|
|
 Re: موت خالى من العِبر .. ربما "نميمة" (Re: ابو جهينة)
|
ســلام يا رأفت يافتاح يا عليم , الساعه الثامنه صباحا بتوقيت واشنطون
بدات يومى العملى وراسى فايـر واضرب واحسب واقول ارسل كم للسودان
وارد على نفسـى واتكلم براى السودان بقى غالى شديد ولى ماعارفه
هل يعقل اغلى من أمـريكا وكل يوم الاسعار زايده ومافى حسيب
صـراع ضياع تفكك غـربه والقوى ياكل الضعيف
وقلته كدى النفتح سودانيس اونلاين
ونشمشم الخبارات زى ماسمتها واحدى سودانيه
(قالت اى خبر طاشى تلقيه فى سودانيس اونلاين
والراجل مات نزلو الخبر قبال ما اهلو اعرفو
وبت الميت شافت الخبـر وداخت ساعتين ماعارفينها ما له)
وصدقنى اصبحوا السودانين فى انحاء العالم وممكن استخدموا
وسائل كتيره للهروب من السودان والسودان اصبح طارد من غير شك
والبفكر إرجع للسودان إرجع لصعوبة الحال واستحالة الحياه والمعايشه
واالقاعد فى السودان إقـول ليك الجابك شـنو
المهم وإمكن لو حاولته تتحرمن وتسلخ جلدك
إمكن تعيش والى .....اخ
اه شفته يا رأفت ده كـل رجعنى ليه كلامك
والسودنين اصبح اغلبهم بغير هويه
بلدنا طاره من غيـر شك وكل يـوم امـر على
بحزن اكتـر لمن اقــارن واقول لي نحنا راجعين
لى ورا
ولمتين القوى ياكل الضعيف السياسه لعبه كبير
وكل واحد داير إغنى وناس فوق وناس بتموت وكم حاله زى
لبنــى الجثوره زيها كتار ................
ولارحريه ولا ديمقراطيه وكل الحاصل ده لعبه سياسيه قذره ولمتين حنكون على هذا الحال
ومره سافرته بعد سنوات طويله ولقيت ليك البنات
اغلبهم لابسين طـرح قلته احســن البس توب عديل
احسن من الطـرحه زى الشفع
وانا فى توبى الظريف الابيض امام مستشفى الشرطه
كان فى طين ومطره الظاهر التوب وقع من راسـى فسمعت
ضابط بى دبوره واحــده بقول لى التوب فافتكرته قلبو على
توبى الجميل
ورديت عليه وقلته ليه نعم?
قال لى بى نهــره وصوط عالى غطــى راسك ولا اوديك الخيمه
لانو راسك عـوره
واحمد الله انقزنى اخوى حيدر رحمة الله عليه
عقيدشرطه معاش
وده كل رد على سؤالك يارأفت , وزى ما قال الاستاز ابو جهينةQuote: بل موت مترع بالعبر
و قصة تحكي الحال و المآل
كيف كنا و أين وصلنا |
|
|
 
|
|
|
|
|
| العنوان |
الكاتب |
Date |
| موت خالى من العِبر .. ربما "نميمة" | رأفت ميلاد | 07-18-09, 09:16 PM |
| Re: موت خالى من العِبر .. ربما "نميمة" | رأفت ميلاد | 07-19-09, 07:17 AM |
| Re: موت خالى من العِبر .. ربما "نميمة" | ابو جهينة | 07-19-09, 12:13 PM |
| Re: موت خالى من العِبر .. ربما "نميمة" | محاسن أحمد محمد | 07-19-09, 03:33 PM |
| Re: موت خالى من العِبر .. ربما "نميمة" | سيف الدين مصطفى كرار | 07-19-09, 06:22 PM |
| Re: موت خالى من العِبر .. ربما "نميمة" | رأفت ميلاد | 07-24-09, 11:11 PM |
| Re: موت خالى من العِبر .. ربما "نميمة" | رأفت ميلاد | 08-24-09, 01:49 PM |
| Re: موت خالى من العِبر .. ربما "نميمة" | رأفت ميلاد | 08-24-09, 10:47 AM |
| Re: موت خالى من العِبر .. ربما "نميمة" | رأفت ميلاد | 08-23-09, 10:29 PM |
| Re: موت خالى من العِبر .. ربما "نميمة" | نادر الفضلى | 08-23-09, 11:14 PM |
| Re: موت خالى من العِبر .. ربما "نميمة" | رأفت ميلاد | 08-24-09, 06:59 PM |
|
| |
محاسن أحمد محمد
فيس بوك
تويتر
انستقرام
يوتيوب
بنتيريست