|
Re: بوادر انشقاق فى حزب لام اكوز (Re: دوت مجاك)
|
يا دوت يا ود عمي تصدق انا زعلان منك... معقول يا دوت تضيع زمنك في كلام زي دا؟ هو كان لازم توري الناس إنك مهتم بالناس ديل؟ يا اخوي الإعلان اللي عملو لام كان احسن حاجة عملها لأنو براهو كشف نفسو داير شنو وبعد مدة ح يظهر هو شنو زي ما حصل قبال كدا في بداية التسعينات _____ كيفك يا بطل والمشروع ماشي كيف؟إن شاء الله السنة الجاية القى اسمنت ما بكلفني مسافة بعيدة من توور اللي؟ مع تحياتي قير تور
| |
|
|
|
|
|
|
Re: بوادر انشقاق فى حزب لام اكوز (Re: GeerTor Tong)
|
استاذ قير رمضان كريم وتصوم وتفطر على خير والله مشتاقين قوى
Quote: تصدق انا زعلان منك... معقول يا دوت تضيع زمنك في كلام زي دا؟ هو كان لازم توري الناس إنك مهتم بالناس ديل؟ يا اخوي الإعلان اللي عملو لام كان احسن حاجة عملها لأنو براهو كشف نفسو داير شنو وبعد مدة ح يظهر هو شنو زي ما حصل قبال كدا في بداية التسعينات |
والله ما بنتحمل زعلك وانا ما مهتم بالناس دى لكن هى رسالة للبعض الذين ارادو ان يعملوا من لام اكوز شخص يستطيع التاثير فى سياسة الجنوب على حساب الغير نحترمه فى شخص ونحترم ارائه اذا كانت منه شخصيا ولكن لا نحترم اى عميل مهما كان
المهم انا بمشي بتابع سير خطوات الانشقاق وبرجع تانى
باذن الله فى العام القادم سوف تشترى الاسمنت فى تورالى وفى كل ولايات الجنوب بسعر اقل من سعر الاسمنت فى الخرطوم والمشروع قطعنا فيه شوط كبير وقبل رمضان زارنا الشركة الالمانية وتسلمنا بواليص الشصحن امس
| |
|
|
|
|
|
|
Re: بوادر انشقاق فى حزب لام اكوز (Re: Zakaria Joseph)
|
ياكمرد دوت كدي خليني ما ناس لام اكول الاسمنت بتاع تورلي دا ممكن نشحنه للخرطوم بسعر كويس ؟
انت عارف انا زرت تورلي ايام الحرب سنة الفين واتنين وزرت ملوال كون واكون ورمبيك وعندي فيها دكريات جميلة جدا واصدقاء .
فبالله عليك الله شوف لي موضوع الاسمنت دا وطبعا بسعر خاص لزول كمرد قديم .
ويا قير تور انت صديق ود خالتى الجيلاني خليل وانا صديق اولاد اهلك الكبار دكتور مدينق دينق والمرحوم ملايا الور ودكتور منجوير اروب ومولانا كوال بتاع اسمرا.
تحياتي لكم ولهم .
| |
|
|
|
|
|
|
Re: بوادر انشقاق فى حزب لام اكوز (Re: salah elamin)
|
دى الخوه النحنا دايرنها وربنا يديما، لك التحيا يا دوت مجاك ومن ديك وعيك يا صاحبى ولا شنو
والله يا جماعة الاخوة الجنوبيين ديل فيهم نا س طيبين شديد وفيهم ناس حنينين شديد
ربنا يخلى لينا السودان
| |
|
|
|
|
|
|
Re: بوادر انشقاق فى حزب لام اكوز (Re: salah elamin)
|
Quote: ياكمرد دوت كدي خليني ما ناس لام اكول الاسمنت بتاع تورلي دا ممكن نشحنه للخرطوم بسعر كويس ؟
انت عارف انا زرت تورلي ايام الحرب سنة الفين واتنين وزرت ملوال كون واكون ورمبيك وعندي فيها دكريات جميلة جدا واصدقاء .
فبالله عليك الله شوف لي موضوع الاسمنت دا وطبعا بسعر خاص لزول كمرد قديم . . |
كمريد صلاح المليح كيفك يا بنج وكيف كل الرفاق فى قاهرة المعز
طبعا انت زول حبيبنا وبنج قدامنا وقطعا عندك سعر كويس وكمان معفى من الضرائب
بس تصحيح المصنع اساسا فى مدينة واو والانتاج الفعلى حيبدا اعتبارا من يوم 15/7/2010م وهو مصنع اسمنت عالى الجودة حسب المواصفات العالمية بورتلاند 42.5 ولان الضرائب بسيطة فى الجنوب وليس هناك جبايات وقلع قروش ساى السعر حيكون اقل فى الخرطوم من اى سعر اسمنت اخر وفى الجنوب حيكون اقل بكتير من سعر الشمال اذ ان سعر طن الاسمنت حاليا فى الجنوب 900 جنيه واحيانا 1000 جنيه وفى الخرطوم بين 450 الى 500 جنيه فانظر للفرق
| |
|
|
|
|
|
|
Re: بوادر انشقاق فى حزب لام اكوز (Re: دوت مجاك)
|
نرجع للانشقاق
انشقاق الحزب المصنوع من ورق انشقاق بدا قبل ثلاثة ايام من عقد المؤتمر العام
وتهديدات من هنا وهناك
فى اليوم الاول لمولد الطفل
قلنا انه الولادة متعثرة وحياة الطفل مهدد لانه طفل غير مكتمل النمو
لم ياخذ وقته
واليوم قبل انتهاء الجلسة الاجرائية للمؤتمر العام
تهاوى
| |
|
|
|
|
|
|
Re: بوادر انشقاق فى حزب لام اكوز (Re: دوت مجاك)
|
يا كمرد دوت مجاك انا ما صلاح المليح انا صلاح الامين
اظن لاقيتك يوم في مكتب كوماندور بازرعة . المهم يا زول انا داير الاسمنت بتاعي وفي الخرطوم اوعي تزوغ انا جاي السودان شهر اتناشر .
وتورلي واييييييييي.
| |
|
|
|
|
|
|
|