|
هلاليخاب ..... قديتونا ... يوجد تمبس و الصائم و خليل
|
عقبال تصب مطرة تلغى الماتش و تبوظ الاستادات كلها لمدة ستة سنة ما يندق كفر كورة مرض ... ادارات وهمية ... مشجعين بيض.... اتحادات جربانة ... لعيبة مصوفنين... فالحين للجعير و النبز و الكواريك ... رشاشات على قرعاب ....
و ان جئتم لن نعود
|
|
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: محمد عبد الماجد الصايم)
|
ياخ قول فزتو ... او فازو هم او فازو الاتنين .... شنو حيتغير ...... مرررررض ده كلو كوم و محمد عادل كوم ..... ديل المشجعين الجد جد , مش البحنكشوها و يصلحوها شوية زيكم كده ... زماااااااان كنت هلالابي قاطع .... آخر عهد بالتشجيع الجد اجيال ناس النقر و تنقا .... كان في نص الهيصة في كورة
و من دربي ده على الفيسبوك بلا كيكي بلا الفاروق
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: esam gabralla)
|
Quote: كورة مرض ... ادارات وهمية ... مشجعين بيض.... اتحادات جربانة ... لعيبة مصوفنين... فالحين للجعير و النبز و الكواريك ... رشاشات على قرعاب ....
و ان جئتم لن نعود |
كاااااااااااااااااااك لووووول هسي ده تحليل زول عندو صلعة ونظارة ياعمك ؟ كان ده حالك اختي فلسفة مازن ومحسن دي تب ههههههههههههههههههههههههههههههههههههههههههه
بالمناسبة لاكز زي كده علي اللون وأنسي الباقي
ــــــــــــ أنا من دربي ده يومين تلاته زولة كشتينة في الجهاز قال فيس بوك قال .
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: سفيان بشير نابرى)
|
سفيان حالتك بلدياتى و صعيداوى اسه تحليلي و صلعتى ديل مش احسن من "دعوة الجماهير للخروج للشارع"
الاتنين اصحابي و بيشففونى ... ماسك ليهم ذلة كتيرة كشتينة ما بتحلك ..... بيلحقوك في اى مكان المرض ديل ... الحل مطرة و لا طوفان يخم الاستادات بي الجمهور ... ويغشي معاهو بيوت الساسة و القادة و البرلمان و اتحاد الفنانين و نقابة المحامين و هكذا
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: محمد عبد الماجد الصايم)
|
Quote: زماااااااان كنت هلالابي قاطع .... آخر عهد بالتشجيع الجد اجيال ناس النقر و تنقا .... كان في نص الهيصة في كورة |
.. يا بوي زمااااااان دي ما بتاعت النقر وتنقا بتاعين امس ديل .. والله صلعتك دي تكون حضرتك ناس ( جقدول ) ( ودريسة ) لما كان الشباب ديل بلعبو بي كدارات جلد ماعز ومسامير نقلتيه .. والفنايل مخططه ابيض بي اسود والحكم لازم يكون حالق جديد حتين يحكم الكورة .. ياخ الله يرضى عليك امشي شجع ليك مصارعة تيران يا صراع ديووووك والله حسع تلقاك ساعي ليك ( ديك ) وعامل ليهو قفص بتمشي تنافس بيهو في المكسيك سنويا
ياخ إنت بدون فلسفه ما مريحنـا .. تتفلسف يعني نخلي ليك البورد ..؟
حركات المريخاب دي نحن عارفنها
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: tmbis)
|
Quote: .. يا بوي زمااااااان دي ما بتاعت النقر وتنقا بتاعين امس ديل .. والله صلعتك دي تكون حضرتك ناس ( جقدول ) ( ودريسة ) لما كان الشباب ديل بلعبو بي كدارات جلد ماعز ومسامير نقلتيه .. والفنايل مخططه ابيض بي اسود والحكم لازم يكون حالق جديد حتين يحكم الكورة .. |
غايتو تمبس دا يا كان نقلتي يا كان نقلتي!
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: محمد عبد الماجد الصايم)
|
Quote: غايتو تمبس دا يا كان نقلتي يا كان نقلتي! |
.. والله يا كاروشة زي ناس عصام ديل بيفتحو ليك مجالات واسعة للخيال ... الواحد كن بيحضر الكورة من زمن كانو بزيعوها بالمكرفون يجي قوليك انا من زمن تنقاوياسر ابورقـه قوم لف يا عصام جبر الله ياخ .. نوعيتكم دي هي سبب ازمـة الكورة السودانية .. حسع عليك الله فرقك شنو من شداد .. داك عندو اسطايل في شعرو .. وإنت بدون اسطايل ..
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: حاتم الياس)
|
Quote: لا والله ياتمبس مابعيد قدر ده..بين (سنطه) و(صلاح بمبان) وقيل برضو كان أحتياطى سانتو المناقل... المهم قعد فى الأحتياطى زمن طويل وأستثمر فترة قعادوا دى فى التثقيف الذاتى... |
.. ياخ لو عمل الحركة بتاعت التثقيف الذاتي دي يا حاتم حسع كان جبنا كاس القارات وكاس افريقيا .. وكاس اي حاجة .. ياخ انا براهنك عديل كدا عصام دا كورة زاتو ما دقاهـا .. ناس عصام ديل ناس حرينا ساكت وزنق البصلة وام دلدوم جاي يفتي لينا في كورة اللاعب الواحد فيها امثال وارغووووو بي ملايين الدولارات ورمية تماس ما بيعرف ليها ماف تثقيف ذاتي يا حاتم .. والله لو في تثقيف ذاتي .. اول حاجة يمسكو شداد دا يحلقو ليهو صلعة ويدخلوهو الديش .. ومزمل ابو القاسم بتاع كبد الحديدة داك .. يدفعوهو بدل اي حاجة ليها علاقة بي تدهور الكورة في القطر الشقيق السودان..
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: عبدالله كع)
|
اتمبس زولك بتاع كبد الحقيقة ده ياهو الزول زاتو المادقاها وبجليها واقف الزول ده(عراضه بشكل)..وبعدين عليك الله ياتمبس شداد ده قالوا دكتور فلسفة يوم واحد شفته ليك كتاب ليهو فى مكتبة الزول ده بكون فلسفتو زاته قادى فيها...
تانى (عصام) ده سمع أضانى قالوا يجبد الميدان كلو ويقيف قدام القون ويصرف نظر قالو مقطع الحرفنة وبضقل مغمض..وكان ممكن يلعب فى الأصلاح بتاع حى مكى ولا الحديد حى العرب لكن الجامعة وكده...
غايتو (الله يرجعك ياطه على البشير)
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: omer ibrahim)
|
Quote: وقيل برضو كان أحتياطى سانتو المناقل... المهم قعد فى الأحتياطى زمن طويل وأستثمر فترة قعادوا دى فى التثقيف الذاتى...
|
لووووول..
غايتو الباص دا فى واحد قريييب ليهو مررو عمر بوب فى واحد من بوستات كيكى....
تمبس انا قايلاك حريف....حاتم الياس ضربك بباص...
يعنى القرف دا حدو وين ياعصام جبرالله???
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: Amira Elsheikh)
|
Quote: غايتو الباص دا فى واحد قريييب ليهو مررو عمر بوب فى واحد من بوستات كيكى.... تمبس انا قايلاك حريف....حاتم الياس ضربك بباص... |
والله يا اميرة أنا من أول قلبي اكلني .. بوست يفتحو عصام ويجيك حاتم الياس فجأة كدا .. مش قلت ليك الواحد بقى قاعد ساتك في البورد دا ..؟ كدي ادينا بخـره يا اميرة عمر بوب برئ .. لكن كيكي ما مضمون
| |
|
|
|
|
|
|
Re: هلاليخاب ..... قديتونا ... يوجد تمبس و الصائم و خليل (Re: tmbis)
|
للاوهام بتاعين السياسة و التثقيف الذاتى: الجاب الفكرة العبيطة بتاعت "المثقفين و بتاعين السياسة" بيكرهو الكورة ده يا إما زول لا بيعرف في الثقافة و لا السياسة أو زول جاهل كورة بيغطى جهلو بواحدة من امتع الحاجات في الدنيا زى اخوانا المثقفين جدآ خدر و عماد عبدالله . الما بحب الكورة بي طريقتو ... و البحبها بي طريقتو برضو, قصة ساهلة و بسيطة زى ما تكره ملاح القرع و تحب الويكاب زيي كده .
للأوهام التانيين: بقيت ما بطيق اشوف اي كورة بييييض , من السودانية مرورآ باللبنانية انتهاءآ بالسويسرية ... في النص الحشو ناس استراليا و النمسا و كل ال.....ستان و بورما والهند و الصين زاااتا . ده بويظ عيون و الزمن ممحوق و العمر جارى اضيعو في الجنازات الماشة دى! استثمار اقصي للوقت في ما يفيد و يمتع: كاس عالم , امم اوروبية , جامبيونزليق , بعض كاس الامم الافريقية و بعض كاس و منافسات امريكا الجنوبية ... الباقي يمشي "المستراح " و قيل بيت اللدب. للاوهام التالتين : للبتذكرو توتو كورة , كان بيقولو الدويم من محمد عبدالماجد و جبل اولياء من ......., خلى حليمة عبدالرحمن تجى تحكى ليكم يا جهلة ... التواضع كاتلنا ساكت ... راس كبير ملولح للاوهام الرابعين: يا الصادق سليمان ابو الجاز تعال قول للطير ديل فريق النصر صعدناهو كيف لما تم تكوين درجة تالتة في مدنى في اوائل التمانينات ? لو ما عباطة التعليم و الوهمات التانية مفروض زمان اكون متجدع مع الفرد ناس باجيو و مالدينى و اولاد جيلنا ديل ....
بت الشيخ بقيتى تبارى باصات الحقدة و المغرضين ... بلم فيك في ملف تانى
يا قرموط انت شنو شايل صفايحك و حايم, و قادينا الموردة و البحر و الصارقيل , قرقور مضروب , اى موردابي اصيل بشجع الموردة و بس
حليل بشير عباس و الصياد .... النار تخرى الرماد وحالف صورة قون سانتو في فاطيما الحاضرا لايف من المقصورة في السبعينات ما ابوظا بي جلافيط الكمونية و العفشة المسمنها كورة دى ...
قومو فحطو دقشكم قطر سواقو لاطى و فراملو حالجة
ورانا سفر في حلال اوروبا
| |
|
|
|
|
|
|
|