابة ما تشاء في هذا الأسفير، دي حقيقة يجب أن نسلم بها جميعاً، بس أنا لم أطرح وجهة نظري فيما تكتبوا أنتم يجب أن لا تؤخذ على أنها رؤية من زاوية مختلفة أو حجر وجهة نظر كما بدى من تبريركما أنت وكمال سالم.
قبل فترة نزل بوست شكر لملاسي طويل وعريض فيهو كلام جنس ملاسي كتّاب وتحليل نقدي لما يسمى كتابات ملاسي، بي كلامك الفوق ده، كان أنا مشيت البوست داك منعت الناس تقول وجهة نظرها يا بوب، وده ما حصل.
إلى عودة
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: Omar Bob)
|
Quote: المتابع لهذا المنبر يعلم ان ما بين نادر عباس و حسين ملاسي ما صنعه وما لم يصنعه الحداد
فنادر لا يطيق حرفا مما يكتبه حسين وعتبر كل كا ياتي من كيبورد ملاسي ما هو الا افلاس مدقع*
|
الكود الفوق ده صدر بوستك، وأصلاً ما أقوله أنا لا ينفصل عما تزعم أنه موضوع البوست غير أنك كما يبدو لم تجد رد على صلب المحاور التي طرحتها وطفقت تنعتني بعدم فهم قصدك من البوست في مرة، وباعتقادي الخاطئ في فهم بعض النقاط وهكذا يبدو أن جل النقاش سيتداعى إلى التلاشي يا بوب.
أنا يا بوب فاهم وعارف موضوع بوستك كويس جداً، خلينا نركّز ورد لي على استفساراتي الفوق دي برواقة.
لو أريح ليك خليها لبعد الافطار بعد أن تبتل العروق وكده.
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
| Quote: الناس دي كلها بتفتش الوجاهات والمنظرة هنا |
| Quote: ده عالم افتراضي دلق افتراضيته على شخوصه فأضحو محض كائنات افتراضية |
| Quote: أنا ما عايش العالم ده بافتراضيتو عشان كده بقيت في نظر الافتراضيين كائن طاعن في الواقعية يجب نسفه |
سلام شباب ..
مداخلتي هذه يا عمر بعيداً عن موضوع بوستك والأسماء المزيّنة لعنوانه ، فمعذرة..
إلا أن وصف نادر لهذا العالم الافتراضي كان بليغاً وأعجبني ، فرغبت في توثيقه.
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: saif basheer)
|
Quote: أهلاً يا عمر بوب
واتمنى أن تكون والأسرة بخير
سيف بشير |
ازيك يا سيف بشير ورمضان كريم
ياخي انا والله في غاية الاسف انو اقحمت اسمك بالصوره دي
لكن نادر الغياظ دا حرق لي روحي مع الصيام ورفع لي كثافتي للاخر
____________________________
يا نادر مداخلتك الاخيره دي والانتا شلت الكوت الاول في مداخلتي هي ابلغ دليل لنك قاري البوست ده قرايه مبتسره جدا
يا سيدي انا موضوعي هنا انو رغم الخلاف الحاد بينك وبين ملاسي (غض النظر عن راييي في ملاسي او في طبيعه الخلاف) الا ان هذا الخلاف لم يؤثر في علاقه الاستظراف الواضحه بين محمد الحاج وملاسي ودي انا شايفها محمده كبيره لمحمد فيما نراه سائد في هذا البورد من استقطابات
وبرجع لمحاورك يابو محاور انتا
| |
|
|
|
|
|
|
|
|
|
Re: نادر......... حسين ملاسي ........محمد الحاج (Re: نادر)
|
Quote: نادر : ألو
حميدة: ألو
نادر : مبروك يا حميدة ياخ معاك نادر من سودانيزأونلاين
حميدة: دقيقة يا نادر برجع اتصل بيك
قفلنا الخط ولي يومك سكتم بكتم, هسع الزول ده الكان بيمنعو شنو يقول لي الله يبارك فيك يا نادر وشكراً مع السلامة سوى ايمانه التام بافتراضية هذا النادر الي يجب أن لا يبارح هذه الافتراضية قيد انملة؟؟ |
يا نادر انا رايي انو الكلام ده ينم عن قله زوق ما لم يكن لحميده سبب قوي يبرر هذا التصرف
| |
|
|
|
|
|
|
| |
Omar Bob
عبدالكريم الامين احمد
محمد عبد الماجد الصايم
عمر الفاروق
Mohammed Elhaj
كمال سالم
الطيب العامرى
Muna Khugali
محمد الجزولي
معتصم الطاهر
ريهان الريح الشاذلي
humida
فيس بوك
تويتر
انستقرام
يوتيوب
بنتيريست