|
Re: الجنا شغال حمبوكجي (Re: سيف الدولة كامل)
|
في تلك الايام الجميلة كانت السلوي الوحيدة للناس
القهاوي واشهرها قهوة الزيبق وسط الخرطوم بالقرب من
الجامع الكبير ,يتجمع الناس هناك من يلعب الطاولة واخرون
كتشينة ومن البعد تسمع صياح ناس الضمنة ما في زول
عنده هم فاتورة كهربا ولا ايجار البيت ..مصاريف المدرسة
للاولاد لا ضرايب لا عوايد تذكر, وكان لي قفة الملاح الخير باسط
والحمدلله والواحد مكان قاعد كان في البيت ولا عند الجيران ولا
في السوق وقتين تجي مواعيد الوجبة بلقي البياكله الدنيا
بخيرها يا ناس.
مواصلين
| |
|
|
|
|
|
|
Re: الجنا شغال حمبوكجي (Re: سيف الدولة كامل)
|
في تلك الايام الجميلة وبعدها بسنين
كان المريخ في القمة وماجد شغال
ملطشة في ناس الهلال 8 هزائم متتالية
لذلك قرر بعض اداري ومشجعي الهلال انه
يشوفوا ليهم فكي كارب يحلهم من الملطشة
واحد من رابطة المشجعين قال ليهم انا عندي
ليكم فكي كارب بيحلنا من المهزلة دي.
ماشين
| |
|
|
|
|
|
|
Re: الجنا شغال حمبوكجي (Re: سيف الدولة كامل)
|
اها المشجع وداهم لفكي في الديم وقال
ليهم والله الفكي ده كارب وليه شواهد
الجماعة اتوكلوا ومشوا للفكي, واحد
من الاداريين بحكي للفكي .. يا شيخنا
والله في لاعب في المريخ مجننا كل مباراة
ملطشينا, رد الفكي نقوتلو ليكم.......
لا يا شيخنا نغلبهم بس, مره جاي ده
تقلبوهم, قالوا طلع ليهم قرعة
فيها موية وفي الموية شافوا
ماتش الهلال والمريخ حي والهلال
غلب 6\1 والهدف الاول في
المباراة جابو ماجد.. نسيت
اسال الحكي لي القصة انه
الماتش شافوهو ملون ولا اسودوابيض
لي قدام
| |
|
|
|
|
|
|
Re: الجنا شغال حمبوكجي وفكي الهلال كارب (Re: سيف الدولة كامل)
|
حتي الناس كانت غير قلوبهم كلها محنة
مافي فرق بين ده شلكاوي ولا رباطابي
ولا كان جعلي ولا فلاتي كلهم اخوان تلقاهم
يد واحده في الفرح والكره, كان جارك مات
ليهو زول تاخد يوم ولا يومين اجازة..الناس
كلهم اهل. لو في زول جي من البلد..توزع
الخيرات علي كل الجيران.. وين هسع الواحد
كان بياكل والباب دقة يلز الصحن تحت السرير.
حليل ناس ابوي الاكل في
في البرش تحت ضل النيمة
يالا
| |
|
|
|
|
|
|
Re: الجنا شغال حمبوكجي وفكي الهلال كارب (Re: Seif Elyazal Burae)
|
ابوالسيوف..أنه الخرطوم مرتع الصبآ والشباب بلهى ماتنسى تعرج لمعالم الخرطوم قهوة اتني... وفندق فيكتوريا فى شارع القصر ورويال ريست فى شارع المستشفى...الخرطوم...الخرطوم حيث كانت مثلها مثل اي عاصمة اروربية، كل شئ كان مرتب ومنظم حتى الدعارة كانت مظمة لها قوانينها، فلكل من تمتهن هذه المهنة بطاقة وكرت صحى ولكن الان الدعارة موجودة فى الخرطوم والناس مقفلة اضنيها ومنهم من ينكرون هذه المهنة، وهى اول مهنة امتهنها الانسان على وجه الارض. واصل الحكى جميل... وبنجر راجعين....
| |
|
|
|
|
|
|
Re: الجنا شغال حمبوكجي وفكي الهلال كارب (Re: سيف الدولة كامل)
|
امر جناب المفتش العسكري باحضار المتهمين لقاعة المحكمة
تم احضار المتهمين لقاعة المحكمة وتم السماح للناس بالدخول
جناب المفتش سال العمدة وهو المرجع للمفتش ومساعده......
جناب المفتش : يا عمدة بتعرف الناس ديل؟
العمدة : بالحيل جناب المفتش
جناب المفتش: احلف يا عمدة
العمدة : والله اقول الصح والما صح
هلا هلا العمدة خم جناب المفتش
عفارم يا عمدة
| |
|
|
|
|
|
|
Re: الجنا شغال حمبوكجي وفكي الهلال كارب (Re: سيف الدولة كامل)
|
اها بعد حليفة العمدة انه يقول الصح والماصح
اتلفت المفتش صوب المتهمين:
جناب المفتش:المتهم الاول ا سمك منو؟
المتهم : فلان بن فلان بن فلان
جناب المفتش: يا عمدة المتهم ده بيشتغل شنو؟
العمدة :الجنا ده يا جناب المفتش شغال حمبوكجي
جناب المفتش: شنو حمبوكجي يا عمدة؟
العمدة : بيبيع الحمبك عنده طبق اليل حمبك
حايم بيهو في السوق
جناب المفتش: براءه
| |
|
|
|
|
|
|
Re: الجنا شغال حمبوكجي وفكي الهلال كارب (Re: سيف الدولة كامل)
|
جناب المفتش: المتهم الثاني اسمك منو؟
المتهم : فلان بن فلان بن فلان
جناب المفتش: المتهم ده يا عمدة شغال شنو؟
العمدة : الولد ده شغال تمبوكجي جناب المفتش
جناب المفتش: شنو تمبوكجي يا عمدة؟
العمدة :بيبيع التمباك يا جناب المفتش, عنده حقه
اليلة تمباك عدال قهوة الزيبق
جناب المفتش: براءة
| |
|
|
|
|
|
|
Re: الجنا شغال حمبوكجي وفكي الهلال كارب (Re: سيف الدولة كامل)
|
الاخ سيف
يبدو انك خبير بالخرطوم ودروبها الوعرة والسالكة
اتمني من ان تدخل بنا في باب المسكوت عنه
وهو عالم الزقاق
والذي وقف الكثيرون بصفه العجيب
أيام كان للدعارة قوانينها المنظمة
وانا متاكد من ان التوثيق لهذا الزقاق
مهم وسيظهر من يضيف اكيد مافي ذلك شك
ونحن في الانتظار
| |
|
|
|
|
|
|
|