|
ماذا تعني كلمة زول? توجد صور
|
ماذا تعني كلمة زول؟
كثيرون يعتقدون ( جهلا ) أن كلمة زول كلمة اخترعها السودانيون وليس لها أصل ولا فصل , وللعلم والمعرفة إليكم
الزول تلك اللفظة العربية التي أصبحت تعادل كلمة (سوداني) في كل مهجر ومغترب ، حتى أصبحت شعاراً للسوداني ـ هي والعمامة ـ و (زول) من فصيح العربية ولها في لسان العرب لابن منظور أكثر من سبعة عشر معنى ، فالزول تعني
(1) الكريم الجواد ، أنشد السكيت المزرد
"لقد أروح بالكرام الأزوال من بين عم وابن عم أو خال
|
|
|
|
|
|
|
|
Re: ماذا تعني كلمة زول? توجد صور (Re: سيف اليزل برعي البدوي)
|
(2) والزول : الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .
3) والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه:
"أشبه الأنبياء كهلاً وزولاً وفطيماً وراضعاً وغذياً"
4) والزّول : العجب، ألا ترى السوداني إذا استغرب شيئا قال: يازول ؟؟
يعني ياعجبي من هذا الشيء
| |
|
|
|
|
|
|
Re: ماذا تعني كلمة زول? توجد صور (Re: سيف اليزل برعي البدوي)
|
والزول : الحركة (12)
(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة ... قال أبو علي : الحيزبون التي فيها بقية من الشباب . والزولة الظريفة
(14) والزولة : المرأة البرزة (الجميلة) الفطنة الذكية ، قال الطرماح بن حكيم : وأدت إليّ القول منهن زولة تلاحن أو ترنة لقول الملاحن والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء ،
| |
|
|
|
|
|
|
Re: ماذا تعني كلمة زول? توجد صور (Re: نادر الفضلى)
|
سلام ياسيف ورمضان كريم يازول .
احكي ليك قصة وردي لامن لاقاهو مدرس لغة عربية مهووس بالعربي ، قاليه يا أستاذ اغنية أرحل دي أغنية جميلة ، لكن انت بتقول فيها أشيل خطواتي من زولاً نسى الالفة ، ومن حرف جرف يا أستاذ ، فوردي قاليه :اي صاح من دي حرف جر وممكن تجر اي حاجة تجي بعدها لكن ما بتجر ليها زول :)
تحياتي الطيبات
| |
|
|
|
|
|
|
Re: ماذا تعني كلمة زول? توجد صور (Re: نادر الفضلى)
|
الاخ نادر الفضلي
رمضان كريم
وأنا سعيد بمرورك من هنا فكم كنت حزينا لاختفائك فترة
لدرجة إنني هاتفت بكري للسؤال عنك وعن أخوة رائعون كنت أفتقدت كتاباتهم
والتي تعلمنا منها الكثير
لقيتني كيف؟ زول حنين
يا نادر نحن الازوال السودانيين ديل ولوفين خلاص
كيف لا والدنيا زايلة
مع خالص مودتي
سيف
| |
|
|
|
|
|
|
Re: ماذا تعني كلمة زول? توجد صور (Re: سيف اليزل برعي البدوي)
|
Quote: الأخ هاشم
عاميتنا السودانية هي قمة البلاغة في اللغة العربية وهي كلها كلمات فصحي |
كلامك حقيقي يا زول.. تعرف انا عندي معجم مقاييس اللغة لأحمد بن فارس..مرات بقعد اقرأ ساي في الكلمات.. بلقي كلمات اكون بتخيلها قمة الدارجية اكتشف انها فصحي.. اغرب كلمة لاقتني هي كلمة (بوش) والنحنا بنسمي بيهو (فتة الفول..الأصلا مكونة من خليط من كمية من الحاجات المختلفة..فول جبنة طعمية سلطة زيت سمسم وكل ما زاد الخليط اتظبط البوش) طلعة بوش تعني: الباء والواو والشين اصل واحد، وهو التجمع من أصناف مختلفين!!!!
| |
|
|
|
|
|
|
Re: ماذا تعني كلمة زول? توجد صور (Re: othman mohmmadien)
|
كلمة زول تقابل فى النوبية (سول)
وسول فى النوبية تعنى الشخص ..الانسان ..الجسم
الذى لا اعرفه هل النوبية اخذت من العربية ام ان كلمة زول كلمة نوبية اصيلة..مع العلم ان كلمة سول متداولة حتى اليوم
حبوبتى ممكن تقول لى بالنوبية (سول انلوق جو)
اى ..اذهب بشخصك
As in English.. Go in person
تحياتى
| |
|
|
|
|
|
|
أخى سيف اليزل تحيات طيبات با زول يا أصيل
تشكر على كلماتك الطيبة و إهتمامك بإختفائى و سؤالك عنى وآخرين عند بكرى و يا ها دى أصالة الزول السودانى و صفاته الجميلة. وليقت زول حنين و رائع
أصدقك القول فى تلك الفترة توقفت و أحجمت عن الكتابة و المرور بالبورد و إن عدت للمشاركة و لكن ما زالت تحفظاتى قائمة .. و ما زلت أكبح جماح قلمى أو كيبوردى فيما أكتب مهنتى التى اتكسب منها عيشى علمتنى أن أتعامل بإحترافية وأن يكون عطائى بمقدار و بمعيار ..
مع تقديرى
| |
|
|
|
|
|