|
Re: بالطريقة دي لن تبق في وجهه مزعة لحم !!! ـــ (Re: ABUHUSSEIN)
|
الاخت العزيزة سارة منصور ـ دا ما ياهو سوداننا الفوق يا سارة ـ ما عارف يلقاها من وين واللا من فين ـ
الاخ مهاتير ـ الظاهر ان المصير ربنا مؤجله، اتمني الي اجل غير مسمي ـ بصراحة انا الخوفة علي البلد دي ليها معاي سنين طويلة ـ وانا مستغرب اننا سالمين الي الآن ـ يبدو أن دعوات صالحينا واصلة ـ الله يجنبنا الشرور ـ
اخونا حسين ملاس ـ يازول انت غطست وين خليت البورد مولع و لبدت ـ بالنسبة للحال حولينا ولا علينا دي لمتين؟؟ ـ انا خايف نحن نكون (already) في نص البلوة ـ
اخي العزيز د.عباس ـ نحن في زمن عولمة المشاكل دي تشابكت الخيوط من الداخل و الخارج وقد اختلط الحابل بالنابل وصار اللبع من جوة ومن برة ـ وزي ما شايفين أن الايادي دي يمكن تمديدها خارج حدود الرسم الي خارج البورد الي مالانهاية ــ بركة ان هذا الرسم المتواضع جابك بي جاي ـ ومنتظرين ابداعكم انتو ناس التخصص ـــ
اخي ابوحسين ـ نسوي شنو عاد؟ فقدنا المنطق عديل ياخي ـ قلنا نستخدم ادوات تعبير اخري ـ
ألف تحية وشكر علي تفاعلكم ـ
|
|
|
|
|
|
|
|
|