الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
فى الخرطوم .. حاجة عجيبة جداً !!
|
تصحى الصباح يوم الأحد .. تستحمى وتصلى الصبح وتشرب الشاى .. تمشى المكتب تلقى يوم الإتنين جاء ! تقرأ الجرايد وتشرب القهوة وتشوف البوستة ! تمشى الفطور .. ترجع المكتب تلقى يوم التلاتاء جاء! تكمل باقى شغلك ! نهاية اليوم تصلى العصر وتمرق الشارع ! تصل البيت مع المغرب تلقى يوم الأربعاء جاء ! تتغدى وتتعشى مع بعض .. وتقعد تغالط فى مرتك .. الليلة شنو فى الأيام؟ ناكراً إنو الليلة الخميس !! عرس ناس فلان بكرة ولّ كان أمس ؟ المهم تلقى نفسك جارى تحصل العقد فى صلاة الجمعة ! يوم السبت لو جبت الخضار وشلت الفاتحة مع ناس فلان .. تكون ماقصرت تب !!
|
|
|
|
|
|
|
|
Re: فى الخرطوم .. حاجة عجيبة جداً !! (Re: SHIBKA)
|
ألأخ/صلاح السلام عليكم..
ده وصف حقيقى للحال بالخرطوم..فعلآ حاجة عجيبة...
ده حال المقيمين فيها..ومابال الجايين إجازات.. يعنى ألجازاتهم صغيرة من المطار يرجعوا..
مشيت إجازة فنجهة كده 7يوم لحدى ألأن ألأسبوع ده رايح منى ماقادر ألفقو..اللهم بارك لنا فى اعمارنا يارب....
تحياتى......................إسماعيل محمد أحمد عباس...
| |
|
|
|
|
|
|
Re: فى الخرطوم .. حاجة عجيبة جداً !! (Re: SHIBKA)
|
SHIBKA صباح الخير !
Quote: ولما نمشي الاجازة ونرجع من الخرطوم بنكون اجازة من الاجازة عشان نرتاح فيها |
نحن فى الخرطوم لمن تقدم للإجازة السنوية .. وتكمل باقى الإجراءات وتصرف القروش ! تلقى نفسك نازل بكرة الشغل ! ولمن تنزل الشغل ناس المكتب يقولوا ليك .. إن شاء الله خير أمبارح ماجيت المكتب مالك؟؟
| |
|
|
|
|
|
|
Re: فى الخرطوم .. حاجة عجيبة جداً !! (Re: صلاح أبودية)
|
سعادتو صلاح أبو دية عندي واحد صاحبي قال لي عندنا حبوبتنا بتلبس التوب الأبيض الناصع يوم الجمعة و تتجهز للصلاة من بدري ، قال يوم كان الأربعاء لقيت ليك الحاجة قشرت بالتوب الأبيض و اتوضت عرفتها فاطة يومين ، سألتها : يا حبوبة ماشة وين؟ قالت لي : صلاة الجمعة قلت ليها : لكن يا حبوبة الليلة الأربعاء ، قال لي هي رباطابية ذكية لما شعرت بالخطأ اجابت و بسرعة : باقي ليها شنو غير الخميس...
| |
|
|
|
|
|
|
Re: فى الخرطوم .. حاجة عجيبة جداً !! (Re: صلاح أبودية)
|
الدُنيا قاعدة تنفِذ في البرنامِج الرباني : ورد من حديث أنس – رضي الله عنه – عند أحمد والترمذي في أشراط الساعة : { لا تقوم الساعة حتى يتقارب الزمان فتكون السنة كشهر ، ويكون الشهر كجمعة ، وتكون الجمعة كيوم ، ويكون اليوم كالساعة ، وتكون الساعة كالضرمة بالنار }
ألزموا الصبر ساي ما تجزعوا
| |
|
|
|
|
|
|
Re: فى الخرطوم .. حاجة عجيبة جداً !! (Re: صلاح أبودية)
|
Quote: تصحى الصباح يوم الأحد .. تستحمى وتصلى الصبح وتشرب الشاى .. تمشى المكتب تلقى يوم الإتنين جاء ! تقرأ الجرايد وتشرب القهوة وتشوف البوستة ! تمشى الفطور .. ترجع المكتب تلقى يوم التلاتاء جاء! تكمل باقى شغلك ! نهاية اليوم تصلى العصر وتمرق الشارع ! تصل البيت مع المغرب تلقى يوم الأربعاء جاء ! تتغدى وتتعشى مع بعض .. وتقعد تغالط فى مرتك .. الليلة شنو فى الأيام؟ ناكراً إنو الليلة الخميس !! عرس ناس فلان بكرة ولّ كان أمس ؟ المهم تلقى نفسك جارى تحصل العقد فى صلاة الجمعة ! يوم السبت لو جبت الخضار وشلت الفاتحة مع ناس فلان .. تكون ماقصرت تب !! |
شوف يا ابوديه الدوامه دي دخلتنا في لوم مع أخوان كتيرين خلاس!!!
ناس عرسو وناس حجوا وناس جو من سفر غايتو بقينا لافين في شيمه،
لكن الزمن دا جاري لاحق شنو انا ماعارف ؟
| |
|
|
|
|
|
|
Re: فى الخرطوم .. حاجة عجيبة جداً !! (Re: شمس الدين ساتى)
|
الأخ شمس الدين ! لك التحية والود !Quote: الواحد يجي يقول حتي لو يدي إستاد المريخ طلة
تكون الإجازة إنتهت .. ما جايين
|
عارف أنا مرة خشيت إستاد المريخ عشان أحضر كورة مريخ مورده فى الطابق الثانى الأسبوع الرابع! لمن نزلت الطابق الأول لقيت نفسى بحضر فى مريخ حى العرب فى الاسبوع الخامس !
| |
|
|
|
|
|
|
Re: فى الخرطوم .. حاجة عجيبة جداً !! (Re: صلاح أبودية)
|
مرة واحد صاحبى عمل لى مس كول ! لمن رجعت ليهو قال لى : دقيت ليك عشان أقول ليك أنا فى المستشفى ! المرة إتحلت بالسلامة ! لكن مادام رجعت الليلة السماية غداء أو تفوتك ! لمن مشيت ليهو سالتو : سميتوها منو ؟ قال لى ده عقد البت ما سمايتها !!
| |
|
|
|
|
|
|
Re: فى الخرطوم .. حاجة عجيبة جداً !! (Re: عبدالكريم أحمد الامين)
|
اي حاجه تسأل منها علي انها كانت يوم امس .. يقولوا ليك دي كانت قبل اسبوع
قبل كم يوم ضربت تلفون لقريبنا عشان ننسق لبرنامج عرس المفروض يكون بكره قال لي ياخ العرس كان الليله وانتهي
يوم الخرطوم بقي ممحوق ولو انجزت حاجه واحده من ضمن لسته تضم 20 حاجه تكون ما قصرته
| |
|
|
|
|
|
|
Re: فى الخرطوم .. حاجة عجيبة جداً !! (Re: الحاج حمد الحاج)
|
Quote: لكن سبحان الله الماهية ما بتجي سريع كلو كلو |
شبكه نحن عندنا وصفه اسمها النظريه البهلوانيه لتوزيع الماهيه
أمس بديك تفاصيلها
امس دي بأعتبار انك ح تقري كلامي دا بعد بكره وتردي بعد اسبوع ولما ارد عليك انا يكون الشهر انتهي ودخلنا في نص شهر سته
| |
|
|
|
|
|
|
Re: فى الخرطوم .. حاجة عجيبة جداً !! (Re: SHIBKA)
|
اخونا ابودية ..
والله كلام عجيب ..
تصدق انا في جيتي الاخيرة دي للسودان وكان قدامي يومين للسفر جبت ورقة وجيت كتبت اهلي القريبين براهم . ناس الفواتح براهم .. ناس مباركة العرس والسمايات وهلمجرا براهم انقضت اليومين واخوي شقيقي ما شفتو .
غايتو الزمن عندكم جاري والناس جارية وترانا جاريين وبرضو جاريين وماعارفين بكرة الراجينا
نسال الله حسن الخاتمة ... موضوع جميل يا ابودية ..
بالمناسبة يا ابودية انت في كشف الزيارة لكن بالحالة دي محتاج خروج نهائي عشان الدور يصلك..
| |
|
|
|
|
|
|
Re: فى الخرطوم .. حاجة عجيبة جداً !! (Re: عمران حسن صالح)
|
الأخ عمران حسن صالح ! لك التحية والإحترام !Quote: والله العظيم نحن هنا فاطين أيام من الأسبوع (زي الحبوبة الفوق دي ) .. !!! يعني بنحسب سبت إتنين أربعاء جمعة حتى انقضت عشر سنوات دون أن نحس بها ... سبحان الله ... |
زى فطتى للمداخلة بتاعتك دى ! والله صحى سبحان الله ! ودى !
| |
|
|
|
|
|
|
Re: فى الخرطوم .. حاجة عجيبة جداً !! (Re: السيد المسلمي)
|
سلام أبودية... غايتو أنا في الخرتوم وكان إنسترن المميحيقات بنتقابل...
بقت علينا حكاية الراجل القال لولدوا: ياولدي نحن صلينا الجمعة الفاتت متين؟ رد عليهو الولد: يابوي والله ما بتذكر لكن أظن يوم الثلاثاء في الجامع التحتاني...
غايتو الله يهون القواسى يا قول حبوبتي...
| |
|
|
|
|
|
|
Re: فى الخرطوم .. حاجة عجيبة جداً !! (Re: صلاح أبودية)
|
سعادتو صلاح أبودية: قال ليك واحد موصل ولدو الروضة لما وقف في الاشارة عاين للولد في المقعد الورا لقاهو بقرأ في كتاب لامتحان مرحلة الأساس!!لما الاشارة فتحت قال ليهو يا أبوي ما قلت بتجيب لي هدية لو نجحت في امتحان الاساس!!
| |
|
|
|
|
|
|
|