|
Re: هل يغتال اوباما (Re: khaleel)
|
الأخ خليل تحية طيبة
معليش أسمح لي بمداخلة قد تبدو مشاترة
Quote: هل ستكرر حادثة كيندي
مرة اخري |
لا ما ح تتكرر .. لأنه اليهود ما أغبياء
أغتيال أوباما سيخلق مليون أوباما تاني .. ولأن اليهود عارفين كدا (وما بعاينوا تحت رجليهم ..زينا) .. ح يحسبوا مليون ألف حسبة قبل ما يغتالوه إغتيال حقيقي. يعني ممكن يجربوا يغتالوا شخصيته ويهزوها قدام العالم زي ما عملوا مع كلينتون في (فضيحة مونيكا) ومع نيكسون في (فضيحة ووتر جيت) .. ودي طبعا صعبة جداً لأنه اوباما متصالح جداً مع نفسه ، ومبادئه متسقة تماماً مع البعمل فيهو .. وأهم من كدا أنه مطبق مبدأ الشفافية في الواقع!
مشكلتنا يا خليل أننا عايشين في خوف صنعناهو برانا وبنفكر فيه برانا .. وحتى لو أغتالوه أو (اجلو تمّ براهو) فالراجل خلاص عمل حاجات مهمة أولها أنه أحرج كل حكام العالم وأثبت ليهم أنه مسألة "الحاكم العادل" دي ما موجودة في كتب التاريخ بس ، ولكن ممكن تكون حقيقة مُعاشة .. وتاني حاجة رفع سقف تطلعات الشعوب للكيفية المفروض يكون عليها الحاكم ، والجديَّة المطلوبة في التعاطي مش بس مع القضايا ، ولكن كمان مع مصالح "البشر" لأنه مصلحته كحاكم مرتبطة إرتباط مباشر مع الحتة دي .. وتالت حاجة أثبت للشعوب أنه مافي حاجة اسمها"مستحيل" لو أخلصنا العمل وصفينا النية، وخططنا تخطيط محكم لأمورنا ..!
يبقى واجب علينا بعد دا كله أننا ما نخلي الخوف يسيطر علينا ويتمكن مننا ... لاننا ببساطة ما ح نقدر نعمل أي حاجة ونحن خايفين من كل حاجة!
فعلاً الله يستر علينا من خوفنا .. ما من اليهود!
إحتراماتي
|
|
|
|
|
|
|
العنوان |
الكاتب |
Date |
هل يغتال اوباما | khaleel | 06-20-09, 10:49 AM |
Re: هل يغتال اوباما | جمال السنوسي | 06-20-09, 10:52 AM |
Re: هل يغتال اوباما | khaleel | 06-21-09, 01:09 PM |
Re: هل يغتال اوباما | Frankly | 06-21-09, 02:00 PM |
Re: هل يغتال اوباما | khaleel | 06-21-09, 02:25 PM |
Re: هل يغتال اوباما | Hani Arabi Mohamed | 06-21-09, 03:25 PM |
Re: هل يغتال اوباما | khaleel | 06-21-09, 03:27 PM |
Re: هل يغتال اوباما | Amir Omer | 06-21-09, 06:06 PM |
Re: هل يغتال اوباما | khaleel | 06-22-09, 12:52 PM |
Re: هل يغتال اوباما | ذواليد سليمان مصطفى | 06-22-09, 05:13 PM |
Re: هل يغتال اوباما | khaleel | 06-23-09, 01:41 PM |
|
|
|