|
|
|
 Re: ياشباب انا فى انتظـار حدث سعـيد .. ترشيحاتكـم لو سمحتـوا ..!! (Re: مزمل خيرى)
|
أبو جُمانة
سلامات
الليلة عملت فيني موقف بايخ خالص
مشيت جامعة الخرطوم نهاراً و جنب كافتيريا الداون تاون أشوف ليك مزمل خيري قاطع نص و ماشي في الشارع
قلتة يا ولد دة بكون هو!؟
لأ ما بكون
قلتة خلاص نخليهو يتقدم شوية و بعد يفوت أكورك و أقول بصوت عالي مُزمل
لوهو حيتلفت ولو ما هو أكون ما وقفتة الزول غلط
و كوركت مرتين
بالله فتحتة لي فتحاً مبينا
عرفتك طوالي دة ما إنتة
ذكي مش
مبروك مقدماً
| |
 
|
|
|
|
|
|
|
|
Re: ياشباب انا فى انتظـار حدث سعـيد .. ترشيحاتكـم لو سمحتـوا ..!! (Re: مزمل خيرى)
|
قريبي مزمل
كيف حالك
ماشاء الله يعني المنجمون قالوا انت زوجتك حتلد بنت
شيء عجيب
انا عندي احساس انو حيكون ولد وكل الناس حتتمقلب
وعشان اتمقلب زيهم
بقول البت تسميها
يا بدور القلعة
(((( وجوهرة)))
اطلع من حرف الجيم
وسمها
(((امروس))) يعني القوس قزح
امان حرف الجيم دا ما صعب يا صاحبي وفي النهاية
حتقع في اسم
حارة
او جايرة
او جليلة
وهذه الاسماء مستأسدة في منطقتنا النوبية وخاصة في مشكيلة وفريق..
وعند فك التسجيلات والخروج من حرف الجيم سنختار اسماء جميلة ومستحيلة
| |
|
|
|
|
|
|
|
|
 Re: ياشباب انا فى انتظـار حدث سعـيد .. ترشيحاتكـم لو سمحتـوا ..!! (Re: Zomrawi Alweli)
|
..
.
جٌـلنار
( البعض يقول أن أصله عربي و مكون من قسمين أي اسم مركب و معناه كرة النار
و البعض يقول أنه فارسي و معناه زهر الرمان وهو الراجح )
ومبروك مقدماً وان شاء الله يرزقكم خير وعافية..
________
بَسيطةٌ أنا...!
أُلاعبُ الأَطيارَ في الحدائقْ،،،
أستنشقُ العبيرَ والنّدا...
بَسيطةٌ أنا...!
في عُيوني كلُّ أحلام الصّبا،،،
وَالأَماني...... والمُنى...
بَسيطةٌ أنا...!
أهُزٌّ بِاليمين مِهادَ مَنْ..
سَيُزَلْزِلَ الأَرضَ غَداً..
وَيَدُقَّ أَبْوابَ السّما.......!!
جُلنار أنا ..
لو ما عجب امها سموها ( جيفارا )
ولا يحتاج لمعنى .. وحيزلزل الدنيا ..صدقنى
| |
|
|
|
|
|
|
|
|
|
Re: ياشباب انا فى انتظـار حدث سعـيد .. ترشيحاتكـم لو سمحتـوا ..!! (Re: haroon diyab)
|
جودي
هو اسم سفينة نوح
هي من انقذت سيدنا نوح ومن آمن به
وحملت الناس الصالحين
اسم جودي مذكور في الكتب السماوية كاسم لهذه السفينة وكمان موجود في مخطوطات قديمة
وما حا يكون صعب على غير الناطقين بها ..لو يعني ناوي تقريها مدارس اجنبية او تهاجروا (كاف الله الشر)
..لو سميتها جودي ..حا ارسل لها كتب تقراها لما تكبر ..موضوع الدهب بتاع استاذنا سيف الدولة ده ما حا يخارج مع بت سودانييز اون لاين دي
عاوزنها مجندرة من اسع
تحياتي ومبروك مقدماً
منال
| |
|
|
|
|
|
|
|
|
 Re: ياشباب انا فى انتظـار حدث سعـيد .. ترشيحاتكـم لو سمحتـوا ..!! (Re: معتصم مكاوي)
|
..
.
Quote: أصحى يا تبلدينا ...
صديقى أحمد يوسف من ابناء رفاعة و يسكن ام درمان اولاده :
جيفارا
جاليلو
أصحى يا تبلدينا ...
صديقى أحمد يوسف من ابناء رفاعة و يسكن ام درمان اولاده :
جيفارا
جاليلو |
عارف يا استاذ التكينة
مزمل دا .. مكنش اسمى دا
اها صحبك عندو زلد اسمو جيفارا .. شايف يا مزمل
اها انحنا البنية عايزنها جيفارا ..
جمانه بالجد اسم جميل بس اتسمى كتير
صحبي اسامه خضر بتو اسمها جمانه والله فعلا لؤلؤة
غايتو اتخرنا لكن لو الولد لحق بنخليهو يجكسها .. ربنا يحفظها يا رب
عندى عمى عديل كدا يا انور اولادو
واحد اسمو : المهاتما غاندى والتانى البانديت نهرو ( وفى شهادة الميلاد بس اختصرناهم على غاندى ونهرو)
وتتصور اولادهم فى المدارس حسي ..
_________
اعمل حركة يا مزمل .. جيب ليك تقليعة
| |
|
|
|
|
|
|
|
|
 Re: ياشباب انا فى انتظـار حدث سعـيد .. ترشيحاتكـم لو سمحتـوا ..!! (Re: سناء عبد السيد)
|
الـحـكـايـة شـنـو يـا مـزمـل لـي هـسـة انـتـو ؟
الزول يغيب من البورد سنة و يجئ يلقاكم لسة بتفتشوا لي اسم !
ذكرتوني حكاية ظريفة حصلت قبل سنوات : خالتي الله يديها العافية
لما جابت اول طفل سمته علي و بعد داك ربنا رزقها بي بنات وراء
بعض كدا ماشاءالله بس و كانت مصًرة انها تواصل في حرف العين و اللام
مع بعض و دايما" انا كنت الباحث عن الاسماء الحلوة للبنات الحلوين
و البادية بالعين واللام ، بعد علي سمينا البت الاولي علياء و البعدها علا
و البت التالتة عليل و لما جات البت الرابعة ماشاءالله تبارك الله و بعد تفكير
كذا يوم قلت ليها والله يا خالتو لو مصرين علي العين و اللام مع بعض بعد دا
إلا تسموهاعلبة !! أها كمان انت يا مزمل يا أخوي كان كل المقترحات الواردة
أعلاه دي ما عجبتك انت و ام العيال بعد دا إلا تسميها جيم3 أقلاها تضمن أنه
مافي واحد ممكن يتجرأ و يشاغلها ليك هههههه .
تـحـيـاتـي و ربـنـا يـحـلـكـم بـالـسـلامـة يـا رب .
| |
|
|
|
|
|
|
| |
مزمل خيرى
علاء الدين يوسف علي محمد
سيف الدولة كامل
ياسر بيناوي
نوفل عبد الرحيم حسن
bent awad el kareem
داليا حافظ
فادية اليمني
SHIBKA
Medhat Osman
شمس الدين ساتى
انور التكينة
خضر حسين خليل
مرتضى الكجم
ashraf mukhtar
Hisham Ibrahim
Zomrawi Alweli
طارق جبريل
الطاهر ساتي
haroon diyab
صلاح أبودية
حسن الجيلى سعيد
خالد العبيد
السمؤال بدرالدين
rani
معتصم مكاوي
إبراهيم عبد الحليم
سناء عبد السيد
يحي ابن عوف
فيس بوك
تويتر
انستقرام
يوتيوب
بنتيريست