|
Re: والله نميري ما كان زول هين .. الله يرحمه ياخ (Re: ابوعبيدة حسن محمد)
|
شكرا صلاح واشرف وابوعبيدة جزاكم الله خيرا وتقبل الله دعاءكم وشكر الله سعيكم
يحكي اهالي حي القلعة في سنجة انهم عانوا كثيرا في موضوع تمديد الكهرباء وحفيت اقدامهم من الجري وراء المسؤولين بعد ان جمعوا التبرعات وخاطبوا المحافظ وحولهم الى الجهة المختصة ولكن دون جدوى فيئسوا وعانوا حتى جاء يوم مر فيه نميري بسنجة عابرا في قطار متجه الى الروصيرص حينما علموا بذلك خرجوا عن بكرة ابيهم الى محطة القطار وربطوا الطريق لنميري عند المحطة هتفوا وعرضوا ماشاء الله لهم وحياهم نميري بالكاسكتة كعادته مطلا من الشباك فاصروا على طرح مشكلتهم عليه في هذه العجالة ياريس الحاصل كيت كيت كيت فقال لهم : امشوا للمهندس المسؤول وقولوا له نميري قال ليك لمان يجي راجع من الروصيرص يلقى الكهرباء واصلة فذهب وذهبوا ولما عاد قافلا قابله اهالي القلعة وابلغوه : ياريس الزول دا كلمكناه لكين ليوم الليلة ما عمل لينا حاجة فما كان من نميري الا ان قال لهم : ما عمل حاجة كيف؟ امشوا دقوه !! من حضروا هذا الموقف قالوا انه ليس مزحة بل هذا هو اساس قصة كهرباء القلعة المولعة دي !! ومن عجائب نميري حكى لي جندي متقاعد من القوات المسلحة انه بعد تقاعده في نهاية الثمانينات تأخرت الادارة المالية في صرف حقوقه حتى ضاق وتعب من كثرة التردد على القيادة العامة وفي يوم اهتدى هو وزملاء آخرين الى فكرة ( ربط الدرب لأب عاج ) اثناء خروج موكبه من البيت بالقيادة العامة باتجاه القصر وبالفعل تماسكوا واقفلوا الطريق في لحظة اقتراب مواتره فشعر الرئيس بحدوث شئ غير عادي عرقل مسيرته فلم يترك الأمر لرجال الأمن والحرس ، بل فتح الباب ونزل متقدما نحو قطاع الطريق قال لي الرجل : نحن نعرف نميري وكيف يمكن ان يتصرف ، ولو لم ينزل لمقابلتنا بنفسه لرحنا في شربة موية ولكن حدثت المحرية فيه قال: في شنو يا ؟ والله سيادتك نحن مرافيد ولينا ستة شهور الجماعة ناس الشؤون المالية ديل خاتين ليهم بنات كدا بمطوحوا فينا ويغشونا في الحقيقة والميزانية ووالله امشوا وتعالوا امشوا وتعالوا وهسع والله تعريفة حمرا ما فضلت لينا قلنا نرجاك تحل لينا مشكلتنا دي فتوجه اب عاج على الفور خلف دور ماشيا نحو القيادة التي خرج منها للتو : تعالوا وراي وين البناط ضيل ؟ ياهم ديل بيجاي سيادتك بيجاي وتووش : سلام عليكم شنو الكلام الفارغ ضا؟ ماتضوا الناس ضيل حقوقهم وتخلوهم يمشوا اهلهم طوالي ! وبالفعل رفعت الاوراق الى مدير الادارة لاخذ استثناء عاجل واخبروه بان نميري كان هنا قبل شوية ومشى! ياهو دا نميري وتصرفاته العفوية والرجولية الى درجة الخطأ فهو مثلا لم يهتم بخطورة مغادرة العربة المصفحة ولا بمواعيده في المكتب الرئاسي حينما ترك موكبه ومشى لمساعدة المرافيد الرباطية!! اللهم اسع في خيره عندك كما سعى في خير الغلابى ما استطاع وانت خير واكرم وارحم بعبادك منه اللهم اغفر له واحسن اليه _______________ رب اني تبت اليك وانني من المسلمين
|
|
|
|
|
|
|
العنوان |
الكاتب |
Date |
والله نميري ما كان زول هين .. الله يرحمه ياخ | محمد عبدالقادر سبيل | 06-01-09, 01:39 PM |
Re: والله نميري ما كان زول هين .. الله يرحمه ياخ | abdulhalim altilib | 06-01-09, 03:09 PM |
Re: والله نميري ما كان زول هين .. الله يرحمه ياخ | نادية عثمان | 06-01-09, 05:00 PM |
Re: والله نميري ما كان زول هين .. الله يرحمه ياخ | محمد عبدالقادر سبيل | 06-02-09, 07:49 AM |
Re: والله نميري ما كان زول هين .. الله يرحمه ياخ | BitAlhana | 06-02-09, 08:01 AM |
Re: والله نميري ما كان زول هين .. الله يرحمه ياخ | محمد عبدالقادر سبيل | 06-02-09, 09:43 AM |
Re: والله نميري ما كان زول هين .. الله يرحمه ياخ | صلاح أبودية | 06-02-09, 10:20 AM |
Re: والله نميري ما كان زول هين .. الله يرحمه ياخ | Ashraf El Bagir | 06-02-09, 10:35 AM |
Re: والله نميري ما كان زول هين .. الله يرحمه ياخ | ابوعبيدة حسن محمد | 06-02-09, 10:37 AM |
Re: والله نميري ما كان زول هين .. الله يرحمه ياخ | محمد عبدالقادر سبيل | 06-02-09, 12:11 PM |
Re: والله نميري ما كان زول هين .. الله يرحمه ياخ | معتصم مكاوي | 06-02-09, 10:58 AM |
Re: والله نميري ما كان زول هين .. الله يرحمه ياخ | ابراهيم قناوي | 06-02-09, 12:30 PM |
Re: والله نميري ما كان زول هين .. الله يرحمه ياخ | ibrahim alnimma | 06-02-09, 12:39 PM |
Re: والله نميري ما كان زول هين .. الله يرحمه ياخ | abuguta | 06-02-09, 12:40 PM |
Re: والله نميري ما كان زول هين .. الله يرحمه ياخ | ibrahim alnimma | 06-02-09, 01:50 PM |
Re: والله نميري ما كان زول هين .. الله يرحمه ياخ | محمد عبدالقادر سبيل | 06-02-09, 02:18 PM |
|
|
|