الاخ ALZOLZATOO ممكن؟؟؟!!!!

Quote: الاخت سهام المجمر ، بالله ياهو ده الطلب انا حالتي كلمت المدام قلت ليها يمكن اليومين ديل يجونا ضيوف اها من امبارح شايفها بتمسح في التلاجة لانو اليومين ديل في طيران رخيص عن طريق البحرين والدمام قلنا يمكن ح تركبي البحرينية بالنسبة لي موضوع البوست طبعا هذه الضحكة مستخدمها منذ انظمامي للبورد وكانت هههههه بدل لوووول والسبب في جماعة عملو شريط نكات وشايف استخدمو الكلمة وقلت انا طالما حقوقي غير محفوظة نغيرها شوية . طبعا في ناس كتار انتقدوني فيها زمان منهم الاخت بت قضيم والاخ حبيب بلدو لكن المبرر بتاعي كان قوي جدا جدا والشلة بتاعتي برضو دافعت دفاع مستميت من اجل ابقاء هذه الابتسامة واكيد ح تتفاجي اذا قدر الله ويوم قابلناك لانو ذي ماقالوا لي ناس كتار ضحكتك في البورد مابتشبهك وقلت ليهم يا اخونا الضحكة دي للكتابة فقط والفلسفة بتاعتي انو الكلام المقرؤ ربما يؤول وتضافة هذه الجملة او الكلمة كدليل على ان الموضوع ودي واخوي عشان الناس ماتفهم غلط نديك مثال يعني لو اسع انا قلت لي ياسر طيفور عامل تفتك الكتيرة دي ممكن يعتبر الموضوع شخصي وانا قاصدو لكن لمن نضيف ليها لووووووووول يكه كا بروفكس المعني يتغير ويفهم القاري ان الموضوع ودي وليس عدائي المهم ما نطول عليك عشان حسين ملاسي ما يشتغلنا كتير وطبعا انا حاسس ح يكتب ليك عن طلبك ده ضعف الطالب والمطلوب لوووووووووووول يكه على العموم الموضوع بسيط استخدمي الكلمة واعتبريها ملك خاص وماتشوفي شر تحياتي زاتووووو