|
غريبة تفوت - لمن خرجت من دون خاطر
|
غريبة تفوت
غريبة تفوت بعد جيتك وما كان السفر كضاب ولو بي الايد تروح روحي واعيش بعدك سنيني عذاب اريت دربي القبيل شالك وجابك ليا كان ضهّاب وما ضقنا العذاب بعدك كبرنا وصرنا بيك قراب **** غريبة تفوت تودعنا وبراك عارف الزمن غلاب عشان عارف بنشتاقك حرام يا غالي يبقى سراب فرح قلبا عشق قلبك وطيب خاطر سقيتو شباب بعد ما كنا بيك اقرب رجعنا بقينا بيك اغراب **** غريبة تفوت علي كيفك تقول اديتك الاسباب وسبتا عيون بتبكي اسف عليك ,, دسوك زي احباب بخافو عليك من حنك ومنك ,, كانو ليك اصحاب اريت يا غالي ما ردتك وجرحي الجوة يوم ما طاب
عبدالله وداعه الامين لندن – 07.06.2009
|
|
|
|
|
|
|
|
Re: غريبة تفوت - لمن خرجت من دون خاطر (Re: BitAlhana)
|
Quote: كلام جمييييييييييل
بيدخل جوه القلب و الخاطر |
الاخت العزيزة بنت الهنا
يسلم قلبك انتي ويسلم خاطرك الطيب شكرا لجمال حضورك عزيزتي وشكرا لهذه الثقة مودتي لك وتحياتي ودمتي بخير وعافية
شكرا جميلا جميلة الدواخل
| |
|
|
|
|
|
|
Re: غريبة تفوت - لمن خرجت من دون خاطر (Re: كمال ادريس)
|
Quote: طيبة نيلنا في يدك وحلو العشرة تبقى خضاب
يوم جيناك في لهفة وريد نجرجر شوق سنين وعذاب |
طيبة العشرة من اصلك
حلاوة نيلنا هي الاسباب
سماحة الطيبة في الخاطر
حنينا عمرو يوم ما خاب
ومهما تجيبك اللهفة
ويجرك شوق سنين غلاب
تجي وتلقانا بنريد
نحبك نبقى بيكا قراب
الاخ العزيز كمال ادريس
تحية وسلام اخي العزيز شكرا لك ولحروفك النضار سعادتي بك انت ودمت بخير
مودتي ومحبتي ومرحب بيك
| |
|
|
|
|
|
|
Re: غريبة تفوت - لمن خرجت من دون خاطر (Re: ضياء الدين ميرغني)
|
Quote: حمد لله على السلامة يا صديقى
جعلها الله آخر احزانك
مشتاقين كتير
ضياء |
حبيبنا الغالي ديدي
الله يسلمك انت وتسلم يا ملك لا اراك الله مكروها في عزيز ودمت بخير ايها الصديق العزيز ان شاء الله انت طيب وعافية طولنا منك ومن اخبارك تحية وسلام حتى التقيك ولك محبتي التي تعلم وسلام
| |
|
|
|
|
|
|
Re: غريبة تفوت - لمن خرجت من دون خاطر (Re: عاطف عبدون)
|
Quote: وجيتنا داخل بي كتابتك
زي شعاع الشمس من كل المداخل
منور يا جميل
وما يغشاك حزن تاني |
اريت عينيك هي التضحك وتفتح لي الفرح ابواب وبكره الدنيا تبسم ليك وترجعي تاني لي الاحباب اهو اتعلمنا في الايام ضقنا حلوها ضقنا عذاب وزي ما المر سقانا اسف ودرب السكة كان ضهاب اكيد نرجع نكون اجمل وطبع الريدة هو الغلاب
حبيبنا الغالي عاطف
شوق الشوق يا جميل وليك وحشة والله سلامتك انت كمان من الاحزان وما تفقد عزيز يا رب
ودي الذي تعلم ومحبتي ولك تحية وسلام يا صديق
شكرا جدا
| |
|
|
|
|
|
|
Re: غريبة تفوت - لمن خرجت من دون خاطر (Re: عمر سعد)
|
Quote: السحار
حمد للة على السلامة
ابقى قريب من تلفونك
.................................
تحياتى للوجية السميح.............
استمتعت كما العادة بكلام يكتبة القلب فيدخل القلب دون المرور على الوجوه (خباثه) |
الوجيه منا عمر سعد (وش رايح)
الله يسلمك حبيب وتسلم انت الشوق بحر ومشتاقين تصدق؟ السميخ دا اقرب ليكم مننا وليه زمن هناك
شكرا يا قلب لي كلام القلب وربنا يخلي قلبك الـ بحس كلامنا ويديك العافية شكرا تاني ودي من دون (حباثة) يا شين
| |
|
|
|
|
|
|
|