خالد بحر ... اسئلتي التي ماطلتها محولة لعنايتك هنا مع الربع الجديد .. نرجو كريم الرد

بتقول هواي تستبعدو وتضحي بيهو تفقدو؟
ليه؟!
كلام زعل (اكيد) ما بتقصدو؟
انت ما بتقصدو...


عزيزي وليد ، يعنى أنت باقي لي في وصفك لى ده زي الزول البكضب ويصدق كضبتو ،تشيل تلفق فينى وتصدق تلفيك، انت يعني ما تناقش معاك؟
ما من حقي اجتهد وافرغ كل ما بصدده ان يدعم فكرتي؟
لا أظهرت إني انوي التحدي ، ولا في إشارة لذلك حتى تصفني بما وصفت ؟! او تصف نفسك بناءً ما حدث انك كذا كذا ...
ولا اعتقد أن هذا يُرضي غروري ، وحتى إني بصدد تحويل وجهتك كما تزعم دي عملية صعبة ، وأنا هنا حضور للدفاع عن قناعاتي ليس أكثر ، وليد ما تخلق ليك أوهام لا محل لها من الإعراب...
ولا امثل اليسار ولا أتحدث باسم شخص ، ولا لا ولا حباً في استعراض الكتابة لأنو الموضوع لا اعتقد انو اختزالك المجحف في حقي بأنها ملكات كتابة لا يا وليد هنالك جانب آخر الجانب ألفي الكلامي ، بغض النظر ولا صاح برضو مش فيهو حق الاجتهاد لكمية الخطوط فيهو ، تقرا هنا وتجتهد براك وتشري الكتاب داك محصلة كم سنة والواحد لسه شاعر نفسو في سنة أولى عشان كده ذكرت ليك المنبر ده بس عاين شمال ويمين شوف تلقاني وين؟.
وليد مسالة النقاش دي ، قبل ما تكون من الآخرين ، أكد أنها مسالة شخصية مامكن تسوقها بالشكل الانطباعي ده ، يا سيدي انا ما منبوذ أعاني أمراض مستعصية أي كانت ،فروق المنقة شوية من أحكامك التي تُطلقها جُزافاً بسبب الزعل ، فهدي من روعك شوية وعليك بجهاد الأكبر يا صديق لوووول...
ثم انه يا وليد ماهو عشان اليسار (قول) كعب تتذرع بانو الكيزان الحل، يا أنت أساسا كوز ولا عايز ليك سبب لأنو بغض النظر ما أظن الكيزان هم جنة الله في الأرض ، لا دين ولا خُلق ولا أخلاق فوق كم عشان تحبهم ؟!
راجع موقفك ده يا وليد...
ده كلو كوم والجاي ده كوم ، تعرف حزّ في نفسي كلامك بكجينتك لي اكتر من أي شي ، واتهامتك القدر ما فتشته عنها عشان أقدم فيها اعتذار ما لقيت ولا (طريف) مش طرف...
وليد انا ما بكرهك ولا عايزك تكرهني ما في شي بستاهل الفكرة كلها تتلخص في نقاشنا ده وذكرت ليك انو الناس ما تتناقش معاك؟ ، بالإضافة إلى فكرة ((الحرية)) من أصلها جواك قدر شنو؟، ما تقول لي حرياتكم ووالخ انا بعرف الحرية كويس وبعرف الفوضى والناس بتقع في جوطتهما عشان الشعرة الدقيقة البتفصلهما...
إننا نفقد مزية الحرية عندما نفقد الحق في الاختلاف [شارلس هيج].
وليد أنت غلطته في حقي ، وأنا بالجد ما زعلان منك لكن كلامك فعلاً حزّ في نفسي..
وفي النهاية لكم دينكم ولي دين...
أبقى بعافية... وسلامي للوليدات..
وابقي (((اسأل))) عن قلوبنا تلقي فيها كنوز محبة..
بالمناسبة يا وليد دي أنا متعمدها..

والى إن يأذن هذا الوطن بوصلة فرح يظل الشوق سحاب يروى المساحة البيننا..

التحايا النواضر...

---------------------------

علاء الدين يوسف علي محمد
أخبارك وصحتك يا هندسة كيفك وكيف أخبارك ..؟
داير أقول ليك سؤال لكن حكاية سؤال دي الواحد بقى يخاف منها عدل فخليها استيضاح...!
الشِفِت ، شِفِت ليه واللهِ
اعتذار خالد ولا شي من هذا القبيل؟!
التحايا النواضر...