|
|
 السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات حمر
|
صحبي الاسفيري سابقا والمختفي حاليا كان ان ادار معي حوار ماسنجري طويل وعريض , تلك الايام الغابرة كنت بصدد الزواج ومشاكل البحث عن عروس والتي يعرفها (العُزاب) من الدياسبورا السودانية في كافة الاصقاع عدا السودان بالتاكيد , الحوار وصل بنا الي اقتراحه اني اتزوج واحدة ما سودانية , و تجلي واقترح لي ان اتزوج من مكان اقامتي ( سعودية وبالعدم سعودية هاف كاست وارد غرب البحر الاحمر , شامية , مغربية , حبشية , فلبينية , يمينة او اي جنسية اخري ما ضروري سودانية ) لانه اشتكي من اني قديتو بالموضوع دا وداير يضع ليهو حد , اجابتي له كانت انه الكلام دا كله ما بينفع معاي , قال لي ليه؟ قلت ليهو لا يستقم الامر عندي , فانا الذي ظللت ومنذ الرهاق الاول احلم بزوجة تقدس الحياة الزوجية تؤمن بان الطلح والحنة من اساسيات بيت الزوجية كايمانها بحافلة العدة والتلاجة واهميتهم في بيتها , قال لي خلاص وديها السودان وخليها تخش ليها ترينق (كوربريت ) قلت ليهو ما بينفع برضو لانه ما حاجة اصيلة فيها , بالاضافة الي انه ما ممكن اعرس لي فلبينية مثلا عيونها عاملات كدا  تتحنن بعد الطابق وتلبس ليها توب هزاز وامشي معاها في الشارع , عشان اكون فرجة وافوت جنينة الحيوانات في الجمهور , وواصلت كلامي بعدين ياخ دي ما المشكلة براها قال لي لو دي مشكلتك انا ما شايفها كبيرة وبتتحلا الحبش بشببهو نسوانا واضاف ياخ بشبهوهم شنو وحات الله اسمح منهن , قلت ليهو انا عندي مشكلة اساسية تانية وواصلت : يعني مثلا داير اكون في البيت شغال اصلح في اللمبة وتقوم تضربني الكهربا وتجي جارية من هناك وووب علي ووب علي وسجمي والكلام الحنين دا , ما داير لي واحدة تشبكني ليك اوووه ماي قوود , واسترسلت , داير نكون قاعدين كدا انا وهي او حصل اي موقف اقوم اضرب ليها مثل سوداني وتضحك طوالي او تتفاعل معاي ما اقعد اشرح ليها نص ساعة لحدي ما الموضوع يكون زاتو اتغير يعني اقول ليها الخيل تجقلب والشكر لي حماد ما تقعد تقهي فيني , قام قال لي ما تقول انت داير ليك واحدة من الجزيرة ساي قلت ليهو ما مشكلة من الجزيرة من الشمالية من الابيض من اي حتة في السودان بس يكون في لغة مشتركة لانه انا داير اعرس ما اشتغل مترجم , بعدين في حاجة مهمة اكتر من كدا , انا داير اجيب عيال ما عندهم مشكلة هوية وانتماء , لاني في النهاية الاغتراب دا مؤقت والعودة بتحصل الليلة او بكرة , بعدين ام تنسي انه ممكن نختلف انا وهي وتبقي عندنا مشكلة تاريخية في حالة رزقنا بالاطفال وكدا .
المدخل الفوق دا كله اردت ب ادارة حوار لاصحاب التجارب المعايشة والمرئية لزيجات السودانين من غير السودانيات , هل دفوعاتي بتاعة الونسة دي كانت ذات اثر محسوس في تجارب معايشة او تجاربة مشاهدة؟ وهل هناك معاناة حقيقة في اختلاف اللغة والعادات وهل هناك افتقاد للعادات السودانية للرجال او النساء السودانين المتزوجين من غير سودانين ؟
طبعا المنبر دا في راي انسب مكان لطرح مثل هذه الاشكالية لانه يعمر بالدياسبورا السودانية في كافة بقاع الارض واعتقد ان هناك من لديه تجربة في ذلك
بقي ان انوه لحالتي الشخصية تجنبا لمداخلات قد تاتي.
في النهاية انا اتزوجت سودانية مية المية وشايقية وما فاضل ليها الا تكون مشلخة لا ورا , ولي ناس الشمار ما عندي الرغبة في خوض التجربة بس من باب الشمار والعلم بالشي ومعرفة اذا كان دفوعاتي تقوم علي سند مقنع ولا عنصرية سودانية مني ساكت .
|
|
 
|
|
|
|
|
| العنوان |
الكاتب |
Date |
| السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات حمر | اساسي | 05-21-09, 12:06 PM |
 Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | خالد عبد الله محمود | 05-21-09, 03:55 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | Abd Alla Elhabib | 05-21-09, 05:55 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | اساسي | 05-23-09, 10:23 AM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | اساسي | 05-23-09, 10:16 AM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | عزاز شامي | 05-21-09, 09:00 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | طارق جبريل | 05-21-09, 10:57 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | علاء الدين حيموره | 05-22-09, 01:24 AM |
 Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | عبد الناصر الخطيب | 05-22-09, 09:10 AM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | دينا خالد | 05-22-09, 10:32 AM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | اساسي | 05-23-09, 10:36 AM |
 Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | عبد الناصر الخطيب | 05-23-09, 11:35 AM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | عصام دهب | 05-23-09, 12:25 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | عمر الفاروق | 05-23-09, 01:07 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | سيف اليزل برعي البدوي | 05-25-09, 06:53 PM |
| Re: السودانيين المتزوجين خواجيات, شرق اسيويات,افريقيات,عربسات (خلايجة,شوام,بحر متوسطيات)هنديات | سيف اليزل برعي البدوي | 05-25-09, 08:15 PM |
|
| |
اساسي
فيس بوك
تويتر
انستقرام
يوتيوب
بنتيريست