|
|
 ما بين سودانير وسودانيز
|
الظاهر أن عدوى سودانير قد انتقلت إلى سودانيز أونلاين..
مرت سودانير بفترة عصيبة كانت طائراتها تتساقط تساقط الجنادب على ضوء الرتينة،
حتى اصبح الناس يتجنبونها.. ويمر سودانيز أونلاين الآن بنفس الفترة، حيث أصبح
الهكر يسرح ويمرح وما لاقي زولاً يقول ليهو كَر أو أرعى بقيدك، مرات يرد بالنيابة
عن الأعضاء ومرات يفتح بوستات ومرات يسحب الصور ومرات ينعي ناس على عينك يا تاجر
(التاجر ده أنا عارفو).. وبالأمس مر المنبر بحالة تانية، حيث اختفى منذ وقت العصر
واستمر الاختفاء إلى وقت العشاء، ولما ظهر على الملأ، ظهر وهو عبارة عن صفحة واحدة،
ولا أدري أين بقية المنبر؟ أين ذهب زملاؤنا الذين لم يظهروا في الصفحة الحالية؟
وأين ذهبت أنا؟ هل تم اعتقالهم أم اختطفوا من جهات معادية للسودان؟ وكيف سيصوم
هؤلاء الزملاء رمضان لم يظهروا في خلال اليومين القادمين؟
أسئلة تحيرّ بالجد..
العضو الهلالابي رقم (3) هل تسمعني؟
|
|
 
|
|
|
|
|
|
|
|
Re: ما بين سودانير وسودانيز (Re: عزاز شامي)
|
Quote: ربط منطقي ولا غبار ولا كيلو بايت عليه
انا الآن تايهة في ملكوت السايبر في المجرة
التاسعة ومتعلقة في ذوائب ارشيف الربع الاول
اركب ياتو بص من هنا؟ |
الرجاء الإسراع في الخروج من إرشيف الربع الأول مستغلة أقرب ركشة، انفلونزا الهكاكير
في طريقها إليكم.. و بالله شغلي معاك جرس الإنذار..
كل خوفي أن تختفي الصفحة الحالية قبل أن أرد عليك..
| |
|
|
|
|
|
|
|
|
|
Re: ما بين سودانير وسودانيز (Re: Nasruddin Al Basheer)
|
كامل تضامني مع الهكرز
إذا كنت سأبذل الممكن والمستحيل لأصل لسودانيز أون لاين وأكون وسط
كل هذا الجمال الإسفيري المتألق
وكامل التضامن معه أيضاً حتى يُحس بأن هناك من يؤازره في محنتة ويكتفي بهذا القدر من الخراب
ويترك لنا هذه الصفحة اليتيمة
ودمت على الربط الجميل
| |
|
|
|
|
|
|
|
|
|
Re: ما بين سودانير وسودانيز (Re: محمد عبد الماجد الصايم)
|
اهااااااااااااا يا عزاز قمنا ؟؟
انا جنننني وجن حركات البنات البعد العرس ينتهي يشيلن جزمن في يدينن ده كان ما ناس مهيلم ومؤيد شالوهن ليهن ..
إتصرفي تعالي براك انا ماشي حدايق 6 أبريل ..
تخريمة :
انت يا ود الصايم وجن دي أظنها راكبة التونسية !! :)
| |
|
|
|
|
|
|
|
|
|
Re: ما بين سودانير وسودانيز (Re: SHIBKA)
|
Quote: في ركشة انقلبت لكن الركاب قاموا اتنفضوا وواصلوا مشوارهم
في زول عارف ديل منو؟ |
أغلب الظن يا شبكة إنو كان في سوء تفاهم..
آخر التقارير بتقول إنو عربية القطر الأولى انفصلت عن بقية العربات
وناس السكة حديد عملوا اللازم وجمعوا عربات القطر..
لكن ربما يحصل انفصال في أي لحظة.. الأحوال غير مطمئنة غايتو..
| |
|
|
|
|
|
|
|
|
|
Re: ما بين سودانير وسودانيز (Re: SHIBKA)
|
Quote: نصر الدين اصلك ما طمنتني
اها الحصل شنو لي هسة؟؟؟
وين واصل الموضوع |
الموقف الآن:
عاد المنبر إلى وضعه الطبيعي ولكن ما زالت الصدمة مؤثرة
على بعض الذين تعرضوا للاختطاف مع الجزء المختطف من المنبر،
وطالب البعض منهم بتعويض مادي على ما لحق بهم من ضرر نفسي
ومعنوي..
إلا أنه اتضح أن العاملين بالمنبر غير مؤمن عليهم، عليه تبقى
مسألة تعويضهم أمراً أقرب إلى المستحيل..
الأيام القادمة حبلى بالكثير المثير..
| |
|
|
|
|
|
|
|
|
|
Re: ما بين سودانير وسودانيز (Re: وجن)
|
Quote: كامل تضامني مع الهكرز
إذا كنت سأبذل الممكن والمستحيل لأصل لسودانيز أون لاين وأكون وسط
كل هذا الجمال الإسفيري المتألق
وكامل التضامن معه أيضاً حتى يُحس بأن هناك من يؤازره في محنتة ويكتفي بهذا القدر من الخراب
ويترك لنا هذه الصفحة اليتيمة
ودمت على الربط الجميل |
العزيزة وجن
هذا المنبر هو الرئة التي نتنفس بها لذلك يحاول الهكر كتم أنفاسنا بالتلاعب بالمنبر.
قالوا البلقى هبوبو بضري والهكر لقى دفاعاتنا زي دفاع الجماعة عشان كده طبق فينا كل النظريات..
والظاهر نحن استسلمنا لسيادتو وبقينا نستمتع بالفواصل التي يؤديها لنا ولسان حالنا يقول:
مشي أمرك يا هكر إنت أحكامك مطاعة
| |
|
|
|
|
|
|
|
|
|
Re: ما بين سودانير وسودانيز (Re: Nasruddin Al Basheer)
|
رب جماعة راحو لجماعة ما لقهومش قامو رجعو تاني
و قد كان ان من الله على برقشة تربو في طريقها لصفحة الاخبار
و طلب مني السائق ان اتلب .. قمت قلت ليهو انا ؟ انت جنيت انا شهادة عربية
فما كان منه إلا ان اوقف الرقشة و اتدردق في التراب الاصفر الما بيغباني و قال لي
ناقصك انا؟
وتلبت ... فإن لم تتلب ترك الآخرون في الصيقعة ... مثل فارسي
و هانا انفض التراب العالق من سفنجتي ...
الرجاء تنبيه الركاب لأبواب المخارج و هي 4 في المقدمة
و 7 بالجنبات و ستضاء علامات الخروج في حال مرور بص سيرة
في الجوار ...
| |
|
|
|
|
|
|
|
|
|
Re: ما بين سودانير وسودانيز (Re: وجن)
|
ربنا يكون في عون بكري
وربنا يكون في عوننا
شباب .... بقترح إنه يكون في تعاون بين بكري والأعضاء في تحديث الموقع
وبرمجة منتدى بلغة برمجة حديثة غير قابلة للاختراق بسهولة ..............
ويمكن أن يساهم كل عضو بدفع تكاليف إنشاء مكتبة لتغطية تكاليف التحديث
رايكم شنو ؟
| |
|
|
|
|
|
|
|
|
|
Re: ما بين سودانير وسودانيز (Re: Hani Arabi Mohamed)
|
Quote: شباب .... بقترح إنه يكون في تعاون بين بكري والأعضاء في تحديث الموقع
وبرمجة منتدى بلغة برمجة حديثة غير قابلة للاختراق بسهولة ..............
ويمكن أن يساهم كل عضو بدفع تكاليف إنشاء مكتبة لتغطية تكاليف التحديث
رايكم شنو ؟ |
اقتراحك جميل يا هاني وما أظن في عضو ممكن يمتنع عن تقديم المساعدة والمساهمة
لكن كل الاقتراحات التي قدمت من قبل لبكري لم يرحب بها أو يستجيب لها..
حماية المنبر مسؤوليتنا جميعاً..
| |
|
|
|
|
|
|
|
|
|
Re: ما بين سودانير وسودانيز (Re: Nasruddin Al Basheer)
|
لا أتخيل أن يأتي يوم أتصفح فيه الإنترنت بدون وجود سودانيز أون لاين المنبر العام
ولا أستطيع تخيل الحياة بدون هؤلاء الزملاء الرائعين والزميلات المحترمات
بقيت مطلعا على الموقع والمنبر منذ نشأة الموقع
ومشتركا فيه منذ 2005
ولا أريد أن يأتي يوم أفقد فيه المنبر
| |
|
|
|
|
|
|
|
|
|
Re: ما بين سودانير وسودانيز (Re: Hani Arabi Mohamed)
|
Quote: لا أتخيل أن يأتي يوم أتصفح فيه الإنترنت بدون وجود سودانيز أون لاين المنبر العام
ولا أستطيع تخيل الحياة بدون هؤلاء الزملاء الرائعين والزميلات المحترمات
بقيت مطلعا على الموقع والمنبر منذ نشأة الموقع
ومشتركا فيه منذ 2005
ولا أريد أن يأتي يوم أفقد فيه المنبر |
صدقت يا أخ هاني
المنبر أصبح هو الدوحة التي نتفيأ ظلالها ولنا فيه أصدقاء وزملاء أعزاء..
أنا نفسي لا أتصفح غيره، اللهم إلا بعض الصحف الرياضية..
ونتمنى أن لا نفقده أو نفقد الأصدقاء الذين عرفناهم عبره..
| |
|
|
|
|
|
|
|
|
 Re: ما بين سودانير وسودانيز (Re: Nasruddin Al Basheer)
|
| Quote: حماية المنبر مسؤوليتنا جميعاً.. |
الكلام ده يا نصرالدين قبل كده ركبنى التونسيه
ابرى و استبرى انا غايتو مامعاكم كلو ولا مستر هكر
اقول ليك حاجه انا جيت اسلم وبشويش كمان
قال هكر قال
يا خوى اقليك حاجه تانيه واديك النجيضه لا دخلت بوستك ده
ولا كتبت فيه ولا سلمت عليك زاتو ... قال هكر قال
تخريمه
براحه كده ومافى زول يسمعنا >
انت سكواها ده ممكن يكون رئيس جمهورية الهكر
| |
|
|
|
|
|
|
|
|
|
Re: ما بين سودانير وسودانيز (Re: طارق الكوتش)
|
Quote: الكلام ده يا نصرالدين قبل كده ركبنى التونسيه
ابرى و استبرى انا غايتو مامعاكم كلو ولا مستر هكر
اقول ليك حاجه انا جيت اسلم وبشويش كمان
قال هكر قال
يا خوى اقليك حاجه تانيه واديك النجيضه لا دخلت بوستك ده
ولا كتبت فيه ولا سلمت عليك زاتو ... قال هكر قال
|
حبيبنا طارق الكوتش
نصيحتك غالية على عينا وراسنا وسوف نعمل بها إن شاء الله
بس إنت بطريقة غير مباشرة حرضت علي الهكر وعاوزو يهكرني
زيك ونتساوى في النقاط والأهداف (نحن ناس السبعة نقاط وهم
ناس السبعة أقوان المطرية)..
غايتو لو جاني هواء بقول منك وبطالبك بتعويض..
| Quote: انت سكواها ده ممكن يكون رئيس جمهورية الهكر |
سكواها ده سواها ولا يخاف عقباها..
وبيستحق يكون رئيس جمهورية الهكر
لأنو هكر الجماعة الفصيحين وسكتهم لينا..
الله يديهو الفي مرادو
| |
|
|
|
|
|
|
| |
Nasruddin Al Basheer
عمر الفاروق
محمد عبد الماجد الصايم
وجن
SHIBKA
جلال جبريل
Hani Arabi Mohamed
فيس بوك
تويتر
انستقرام
يوتيوب
بنتيريست