قولي بالله عليك ...
( المشاعر و الأحاسيس التي بين إثنين .. أي إثنين ، تشبه أحياناً فروق التوقيت الزمني بين مدن و أمصار و بلدات العالم .. رغم تلك البوصلة التي بالدواخل ) *** أنا ياداب قلت السلام ماشة وين ؟... و من جواي متروس كلام ماشة وين ؟.. و في عيوني ظاهْر الملام ممكن تديني من وقتِك شوية؟ بس آخر طَلَبْ ... عارفاني ما بقْدر بلاك شِنْ بَسْـوَى؟ و شِنْ بكون أنا لولا هواك .. سعيد أنا ال عشتَ في زمنك في رؤى رسْمِك و حُضُن إسْمك .. مُطَّمِّن و آمِن في كَنَف مُدُنِك متوسد خيالك و متْلحِّفْ سَماك بتوه في دروبي .. و بين نفس المسالك .. لوما باريت خُطاك .. ماني قَدْر الصبُر و ماني حمَّال أذِيَّة أنْسِي الكان و فات و كل أسباب الزعل أصلو شنو ال كان حصل ؟؟ كدة بالهداوة و بي مَهَل : برْضَابِك حَكَم ..مع إنك إنتِ ست الخصام ماشة وين ؟... و من جواي متروس كلام ماشة وين ؟..و في عيوني ظاهْر الملام أترجاكِ و تقولي لي : دة آخر كلام؟ عاوزاني أتوسل؟ لو يرضيكِ إنتِ ... ما عندي مانع حبك فوق كل شي .. في طريقو ما بتْوقِفْني الموانع بجيك رضيان و طايع بنْسى في حضورك شُمُوخي المُتْشَابي فارِع ما عندي مانع بيك إتزاني .. و إنت أسباب الجنون عشان خاطرك عيونك .. كل ال بيْ يهون و بيك إنتِ يا عمري : أكون أو لا أكون ماشة وين ؟ كلو دة عشان حفنة ظنون ؟ بس أقيفي و أسمعي عايني بس جوة عيوني و أحكمي شايفة قدر شنو حجم الندم؟ ما تنْضُمي ... بس ألْمَحي شن سَوَّى فيني كُتْر الألم رماني تاني في خانات العدم .. يرضيك كدة؟ و الله ما كان دة العشم ماشة وين ؟... و من جواي متروس كلام ماشة وين ؟..و في عيوني ظاهْر الملام كدة بس قولي : أروح وين أنا و أنت جواي سيرة و حكاية ؟ أروح وين أنا و إنت في دربي خاتمة و بداية؟ أروح وين أنا؟ لو قلتِ خلاص ياها النهاية ؟ راجعي قصتنا تاني وعِيِدِي القراية كل الحصل ... عُزَّالْنا هم أصل الوشاية ... ماشة وين ؟... و من جواي متروس كلام ماشة وين ؟..و في عيوني ظاهْر الملام * ** *** الرياض 2009م

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]