|
تلغرافات .... تشكرات أيها الناس !
|
تلغراف أول : الخرطوم ... الخرطوم جنوب ... (كشك الشعلة) الشكر كل الشكر لكل الذين قاسموني ليالي الأفراح سوي بالحضور الي منزلنا أو بالإتصال عبر الهاتف الذي للحظةٍ ما صمت عن نقل التهاني وبديع الامنيات والشكر موصول لكل الذي لم يتمكنوا من الاتصال حين (صمت الهاتف) والشكر موصول للاعزاء والعزيزات الذين سكبوا أمانيهم الغضة لنا بحياة زوجية سعيدة هنا في منبر سودانيز أون لاين . لساني عاجز عن الشكر وربنا يديم المعروف والتواصل بين الناس ويوم شكركم لا يجي . إني شاكر لكم جميل تواصلكم معي وربنا يديم الأفراح .
خضر حسين الخرطوم يوليو 2009 م
|
|
|
|
|
|
|
|
Re: تلغرافات .... تشكرات أيها الناس ! (Re: خضر حسين خليل)
|
كيمو الذي كيفنك يادفعة الشوق تعال بيندهك الخرطوم دي تجيها عريس عجيبة عجيبة أو كما تقول خالتي . حاجة ماتخلص أما المصريين فأصبحو يقاسموننا (قدر الفول) .
..........
كوستاوي الخردة اريتك طيب ومبروكين بعودة مظاليم الهوي تسلم كتير ياخردة وابقي مارق فالشوارع تشتاق لخطاكم
..........
ميادة قريبتنا ازيك والبلاد الماليزية شكراً للتهنئة يا ميادة . تسلمي كتير يا قريبة أما بخصوص الرطانة فالدناقلة ما قصرو والعاقبة للطاهر ساتي في المسرات
| |
|
|
|
|
|
|
Re: تلغرافات .... تشكرات أيها الناس ! (Re: خضر حسين خليل)
|
خضر العريس ...تحياتي لك وللعروس وأتمني لكما حياة ملؤها الحب والراحة والتصالح .... تقرب لها بالود والحب وكذا تتقرب لك حتي تكون ابنك الذي تتضحك معه وتستمتع بتربيته وتتجمل حين تذفه الي جامعته ثم الي زوجته وهكذا ....ألف مبروك .......
| |
|
|
|
|
|
|
Re: تلغرافات .... تشكرات أيها الناس ! (Re: ibrahim alnimma)
|
فيصل كيف حال يا ابوي كيف حال ياخال حمامتك وصلن وركن جوات الاشواق ياخ تعال
...........
ابراهيم ازيك ياخ والشوق من حاصف لاقاصف سعدنا بحضورك للغاية وربنا يديم المعروف والتواصل وصاياك دوما في العين قبال الراس تسلم ياملك
..........
هيثم
اسمح لي ارد ليك باكر المدام اتصلت وماقصرت هي تنتظرك فلا تغب
| |
|
|
|
|
|
|
Re: تلغرافات .... تشكرات أيها الناس ! (Re: خضر حسين خليل)
|
تسلم حبيبنا وربنا يزيدك من نعيمو ويتباركن ايامك ويعلى مقامك وتتعلى ما تدلى ربنا يسعدك حبيبى وحبيبتى العروس يا ريت لو حضرت وجرتقتك وغنيت ليك وسيرة بالباصات من هنا لهنوك ويا يمة ليك كان سويت ليك ديك يا الضريرة لكين عارفة امهاتك ما قصرن ربنا يخليهن ويمد فى ايامن يارب تتهنى حبيبى ويسعد ايامك يارب
| |
|
|
|
|
|
|
Re: تلغرافات .... تشكرات أيها الناس ! (Re: محمد الجزولي)
|
العريس خضر.. مبروك تاني ياخ، وبيت حب وسعادة ورحمة..
__ قالوا: العريس حوله الملائكة، لكن ما عارف لو العريس شيوعي الملائكة ديل برضو بيجو وللا برسلو من ينوب عنهم..
أها يا صاحب، كمل السمح كان بيكمل، ولكن ما ظنيتو يكمّل.. لكن راجِنك باللهفة..
ولك مؤونة شهر عسلين من التحايا المُكبرتة، ياقول محمد فرح..
| |
|
|
|
|
|
|
Re: تلغرافات .... تشكرات أيها الناس ! (Re: معاوية كرفس)
|
زواج مبارك إن شاء الله و ربنا يملأ عشكما بالسعادة و الهناء و المودة و الرحمة... بارك الله لكما و بارك عليكما و جمع بينكما في خير.
التمنيات بحياة سعيدة
عزرا اخي خضر لم اتمكن من الحضور حينها لسفري للشمالية فلك العتبي
| |
|
|
|
|
|
|
Re: تلغرافات .... تشكرات أيها الناس ! (Re: ibrahim kojan)
|
"بَلال يا بَلال تود اعزب بَلال, بَلال قالو سار يويو اعسب بلال"
ألف ألف مبروك يا خضر، وأنتم السابقون ونحن اللاحقون ياخوي :) وعقبال ما نفرح بأولادك كمان. كان نفسي أكون موجود في العرس بس عارف براك الظروف. ما تجلّي موضوعنا يا خضر، وأبقى عشرة على روحك وعلى العروس. وقريب في أخبار تفرّح :)
| |
|
|
|
|
|
|
Re: تلغرافات .... تشكرات أيها الناس ! (Re: Emad Abdulla)
|
Quote: الإتغاتت خدر يا إنعام
أزهري هاشم زول فردة و صنديد |
هارد لك يا فردة عندي معلومات قوية ومؤكدة انو ازهري هاشم قرب ...معليش ما كنت دايرة افجعك يا كرفس ..
-- انعام حفيظ سلامات ياخ ..
-- خدر نسيت اقولك مبرووك وبيت مال وعيال وخالص التشكرات للبت العسل سها القبلت ان تكون في عصمتك لها الله واشفاقي..
| |
|
|
|
|
|
|
|