|
Re: موامرة جديدة ضد الجنوب (Re: Zakaria Joseph)
|
Quote: بنص الاتفاقية والدستور المطلوب منا العمل لجعل خيار الوحدة هوالجاذب، فنحن إذا قلنا إننا سنجعل الأمر سهلاً للإنفصال فمعنى هذا أننا لا نريد ترجيح خيار الوحدة، فنحن أصلاً لا نريد ان نقول إننا محايدون في هذا الأمر، ويجب ان نعمل لآخر لحظة ليكون الخيار هو الوحدة، ونريدها ان تكون جاذبة، وإذا كان المواطن الجنوبي يريد أن ينفصل بأغلبية الثلثين فلينفصل ولن نقول له لا. |
| |
|
|
|
|
|
|
Re: موامرة جديدة ضد الجنوب (Re: Zakaria Joseph)
|
الاخ العزيز زكريا جوزيف .
لن تتوقف المؤامرات ضد الجنوب طالما كانت هنالك ثروات يسيل لها لعاب بعض الانتهازية والعنصرين الذين يحلمون بأنهم قد يحصلون على ثروات الجنوب من غير شعبا . سيئة الزكر بدرية الزين هي أحد مهندسي قوانين سبتمبر ولقد كانت تعمل مستشارة قانونية برئاسة جمهورية جعفر النميري في أوائل الثمانينات وهي أعتادت أن تعمل وتلمع في ظل الدكتاتوريات في السودان فلذلك هي لا حرج عليها وما تقوم به الان بالنسبة لها أكل عيش قبل أن يكون ممارسة مهنة محترمة متعلقة بأرواح وحياة الناس .
| |
|
|
|
|
|
|
Re: موامرة جديدة ضد الجنوب (Re: Deng)
|
Quote: أن ينفصل بأغلبية الثلثين فلينفصل ولن نقول له لا. |
كلام عجيب يازكريا
لا عهود ومواثيق مرعية
ولا حتى هناك استيحاء من رمي الكلام غير الموزون
عموما أحسبه ضمن الفرقعات الملو بيها الهواء عشرين سنة
| |
|
|
|
|
|
|
Re: موامرة جديدة ضد الجنوب (Re: حيدر حسن ميرغني)
|
Quote: كلام عجيب يازكريا
لا عهود ومواثيق مرعية
ولا حتى هناك استيحاء من رمي الكلام غير الموزون
عموما أحسبه ضمن الفرقعات الملو بيها الهواء عشرين سنة |
Brother Haider,
This is not a trial balloon; it has been floating around for quite some time. It is the emerging NCP conditions for conducting the referendum in 2011. She is public with it because this is what they have decided to do.
| |
|
|
|
|
|
|
Re: موامرة جديدة ضد الجنوب (Re: Zakaria Joseph)
|
ابو الزيك ,, كيفك انا كل الفهمتو من كلامك انو الكلام اللى اقتبستو من كلام الزولة دى ماعاجبك لكن ماقدرت افهم السبب فياريت تشرح لى سبب اعتراضك عشان ما امشى فى البوست زى الأطرش فى الزفة. غايتو انا فهمت انو فى نصوص فى الإتفاقية بتخالف كلام بدرية بس ماعارفك قاصد ياتو نص ,, مع الشكر مسبقا على التوضيح.
| |
|
|
|
|
|
|
Re: موامرة جديدة ضد الجنوب (Re: عبدالعزيز الفاضلابى)
|
Quote: انا كل الفهمتو من كلامك انو الكلام اللى اقتبستو من كلام الزولة دى ماعاجبك لكن ماقدرت افهم السبب فياريت تشرح لى سبب اعتراضك عشان ما امشى فى البوست زى الأطرش فى الزفة. غايتو انا فهمت انو فى نصوص فى الإتفاقية بتخالف كلام بدرية بس ماعارفك قاصد ياتو نص ,, مع الشكر مسبقا على التوضيح. |
الاخ عبد العزيز
تحياتي
كلا الاخوان زكرياجوزيف وبدرية سليمان يتحدث عن رؤيته الخاصة
اتفاقية السلام والدستور لم يفصلا كيفية اجراء الاستفتاء ولم يرد نص يقول كم هي نسبة التصويت اللازمة لذلك
ومازال الامر قيد النقاش داخل المفوضبة الدستورية التي سوف تعد مشروع القانون ويجيزه المجلس الوطني في خاتمة الامر
لذلك فان وصف الامر بالمؤامرة ضد الجنوب سابق لاوانه ولان مسودة مشروع القانون اتت من الحركة الشعبية كما ذكرت استاذة بدرية وهي خاضعة للنقاش والحذف والاضافة وكل القوانين تجاز باتفاق الشريكين
| |
|
|
|
|
|
|
Re: موامرة جديدة ضد الجنوب (Re: Zakaria Joseph)
|
Quote: كلام السيدة بدرية كلام خطير جدا و قد سبقها الطاهر و حمدى. الكلام بيقود الى الحرب |
الأخوين صديق وابوالزيك تحية وحدة وسلام برضو مافاهم حاجة ,, الخطورة شنو يازكريا وضح اكتر.
| |
|
|
|
|
|
|
Re: موامرة جديدة ضد الجنوب (Re: Zakaria Joseph)
|
Quote: كلام السيد بدرية يمكن فهمه |
شكرا ابو الزيك على التوضيح لكن برضى بسأل: بدرية دى صلاحيتا شنو اللى بتديها الحق تفتى فى موضوع زى ده ,, يعنى كلامها زى ماقال اخونا عمر مجرد راى شخصى ولا رأى حزب ? وحتى لو كان راى حزب اليس رأى الحزب محكوم بالإتفاقية? الشئ اللى انا بعرفو ناس الحركة عندهم قانونيين لايشق لهم غبار ,, فماشايف فى شئ بخوف الا يكون كلام سياسة وكلام السياسة هو الذى يجب ان يطوع القوانين لتخدم مصلحة البلد كبلد متحد وسبق ان اشرت الى اعجابى بروية باقان لوحدة تتعدى حدود السودان الى وحدة دول الحوض وهذا مايجب ان يعمل السياسيون لأجله واتفق مع بدرية حين قالت ان الوحدة يمكن ان تتم بالقانون هذا اذا كانت تقصد ان القانون يجب ان يحرس الوحدة بعد حدوثها وذلك بسن التشريعات التى تحارب وتجرم الـ Discrimination بكل اشكاله ,, كما يحدث هنا فى أمريكا وتأخذ العقاب تجاهه مأخذ الجد ,,
| |
|
|
|
|
|
|
Re: موامرة جديدة ضد الجنوب (Re: عبدالعزيز الفاضلابى)
|
Quote: ان الوحدة يمكن ان تتم بالقانون |
هذا الكلام البيردد على السنة المسؤلين الذين يفاوضون مع الحركة حول قانون الاستفتاء و معنى الكلام هذا ان الاستفتاء لن يحقق الوحدة و عليه يجب اللجؤ الى حيل قانونية لتحقيقها. هذه طبعا هى الكارثة
| |
|
|
|
|
|
|
Re: موامرة جديدة ضد الجنوب (Re: Zakaria Joseph)
|
جوزف
مافى إنفصال .. المسألة هى محاولة جبر خاطر أبناء الوطن ومواساة الجراح.
أنا بشوف تلتين شويه .. 80% نسبة تضمن لينا الوحدة وهى أفضل وعلى كل الوطنين الألتفاف حول الأمر لدعم الوحدة.
ويخسأ الأنصاليون شمال وجنوب.
بريمة
| |
|
|
|
|
|
|
Re: موامرة جديدة ضد الجنوب (Re: بريمة محمد)
|
وحده جاذبه بالقانون دي تكون كيف ! أ بقانون الغابه ?
غايتو البشير ده الله يكون في عونو ...
في زول يا أخوان/ت سمع بي وحده جاذبه بالقانون ?
كان سمعته بالله عليك كده أشرحها ينوبك ثواب .
بدريه سليمان مستشار رئاسي وقانونيه ضليعه ما في ذلك شك ، بس وحده جاذبه بالقانون دي !!! غريبه .
يعني مثلا يصدر قانون أو يعدل قانون أو تضاف مواد لقانون لتجد ماده قانونيه تنص بأن الوحده جاذبه ، وبما أن القانون يفترض علم الكافه به بعد نشره في الجريده الرسميه يكون كل الأربعين مليون ديل قدعلموا أن الوحده جاذبه ! وعلى نتيجه الإستفتاء ن تحترم القانون وتتقيد به وإلا نالت العقاب المنصوص عليه قانونا.
أنا ما عارف أولاد سليمان ديل اللزاهم على القانون شنو ، لكن برضو أحسن لأنه لو لزاهم على الطب مثلا أكيد أكيد فى ناس واطاطهم أصبحت .
وكان الريس المسكين قافل على كلام مستشارته القانونيه ده يكون فعلا يستاهل ما يجري له من مرمطه بين رؤساء الأرض .
ياخي ده كلام ده ... التقول رئيس عندو غضب والدين .
كده شوف زميلك حسني ده كيف ، رئيس مرطب لا عندو ناس دايرين منو وحده جاذبه ولا دياولو .
تقول لي رئيس
قال وحده جاذبه بالقانون ، أوع يكون بقانون الغابه الذي مارسته الدوله السودانيه سابقا .
أكان بدريه بتحاحي على مستشاريتها بكلام من هذا القبيل فهل من يستشيرها غبي بعيد عنكم ?
إنت ناس ورثت حربهم وحاربتهم حتى بقيت اللأول من حيث عدد سنوات الحرب .
وجيت وقعت معاهم إتفاق أصبح الأن مشروعيه حكمك ، و لم تقدم للوحده سوى كلمات فى صياغه قانونيه يقترحها مستشار بياكل عيش !!! .
والله يا ريس كان دي قفلتك تكون قافل على كرت ميت ، وزول بيقفل على كرت ميت ده زول بليد .
هسي أكيد الطيب مصطفى يكون شامي ليك بدريه سليمان دي شمه ، ده كان ما طالب بإقالتها لمخالفه قواعده الشرعيه ، كيف توري ودختي ده درب الوحده الجاذبه ده كلام ده ، لازم تطلع من القصر ده فورا وتاني ما تشوف عمر ده إلا في التلفزيون .
قال وحده قال
الوحده دي إنتهك عرضها النظام الرسمي من لدن الإستقلال ، ومع أنه ليحزنني ذلك ولكن الجنوب سيذهب ... وسيبني دولته لو سلم من التآمر .
ومع أن ذهابه محزن لى ولغالبيه البسطاء مثلي إلا انني أعلنها صراحه لو كنت جنوبيا لصوت للإنفصال ، فليس هناك أبدا يا يدعونى لغير ذلك ، فليس من العقل أن أصوت للوحده فى ظل نظام يتقدمه أمثال خال الرئيس . ومجتمع يسيطر عليه سياسيون إنتهازيون حتى أنه لا يكاد المرء يستطيع تمييز الخبيث من الطيب
أعلم أنني بذلك قد أكون مخالفا لقانون الوحده الجاذبه بتاع بدريه ، و أعلم أن القانون قد ينص على سريانه على الماضي ولكنى لن أغير رأيي .
أهه الجنوب الذي ذهب أو سيذهب ده خلوهو في حاله وشوفو حالكم ، كده حلحلوا البينكم أنتوا الشماليين .
شماليين ... تاني !!
ياتو شماليين تعني !
قالوا البيفرط مره حيفرط ألف مره وهنا نتسائل هل سيعمل الريس على توحيد الشمال أو ما سيتبقى من السودان بعد ذهاب الجنوب حقا أم سيعتمد على فتاوي مستشاريه المهببه دي و سيريدها قانونيه أيضا حتى يجد نفسه يحكم (حوش بانقا) !?
الله يكون فى عونك يا ريس
| |
|
|
|
|
|
|
|