|
يا أصالة وأحلا ما فيك يا بلدنا ..
|
يا أصالة ومن بلدنا
الحظوظ ما كل حاجة .. مرة ليكا أو عليك .. والعمر ما بقيف للحظة .. فيه ألوان من حياة .. بين حلوها ومرها .. الجمال في الدنيا وافر .. إلا للزول البيعافر دون فهم .. والجمال سيدو بيعرفو .. الحظوظ بتودي ليهو .. أصلو عارف ديمه قدرو .. ولما يحصل يا جميلة .. العيون ترقص تزغرد .. والشذى بيوزع عبيرو .. وريحته تضرب في المفازة .. تملأ لي كل المساحة .. والنغم بيطلع أصيل .. يدي دنيا الريد براحه .. هي ساعة وفيها لحظة .. معاها إنتي وجوه حضني .. رنة الفرح البريدها .. أشوفها دايماً في عينيكي .. يا أماره .. ويا أصالة .. ويا وتر أصل الربابة .. الطالعة من غنوات بلدنا .. الديمه عنوانها الجمال .. كل وتر بيقولك إنتي .. وما في غيرك ياكي إنتي .. وبرضو إنتي .. وبرضو إنتي .. وإنتي ياك أصل الحظوظ
|
|
|
|
|
|