|
|
 مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده
|
وين سميري
غلبوك وآ شريري
النجمات حلاته
ديل ماخدات تلاته
بي شهادة وفاتا
لا حسد لا شماته
***
يابت يا عشوشة
دفاع النجمة كوشة
وشوتات زيسكو خادعة
أكرم مابحوشه
وييين سميري
غلبوك وآآ شريري
***
الممتاز كتلني
سيكافا طار مني
في الابطال خزلني
مريخنا جنني
ويين سميري
غلبوك وآ شريري
***
قبل ترِِك تطيري
ويبقي الكاس لي غيري
ما هماك عزابي
وما راعيت ضميري
وين سميري
غلبوك وآ شريري
***
تحكيم لو ظلمنا
ورمينا اللوم ونمنا
وفي أنهارو عُمنا
يبقي سجم خشمنا
وين سميري
غلبوك وآ شريري
***
يانجمة في سماكي
مالك ومال تحاكي
كونفدرالي توبك
ديل ما مستواكي
وين سميري
غلبوك وآآ شريري
***
يا النجمة الصغيرة
يا الحلوة وأميرة
مالك ومال كبارك
ما تخليك عويرة
وين سميري
غلبوك وآآ شريري
***
مريخ يا مُجلي
يا اللعبك مسلي
زيد إبداع وواصل
في الدوري المحلي
وين سميري
غلبوك وآآ شريري
|
|
 
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: Dr.Elsadig Abdalla)
|
د. الصادق
كدي خليك من البطيخاب دي
والله صوتك في التلفون جميل جدا
وانا من هسه بقول لي حسن خليفة صاحبي ده
اليوم كسبنا لينا صوت ( من نجوم الامس)
والصادق ده كلها كم يوم وبيكون في السودان
اها نرسل ليهو الاغنية دي ملحنة كاملة بتراكات الموسيقى
بس هو يدخل الاستوديو هناك يركب الصوت
وبعدين بنرسلها للعزيز الموصلي في امريكا
يعمل ليها توزيع
وندخل بيها السوق في العيد
وانا غايتو بعرف ناس هارموني ممكن نعملها فيديو كليب
ونجيب شريط المباراة الاصلي ونعمل مونتاج
بس اهم حاجة يظهرو مشهدين
مشهد اكرم رفسة وهو منبطح وبيرفس
والتاني البونيات والشكلات والضرب الكان شغال في الخلفية بين الجمهور فيما بعضه
غايتو طارق الامين كما لحق لينا الشغل ده عن طريق الهيلاهوب في رمضان
اكيد بيكون قصر معانا شديد
| |
|
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: Dr.Elsadig Abdalla)
|
هاكم الشعر الماخمج منقول من منتديات سنجه
قصيدة قلعة المريخ الشماء
د. مصطفى مزمل أبوالريش
كيفن عاد بخافوا عليك يا مريخنا بالله و إنت الدود تسد القيف علي الواردين؟
حَمار عينيك مرعب منه يا ستار! شراره نجوم و شهب ترجم معاقل العادين
متين هنت يا المريخ تشمت في أعادينا و توزع في الكرامات زي رضى الوالدين؟
حلفنا يمين و اسمع كيف يمين بتحق نرجع كل مواقعنا و نسبق الفاتوا و الجايين
تكون نبراس يضوي حماره يهدي الضال مكانه قمما عالية ما بصلوها ناس خاملين
يمين أولادك أسود الغاب و صقور الجو نجوم مريخنا سنداله و ما هنت عليهم حين
قدر بس صاب وحياتك دي كانت عين و عتره تصلح مسيرة المشوار لى القادرين
و كان يومها القدر لي ديارنا بالمرصاد و كان الموت مكشر وشه كايس لي الميتين
رفرف بي جنحاته فوق رؤوس التيم و من بينهم شال زينة النوار و رجال سمحين
و رغم فداحة المأساة و وضاعة الحال و من وسط الدموع و الحزن الشديد و مهين
جات الرحمة لى ديارنا و جونا رجال يهزوا و يرزوا ما بياكلوا الخبوب و الطين
شباب في صفحة التاريخ و بمداد نور سطروا الأمجاد بى براعه نثروهم شمال و يمين
جمال الوالي و أخوانه الشموخ بالذات يخضر ربي ضرعاتهم و يزيدهم قولوا بس آمين
بقوا غنوة للمريخ و بشارة جمال الفال و كانوا رجال و أسود فوق الأسود زايدين
شمروا للسواعد و ما خافوا ولا عافوا برزت صدورهم الشابة و دقوها بالإيدين
بنوك يا عظمة الإستاد بى دقة في يومين كمان لي بناية تيماً جديد و رهيب عازمين
عملوا النفرة للمريخي الكريم و جواد اتجلت عظمة المريخ و رجاله البيملوا العين
كبَّ مطر الجود انهمر والله و بسم الله و ظهر في سمانا أملا كان شحيح و ضنين
المريخاب البخوضوا الحاره و ضاقوا المرة نسوا الأحزان و الأضغان اتصافوا متسامحين
بى روعة فوارس تراهم بانوا و اتجلوا بهلوا الشي الكتير و شالوا الشيلة متسابقين
شعارهم فداك جميعنا يا مريخ. نحقق لي هدف ميمون حلمنابه و رجيناه سنين و سنين
حنبني النادي و توابعه و نكمل الإستاد و نخليك والله مريخا رفيعا يذهل الشامتين
رجليك في ساس الوطن راسيه و فوق السحاب هامتك يشع نوره و يضوي جبين
تقع أقزام تتطاول تحاول بس تأشر ليك يطولوك كيف حلم جيعان و قول جاهلين
أظنه خلاص الخرف صابهم و نساهم و يمين الحق شماتك قريب يوم حسابهم شين
أهلنا زمان ما قالوا العرجه لي مراحه نجومك في صفار الموت و تيمك للكبار تنين
يكون البأس و يوم الحاره سيف و نحاس يدق يهوس و يشق صفوف العدى الخايرين
يدوي و يصم صوته سمع الرعد ذاته و يدخل الخوف لي قلوب الصخور راجفين
| |
|
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: جمال السنوسي)
|
والله دي فكرة جميلة وذي الورد ، وطالما الدكتور مسافر للسودان ، لازم نرسلها ليهو بالتراكات
بتاعتها مظبطة ولحن ح يكون رهيب ما يخرش المية( بالرغم من إنه اللحن بتاعها جاهز من أستاذنا
الجاغريو عليه رحمة الله ، شفت كيف؟ بس يا دكتور إنت ركب الصوت بتاعك عليها ونحن جاهزين نعملها
فيديو كليب ، ونعمل ليها مونتاج رهيب. مثلا... أنا بقول مثلا يعني ... نجيب جمال الوالي ريقو ناشف
وصاري وشو شديد وتاني نجيب ليك الجري بتاع العجب من فليق الحجارة والباقي طبعا جمال شرحوا ليك
أما باقي التوزيع الموسيقي بنخليهو لي أستاذنا الموسيقار الموصلي عشان يوزع الأغنية كويس ذي
توزيعات زيسكو....الرقصكم ديسكو .... موافق يا دكتور؟
| |
|
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: Dr.Elsadig Abdalla)
|
دم لي الركب يا دكتور إلا مع ناس موسى الزومة وأكرم دي ممكن لأنهم شماسة وليس لهم علاقة بكرة القدم.
بالنسبة للمباراتين البرة قول خسرناهم .... بس ح نلاقيكم في المقبرة .... بس عاد يمرقكم الله داك من
الدفن وإن شاء الله تكون حاضرها هناك عشان تستمتع مع هيثم ومهند ... أما مع أمبيلي وسادومبا مش ح
تقدر تغمض عينيك .... قال دم للركب قال ... قول كلام غير ده يا دكتور.
بجيني إحساس كده إنو إنت أصلا هلالابي ... بس دي زعلة هي اللي خلتك تبعد ... وأكيد ح تعود كما عاد
كثير من المريخاب ليلة القبض على أكرم.
| |
|
|
|
|
|
|
|
|
 Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: حسن إبراهيم خليفة)
|
والله يا خليفه ...كان جاتنا مصيبه بتجينا من هذا الأمبيلي ....أما الباقي ..كرور ساكت وبنقدر عليهم ...
بعدين بمناسبة كنت هلالابي دي طبعا ما وارده ...أحكي ليك قصه....أنت عارف لمن وصل ابطال المريخ الأشاوس لمطار الخرطوم حاملين كاس سيكافا في نهاية الثمانينات(طبعا دي واحده من بطولات الزعيم الخارجيه الأنتو رصيدكم فيها صفر )...كنت ضمن جموع المستقبلين في المطار وبدون ما أشعر لقيت نفسي ماشي مع الجموع من المطار حتي القلعه الحمراء كداري ....تقول لي هلال ..هلال مين يا عم ..
ليكم يوم ..
| |
|
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: Dr.Elsadig Abdalla)
|
Quote: يا جمال يا صفيرابي يا وهم عاوزنا نعلمكم كوره وكمان عربي أمشي اقرا كتاب المحيط الجامع للغة الضاد صفحة 63 الفقره 3 السطر 4 ممكن تعرف ألمطلوب(شفته العلم ده كيف ؟)...
وبعدين بمناسبة السبعات دي أنت الظاهر عليك عندك شيخوخه مبكره ..وعشان أذكرك أهديك الصوره دي
|
برافو عليك يادكتور .. الجماعه شردوا من السبعات
المرصوصة زى سبعات ( الكلونيا) .. والله العظيم خجلت
شديد .. وأظن جمال ليه ألف حق لمن تخطى حكاية
السبعات .. أظنه أستحى أو خجل وكلاهما بمعنى واحد
وعاش المريخ .. مريخ البطولات والقوه التى لاتقهر ..
تاج السر
| |
|
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: Dr.Elsadig Abdalla)
|
مرحبا بالإعلامي المحنك تاج السر حامد
اليومين دي شايفك مروق قالوا سفرت الأولاد.
يوصلوا بالسلامة إن شاء الله.
أما بخصوص الزيارة للدكتور الصادق فهي واجبة والله ، لأنه انا محتاج لي زيارته خاصة لو كان بيداوي
القلوب لأنه اليومين دي أنا فرحان شديد للهلال الذي أصبح قريبا من التأهل وفرحان لي زعل المريخاب
اللي كرهونا المنبر طيلة الشهرو الماضية بي فريق الأحلام ...عشان كده من شده الفرح القلب بدأ يتعب
محتاج طبيب أحمر . بالمناسبة ماهي آخر أخبار حووصة الختير.
د. الصادق صباح الخير ... إن شاء الله تكون جاهز للحن الجديد وتركيب الصوت؟
| |
|
|
|
|
|
|
|
|
|
Re: مهداة (لجمال السنوسي وهلالاب المنبر) النجمات حلاتة الماخدات تلاتة - نظام تلحنها وكده (Re: ادم شحوتاي)
|
نحنا صامدين رغم المحن ....وقاعدين ليكم هنا ده ...بس لمن تدور الدايره عليكم ..وطبعا دي مسألة زمن ...وقريب جدا في أول كوره خارجيه ...أتمني أن تركزوا و ماتكبوا الزوغه....
بعدين يا جمال ...كاس شنو الأنت جاي تقول عليه ؟؟عليك الله أنت جادي في كلامك ده ؟...
انتو ما حا تجيبوا كاس من الخارج الى يوم القيامه ...
بعدين أنت حالتك بقت متاخره ..يا جمال ...بعد الهضربه ..بقت هلوسه ..وهذه لعمري هو بداية الجنون ...ألحق نفسك ....
| |
|
|
|
|
|
|
| |
جمال السنوسي
Dr.Elsadig Abdalla
فايزودالقاضي
تاج السر محمد حامد
ادم شحوتاي
فيس بوك
تويتر
انستقرام
يوتيوب
بنتيريست