السحلية والملوخية يا مسحلبين بريتونا برى وقديتونا قد !البشير حيسافر ما حيسافر اهو سافر!

Quote: يا جني اولا تحياتي ... معظم الناس في السودان جهويين وقبليين ...كتيرين وقفو مع البشير لانو بشوفو فيهو روحهم وقبيلتهم او جهتهم وتانيين وقفو معاهو كراهيه في ناس خليل الاسلامي وعبدالواحد الشيوعي ... (كراهيه ساي لله) ... وقدامك الدليل بتاع غزوة امدرمان الطلعت كل قيح وصديد عنصرية الاسود ضد الاسود... السودان يا جني قنبله موقوته... حروبه ح تستمر اذا الناس عايشه بعقلية حبوباتها... والحروب القامت في الاطراف حتما حتقوم في المركز... سواء باوكامبو ولا بدونه ... كتيرين ح يكون متفائلين بتفكيك الانقاذ وده ما ح يحصل بدون دماء تسيل في الطرقات الكاتل فيها زول اسود والمكتول زول اسود ... لانو الانقاذ ادخلت الناس في قبايلها... والدليل قدامك في الضربات الجويه الاسرائيليه مافي واحد من الجوقه الواقفين مع البشير ادانها حتي لو بكلمه في بوست ...خليك من الخروج في مظاهره ...وده دليل علي انهم اي واحد ما بيشوف اكتر من (نخرة) قبيلتو ... اسالك بالله يا جني ... بس قول لي كيف ما ح تقوم حروب في السودان والناس بعقلية البشير ود عرب وراجل ومشي الدوحه وسافر بالطياره ونزل...كل هم السودانيين ان اي واحد فيهم عايز يثبت للتاني انو هو شجاع وارجل من التاني ...مافي واحد همو انو في دوله بكامل جيشها بتضرب في مواطنيها والحكم هو الخصم... بتنفعنا بشنو لو بقينا اولاد عرب لو احساسنا بالاخر متبلد وهمنا كلو اننا ارجل من التانيين ... المحصله يا جني اخوي انو البلد عايز صياغة في مفهوم المواطنه للزول السوداني ده ... حالة الاستقطاب والاستقطاب المضاد حالة مرت بيها الصومال والان يمر بها السودان والمستقبل يا جني حروب ودماء شئنا ولا ابينا...