|
Re: الرسامين , التشكيلين ورسم الهلام والاواهام والعولاق - توجد صور وهمات (Re: محسن خالد)
|
ده عالم خلق للبهجة.. عالم يتكي على خصال جميلة.. طيفور عودا حمديا يا فنان..
اساسي.. الالوان يا اساسي السر ليس في لوحة مفهومة وانما في الالوان.. التقاء الالوان في نماذج بعينها يرمي بحجر في دواخلك .. اذا تاملت سماء الخرطوم في نهار صيخود في اواخر شهر تمنية ترى غيومُ ملبدة ..سحابُاتٌ في طيات سحاب.. غيوم بالوانٍ شتى ..مابين المغبرة والرمادية ومابين الشايلة تقيل.. لاتتخذ هذه السحب في سماء الله في جملتهاشكلا مفهوما.. بيد انها جميلة وملهمة..
يا اساسي السحاب في نص خريف السودان زي الايرانية فوق السجادة..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: تبارك شيخ الدين جبريل)
|
محسن ؟ Quote: (سُدَّاً) أم (سَدَّاً)؟ بـ(الدوري) وألا (حفص)!؟ أو يا عملات الناس بخصوص العُملة السودانية، بالجديد وألا القديم؟
|
ههههههها انا عويرة اشكل عشان تنكلوا بى ؟
لا شكرا .. خلوها مفضوحة ..
الجديد دا اوع يكون سد مروى ؟ لووووول ..
ياخ كتابتك رااااااقية .. لكن بينى وبينك التشكيل ما اسهل .. اخير ليك من الفيزياء والدراب .. تسوووووووووط وتجى تسل لسانك .. ذى ناس عماد ( دا كلام من وحدة الخزانات والسدود ) مافى زول بقدر يصلنى .. لووووب يا عمدة ..
| |
|
|
|
|
|
|
Re: الرسامين , التشكيلين ورسم الهلام والاواهام والعولاق - توجد صور وهمات (Re: وليد محمد المبارك)
|
في اعتقادي حاسة السمع هي الحاسة الاهم عند الانسان
لانها مربوطة مع ما يميز الانسان من بقية الكائنات وهي الكلام وهي افضل وسائل التواصل وبالتالي افضل وسائل التعلم
النظر او بقية الحواس منها حواس التذوق الحسي في اعتقادي درجة اهميتها اقل ويمكن الاستعاضة عنها بالحواس الاخرى
الا السمع لا يستعاض عنا الا بالسمع
يعني العميان تستطيع ان تحكي له مشهد معين امكانياتك في الحكي مع امكانياته في التخيل ممكن يصل لي صورة تقريبة في عقله التذوق الحي كثيرا ما يستعاض عنه بالاكاديميات والتدريب يعني ممكن نلقى المتدرب جيدا يصل الى درجة قريبة من الموهوب فطرة ويمكن يفوته
الا السمع عشان كده ما كان فيه مجال للتحرر واللعب على قواعد الايقاع في الموسيقى تعمل دشليون مدرسة في الموسيقى لكن يظل الايقاع هو الاساس ولابد من وجوده والا طوالي تحصل شترة هنا في الموسيقى مافي طريقة تسلل من بعض فاقدي الايقاع بدعوى اانه دي موسيقة خاصة وتجربة شخصية
بتهوفن لو ما كان سمع في الاول واتعلم الايقاع ثم اصابه الصمم ماكان بنتج لينا موسيقى زي الانتجها بعكس العميان الصور البصرية النقلها طه حسين سماعي وسجلها كتابةً نقلها وهو ما شاف منها شي لكن سمع عنها الكتير فنقل واجاد
| |
|
|
|
|
|
|
|