|
يا ناس السعودية استشارة سريعة !
|
الاخوان الاعزاء بورداب السعودية لكم التحية والاحترام ،،، o بسال عن كفرات مقاس 15 (برجستون او يوكهاما ) سعر الكفر كم فى السعودية؟ o هنا فى قطر الكفر الواحد نوع برجستون (450) ريال ! يعني الخمسة (2250) ريال قطري.
اخوكم معاذ
|
|
|
|
|
|
|
|
Re: يا ناس السعودية استشارة سريعة ! (Re: محمد عبد الماجد الصايم)
|
Quote: الاخوان الاعزاء بورداب السعودية لكم التحية والاحترام ،،، o بسال عن كفرات مقاس 15 (برجستون او يوكهاما ) سعر الكفر كم فى السعودية؟ o هنا فى قطر الكفر الواحد نوع برجستون (450) ريال ! يعني الخمسة (2250) ريال قطري.
اخوكم معاذ |
Quote: يا ناس السعودية استشارة سريعة ! |
معقول يامعاذ؟؟؟؟؟؟؟؟؟؟ (كلام ودالصائم ده ادي نظرة).
| |
|
|
|
|
|
|
Re: يا ناس السعودية استشارة سريعة ! (Re: أيمن دياب)
|
Quote: والله يا معاذ انا شايف انك تشتري الكفرات من السودان منها تشجع الصناعة الوطنية .
|
يا خضر قبل كده مسافرين من الخرطوم لحدي وادي خليل (كرمة) فى اسبوع ، قربنا نعيد فى الخلا ، نتيجة لتشجيع الصناعة الوطنية ، سته كفرات ضربت وربك ستر.
Quote: ومنها نلقي لينا قريشات من البيعة |
خلينا من البيعة اهم حاجة ضبحت الكديسه؟
| |
|
|
|
|
|
|
Re: يا ناس السعودية استشارة سريعة ! (Re: moaz elsir)
|
يا معاذ
قبل شهر
تقريبا
الاسعار ( كفرات غيرناها لسيارة تريل بليزر)
هانكوك من الوكيل 480 للكفر
ميتشلان 700 ريال
قوودير 700 ريال
يوكوهاما 570 ريال
الاسعار مع التركيب والترصيص ( بدون وزن)
وانا ما عارف مقاس البليزر كم
| |
|
|
|
|
|
|
Re: يا ناس السعودية استشارة سريعة ! (Re: أيمن دياب)
|
Quote: ما متأكد من السعر.. بس أنا اشتريت كفرات صينية نفس المقاس بسعر 140 ريال للواحد.. البرجستون واليوكوهاما لو طار السماء ما بحصل 300 ريال للكفر الواحد.. |
الاخ العزيز أيمن دياب لك التحية والاحترام وشكراً كتير على الاهتمام بالموضوع.
| |
|
|
|
|
|
|
Re: يا ناس السعودية استشارة سريعة ! (Re: moaz elsir)
|
الأخ معاذ...
بدل تغيير الكفرات.. أنصحك بتغيير حرفي النون والتاء بحرف الميم..وأشتري دماغك
قال حديدة قال..
رمضان كريم
بعدين جمال السنوسي بقى (صفوة)؟؟؟
الموضوع دا لااااازم نوصلو هارون دياب.
تحياتي لكم جميعاً..
| |
|
|
|
|
|
|
Re: يا ناس السعودية استشارة سريعة ! (Re: خضر حسين خليل)
|
Quote: بعدين جمال السنوسي بقى (صفوة)؟؟؟ |
محمود صاحبي
مالك علي ياخ
في تسجيلات جاية
يمكن الناس ديل يدفعو لي
زي ما دفعوا لي وارغو
العب ليهم موسم موسمين
اقصد اكتب ليهم بوست بوستيين
ولكن بيني وبينك
انا سيد بلد
وقروش الدنيا ما بتشيلني من الهلال
انت عارف هلال يعني شنو
بالله لو ما عارف اسأل عزالدين الدحيش
قول ليهو انت سجلت في المريخ
ولبست الشعار يوم واحد اتمرنت وقمت جاري ليه
ليه ما قدرت تتحمل انك تقعد مع ناس النجمة
النجمة .. النجمة تحت الجـ......
جـ... مين وليد طاشين
| |
|
|
|
|
|
|
Re: يا ناس السعودية استشارة سريعة ! (Re: عمر التوم)
|
يازول داير النجيضة: شوف اسعار المنتجات دى فى دول الخليج الفرق فيها ما بكون اكتر من ريالات ودراهم معدودات بالنسبة للماركات المشهورة فلا تكونن فيها من الزاهدين.. لانو لو الفرق زى ما بتتخيل ممكن يكون كبير كان شحنا من هنا لى هناك او من هناك لى هنا وغنينا فى شهر.. بعدين الشركات المصدرة للماركات المشهورة عشان تحمى كل وكيل بحددوا سعر البيع لكل دولة وبراعوا الفرق ما يكون كبير لانهم عارفين كل دوله وحجم استهلاكها كم وعلى كده شغالين. ولو بتسمع الكلام ربط كفراتك من هنالك وتعال كاسح قشة ماتعتر ليك. وكلام ناس جمال السنوسى وود الصايم ده كلام موظفين ساكت والنصيحة دى من خبير تسويق قضى ثلاثون عاما من المبيعات المتواصله فى السعوديه وانا لك من الناصحين. لكن لوعايز تركب كفرات تجارى يعنى صينى وغيره هنا يبدو الفرق اما الماركات فلا تفكر... شوف استشارات زى ده بنبيعها بالقروش لكن ليك حرم قرش مادايرنو.. اها قصرت معاك،،،
| |
|
|
|
|
|
|
Re: يا ناس السعودية استشارة سريعة ! (Re: صديق الموج)
|
مغترب ... وعندو كامري 2007 وعامل ليك بوست عشان فرق سعر كفرات.. في أحسن الأحوال لا يتعدي ال50 دولار؟؟؟؟؟؟؟؟؟؟؟ وقايمين ونازلين مشاورات وآراء!!!!! أنت ماعندك موضوع.. والناس ده ماعندها شغلة.. معليش معاذ مع احترامي الشديد.
| |
|
|
|
|
|
|
Re: يا ناس السعودية استشارة سريعة ! (Re: moaz elsir)
|
Quote: مغترب ... وعندو كامري 2007 وعامل ليك بوست عشان فرق سعر كفرات..
|
الاخ يوسف الخضر لك التحية والاحترام o الشكر اجزله لك على هذا الكلام الجميل ورمضان كريم. o الفهم بتاع المغترب بمتلك المال الكافي الذي يمكنه من قضاء كل حاجاته ويعيشه فى رفاهية هذا فهم خاطئ ومضي زمانه. o عندي سؤالي عن الاسعار فى السعودية ذلك بحكم انني ذاهب للسعودية لاداء فريضة العمرة يوم الخميس القادم ، فالامكان توفير مبلغ اقله 1000 ريال عند تبديلي لعدد 5 كفرات.
| |
|
|
|
|
|
|
Re: يا ناس السعودية استشارة سريعة ! (Re: أيمن دياب)
|
Quote: كلام صاح يامعاذ.. أنا عندي إحساس إنو الحاجة في الدوحة غالية شوية.. عشان كده اركب الشارع وفي أقرب محطة في الرياض بدل الكفرات.. ولأي استشارة أو وصف هاك ده تلفوني لما تدخل الرياض 0554009252
|
الاخ العزيز أيمن دياب تحياتي واحترامي ،،، o شكراً كتير على الاهتمام . o كلامك برد قلبي بعد الطمام وارتفاع الضغط !! o بالمناسبة دي ان كنت مقيم فى سعودية (الخبر) من 1998 حتي نهاية 2006 واشتغلت فى الرياض فترة يعني معرفتي بالسعودية كويسه خالص. o انشاء الله نتقابل ونتعارف وربنا يكتر من امثالك وتلفونك راح احتفظ بيه كصديق راح اتشرف بمعرفته. اخوك معاذ السر
| |
|
|
|
|
|
|
Re: يا ناس السعودية استشارة سريعة ! (Re: أيمن دياب)
|
Quote: بعدين جمال السنوسي بقى (صفوة)؟؟؟
|
ود السنوسي من يومو صفوة و صحوة و آل البيت .. والجيلي الصافي كمان عِندكُم كلام تاني؟
الجميل معاذ آ زول ها ما دام معاك كامري أقرا دُعاء السفر وشِد واركب ساي.. بإذن الله كان مهبَّطة ما بتجيك عَوَجة
| |
|
|
|
|
|
|
Re: يا ناس السعودية استشارة سريعة ! (Re: علاء الدين صالح)
|
Quote: الجميل معاذ آ زول ها ما دام معاك كامري أقرا دُعاء السفر وشِد واركب ساي.. بإذن الله كان مهبَّطة ما بتجيك عَوَجة |
الاخ العزيز علاء الدين صالح تحياتي واحترامي ،،، انشاء الله راح اتوكل على الله وابدل فى الاحساء او الدمام
| |
|
|
|
|
|
|
Re: يا ناس السعودية استشارة سريعة ! (Re: علاء الدين صالح)
|
Quote: الجميل معاذ آ زول ها ما دام معاك كامري أقرا دُعاء السفر وشِد واركب ساي.. بإذن الله كان مهبَّطة ما بتجيك عَوَجة |
الاخ العزيز علاء الدين صالح تحياتي واحترامي ،،، انشاء الله راح اتوكل على الله وابدل فى الاحساء او الدمام
| |
|
|
|
|
|
|
Re: يا ناس السعودية استشارة سريعة ! (Re: moaz elsir)
|
باللاي يا معاذ وإنتَ جاي ما تنسى تجيب لينا معاك: (1) شريط فيديو أمسية أستاذنا الكتيّابي (2) كيس هوا معبَّق بريحة شيشة من سوق واقِف (3) باقي كرتونة الحلومُر ألَّت أميرة الشيخ قول ليها رمضان وإنتهى أكسَبي ثواب في العزّابة المُقطَّعين ديل.. وحنعتبِرا ليكي زكاة فِطر
| |
|
|
|
|
|
|
Re: يا ناس السعودية استشارة سريعة ! (Re: علاء الدين صالح)
|
Quote: باللاي يا معاذ وإنتَ جاي ما تنسى تجيب لينا معاك: (1) شريط فيديو أمسية أستاذنا الكتيّابي (2) كيس هوا معبَّق بريحة شيشة من سوق واقِف (3) باقي كرتونة الحلومُر ألَّت أميرة الشيخ قول ليها رمضان وإنتهى أكسَبي ثواب في العزّابة المُقطَّعين ديل.. وحنعتبِرا ليكي زكاة فِطر |
الاخ العزيز علاء الدين صالح رسالتك حولناها للجهات المختصة للنظر فى طلباتك!
| |
|
|
|
|
|
|
Re: يا ناس السعودية استشارة سريعة ! (Re: ALZOLZATOO)
|
الأخ معاذ رمضان كريم ...
والله يا معاذ "الزول ذاتو." ما قصر معاك تب.. أداك كل الخيارات ونصيحتي ليك أشتري دواء منتهي الصلاحية ولا تشتري كفر منتهي الصلاحية وانتبه الكفرات عندها تاريخ انتهاء صلاحية وتأكد من أن الكفر انتاج عام 2009 أقع الأصلي وأرقد قفا ...واتوكل على الله ...
عادل عوض بلال
| |
|
|
|
|
|
|
Re: يا ناس السعودية استشارة سريعة ! (Re: عادل عوض بلال)
|
اول شي لازم .. تزور الرياض .. يا معاذ .. عشان عمرتك زاتك تكون في السليم .
الحاجه التانيه : اخووووك عمرو ما ركب هانكوك ولاغيرو .. وخليك ماليزي او اندونيسي
الاربعة تارتير ... 700 وشويه .. وبمشوك سنه في امان الله .
الحاجه التالته الاهم : عمرتك مقبوله مقدما .. انشالله لو ما اتقابلنا في الرياض
نتلاقي في مكه يا حبوب
| |
|
|
|
|
|
|
|