|
زوجة بمواصفات خاصة جدا
|
اذا في واحد لقى المواصفات دي يعمل لي بس مس كول
ملساء القدمين ردماء الكعبين ناعمةالساقين ضخماء الركبتين لفاء الفخذين ضخمة الذراعين رخصة الكفين ناهدة الثديين حمراءالخدين كحلاء العينين زجاء الحاجبين لمياء الشفتين بلجاء الجبين شماء العرنين شنباءالثغر محلولكة الشعر غيداء العنق مكسرة البطن قال الشاعر
" هيفاء فيها إذا استقبلتها صلف ... عيطاء غامضة الكعبين معطار " خود من الخفرات البيض لم يرها ... بساحة الدار لا بعل ولا جار " وقال الأعشى " لم تمش ميلا ولم تركب على جمل ... ولم تر الشمس دونها الكلل
زاتوووو
|
|
|
|
|
|
|
|
Re: زوجة بمواصفات خاصة جدا (Re: العوض المسلمي)
|
حبيبنا العوض
الشغلانة ما محتاجة معجم انت لو لاقيتها كل المعاني ح تبين معناها
ولو شكيت في كلمة اسالها قول ليها انت بلجاء لو طلعت رباطابية ح تقول ليك انا بالعين كاااك
خلاص اول واحدة ليك والتانية لي اخونا
تحياتي
زاتوووو
| |
|
|
|
|
|
|
Re: زوجة بمواصفات خاصة جدا (Re: james)
|
ياجيمس ياحبيبنا الزمان
ان شاء الله الغيبة تكون لي خير
اخونا قال ليك قبل مايضحي بيها عاوز يخم بيها الرماد كان حماد ويفطر بيها وبعد داك لو فضل حاجة للضحية ح يضحي ويديك الجلد والراس كاااااااك
شوقنا بحر ياجيمس
زاتوووو
| |
|
|
|
|
|
|
Re: زوجة بمواصفات خاصة جدا (Re: عمار محمد ادم)
|
حبيبنا عمار او ايمن كنه
يعني نقنع انو المواصفات دي ماموجودة في البني ادمين
بتخيل لي موجودة في خالص العرب وخالص الفرس
لكن ناس تيوتا وسامسونج ديل عيونهم صغار وماعندهم رقبة ننتظر الموديلات الجاية ولا شنو
تحياتي
يا ايمن كنه
زاتوووو
| |
|
|
|
|
|
|
Re: زوجة بمواصفات خاصة جدا (Re: ALZOLZATOO)
|
حبيبنا الزول زاتو ..سلامات ..
Quote: لا يكمل حسن المرأة حتى يعظم ثديها فتدفي الضجيع وتروي الرضيع. |
شكلي حاأخر تسليمها ليك بدل سنة تبقي سنة ونص لزوم كلام الحجاج ده ماكان عندي بيه خبر ...
| |
|
|
|
|
|
|
Re: زوجة بمواصفات خاصة جدا (Re: مزمل خيرى)
|
حبيبنا مزمل خيري
مافي مشكلة حدود نصلها في موريتانا ذاته ومن هسع انا متبرع ليهو بالشيلة والفنانة معلومة الموريتانية بس ح يمشي يعمل تعديلات في البيت شوية من تعريض الابواب وماشابه ذلك كااااك
تحياتي
زاتوووو
| |
|
|
|
|
|
|
Re: زوجة بمواصفات خاصة جدا (Re: منال)
|
اختنا منال
انا ماجيت متاخر ده اخوي جاء متاخر بالمناسبة عجبو زوقي وقال لي شنو ماتشوف لينا حاجة نضيفة قلت ليهو ح نطلع ليك واحدة من بيت الكلاوي بس خلي الناس تفهم المواصفات وتبدا تفتش كاااك
قالوا من يضحك اخيرا يضحك كثيرا
بعدين الظاهر في الصورة محلولكة الشعر وغيدا العنق يمكن الباقي مطرشق كااااااااااك
تحياتي
زاتوووو
| |
|
|
|
|
|
|
Re: زوجة بمواصفات خاصة جدا (Re: حافظ حسن ابراهيم)
|
زاتو الظاهر عليك انت الايامات دى فى السودان و الله المعاك فى السودان عملنا ليك كول قبل البوست دا و انت ما رديت هسع حاتكون بقت مس كول المهم رجعنا المنبر تانى و غيرنا اسمنا بس ما فى سمايه لكن كان بتجو حانعمله ليكم
ابو احمد
| |
|
|
|
|
|
|
Re: زوجة بمواصفات خاصة جدا (Re: عبدالرازق الطيب يس)
|
حبيبنا ابو احمد في ثوبه الجديد
لا والله مامشيت السودان الاجازة دي مشيت هنا قريب
جاني كم اتصال كده من بره والارقام ماظاهره ومابرد علي رقم مابعرفو
لانو في واحده متلحاني عشان اديها رقم الكريدت كارد قالت تقديم للوتري كاااك
رسل لي رسالة بي رقمك هناك وانا بضرب ليك
تحياتي للاولاد والسماية خليها لمن نجيك بس ماتقول لينا وزعناها
زاتوووو
| |
|
|
|
|
|
|
Re: زوجة بمواصفات خاصة جدا (Re: حافظ حسن ابراهيم)
|
حبيبناحافظ التوم
ياخي انا لو لقيت المواصفات دي انا وهي ح ندخل الجنة
لانو لو اعطيت مثلها شكرت ولو اعطيت مثلي صبرت والشاكر والصابر في الجنة ان شاء الله
بعدين افرض مثلا يعني انو سمعت كلامك ده ومشيت استشهدت وبعد ما اتلحست قالوا يا اخوانا ديل ماشهداء
اها نكون طلعنا من المولد بدون حمبص
تحياتي ياوريف
زاتوووو
| |
|
|
|
|
|
|
Re: زوجة بمواصفات خاصة جدا (Re: ALZOLZATOO)
|
الزول زاتو ...
لقيت ليك الموصفات السابقه .. لكن ...
سطحيه الفكر , صعبه المعشر , صعبه الطباع , عديمه الشعور , ان احسنت اليها ركبتك حمارا (انت اكرم قدرا) , وان اسئت اليها
جرستك ومرمطت بكرامه حلتك الارض (سلامه حلتك يعني ) , اذا طلبت منها الطعام سممتك , وان توددت اليها اهانتك ,,
ان جلست اليها مليت صحبتها , وان خرجت في صحبتها كرهك الناس من المعاينه فيها ...
ان وجدتك مع اصاحبك سفهتك امامهم , وان اتيت بامك (الوالده الله يديها العافيه) لم تنستر معها ,,
تبقي هدوك وسخانه , وشرابتك كل فرده من بلد , حتى يضحك الناس منك في الشغل ويحسدوا انفسهم على النعمه اللي هم فيها ..
اذا تنفع معاك اضرب لي في زيرو صفرين تلاته اصفار زيرو ...
رقد بعافيه ايها الجميل دوما ... ا
| |
|
|
|
|
|
|
Re: زوجة بمواصفات خاصة جدا (Re: داليا الكباشى)
|
اختنا داليا الكباشي زيدي المواصفات دي عندك طيب قضاعية الكعبين كندية الحشا ... خزاعية الأطراف طائية الفم " لها حكم لقمان وصورة يوسف ... ومنطق داود وعفة مريم " وقالوا الوجه الحسن أحمر " وقد تضرب فيه الصفرة مع طول المكث في الكن والتضمخ بالطيب وقالوا أن الوجه الرقيق البشرة الصافي الأديم إذا خجل يحمر وإذا فرق يصفر ومنه قولهم ديباج الوجه يريدون تلونه يعني بالعربي كده الواحد لو مالقى المواصفات ممكن يعرس واحده مريخابية
بعدين المراة النكد مواصفاتها معروفة نعوذ بالله منها
قيل لأعرابي كان ذا تجربة للنساء صف لنا شر النساء فقال شرهن النحيفة الجسم القليلة اللحم المحياض الممراض المصفرة الميشومة العسرة المبشومة السلطة البطرة النفرة السريعة الوثبة كأنها لسان حربة تضحك من غير عجب وتبكي من غير سبب وتدعو على زوجها بالحرب أنف في السماء وإست في الماء عرقوبها حديد منتفخة الوريد كلامها وعيد وصوتها شديد وتدفن الحسنات وتفشي السيآت تعين الزمان على بعلها ولا تعين بعلها على الزمان ليس في قلبها عليه رأفة ولا عليها منه مخافة إن دخل خرجت وإن خرج دخلت وإن ضحك بكت وإن بكى ضحكت كثيرة الدعاء قليلة الإرعاء تأكل لما وتوسع ذما ضيقة الباع مهتوكة القناع صبيها مهزول وبيتها مزبول إذا حدثت تشير بالإصبع وتبكي في المجامع بادية من حجابها نباحة عند بابها تبكي وهي ظالمة وتشهد وهي غائبة دلى لسانها بالزور وسال دمعها بالفجور ابتلاها الله بالويل والثبور وعظائم الأمور ويقال إ ن المرأة إذا كانت مبغضة لزوجها فإن علامة ذلك أن تكون عند قربها منه مرتدة الطرف عنه كأنها تنظر إلى إنسان غيره من ورائه وإن كانت محبة له لا تقلع عن النظر إليه قال بعضهم " لقد كنت محتاجا إلى موت زوجتي ... ولكن قرين السوء يلقى معمر " فيا ليتها صارت إلى القبر عاجلا ... وعذبها فيه نكير ومنكر "
شاكرين مرورك الجميل
زاتوووو
| |
|
|
|
|
|
|
|