ابوساندرا يقول الكانوا فى القاعة 150 او 200 شخص لمقابلة البشير، معقولة بس !

Quote: شكراً يا هرون على الدعوة لي أن يسامحني الله، فأنا أطلب حقاً السماح والرحمة والمغفرة منه تجلى وعلى ما عشت في الدنيا، ويا أخي هرون كل من يغيب وعي الناس عن حقيقة مجرمي الإنقاذ هو مضلل، وكل من يطبل للبشير متعمداً نسيان المآسي التي سببهاهو وعصابته من سارقي مكتسبات الشعب السوداني يعد مضللاً، كل من يذهب لهذه التظاهرات الجوفاء من أجل الهتاف والتطبيل لرئيس مطلوب للعدالة هو كذلك، إن اي إرادة تعمل على تمكين البشير من السلطة تصب في غير صالح الشعب السوداني، لو أعملت عقلك وتدبرت مجريات الأمور لعقدين من الزمان وأنت شخص حقاني وبتطلع النصيحة، لكن الظاهر بقت ليك صعبة عشان كده اصلك ما فندته نقاطي الأثرتها هناك في بوستك. ما نمشي بعيد، لو أنا قاعد في السودان وقلت كلامي ده ضد نظام الإنقاذ، وعارضتهم جهاراً نهاراً وقلت وجهة نظري، باقي ليك بصبح للصباح في بيتي بدون أذى مع السفاحين ديل؟؟؟ إجابتك أكيد بتكون (لا حيعتقلوك يا نادر) والدليل على كده مصادرة الصحف واعتقال كل من ينتقد الإنقاذ، أها لو انت بتعرف إنو دي حقيقة حكومة الإنقاذ وسكته عنها مش بتكون مضلل؟؟ انا بناضل يا هرون من أجل عدالة مفقودة في البلد لعشرين سنة، بناضل من أجل أن يلقى المواطن كافة حقوقه، من أجل الحرية والانعتاق، من أجل بلد ديمقراطي معافى، من أجل مستقبل واعد للأجيال القادمة، من أجل محاسبة كل من سولت له نفسه المساس بسيادة البلد، وكل من مد يده وسرق بلا وجه حق مكتسبات هذا الشعب، بناضل من أجل وقف تدهور الإقتصاد السوداني بفعل سياسات الإنقاذ الخرقاء ليعيش المواطن السوداني حياة كريمة، لو ما عندك رد على نقاطي دي، ورد مقنع وفندت لي كل إدعاءاتي ضد الإنقاذ وأقنعتني بيها وسكتني بيها وإنته مواصل الترويج للإنقاذ وقادته، فأنا متمسك بإنك مضلل وهتافي. خالص تحياتي يا هرون وTAKE IT EASY, NOTHING PERSONAL