|
Re: رُدت إليه بضاعته فنطط و هدد و توعّد بالمسنجر - ولد دا (Re: علاء الدين يوسف علي محمد)
|
دي ما ياها سخافتنا (أقصد ثقافتنا)!!!!؟ أبيتة مالك!!!؟ ما ياهو كلامك!!!!؟ هسي فرقك من ناس النظام العام شنو!!!؟ لو أخفقوا فقد أخفقت ولو أحسنوا فقد أحسنت و بما إنّك ما عجبك الكلام دة يبقى ما عجبم يبقى هو كلام و السلام ولا شنو!!!؟ لا تنه عن فِعلٍ و تأتي مثله عارٌ عليك ذا فعلت شنو يا فردة!!!!؟ عليك الله كان ما تميتة الواحد يجي يعمل ليك فيها مناضل وهو قاعد أُم فكُّو ساي و يعمل ليك فيها ضد الدكتاتورية وهو قاِعد في نُصّها عيب الواحد يكون مُدّعي و فاقد الشيء لا يعطيه و نحن هنا قاعدين شان نشوف صاحب الشيء ذاااااااااااتة و المُدّعين فأما صاحب الشيء ذاتة فلن يجد منا غير الإحترام لرأيه و الإختلاف بما يبقي حبل الود موصولا أما المُدّعين فديل ما ليهم مننا إلا نفس أسلِحتهم تُرد إليه و بسهولة نرفع ورقة الخروع عن السوءة
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: Faisal Elrasheed)
|
يا سعادتك ديل ناس أسمع جعجعة ولا أرى طحينا ياخي هو التهديد لزومو شنو و الزول معروف و ممكن تلقاهو بسهووووووووووووولة أقلّاها كل جلسات البورداب أو معظمها تشهد الداير يجي هناك و الما عايز يظهر بمظهر غير حضاري قدام البورداب مع إنو حقيقتو غير حضارية ينتظر لحدي ما اللمّة تخلص و يجي ينتحي بي جانباً و يعمل معاي حركات الإم بي سي آكشن في باركنق السيارات الفي البدروم و بما إنو اللمة بتكون في سهلة و حوش ممكن يخلوني أطلع بعربيتي و يتابعوني و يعملوا معاي حركات آكشن و يوقِّفوا عربيتي و يقتادوني لمكان قصي و يقطِّعوني حِتت و يرموا الراس جنب خور جبرة و إيد في الحاج يوسف و التانية في ود دفيعة و الرجلين واحدة في بحري و التانية في أمدرمان بس عليكم الله الكمونية إستوصوا بها خيرا
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: أحمد أمين)
|
شنو يا أحمد أمين ياخ إنت زعلان مالك و مفوِّر دمّك ياخي أنا عملت شنو غلط إنت بتدافع عن ثقافة مُعيّنة في أول إختبار تسقط يا فردة معقولة بس ياخ أول ما نستخدم معاك الثقافة البتدافع عنّها تقوم تنطِّط و تهدِّد و تتوعد معقولة بس لكن!!!؟ بعدين جبان دي ما تقولة إنت لأنو أجبن من طريقتك دي الله ما خلق ولا شفنا عندك رجالة تعال لي في أقرب لمّة بورداب تلقاني وِش أها قولك شنو!!!؟
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: علاء الدين يوسف علي محمد)
|
طبعاً يا أحمد أمين المناضِل ضد كل النُظُم و القوانين لأي جهة نظامية تتبع للنظام أنا مخصوص ختيت مسنجرك بكل ما فيهو حتى رقم التلفون و كان ممكن أمسحو أو أغطّيهو لكن خليتو عارِف ليه!!!!؟ لأنو حتجيك تلفونات كتييييييييييييييييييرة من ناس كتااااااااااااااااااار من عينتك دي مغبونين و عايزين يفضفِضوا شوية فقلتة نخلِّيك طاقة فضفضة لأشباهك تسامروا و فكِّروا في كيفية دق آخر مسامير النعش عميانكم يشيل مكسّركم و هاك يا تبرُّعات شيء رقم تلفون وشيء وصف بيت وشيء وصف مكان عمل حاجات ما جديدة عليكم خياطة في الضلام لكن الخياطة في الضلام دايماً بتطلع مقدّدة و تجدوننا دوماً في الإنتظار
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: علاء الدين يوسف علي محمد)
|
كان كدة يا عُمدة ألاقيك في حوش بكري بتعرفو ولّ أوصِّف ليك ساااااااااااااهل و ما بتروح
يا حبيب أنا السودان ده ما بعرف فيهو غير حينا ( امتداد الدرجة الثالثة ) بس ... يعني لو مشيت سوق الخرطوم إلا يجيبوني بالدفاع المدني ..... ياخي ما تسمع كلام الزول الرشاشة ده .. ده زول حااااقد ساكت .. أأأأأي أخوك حجم عائلي وكده بس ما لدرجة أخونا الريس القادم ود الصائم ده ... يعني ممكن أجي البيت عاااادي وكده ( وش ميت من الضحك ) ياخي الوشوش دي ما شغالا معاااي خاااالص ....
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: علاء الدين يوسف علي محمد)
|
وحيث أن الزميل أحمد أمين لم ينف هذا الاتهام .. فهو إذن مقر بهذا المسلك الغريب ..
إذا لم نستطع ممارس الديموقراطية والقبول بالرأي الآخر حتى في هذا المنبر فلماذا نطالب بها على أرض الواقع؟؟!!!
كامل التضامن مع الأخ علاء الدين يوسف ..
يا جماعة المنبر وعقلائه .. أرجو التضامن مع علاء الدين والوقوف وجه هذه التعديات والتهديدات ..
وللعلم أي مكروه يصيب الأخ علاء الدين فهو مسئولية الزميل أحمد أمين ..
أي حادث، أي إصابة، أي مضايقات في العمل وغيره ..
Quote: و بسهولة نرفع ورقة الخروع عن السوءة |
يا زول ورقة خروع شنو!! دي سوءة كبيرة .. عاوز ورقة قدر أضان الفيل..
أحسنت يا علاء في كشف هذا التناقض للعيان ..
خالص الود ..
جاد
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: JAD)
|
الحبيب جاد تحياتي و سلامة العودة هذا الإقصائي تعمّدت أن أُثيره بالقطعة الحمراء و الغريبة أنه يلتف بها تماماً كنت عارِف دي نهايتو حتكون كدة يحاول أن يُقبِّل المجتمع المُحافِظ شيئاً هو أول من سيرفضه زي ناس كتااااااااااااار هِنا يجي يقول ليك الحاجة دي فيها شنو و الناس ديل غلطانين و مجارمة و بيكبِّلوا فينا و يكمِّموا أفواهنا و ما أن تفتح ذات الطاقة عليه حتى يولوِل و يكون أول المدبرين ممكا كان يستميت دفاعاً عنه باسم التحضُّر و الديموقراطية البلهاء الديموقراطية و الحرية لهما حدود و أُطر فلا يمكن أن نُسمِّي الإباحية ديموقراطية فإن كانت فلعنة الله عليها و على من يتبنّاها
أما أسلوبه الجاهل هذا فمردود عليه بلا شك ولا يهُز فيني شعرة
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: علاء الدين يوسف علي محمد)
|
Quote: اللقب: أحمد أمين عدد البوستات: 2535 تاريخ التسجيل: 27-07-2002 محل الاقامة: UK |
طبعاً أول مرة إهتم بيك و أدخل بروفايلك لقيت تلفونك سوداني و مقيم في بريطانيا يا ربي ناس سوداني إتوسّعوا و من السنغال و موريتانيا مشوا كمان عملوا شبكة في بريطانيا!!!!؟ ولّ إنت كضّاب و عامل فيها برة البلد نظام مُناضِل و في خطر عليهو و كدة حال بقية أشباهك المناضلين ولّ شنو يعني!!!!؟
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: Elawad)
|
Quote: و قول ليهم مرسلني ليكم العوض. |
لكن أقول ليهم العوض حااااااااااااف كدة يمكن يفتكروهو العوض المُسلّمي
بخصوص اللغة يا صديقي فتأكد أن لكُلٍ اللغة التي يهواها و يتحدّث بها ولا يفهم إلا بها أي لغة أخرى و إن كانت مفهومة لي غير لغته لن يفهمهاهو و أخونا دة أقرب مِثال تتكلم معاهو بلغتو يجيب آخرو طوالي
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: حيدر حسن ميرغني)
|
Quote: ياعلاء اللجوء عايزو وين؟ |
واللهِ يا حيدر دي مُتوقِّفة على العروض الحتجيني بس عندي بعض الشروط وهي إنو بُكان فيهو متنوضلين كتار ما بدورو بُكان فيهو متنوضل بحب العضّة و تربية الكُضوم ما بدورو بُكان فيهو متنوضل بتاع مونتاج صور خليعة و أفلام بالغين ما بدورو بُكان فيهو متنوضل مكسور يخت الشمال فوق اليمين ما بدورو أها شوفوا لي حتة معتدلة المناخ بالله خالية من المواصفات أعلاه
Quote: ده موسم الحركات المصلَحة يامان |
أها من جاني التهديد المُرعِب دة عليك أمان الله فتّشت لي لسلاح لحماية النفس و الدفاع عنها ما لقيت ليك إلا قزازة مياه غازية قديمة كدة شلتها ختيتة تحت يدي الشمال لكرسي العربية مع الباب شان كان حصل هجوم أنط ليك برشاقة طرزان و بحركة من حركات رجل المستحيل أشيل أسحب ليك القزازة و أدق ليك قعرة مع كبُّوت العربية و تبقى مكسورة و مشرشرة و يااااااااااااااااع أديلو في كرشتو و أدفِّق ليهو الكمونية و أكشِّف ليك للناس من حولنا و أمشي ليك حول الجُثّة و إضرّع ليك حولها و أرفع ليك النضارة السوداء بأصبعي السبّابة بحركة رأسية في عمود النخرة للأعلى ناحية الحواجب و أصلِّح ليك الكاب و أتوجه ناحية العربية و أفحِّط ليك كم تفيحطة كدة و بعدها إنطلق و من وراي أسمع ليك وي وي وي وي وي وي وي وي وي شرطة النجدة و كدة أها من أمبارح أنا شغّال تدريبات للحركة دي
| |
|
|
|
|
|
|
Re: رُدت إليه بضاعته فنطط و هدد و توعّد بالمسنجر - ولد دا (Re: علاء الدين يوسف علي محمد)
|
يا جماعة استهدوا بالله و روقوا المنقة.. يا احمد امين اذا النقاش مدور داخل بوست محدد احسن تخليهو هناك و ما تنقلوا برة لماسنجر او تلفون او غيرو و ما دام حجتك قوية فاترك الحكم للقراء و المتابعين .. علاء الدين ده انا لاقيتو و اتكلمت معاهو و هو زول مرن و بياخد و بيدي في النقاش . حتى لما قلت ليهو ياخي حقو تخفف العيار شوية و ما تدي الناس انطباع انك زول مشاكل ابتسم ابتسامة كبيرة و اتقبل مني الكلام ده بصدر رحب . لكم التحية و ربنا يهدي النفوس.
| |
|
|
|
|
|
|
|