|
Re: يا أخوانا قصة عثمان الريح دي شنو ؟؟؟ (Re: Mohamed Foto7li)
|
الأخ د. عثمان الريح تحية طيبة أحترم قرار ترشيحك للرئاسة وحقك فى تقديم نفسك لناخبيك وأحيى فيك روح الديمقراطية التى تبشر بها لكنك للاسف كنت أول من سقط فى امتحان الديمقراطية عندما لم تستجب لنداءات وتوسلات غالبية أعضاء المنبر بأن ترحمهم طلتك حتى أن البعض شكى لك من المعاناة من المرض غير أنك لم تستجب . مرفق لك ما قمت بحصره من ردود واجابات بعض القراء حول بوستاتك وهو ما كان يجب أن يقوم به فريق عملك التابع لمكتبك السياسى أو الاعلامى ليوضح لك صدى حملاتك ومدى قبول الناخبين لك وها أنا أقوم بهذا العمل نيابة عنهم دون انتظار جزاء منك ..وربما أن زمنك لم يسمح لك بمطالعة جميع البوستات لكنك تجدها أمامك ويقينى أنه اذا لديك ذرة من الاحساس بعد قراءتها لغادرت فورا دون رجعة .. وقد قمت بتقسيم مجمل الردود التى قيلت لك لثلاثة أقسام هى :- 1/ ردود الذين فقعت مرارتهم وفشفاشهم وهم (حنين للبلد- مزمل خيرى – سارة على – نادر ابوكدوك ) ويقينى أن خللا ما أصاب صحتهم النفسية الآن من شدة المرارة والوجع الملاحظ فى كلماتهم وهم شباب كانو كالورود والنسيم يتراوحون فى فضاء المنبر وسوف يسالك الله عنهم . 2/ ردود من تنفسوا الصعداء بعد ان أعلنت رحيلك عن المنبر وما لهجت به السنتهم من شكر لله لمفارقة طلتك البهية .. وصدمتهم الكبيرة عند اكتشافهم أن رحيلك لم يكن الا لساعات وعدت اكثر فتكا وضراوة . 3/ ردود الساخرين من برنامجك ومنك بعد ان تاكد لهم أن ما تفعله سلوك غير جاد وغير مسئول ولا يمكن أخذه الا بمحمل الهزء والسخرية. (كما سأمدك بأجمل التعليقات وأطرفها ) أولا: ردود الذين فقعت مرارتهم وفشفاشهم :-1/ حنين للبلد :- - حسبى الله ونعم الوكيل .. شكيتك للأقوى منك ومنى .. يا ريس حرام عليك .. والله بكيتنا بدموعنا - ما ممكن كتمة النفس دى .. اتخنقنا جد .. ما ممكن اصدق انه دة طرح جادى لمرشح رئاسى جادى فى بلد جادة - اللهم لا راد لقضائك .. امتحان عسير.. ربى لا نسألك رد القضاء.. الطف علينا يارب – الله يسامحك يا بكرى ابوبكر - خلاااااااااااااص فقدنا السوائل ذاتها .. يا ريس الله يهديك ويهدينا .. مش وادعتنا .. الشى شنو - أحيييييييي يا فشفاشى - يا جماعة فى زول حاسي بى ( لا أدرى كيف هى صحة حنين الآن لكن يقينى أنها لم تعد تشبه صورة بروفايلها الهاشة المبتسمة ولابد ان وحهها متورما الان من أثر وجع الفشفاش والمرارة وفقع الطحال ) 2/ مزمل خيرى :- - يحلنا منك الحلة بلة يا دكتور .. هريتنا هرى والله .. فى أعضاء عندهم ضغط وسكرى حتسمع واحد اتلحس بسببك .. أرحمنا عليك الله - عليك الله فكنا والله يا دكتور انت بقيت لينا فى العزيزة - الليلة الجمعة ودة يوم راحة ريحنا عليك الله وريح الاعضاء اليوم دة بس.. تعال لينا يوم الاحد .. الله لا جاب يوم عقابك - ياخى انت زول مؤلم جدا - والله انت الا تترشح ريس مركب فى النيل - جانى احساس انه الزول دة مخبول ما عارف ليه 3/سارة على :-
Quote: - الزول دة فتلنا نفسيا .. انا متاكدة حتكون فى حالات طلاق حصلت بسببه - الفضل لى صدمة واحدة بتاعت هارت اتاك النبى فيك لو ما جبتها لى ومشيت وااااااااااااااااى - ما غلطتك لكن غلطة بكرى الشكله عاجباه اللياقة دى - وكمان قال شنو ( قود باى) كمان بتكلم لغات ..هزلت |
4/ نادر أبوكدوك :-
Quote: عليك الله يا دكتور أرحمنا.. النبى فيك .. أستحلفك بكل غالى .. عليك الله أرحمنا.. أرحمنا .. أرحمنا .. أرحمنا |
( ورغم أن نداء نادر كان وحيدا لكن يستشف منه حجم الوجع والمعاناة التى صدرت منها هذه الآهات)
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
يا أخوانا قصة عثمان الريح دي شنو ؟؟؟ | Ahmed musa | 05-14-09, 08:53 PM |
Re: يا أخوانا قصة عثمان الريح دي شنو ؟؟؟ | حنين للبلد | 05-14-09, 09:00 PM |
Re: يا أخوانا قصة عثمان الريح دي شنو ؟؟؟ | Ahmed musa | 05-14-09, 09:03 PM |
Re: يا أخوانا قصة عثمان الريح دي شنو ؟؟؟ | مزمل خيرى | 05-14-09, 09:09 PM |
Re: يا أخوانا قصة عثمان الريح دي شنو ؟؟؟ | Ahmed musa | 05-16-09, 08:59 PM |
Re: يا أخوانا قصة عثمان الريح دي شنو ؟؟؟ | Mushal Allam | 05-14-09, 09:16 PM |
Re: يا أخوانا قصة عثمان الريح دي شنو ؟؟؟ | عبد اللطيف بكري أحمد | 05-14-09, 09:25 PM |
Re: يا أخوانا قصة عثمان الريح دي شنو ؟؟؟ | Mohamed Foto7li | 05-14-09, 10:21 PM |
Re: يا أخوانا قصة عثمان الريح دي شنو ؟؟؟ | سمير شيخ ادريس | 05-15-09, 00:27 AM |
Re: يا أخوانا قصة عثمان الريح دي شنو ؟؟؟ | Ahmed musa | 05-15-09, 07:39 PM |
Re: يا أخوانا قصة عثمان الريح دي شنو ؟؟؟ | Ahmed musa | 05-17-09, 07:54 PM |
Re: يا أخوانا قصة عثمان الريح دي شنو ؟؟؟ | Anwar Ahmed | 05-17-09, 08:37 PM |
Re: يا أخوانا قصة عثمان الريح دي شنو ؟؟؟ | Ahmed musa | 05-17-09, 09:09 PM |
|
|
|