|
البطيخاب مزنوقين زنقة ... وا ناري ... يا ماثاري
|
البطيخاب مزنوقين زنقة ... وا ناري ... يا ماثاري
ثلاثة اهداف مضموتة
منها اتنين 100% قون
جنس بشتنة
في 25 دقيقة بس
جنس هضربة
وحالته ده فريق ماثاري الكيني
الله يستر
تجيبوهم
على حسابكم
ويدق ليكم في بابكم
الله يستر من الفض
|
|
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: باسط المكي)
|
زولكم تاني مابتلموا فيه الا في بوست ثاني
الظاهر القون دا ريحــو اخذ لي نومـو
يابكري مفروض زي البسرعوا يفتحوا بوستات شماته ديل توقفهم شهر لو ماسنه
قال زنقــه زنقــه دا سيدكم وزعيمكم ياهو البجيب ليكم الكاسات
اقعدوا اتفرجوا كدا لما القيامه تقوم
اخر الاخبار مشطوبنا ايفوسا نجم معسكر القاهرة شفت مستوى المشاطيب كيف عندنا
على طول في المقدمه ابقوا عشره عليه
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: محمد مصطفى)
|
Quote: يابكري مفروض زي البسرعوا يفتحوا بوستات شماته ديل توقفهم شهر لو ماسنه
|
هسه يا محمد مصطفى
الدخل بكري شنو
بعدين توقف منو
كان بتوقفوا شي كويس كان وقفتو ليكم حارس منع السبعات من الدخول
بسؤال لكل البطيخاب :
ما هو ترتيب الشهر الحالي
أختر الاجابة الصحيحة :
1- شهر سبعة 2- شهر يوليو 3- شهر رجب 4- شهر الوحدات 5- كل ما ذكر صحيح
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: انور التكينة)
|
Quote: ما فى مشكلة ... نظموا دورة و نظمو الضيفان .. حليلكم يابا |
أنور التكينة
ما تستعجل كلها اسبوعين وبننظمكم انتو جوة استادكم
نكرر ليكم شريط الصفاقسي
عشان تعرفوا التنظيم كيف
تسلل :
يازول اسمك ده مقرون زي فيصل الصحافة وحيدر بورتسودان وحسين شندي ... يا زول انت بتغني واللا شنو
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: محمد الامين احمد)
|
Quote: غايتو لو دي ثقافتكم اللغوية كرويا |
ود السنوسى ..
عاجبانى ثقافة الناضجين بتاعة مرضأأأأن والرشيد صور ..!!
ياخى والله زى ما قال هارون انا برضو خجلان ليك ..!!
اول الكورة فرحان ومستبشر بالشماته ..
ولمن خاب املك .. بقت حق الضيافة والاستضافة ..؟!
بى كده كان جنوب افريقيا تفوز بكاس القارات ..
انتو اقعدوا باروا الوهم ده كتير .. وانشاء الله بتشوفوا ..!!
موعدنا يوم 18 انشاء الله هنا ومن هسه
انا حاجز العنوان ...
الهـــلال حماااام ميت !!!
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: haroon diyab)
|
Quote: 8 مشاركات خروج من الدور الاول 4 مرات المركز الخامس مرتين المركز الرابع مرة المركز الثالث مرة وده احسن مركز ليكم كدي النشوف اسيادكم 5 مشاركات المركز الاول مرتين المركز التاني مرتين المركز التالت مرة واحدة شفته الفرق |
هارون دياب
الهلالابي الرايح
يا زول مشاركة شنو
بالله هسه فريق من مغتربين قطر ديل
لو لعب مع المريخ ده بيتغلب ستة كده
ياخي اخجلو
ده ما مستوى بشهادة مدربين كبار
ومنهم الدكتور حسن المصري
وتابع التحليل في القنوات
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: جمال السنوسي)
|
يا قودوين ..
Quote: زي قون قلق التالت ده في اتراكو
بيضة من النص
يعمينا ويطرشنا |
الظاهر عليك فعلا زى ما قال واحد من الاخوان عندك فاقد تربوى كروى
حقو تسأل رمضان كمل شهادة الناضجين بتاعتو وين ..
لو بتعرف كورة ولا عارف تاريخ الكورة كان اتذكرت
البيضة دى مرتين عملها فيكم الدكتور / كمال عبد الوهاب ..
مرة فى زغبير .. ومرة فى الريح جادين
ووقتها غنينا ..
دخلت بى وين يا زغبير .. تحت الكرعين يا زغبير ..!
امشى شوف ليك درس عصر ...
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: محمد عيد)
|
يا سنوسي سلام ..
حمام الوالي دا خليهو يفرفر ليهو يومين .. بنجي نقص ليهو ريشو يوم 18 ما بعيد .. المشكلة في اعلامهم المضلل دا شابكين الناس فريق الدريم تيم وعندنا فريقين والأحمر بمن حضر .. ياخي أمس لا شفنا تشكيلة لا شفنا طريقة لعب ولا شفنا اي حاجة خليهم ينوموا في العسل دا .. الكلام ساهل والبيان بالعمل ..
تعالوا بدري ..
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: معتصم دفع الله)
|
Quote: الظاهر عليك فعلا زى ما قال واحد من الاخوان عندك فاقد تربوى كروى
حقو تسأل رمضان كمل شهادة الناضجين بتاعتو وين ..
لو بتعرف كورة ولا عارف تاريخ الكورة كان اتذكرت
البيضة دى مرتين عملها فيكم الدكتور / كمال عبد الوهاب ..
مرة فى زغبير .. ومرة فى الريح جادين
|
محمد عيد
شن جاب لي جاب
انت شوف القون ده من وين
وشوف ردة فعل الحارس
الزول ده فاتح كبري عديل كده
والمهم كمان تهنئة زملائه له بعد الهدف
ناس المريخ ما هنوا قلق كده
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: حمزاوي)
|
قرعاب يا بطيخاب ..
والله ياخال انت مكانك سيد البلد .. هسي في فك التسجيلات الجاية بنجيبك معانا .. انا زاتو امس اتزنقت ليكم ودخلت في اضافريني .. الغريبة يوسف حمد النيل كان حاضر معاي الكورة قال لي انت الناس ديل لاعبين شنو قلت ليهو ديل ناس ( حرت ) ياخ .. يوم 18 تعالوا بدري ..
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: haroon diyab)
|
هارون صاحبي .. ازيك ياخ ومشتاقين ..
لكن بحسبوها كده ؟ بالله شوف المنتخب السوداني لعب كم مره في نهايات الأمم الأفريقية ؟ تلاتة مرات نهائي في السودان ولا مره شال فيها الكأس إلا بعد ما البطولة بقت 10 فرق ونال كأسها .. ومن سنة 1976م تاني ما شارك إلا العام الماضي يعني كورة ببح ما عندنا عديل .. سيكافا دي معروفه دورة ضعيفة الدليل قدامك .. صحيح نحن شاركنا فيها وما بننكر الكلام دا لكن شوف آخر مره شاركنا فيها متين قبل 13 عام ودا عمر يا هارون والأسباب معروفه .. انتو بس خليكم مع حمامكم الميت دا وتعالوا لينا نضاف
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: معتصم دفع الله)
|
جمال السنوسي
سلامات
أجمل شئ كلما تكتب كلامك الشين يرد عليك الزعيم سيد البلد بانجاز أكبر.. المريخ سامي فوق في علاه ويا جمال مهما طال لسانك ما بتطول سماه خليك في بطيخك ده.. انتو يا ناس زريبة العيش.. بقيتوا بتاع بطيخ كمان..
نحن ما بنقبل بيكم حتى وصفاء في مجموعتنا.. يوم 18 قرب.. ومن هسع شوف ليك خشبة كبيرة يا جمال..
تحياتي
عبدالعزيز
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: سيف الدين علي محمد الفاضل)
|
Quote: قرعاب يا بطيخاب ..
والله ياخال انت مكانك سيد البلد .. هسي في فك التسجيلات الجاية بنجيبك معانا .. انا زاتو امس اتزنقت ليكم ودخلت في اضافريني .. الغريبة يوسف حمد النيل كان حاضر معاي الكورة قال لي انت الناس ديل لاعبين شنو قلت ليهو ديل ناس ( حرت ) ياخ .. يوم 18 تعالوا بدري .. |
معتصم الجميل
سيد بلد وسيد بوست وسيد بورد وسيد الناس دي زاتها يا معتصم
بطيخابنا ديل ما بيقتنعوا
امبارح خجلت ليهم
بس كمان ناس ماثاري عملوها واضحة
ماممكن تضيع اربعة انفرادات كده
قالوا شنو قالوا اكرم كويس
هو اكرم لو كويس
وحارس تمام
سبعة الوحدات دي خشت كيف
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: جمال السنوسي)
|
Quote: نحن ما بنقبل بيكم حتى وصفاء في مجموعتنا.. يوم 18 قرب.. ومن هسع شوف ليك خشبة كبيرة يا جمال..
تحياتي
عبدالعزيز
|
يا عبد العزيز
مع الخشبة من هسه حنشوف لينا حكم ذمته نضيفة
لا يسيل لعابه لعابه زي ناس كرتلا والصومال
لدولارتكم الكثيرة
ويجي يخم منها
حكم نضيف
عشان تتلغبوا نضيف
سنة يا الحكم
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: معتصم دفع الله)
|
Quote: مع الخشبة من هسه حنشوف لينا حكم ذمته نضيفة
لا يسيل لعابه لعابه زي ناس كرتلا والصومال
لدولارتكم الكثيرة
ويجي يخم منها
حكم نضيف
عشان تتلغبوا نضيف
سنة يا الحكم |
جمال
سلام
الناس البتلعب مع الحكام منو؟ نحن التحكيم ضدنا برة وجوة..
لو يحكمها الأرباب نحن غالبين غالبين..
انتو من هسع اختاروا ليكم واحد.. البطاح.. ولا سيد الضرب بالدور..
صدقني يا جمال نحن زائرين المقبرة سياحة.. وفي المفخرة سنمتع الملايين بالإبداع وفن الكرة..
(( تعرف يا خوي من اسمك عارفك مريخابي زعلان.. جمال الوالي.. جمال ابو عنجة.. جمال فرفور.. وانت جمال.. كيف تكون رشاشة؟؟))
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: Amira Elsheikh)
|
Quote: العجب انا...
وخجلانة شدييييد لصاحبى معتصم دفع الله جا عمل ليهو عشرومية مداخلة ورا بعض من شدة الخجلة |
أمــــيـــرة الشيخ
يعني من اسمك ده (اميرة) انت هلالابية بس ودرتي الدرب
الامراء والأميرات والملوك هم من القبيلة الزرقاء ( ما شايفة السعودية)
كدي استغفري وانعلي الشيطان
وتعالي صادي لبيتك
هلال السودان
سيد البلد
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: khaleel)
|
جمال .. معتصم ...
ياخي انتو ناس حاقدين والله .....
ورغم ذلك انا ذاتي شايف الدورة ضعيفة لضعف المشاركين ...لكن ياها قسقسه ...القروش راقدة وجابت لينا التخمة ..نوديها وين ؟!! كيا ليكم نفكها في الهوا(سيكافا) ونصطاد بيها الحمام ..
موتوا بغيظكم ...
واحد من الصفوة
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: فايزودالقاضي)
|
فايز ودالقاضي .. ازيك يا حبيب ..
Quote: ورغم ذلك انا ذاتي شايف الدورة ضعيفة لضعف المشاركين |
بس انت قرضّ على دي حسادتنا نحن خليها ..
من وجهة نظر تانية يا فايز .. بطولة سيكافا صراحةً تضييع للوقت إذا كان شارك فيها الهلال أو المريخ .. لضعف المستوى ومردودها العكسي على الفريقين من ناحية الإعداد البدني والنفسي .. لو ما فاز المريخ بهذه البطولة ح تكون هزيمة قاسيه له ولجمهوره .. وح يدخل بطولة الأندية الأفريقية بنفسيات محطمة ومردوده ما ح يكون كويس .. بالأمس شفنا لاعبين في المباراة كالأشبح لا وجود لهم والحسنة الوحيدة في المباراة كانت العجب بالرغم من أنه لا يبذل مجهود كبير في المباريات .. وحينما تنتهي هذه البطولة يتبقى أيام قلائل لمباراة القمة في دوري الثمانية لأندية أفريقيا وتخيل كمية الإرهاق البدني والذهني ..
يا حبيب مبروك عليكم سيكافا ..
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: معتصم دفع الله)
|
خليل
والله ذكرتني اغنية حمد البابلي زمااااااااااااااان
حم حم يا حمام شتت ليك السكر
هسه دي بقت
حم حم يا حمام كشكت ليك الدفتر ( دفتر الشيكات بالدولارات)
ولك الحمام جا من الصومال ولحدي جيبوتي
ناس مازمبي لقو ليهم معسكر مجاني
وناس الكرتلا سياحة
وناس الصومال هربا من الموت
وناس كينيا دولار ريال شيك سياحي
سنة يا الحمام
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: جمال السنوسي)
|
Quote: جمال .. معتصم ...
ياخي انتو ناس حاقدين والله .....
ورغم ذلك انا ذاتي شايف الدورة ضعيفة لضعف المشاركين ...لكن ياها قسقسه ...القروش راقدة وجابت لينا التخمة ..نوديها وين ؟!! كيا ليكم نفكها في الهوا(سيكافا) ونصطاد بيها الحمام ..
موتوا بغيظكم ...
|
نحقد علي شنو يا ود القاضي
بيضة الكرتلا واللا دستة الاهداف
واللا سبعة الوحدات
واللا العجب المولود يوم 1 يناير 1978 ( وش مندهش)
ياخي تخخخخخخ
معقولة نحقد
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: Abdlaziz Eisa)
|
Quote: الجمال في العرضة جنوب..
فن وجدارة في اروع منارة |
يا عبدالعزيز عيسى
وانت الصادق
من غير شطارة .. سيكافا خسارة
وهي خسارة نصاح
لحدي هسه 60 هدف بسعر مليون ومائتين الف دولار
يعني الهدف الواحد بي 20 الف دولار
يعني بي 75 الف ريال سعودي
يعني بي 48500000جنيه سوداني بالقديم
ياخي معقول
لو اهداف سيكافا دي غالية كده ( زي هدف قلق البيضة في الكرتلا)
اها ناس زيدان ورونالدو وايتو ديل اهدافهم بي كم
ياربي تكون بي مليون يورو للهدف الواحد
كان دي حسبتكم كده براحة بنشيل كاس العالم
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: جمال السنوسي)
|
مع سلسلة فضايح البعيوات مش حتقدر تغمض عينيك
بعد الرشاوى والبصمة بعيوات المسالمه قاموا بتزوير بصمة جديده
شبيهة ببصمة علاء الدين يوسف حيث سجلوا لاعب اتراكو فى نيل الحصاحيصا
( مستودع البعيوات ) زورا وبهتانا الى حين ديسمبر ليتم تسجيله للبعيو
---
تم بالامس اشراك اللاعب المغربى الماسورة الدافيه ( دافى ) مشطوب
نادى الرياض السعودى قبل تسجيله فى مكاتب الاتحاد العام السودانى
مما يعيدنا الى فضيحة اللاعب اسامة ام دوم وتسجيله افريقيا قبل تسجيله
محليا فى مكاتب الاتحاد العام ... يعنى لو فريق اشتكى حيقولوا ده لاعب
سيكافا ( على منوال جمهور سيكافا ) متعوده دايما ....
- حد يقدر يقول لى لماذا تم برمجة مباريات البعيو فى دورة القريه
( سي كاشا ) كلها فى الفتره المسائيه ؟؟؟؟؟؟؟
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: جمال السنوسي)
|
Quote: من غير شطارة .. سيكافا خسارة
وهي خسارة نصاح
لحدي هسه 60 هدف بسعر مليون ومائتين الف دولار
|
العزيز جمال السنوسي
أسعد الله اوقاتكم
تعرف يا أخي أن يكسر ما يربط الرشاشات ويوحد بينهم هو طولة اللسان في الفارغة.. الرشاشات تعرف اللعب على صفحات الورق وفي الملعب يحتكرون صفر الإنجازات..
لا قدر الله .. وجدت نفسي رشاشة لمدة يوم واحد فذلك أسود يوم في حياتي..
أنت مريخابي ابتسم.. لأنك صفوة لأنك جدارة لأنك كورة وشطارة...
| |
|
|
|
|
|
|
Re: البطيخاب مزنوقين زنقة ... وا ناري ... يا ماثاري (Re: عبداللطيف حسن علي)
|
Quote: يا هارون بالله اتذكر الزول دا كويس لغاية يوم 18
قال يلقانا مرهقين بدنيا ونفسيا ، طيب لوغلبناك بعد الارهاق دا كلو ! |
أنا بجي بذكرك ليهو يا عبداللطيف .. صحيح نحن هنا قاعدين نتناكف ونقول كلام كتير .. لكن فيهو الكثير من الكلام المفيد ولو رجعت لي كلام أنا كنت جادي فيهو شديد .. برضو بجي بقول ليك سيكافا بطولة ضعيفة رضى المريخاب أم أبو .. في مباراة ماثاري شفنا ضعف واضح في كل خطوط الفريق ولم نشهد هجمة واحدة منظمة .. ودفاع الفريق حدث ولا حرج كان شوارع مفتوحة لولا يقظة الحارس أكرم .. الكلام السمح والمعسول بتلقوهو في جرائدكم وعند مزمل أبوالقاسم حتى تصدقوا انكم فريق الدريم تيم .. خليكم في غفلتكم دي والميدان هو الفيصل ..
اللهم أنصر الهلال ..
| |
|
|
|
|
|
|
|