|
رسوم المغادرة............
|
تحصيل رسوم المغادرة بالمطارسلوك محرج و غير متحضر حملت اشواقي و عدت بها متلفحاً بالليل و الحرج فقد افرغت ما تبقي من دنانير نيفاشا امام بوابة الحزن و تلقفها اصحابي شاكرين ودلفت بعد عناق الوداع المر احمل جواز سفري بيد و ادفع حقائبي بيد , عيناني لا تطاوعاني وشغاف القلب استدعت من الحب ما اخفته المرجله وتدافعت الذكري تغلفها صيحات الوداع ( في امان الله) وقدور الشوق غطتها ابتسامة التجلد كم احبك يا وطن و كم احبكم يا صحاب وبعد تمام اجراآت الرحيل المر طالبوني برسوم المغادرة منين يا حسرة ولماذا اهي رسوم استخدام وطن؟ ام ثمنٍ لدموع الفراق؟
لماذا لا نضمنها في ثمن التذكرة و تحصلوها من شركة الطيران؟
ارسل التشكرات باقات ليافع لا اعرفه تحملها عني و هو راضٍ ( يا عم اصلوا انا حا اعمل بيها شنو؟)
|
|
|
|
|
|
|
|
Re: رسوم المغادرة............ (Re: ابراهيم عدلان)
|
إبراهيم عدلان .. الحمدلله أنك لم تقفل عائدا من حيث أتيت .. في كل مرة .. كل مرة أكون مسافر فيها أرى بعضهم لا يرمي الحظ إليهم مثل هذا اليافع .. ويجرون حقائبهم خارجا - على غير العادة - من بوابة المغادرة .. أما سؤالك :
Quote: ولماذا اهي رسوم استخدام وطن؟ ام ثمنٍ لدموع الفراق؟ |
فأدع السيد كمال فرانكلي ليجيب عليه .. قصر في القنوات المالية .. أو كما ذكر
| |
|
|
|
|
|
|
Re: رسوم المغادرة............ (Re: محمد عمر جبريل)
|
محمد عمر جبريل تحايا رمضانية كدت ان اقفل راجعاً لاستمطر جيوب الصحاب التي فرحت بما آتاها الله لولا ذلكم الحاتم اليافع ان كان للعزيز كمال حظوة عند ذوي الحظوة فليشور علي علية القوم بدمج الرسوم مع قيمة التذكرة و احسبه سيفعل
| |
|
|
|
|
|
|
Re: رسوم المغادرة............ (Re: ابراهيم عدلان)
|
Quote: اهي رسوم استخدام وطن؟
|
وهل أتيحت لك وسائل إستخدامه كما تبتغي؟
لا أظن!!!
رسوم المغادرة إجراء سخيف جداً ويجب ان يلغى من صالة المغادرة لماذا لا يضمن ضمن التذكرة ؟؟؟
ـــــــــ
أسفت جداً لأني ما قابلتك في الخرطوم
| |
|
|
|
|
|
|
Re: رسوم المغادرة............ (Re: حسن حماد محمد)
|
عزيزى ابراهيم سلامات رسوم المغادرة ما مشكلة . الكلام الوسخ المردوم فى داخل وخارج المطار . عارف يا ابراهيم لو دى حتكون نفس الادارة للمطار الجديد . أحسن يكون مافى مطار . مافى داعى . تحياتى
| |
|
|
|
|
|
|
Re: رسوم المغادرة............ (Re: الطيب العامرى)
|
يا شقيق حمداً له على السلامة! معقولة تنسى رسوم المغادرة! ياخ دي أهمّ من التذكرة ذاتها، لي شنو وعشان شنو، الله أعلّم! المطار وسخان والشغالين فيهو أوسّخ، وطريقة التعامل تشبه ذاوتهم الكئيبة، مقابل خدماتهم مفروض يدفعوا للمسافر "بدّل معاناة".. __ الله في يا شقيق..
| |
|
|
|
|
|
|
Re: رسوم المغادرة............ (Re: حسن حماد محمد)
|
Quote: ودعدلان - يا صديقى مرحباً بك فى وطنك الثانى الرسوم دى كوم والزحمة والمدافرة كوم تانى وأنت رجل صاحب خبرة فى المطارات تفتكر نتظر افتتاح المطار الجديد لكى نرجع وله شنو؟ |
حسن حماد مرحباً
يبدو ان المغادرة مصدرها غدر يغدر مغدور مغادرة باعتبار توقيتها الغادر اقتراح آخر أعملوها دمغات و بيعوها في اكشاك تحويل الرصيد و الاسكراتشات عشان الناس تشتريها من بدري والحكومة تكون قابضة مقدماً و يا دارما دخلك شر علي الاقل يوفروا ثلاث موظفين في اليوم ( الاقتراح دا انا صاحبوا و لي حقوقي الفكرية و لو لقيت لي زول عامل فيها وكيل معتمد رسوم مغادرة بيني و بينو القضاء)
| |
|
|
|
|
|
|
Re: رسوم المغادرة............ (Re: ابراهيم عدلان)
|
حمدالله على السلامة يا أبراهيم يا أخوي...
وإنشاء الله كانت سفرية موفقة وبليت فيها شوقك وشوقنا للبلد!
بس يا أخوي نفسك قايم مالو!
والله ليك وحشة يا شقيق...
__________________ نشوفك في فطور السبت إنشاء الله وما تنسى تجيب التموين معاك إنشاء الله في قفة! _______________________
وحبابك أستاذنا حسن حماد منبرنا نور...
| |
|
|
|
|
|
|
Re: رسوم المغادرة............ (Re: Mohamed Yassin Khalifa)
|
Quote: عزيزى ابراهيم سلامات رسوم المغادرة ما مشكلة . الكلام الوسخ المردوم فى داخل وخارج المطار . عارف يا ابراهيم لو دى حتكون نفس الادارة للمطار الجديد . أحسن يكون مافى مطار . مافى داعى . تحياتى |
العزيز عثمان تحايا رمضانية حارة حرارة نعيمية بت محمود تعرف يا ابوعفان خدمات العملاء customer services دي علم قايم بذاتو حيث الابتسامة لا تفارق موظفيها/تها و تقوم اساساً علي انسنة المواقف بعد ان ثبت علمياً ان الحالة النفسية للمسافر تتغير و تتبدل لحظة السفر they might pack his/her brain snide their luggage حينها تصبح تهيئته و تطمينه و تبريد نفسو القايم مسؤلية ناس الخدمة بس الحاجة دي في اي حتة الا السودان حيث العكس تماماً فإستثارة المسافر مبارة يتسابق فيها موظف الكاونتر (ياخينا حجزك ما ظاهر لي في الكمبيوتر) و حارس بوابة الدخول( ماسك جوازك مشقلب و عامل فيها بيقرأ) و حمالي العفش(يطالب بفلوس لقاء عمل يقبض راتبه و يعرض عليك عربة عفش رغم مجانيتها) و بتاع الجوازات(وين كرت الخدمة ومالك ما سجلت في الا جانب وصورتكدي ما واضحة) بتاع الجمارك( افتح لينا الكرتونة دي باللله وتكون كرتوة آبري ) و يختمها ليك بتاع الأمن ذو النظرات المريبة ياخ اسمك دا في اللستة ممكن تجى معاي لحظة وهاك يا حريق اعصاب ولسان حالك يقول في حنق يعني انت افهم من بتاعين جوازت المغتربين ياخ لو اسمي محظور ما كان آشرو لي من اصلو غايتو الله يكون في العون
| |
|
|
|
|
|
|
Re: رسوم المغادرة............ (Re: ابراهيم عدلان)
|
ودعدلان
الف حمدلله بالسلامة وسرتني عودتك ...رمضان كريم انت عارف حكاية رسوم المغادرة حاجة سخيفة وغير مقنعة البتة..ناهيك عن الحرج البيدخل فيه الشخص بعدأن تكون أفرغت كل جيوبك ..
الله يكون في عون المغادرين..
نتمني ان نراك عشية السبت
الف حمدالله علي السلامة.
آدم العشا
| |
|
|
|
|
|
|
Re: رسوم المغادرة............ (Re: Adam D.El-Asha)
|
Quote: لكن نعمل شنو ندفع بس عشان نتخارج |
الطيب العامري بعد مرات الدفع زاتو ما بخارجك لمن تقع ليك في واحد من الساكنين في اخلاقهم بالايجار وحَكَمت معاهو استعراض قواه خصوصاً سفريات الليل حيث لا مسؤل تلجأ ليهو و تنعدم فرص الاستعانة بصديق ويكون الزول دا مكرفس وشو التقول حارس دكان ابو ياخ مرة وصلت البلد و معاي شرايط فديو عيد ميلاد لاحد اطفال اصدقاء الغربة مرسلهم عشان والدته تشوف حفيدها لاول مرة تخيل بتاع الامن قال لازم يعرف الشريط دا فيهو شنو؟ قلت ليهو الفيهو وما اقتنع بكلامي قمت قلت ليهو خلاص امسكوا عندكم و اديني وصل عشان استلمو تاني صحبك حلف راسو و الف سيف لازم يشوف المادة الفي الشريط في حضوري وتخيل انو الشريط رفض انو يشتغل لانو سيستم تشغيلو مختلف وكانت وعسة خارجنا منها دعاء الوالدين
| |
|
|
|
|
|
|
Re: رسوم المغادرة............ (Re: ابراهيم عدلان)
|
شقيق الهم الوطني ياسر طيفور تحايا رمضانية تزخرفها دعوات الطيبين بان يجعلكم و ايانا من عتقائه
الطيران المدني فلسف الرسوم بانها مساعدة في مجابهة منصرفات المطار قلنا ما مشكلة بس حقو تشوفو طريقة تحصيل اكثر تحضراً
اما بخصوص مظاهر العاملين فالموضوع محتاج لوقفة ( لاحظت عند سفري مرور احد رجال الجوازات امام الكاونتر المكتظ وبنطاله مكفكف حتي ادني الركبة بقليل ويلتاك مسواكاً و ينتعل سفنجة السمبرية و كان ماشي عادي بل توقف وتجاذب اطراف الحديث مع احد الموظفين عملت بمطار الخرطوم عندما كان مديريه السر ادم سابل و محمد نور الشيخ حيث كان الانضباط سيد الموقف و لا مكان للمساخر سر الانضباط ايامها كان في اعتبار كل العاملين بالمطار تحت ادارة المطار بما فيهم الجوازات و الجمارك و الامن يخضعون ادارياً لسلطة المطار و فنياً لاقسامهم واذكر حادثةً لمحمد نور الشيخ طالب بنقل ضابط جوازات كبير لمخالفته تعليمات مدير الصالة و تم تنفيذ النقل فوراً اما المظهر العام وقتها كان من اولي الاولويات و سادت ثقافة اليونيفورم المهندم لكل موظفي المطارشرطاً للاستمرارية الوظيفية الاخ ابراهيم احمد مدير صالة المغادرة لم تسعفني الايام للقائه هذه الاجازة واعلم مقدرة الرجل في الادارة و التي (لولا تداخل السلطات وكل واحد عامل فيها ابو السلطة و كلمتو هي الماشة) فهو الاقدر علي ابراز الوجه المشرق و اللاسات إمبريشن
| |
|
|
|
|
|
|
Re: رسوم المغادرة............ (Re: ابراهيم عدلان)
|
Quote: حمدالله على السلامة يا أبراهيم يا أخوي...
وإنشاء الله كانت سفرية موفقة وبليت فيها شوقك وشوقنا للبلد!
بس يا أخوي نفسك قايم مالو!
والله ليك وحشة يا شقيق... |
الشريف محمد يس
كيفك يا صاحب وهل ينتهي الشوق بالبل ام يبتدئ وماحب الديار ملكن قلبي و لكن حب من سكن الديار تركت الخرطوم تسبح في بِركٍ آسنة والناس اشبه بطحين الذرة بين الحجرين تركتهم يلهثون وراء قوت اليوم و مترفي المدينة يتبارون في شراء الاثاث الله في
| |
|
|
|
|
|
|
Re: رسوم المغادرة............ (Re: ابراهيم عدلان)
|
العزيز ابراهيم سلامات عليك الله أكتب واكتب واكتب دى أشياء مهمة شديد . ناس مطار الخرطوم ديل شغالين هبتلى ساكت ومافى أى احترام للعمل والكل عايز ياكل .. نفس الحاصل فى مطار نايروبى .. جد شىء مخيف .. لو الناس لم تتناول مواضيع المطارى دى جد المستقبل حيكون بطال .. عليك الله يا ابراهيم حاول اكتب اكتر . يمكن الناس ديك يكون عندها ضمير وتتعلم . شوف حركة مطار الجى أف كى . كيف . وكل مسافر يطلع فرحان ومتكيف . أكتب اكتب .. جزيل الشكر
| |
|
|
|
|
|
|
Re: رسوم المغادرة............ (Re: Osman Musa)
|
الاخ الاكرم ابراهومه حمدا لله بسلامة الوصول لديار العم سام..
بالغت يا ابراهيم ياخي ماكنت تجي يعملوا ليك Exemption Form انت الزيك ده يدفع ليه؟؟؟ انا طوالي بعمل الفورم من بدري
ولك مودتي
| |
|
|
|
|
|
|
Re: رسوم المغادرة............ (Re: Adam D.El-Asha)
|
العزيز آدم العشا تخيل منظرك و انت تسترجع ما افرغته جيوبك لا يمكنك قياس مدي الحرج و انت تهدم آمالاً بنيت علي ما افرغت جيوبك و أحلاماً من شاكلة دفع رسوم دروس العصر الاضافية او تسديد دين سيد اللبن و تخفيف عذابات دفتر الجرورة
الله في
| |
|
|
|
|
|
|
|