|
باركوا لي ..محمد إبني يحرز 57% في الشهادة السودانية ويدكم معانا بالدولارات..
|
اخيراً اكمل محمد عمر الفاروق ولدي هم دراسة المدارس وانتقل لي مرحلة جديدة في حياته التعليمية وواصل افراح أهله فبعد النتيجة الباهرة اللي حققها في امتحانات مرحة الاساس قبل شهر ونيف ها هو الان يثلج صدورنا بتفوق جديد اغر به عين والديه وافرحني وانا اتلقى خبر هذه النتيجة المفرحة التي كررت سيناريو نتيجة مرحلة الاساس .. غطت الزغاريد المنزل وتوافد الاهل بي الحافلات وعمت الفرحة بنجاح ابني محمد الذي ما فتئ(والله غالبني اكتبا ما عارف بلادة عربي ولا دموع الفرح ولخبطتها المنعتني) يزرع فينا فرحا بعض فرح حتى خلته المزارع الصغير.. والان نفكر في الجامعة المناسبة لي محمد فارجو من الاخوة تقديم المقترحات وإن كنت عن نفسي اميل لي إنو محمد يدرس كلية الطب فهو ولد نابغة منذ طفولته وكل نتائجه تبرهن ذلك إلا إنو الولد حابي الهندسة وقال عايز يبقا مهندس معماري.. بعض الاصدقاء نصحوني بي انو اوديهو ماليزيا وقررربت اوافق بس بيني وبينكم اتزكرت حاجات كده فكانت سبب مقنع لي انو ما يمشي ماليزيا لعل من اقواها إنو ماليزيا مشاها مصعب صحبي ومن قبله حميدة غير أن السبب الأقوى من الغاء فكرة ماليزيا حاجات تانية حامياني.. فكرنا في جامعة الخرطوم حقيقة لكن وبكل صراحة المشاكل السياسية خلتنا نلغي الفكرة لنو عايزين الولد يتخرج سريع ونحن مالينا في السياسة والطب دربو طويييل ونقعد نباري اعتصامات واوكامبو والسد الرد ودارفور وما بضمن ليكم محمد ولدي ممكن عادي يتخفى في شكل إمرأة ويدخل البركس (ما لي اييي شي والله بس عشان يوزع منشورات لي الطالبات بخصوص دعم البوسنة والهيرسك) والولد يتخرج لينا في 2025 واولاد دفعتو البقا رئيس يكون بقا والبقا استشاري يكون بقا والعرس وولدو خش السوق برضو وارد.. الاغلبية اقترحت إنو نوديهو مأمون حميدة عشان يتخرج سريع خصوصا وإنو عمكم مأمون حميدة معجب بي نتيجة الولد وتفوقه وقال ممكن عادي يقريهو مجاااان !! اعمام حمودي مصرين إنو يقرا علوم بحار في جامعة بورتسودان وما تسالوني ليي انا زاااتي ما عارف .. خيلان حمودي مصرين على جامعة القران الكريم وتحديدا فرع فداسي وبرضو ما عارف ليي وإن كان الوالي من فداسي.. عن نفسي اعدت العدة لي سفر محمد لي قطر من اجل التسجيل في مدرسة اسباير لتعليم كرة القدم وحا اخليهو يتخصص طرف شمال وان كنت منزعج لي انو ما يركز في قرايتو ويعملا لي كلها رحل بورداب وتصوير ورحبو بي فلانة اسة في المطار والليلة يا بابا انا في ام صلال عشان احتفال البورداب بي مناسبة وصول بوست هناي داك لي 100 مداخلة ده غير إنو اميرة الشيخ تقوم تحنكو لينا مصاريفو البنحولا ليهو وتشبكو ليك تبرع تبرع تبرع لمن هو زااتو يفتش للبيتبرع ليهو .. افيدوني بالله مستقبل الود محمد بين يدينكم ..
تخريمة : محمد ولدي من امبرح قافل على نفسو الاوضة وبيبكي وقال لي يا بابا دي ما نسبتي والله انا اشتغلت احسن من كده ومفروض اقلللللللل شي اجيب 93% . الإعادة غير واردة فماف زول يجي يشبكني خليهو يعييد السنة ..
|
|
|
|
|
|
|
العنوان |
الكاتب |
Date |
باركوا لي ..محمد إبني يحرز 57% في الشهادة السودانية ويدكم معانا بالدولارات.. | عمر الفاروق | 06-15-09, 09:20 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | عماد محمود علي | 06-15-09, 09:25 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | ismeil abbas | 06-15-09, 09:46 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | Abdlaziz Eisa | 06-15-09, 09:47 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | عبد الدائم سيد أحمد | 06-15-09, 09:49 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | HAIDER ALZAIN | 06-15-09, 09:43 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | نصار | 06-15-09, 09:55 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | Hassan Makkawi | 06-15-09, 09:59 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | محمد عبدالرحمن | 06-15-09, 10:37 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | عمران حسن صالح | 06-15-09, 10:59 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | Nader Abu Kadouk | 06-15-09, 11:28 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | محمد عبد الماجد الصايم | 06-15-09, 11:41 AM |
Re: باركوا لي ..محمد إبني يحرز 57% في الشهادة السودانية ويدكم معانا بالدولارات.. | Abdel Aati | 06-15-09, 11:47 AM |
|
|
|