|
كيف يكون العيد في غيابكم ...واااااا وجعي ... ؟؟
|
كيف يكون العيد بدونك .. يا امي الحبيبة الغالية .. منو البقول لينا .. عافية منكم .. لبن شطري .. وشيل حكري .. يومه انتي مشيتي وين ..؟ يا ربي العيد كيف ؟.. وكيف نتجرع طعمه وانتي مافي .. يومه صباح العيد .. كيف وانتي .. مامعانا .. يا أبوي كيف تستقبل .. العيد وخدوجتك مافي .. يا الله يا الله .. الله يرحمك يا امي ..
ويا تونه يا عسل يا خفيفة الظل .. أنتي مشيتي لي امي .. ليييه أستعجلتي ..؟ ده من حبك الشديد لي أمي حلفتي إلا تلحقيها بعد 60 يوم من رحيلها .. ليييييييه رحلتو الاتنين وخليتونا .. يا تونه نحن بستحمل فراق امي شويه .. لانه كبرتنا وعلمتنا وفهمتنا ودرستنا .. أنتي مشيتي .. خليتي مزن لي منو .. بالمناسبة مزن قبل يومين كان عيد ميلاده التاني .. وغنت في مدينة الطفل .. ماما وبابا حبوني وانا حبيتهم بي عيوني .. شفتي يا تونه مزن بتحبك .. ومازن دخل المدرسة مستمع وشاطر وبحب الكتابة وبص المدرسه بجي يشيله ويقول .. باي باي جنب الباب ويلوح بي يده .. بس ما بلوح ليك يا اعز ام .. فقدوك يا تونه .. وفقدناك نحنا .. وفقدتك الحنانه .. عشان تنقش ليك في العيد الحنه الخفيفة يا راقية .. فقدتك وفقدت تلفونك يا تونه .. وتطلبي .. الحاجات الحلوة للبيت .. الستائر والملايات والحاجات الحلوة.. لانك انتي تونه الراقية الجميله .. يا الله يا الله ..
أمي حبيتي... تونه أختي حبيتي .. ربنا يرحمكم .. ويجعل عيدكم في الجنة .. الحمدلله الحمدلله ...
|
|
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: ismeil abbas)
|
أسماعيل يا اخوي .. جيتك هنا خففت علي ..
Quote: نسأل الله ان يرحم امهاتنا وكل موتانا..ولكن هذه سنة الحياة...وربنا يلزمنا الصبر.. |
اللهم آميييين .. يا ربي صبرته ثمانية شهور مضت بقدر بصبر على العيد .. يارب .. ارحم امي وتونه أختي .. يا الله ... لا نسألك رد القضاء .. نسألك اللطف ..
Quote: وكانت تقول ..تتعلا ما تدلا... |
نسأل الله أن تكون روحهم فى الجنان .. وملابس عيدهم من سندس واستبرق .. الحمدلله الحمدلله الحمدلله ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: حبيب نورة)
|
حبيب نورة .. عيدك سعيد
Quote: الله يرحما قطعت قلبي يااااخ !! |
الله يرحمهم يا حبيب نورة الاتنين .. امي العزيزه .. واختي الحنينة .. وانا قلبي مفطور .. يا ريتو لو كان مقطع وبس ... نعمل شنو .. ؟ العيد عندنا طعمه .. عجيب .. عجيب .. وانا عيدي عيد غربه .. واخواتي واخواني وابوي ..عيدهم كيف ابوي يا حبيب نوره .. الما فارقته امي .. علاقتهم عجيييييبه .. مسكين أبوي .. من يوم فارق أمي واحس انه فى عالم تاني .. يتصل علي ويقول لي ما تبكي يا بتي .. ويكون هو الببكي .. الحمدلله الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
عفاف ما تفتحي الجراح كلنا فقدنا حبايبنا وتركو لينا الحسرة لكن فقدهم في الاعياد شي موجع مر الاعياد دائما تفتق الجراح وتعيد الحزن للمربع الاول اللهم ارحم موتانا اجمعين الف ورحمة تنزل عليهم عفاف... اعلم مرارة الصبر وصعوبة احتماله ولكن ليس من ذلك مفر فالنصبر ونتجرع غصتنا ونبلع عبراتنا عشان خاطر الحلوين الذين اصبحو امانة في ايدينا ربنا يخليهم يكونو خير خلف لخير سلف وكل سنة وانتي بالف خير
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: أم سهى)
|
Quote: فقد الام صعب .. تعيش وأنت ما عارف نفسك .. بالضبط شنو الناقصك .. اللهم ارحمهم برحمتك الواسعة |
فعلاً الأم هي مفتاح إدارة البيت القلب الرؤوم الحنون العطف كل جميل هوالأم ..... هي نسمة فر.. عيد الفرح .. لون الفرح.. وكل الفرح
أللهم أرحم كل أمواتنا ونخص الأمهات رحمة واسعة وأسكنهنَّ فسيح جناتك
ولك التحية والتقدير الأخت عفاف الصادق وأنتِ تفردين لهذه الإنسانة العظيمة عظمة كل شئ فينا هذه المساحة والتحية لكل أم
تحياتي ومودتي
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: خالد علي محجوب المنسي)
|
داليا .. شكر حبيبتي وجودك هنا مهم لي
Quote: وربي يصبرك ياعفاف ..إتذكري ذكرياتهن الحلوة ..وأفرحي ..مااا برضيهن حزنك والدنيا قبايل عيد .. |
يا داليا الله يصبرني .. اتذكرهم .. ؟ هم فارقوني لحظة عشان يدوني مساحة تفكير .. ديل ملازمني .. أمي يا داليا .. لما اتصل عليها واقول ليها هي يا الحبيبة .. تقول لي يا مستهبله عايزه شنو .. اقول ليها عايزه اسمع صوتك وبس .. يا داليا صعب .. عليه .. ولا .. تونه يا داليا جاءت وقفة عيد الفطر الماضي مع اطفالها مزن ومازن .. وكان العيد عندي عيدين .. ملأت علي البيت ونستنى الغربه .. وفرحتني وفرحت بيتي .. تونه العيده ده مشت وزعلتني وزعلت مازن ومزن .. مزن فاكره امها معاي .. وكل ما اتصل تقول لي أديني ماما .. اعل شنو يا داليا .. انسى كيف .. الحمدلله الحمدلله الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
أم سهى - الله يديك العافية ..
Quote: اعلم مرارة الصبر وصعوبة احتماله ولكن ليس من ذلك مفر فالنصبر ونتجرع غصتنا ونبلع عبراتنا عشان خاطر الحلوين الذين اصبحو امانة في ايدينا ربنا يخليهم يكونو خير خلف لخير سلف وكل سنة وانتي بالف خير |
لكن يا أم سهى نعمل شنو ؟ نبلع في العبره .. لكن ما قادرين .. مش نحن بشر ..؟ يا ربي نقدر نكون قدر الامانة ..؟ مزن .. مازن .. نقدر نعوضكم فقد تونه .. كانت مهمومه بيهم .. وتقول متين مزن يبقى عمرها 6 سنة .. عشان أشوفها طالعها الاولى في الابتدائي .. ولا مازن .. وحلم تونه .. أخخخخخ يا أمي .. أسأل الله أن تكوني أنتي وبتك تونه في الجنان .. اللهم لزمنا الصبر
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: خالد علي محجوب المنسي)
|
الحبيبه عفاف بيتجمد فيه اى احساس بالحياة بيلفك حزن لمن تحس انك فى الدنيا الكبير دى مافى غيرك وعلى قدر وسع ارضنا وسمانا تحسيها بيها ماشيلاكى وضيقه لمن كاتمه ليك نفسك ... الفرح يغيب والضحكه تختفى وتفقد الايام معناها ... وبتلقى نفسك محبوسه جوه زنزانه حزنك الاحساس بفرقه احبابنا وحزننا عليهم اصلو مابيغيب ولابيفارقنا لكن بنتصبر .... الحبيبه عفاف العيد عندنا وقف ليهو 18 عام منذ اعدام الشهيد وفقدنا لحبيبنا الخليفه قبل اربعة سنوات وقبلو امى الكبيرة الربتنى (حبوبتى ) بتصدقى وتامنى بالله انا بتمسكنى خوفه شديدة من مارمضان يجى بخاف من المدسوس لينا فيهو وبخاف من فقد جديد... وخوفى ده بيسبب لى وسواس اقعد الوقت كلو اتصل بالتلفونات على اهلى واحبابى وبيمسكنى الجنون لو واحد فيهم مالميت فيهو لاى سبب خلاص ده معناتو انو فى حاجه حصلت ليهو .. بالرغم من يقينى التام بان الامر لله فى الاول ولاخر وانو خوفى مابيمنع المقدر لكن مابقدر امنع الاحساس بالخوف والحزن البيكون مالينى ... حاسه بيك حبيبه لكنها الحياة البركه فيكم وربنا يحفظ ليك اسرتك ويحفظك من كل شـــر تسلمى يارب ....
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: ismeil abbas)
|
المنسى - تحية خالصه ليك
Quote: فعلاً الأم هي مفتاح إدارة البيت القلب الرؤوم الحنون العطف كل جميل هوالأم ..... هي نسمة فر.. عيد الفرح .. لون الفرح.. وكل الفرح |
كل هذا .. افتقدناه .. نعمل شنو ..؟
مهما قلنا ومهما عملنا لا بديل لامي .. فقدناك .. يا خدوج .. والله فقدناك .. الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
آخر رسالة وصلتني من موبايل تونه أختي حبيبتى رحمها الله :-
((للمؤمن أخوة لا يرى بركة الدنيا بدونهم ,,, ولا يشعر بهمومها مع دعائهم ,,, وكلما أحبهم أحبوه وإذا فارقم حنو إليه .. وإني أسال المولى أن يحفظ لي إخوتي ما حييت ,, ))
ياأخونا .. تونه كانت عارفه نفسها حا تفارقني .. ولا ياربي ليييييييه رسلت لي الرسالة دي قبل ما تفارق الدنيا.. سبحان الله ... سبحان الله .. سبحان الله .. سوف ادعو لك ولامك يا تونه الى أن القاءكم ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
لاحولة ولا قوة الا بالله يالله يالله ياالله ربنا يرحمهما ويسكنهما فسيح جناته يا عفاف والله لم احتمل ولم استمر اكثر من سطر واحد والدمع انهمر وما شايف الا الدموع خلي اغسل وشي واجيك راجع وقبل ما اجيك ادي نظرة على صورة البروفايل عشان اكفيك عنوانو استغفر الله العظيم جربت موت كل الناس ولم اذق امر من موت ام العيال اها اطير وييييييييييييييييين من عيونهم يوم العيد
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: BitAlhana)
|
ياعفاف يا بتي ربنا يصبرك علي الفقد العظيم . فطرتي قلبي وفقعتي العلقم في حلقي فتقتي جروحي القديمه وفتحتي مخزن احزاني يا حبيبه . ما في بطنا فطيره علي قول اهلنا كاس مرارتها دا تجرعه كل انسان البركه فيكم يا بتي والبركه في مازن ومزن ربنا يحفظهم ويخليكم ليهم ترعوهم وتكبروهم وتنجحوهم .
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: تيسير عووضة)
|
Quote: الحبيبه عفاف بيتجمد فيه اى احساس بالحياة بيلفك حزن لمن تحس انك فى الدنيا الكبير دى مافى غيرك وعلى قدر وسع ارضنا وسمانا تحسيها بيها ماشيلاكى وضيقه لمن كاتمه ليك نفسك ... الفرح يغيب والضحكه تختفى وتفقد الايام معناها ... وبتلقى نفسك محبوسه جوه زنزانه حزنك الاحساس بفرقه احبابنا وحزننا عليهم اصلو مابيغيب ولابيفارقنا لكن بنتصبر .... الحبيبه عفاف العيد عندنا وقف ليهو 18 عام منذ اعدام الشهيد وفقدنا لحبيبنا الخليفه قبل اربعة سنوات وقبلو امى الكبيرة الربتنى (حبوبتى ) بتصدقى وتامنى بالله انا بتمسكنى خوفه شديدة من مارمضان يجى بخاف من المدسوس لينا فيهو وبخاف من فقد جديد... وخوفى ده بيسبب لى وسواس اقعد الوقت كلو اتصل بالتلفونات على اهلى واحبابى وبيمسكنى الجنون لو واحد فيهم مالميت فيهو لاى سبب خلاص ده معناتو انو فى حاجه حصلت ليهو .. بالرغم من يقينى التام بان الامر لله فى الاول ولاخر وانو خوفى مابيمنع المقدر لكن مابقدر امنع الاحساس بالخوف والحزن البيكون مالينى ... حاسه بيك حبيبه لكنها الحياة البركه فيكم وربنا يحفظ ليك اسرتك ويحفظك من كل شـــر تسلمى يارب |
ماجدة يا بت خوجلي .. كل سنة وانتي طيبة .. نعمل شنو .. نحن مؤمنين لكن الفقد حار .. الخليفة ما فقدكم .. فقدك بلد كامل .. وهو في الجنة .. ربنا يرحم حبوبتك .. ويجعلها مع الخليفة في بيت واحد .. والارواح الطيبة بتتلاقى .. الحمدلله الحمدلله الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: لاحولة ولا قوة الا بالله يالله يالله ياالله ربنا يرحمهما ويسكنهما فسيح جناته يا عفاف والله لم احتمل ولم استمر اكثر من سطر واحد والدمع انهمر وما شايف الا الدموع خلي اغسل وشي واجيك راجع وقبل ما اجيك ادي نظرة على صورة البروفايل عشان اكفيك عنوانو استغفر الله العظيم جربت موت كل الناس ولم اذق امر من موت ام العيال اها اطير وييييييييييييييييين من عيونهم يوم العيد |
عبدالله ود البوش .. كل عام وانت بخير ربنا يرحم ام عيالك .. جاءنا العيد والعلقم والحسرة .. لا عيدته على امي ولا حضنته اختي .. ده حال الدنيا .. ربنا يخلي اولادك ويعوضهم بام تكفيهم حنان .. والحمدلله الحمدلله الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: *** اللهم أرحمهن و أرحم موتانا ... و أجعلهم من عتقاء هذا الشهر المبارك .
*** الأخت عفاف الصادق ... أوقفى هذا البوست .. إن شئتى . |
.. الطيب .. كيفنك ..وكل سنة وانت طيب ربنا يسمع منك ويقبل دعاءك يارب يا كريم .. تقبل دعاء اخونا الطيب .. لو وقفته البوست يا الطيب يا خوي .. حزني بقيف وين ..؟ عزائي تخففو عني الم فراقهم .. وغربتي ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: آآآآآآآآآآه يا بت الصادق ياااخ بت ابو دية كانت معانا هني كانت تغتينا كانت ياها ضلنا كانت تسويلنا الكعك كانت تلولينا كانت صباح خيرنا كانت ياها لمتنا وراس جمعتنا مشت يا بت الصادق مشت حتى قبال اقولها مع السلامة
رحمة الله عليهن كلهن وكل سنة والجميع بالف خير |
طارق ود جبريل .. كل سنة وانت طيب شفته يا طارق عيدي كان كيف .. ولا رنة تلفون .. ولا عافية منك .. وربنا يرد غربتك .. يا الله يا طارق .. مشوا خلونا .. ونسأل الله أن يجعل عيدهم في الجنة .. وملابسهم سندس وأستبرق .. الحمدلله الحمدلله الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: عفاف صدقيني ما حا اقدر اكتب . |
وليد اخوي .. كل سنة وانت وكل المعاك في صحة وعافية .. تكتب تقول شنو ؟ يا وليد .. امي يا وليد .. أمي خديجة .. الراقية الفاهمة المتعلمة .. امي .. العقل المدبر .. علمتنا يا وليد .. اجاثا كريستي .. والفريد هتشكوك .. وارسين لوبين .. وقبلهم الشياطين ال 13 والمغامرين الخمسة .. و.. و.. و ولا تونه يا وليد .. تونه اتزوجة وجابت مازن ومزن ومشت خلتهم .. وينك يا وليد .. بقينا شوية .. الحمدلله الحمدلله الحمدلله
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: فقدنا لاحبابنا يخلينا نعيش حياتنا دون طعم
اي نعم الحي ابقى من الميت
لكن الميت بياخد حلاة الدنيا معاه
ربنا يرحم موتانا وموتي جميع المسلمين
وربنا يخلي مزن ومازن لابوهم وتكبروا ويعوضوكم عن جزء من روح امهم |
شبكة - كل سنة وانتي طيبة .. ربنا يحقق أمانيك .. عملنا ومهمت قلنا أمر الله باقي ... بس الفقد حار يا شبكة .. والطعم المر في حلقنا .. ربنا يرحمهم ويقبل دعاءك ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: Sidgi mattar)
|
Quote: يا عفاف الله يلزمكم الصبر و ربنابرحم و الدتك و اختك و يسكنهم الجنه
ويقدركم على مسؤليه مازن و مزن...
ربنا يرحم أموات المسلمين جميعا
فطرتي قلبي و الله يا عفاف |
بت الهناء .. ربنا يحقق أمانيك وأسأل الله أن يستجيب دعاءك ويقدرنا على تربيتهم .. سلامة قلبك .. وانشاءالله ما تضوقي الحزن ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: ياعفاف يا بتي ربنا يصبرك علي الفقد العظيم . فطرتي قلبي وفقعتي العلقم في حلقي فتقتي جروحي القديمه وفتحتي مخزن احزاني يا حبيبه . ما في بطنا فطيره علي قول اهلنا كاس مرارتها دا تجرعه كل انسان البركه فيكم يا بتي والبركه في مازن ومزن ربنا يحفظهم ويخليكم ليهم ترعوهم وتكبروهم وتنجحوهم . |
الحنينه دوما .. كل سنة وانتي طيبة .. اعمل شنو..؟ اسوي شنو يا دوما يا الحبيبة .. أمي مرارتها طعمه ما راح مننا .. مشت تونه الصغيره .. الفرق ما كبير وتركت الصغار .. مزونه الحلوه .. ومازن الجميل .. فقدوا تونه .. ونحنا فقدنا كله جميل.. ربنا يقبل منك ويقدرنا عليهم .. الحمدلله الحمدلله ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: أختي عفاف ..
بوست يدمي القلوب صبرك الله على فقدك العظيم وصبر جميع من تداخلوا معك معبرين عن فقدهم
ربنا يجعلها آخر أحزانكم جميعاً أيها الأوفياء وكل سنة تامين ولامين ..
محبتي .. |
الغالية تيسير عووضة ربنا انشاءالله ما يفقدك عزيز وربنا يقبل منك يا رب والحمدلله يا تيسير يا اختي .. ربنا كريم ورحيم .. أنشاءالله يجمعهم في الجنة أجمعين ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
الأخت عفاف نسأل الله القدير أن يجبر كسركم ويضمد جراحكم ويجعلكم من المحتسبين الصابرين على قدره ومشيئته إنها إرادة الله وهن عزيزات على نفسك وكل من حولك الأب والأخ والأخت والأبناء الصغار ولكنهن ليستا غاليتين على الله الذي أختارهن إلى جواره، نسألله جل شأنه أن ينزلهن منزلة الصديقين والشهداء وحسن أولئك رفيقا وأسأل الله أن يقويكم ويشد من أذركم في الفقد والمصاب الجلل
تقبل الله كل عزيز كان فقده غال علينا في الشهر الفضيل وإنا لله وإنا إليه راجعون
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: الطيب عبد الرحيم خلف الله)
|
Quote: الأخت عفاف نسأل الله القدير أن يجبر كسركم ويضمد جراحكم ويجعلكم من المحتسبين الصابرين على قدره ومشيئته إنها إرادة الله وهن عزيزات على نفسك وكل من حولك الأب والأخ والأخت والأبناء الصغار ولكنهن ليستا غاليتين على الله الذي أختارهن إلى جواره، نسألله جل شأنه أن ينزلهن منزلة الصديقين والشهداء وحسن أولئك رفيقا وأسأل الله أن يقويكم ويشد من أذركم في الفقد والمصاب الجلل
تقبل الله كل عزيز كان فقده غال علينا في الشهر الفضيل وإنا لله وإنا إليه راجعون |
الاكرم الطيب .. أسأل الله الكريم أن تكون من العائدين .. شكرا لدعواتك الجميله .. وربنا يصبرنا على فقدنا .. ويرحم كل امواتنا جميعاً.. ونسأل الله اللطف في كل قضاء .. والحمدلله الحمدلله الحمدلله
وكل عام وانت وجميع اسرتك الكريمة بالف خير ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: طارق الكوتش)
|
يذهبون دون وداع علي الرغم من دماءنا الواحده.. وايامنا وتفاصيلها المشتركه.. لا يرغبون في الذهاب..لكنهم يذهبون! يذيحنا فراقهم ذبحا بطيئا.. وتنزف قلوبنا مع كل آهة..ويلصق طعم العلقم في كل مذاقاتنا الي الأبد.. الا أننانواصل الحياة ونقول.. انتم السابقون ونحن اللاحفون.. ثم نتابع السير بحباتنا حتي يأتينا يوم يكون فيه الفرح توأم للحزن.. نعيشه ونقوي ايامنا بالإيمان والصبر..
البركه فيكم يا عفاف.. تعيشي وتفتكري..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
Quote: أمي حبيتي... تونه أختي حبيتي .. ربنا يرحمكم .. ويجعل عيدكم في الجنة .. الحمدلله الحمدلله ... |
تجنبت هذا البوست كثيرا ،، وترددت أكثر في الدخول ،، كلنا موجوع ويحمل آهات حرى في فقد من أحببناهم ،، وخاصة في صباحية العيد
بكيك لونقع الغليل بكائى .. وأقول لوذهب المقال بدائى
وأعوذ بالصبر الجميل تعزيا .. لوكان بالصبر جميل عزائى
طورا تكاثرنى الدموع وتارة .. أوى الى اكرومتى وحيائى
كم عبرة نهنهتها باناملى .. وسترتها متجملا بردائى
أبدى التجلد للعدو ولو درى .. بتململى لقد اشتفى أعدائى
ماكنت اذخر فى فداك رغيبة ... لوكان يرجع ميت بفداء !
رحم الله جميع موتانا وموتى المسلمين ،، وأحسن الله خاتمة الجميع
محبتي .... وصال عالم
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: وصال عالم)
|
Quote: رحم الله جميع موتانا وموتى المسلمين ،، وأحسن الله خاتمة الجميع |
وصال .. الحمدلله على كل شيء .. نحن نؤمن بالقضاء والقدر .. نطلب اللطف .. اللهم الطف بنا .. تقبل منك الله .. وكل سنة وانتو تامين ولامين ..
--------------------------------- علاقتك شنو ب صلوات .. وناس جهاد علي الشيخ
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: عفاف الصادق بابكر)
|
الله يرحم جميع موتانا وموتى المسلمين ،، وأحسن الله خاتمة الجميع
يا عفاف يا اخية قبل عامين وفى نفس الايام دى فقدت بتى منى الكنت فرحانة بنجاحا ودخولها كلية الطب فقدتها وهى فى ريعان شبابها وكانت ماليه البيت شباب حيوية لكن !!!! امر الله وانقضى ما باليد حيلة بكينا ما شاء لنا الله وحزنا ولبسنا السواد ولكنها ما رجعت لينا كتمنا احزانا ومسحنا دموعنا ورجعنا لمواصلة حياتنا صديقنى حتى الان نتصرف كانها بيننا لدرجه احيانآ اشترى نصيبها من الاشياء التى تحبها ولكن ارجع اتذكر انها رحلت وخلتنا.
يا اختى مهما بكينا وحزنا مافى حاجة حتتغير انهم ادئمآ معانا
آآآآآآآآه الله يصبرك
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: حواء سليمان ابراهيم)
|
Quote: يا عفاف يا اخية قبل عامين وفى نفس الايام دى فقدت بتى منى الكنت فرحانة بنجاحا ودخولها كلية الطب |
حواء ....
إنا لله وإنا إليه راجعون .. لاحوله ولا قوة إلا بالله العلي العظيم .. الحمدلله الحمدلله الحمدلله .. اللهم اجعل عيدها في الجنة .. وملابسها من سندس واستبرق .. وعلى الارائك متكئه ..
وربنا يزرع الفرح .. ويجعلها آخر الاحزان .. صبرك .. وعطفك .. وعفوك .. ورضاك .. يا الله .. زدتي وجعيييييييي وجععععععععع ..
| |
|
|
|
|
|
|
Re: كيف يكون العيد في غيابكم ...واااااا وجعي ... ؟؟ (Re: سيف الدولة كامل)
|
الاكرم سيف الدولة .. كيفنك يا أخوي كل عام وانتم تامين ولامين ..
Quote: والله يا عفاف فقدت الاب والام والاخ والاخت والابن
|
لاحولة ولا قوة إلا بالله أسأل الله أن يجعلك في درجة الصابرين .. ربنا يرحمهم جميعاً ويتولاهم .. نسأل الله أن يبني لهم بيت في الجنة ويجعله ملتقانا .. الحمدلله ..
Quote: نعم الله علي العباد النسيان ولو لفترة, نسال الله
ان يصبرك ويقوي قلبك في فقدك العزيز. |
آميييييييين يا رب العالمييييييييين
| |
|
|
|
|
|
|
|