|
شــاكــوش حـسـب الـتـخـصـص
|
وصلني ايميل طريف و فكرت اشرككم معاي لنتجاوز بعض محن البورد من سياسة و كورة و حاجات تانية حامياني ، تابعوا معاي و إن شاءالله اقدر أنور صباحكم بالبسمة .
كــلــيــة طــب الاســنـان لمن يحصل تسوس بالشكل ده في حياتنا يا بتول ...لازم نقلع اسباب التسوس من جذوره لتخدير الموضعي لآلمنا ما بحل المشكلة...ومحاولة التقويم فشلت معاكي للاسف.. ودايما بتركبي لي ضرس ما ضرسك..عشان كده الجسر امتد وزاد بيناتنا وقدر ما حركت فكي معاكي برضو مصرة تجيبي لي التهاب في اللثة انتي بقيتي حشوة مؤقتة لقلبي وانا محتاج حشوة دااااااااااااااايمة
كــلـيـة عــلـوم الـتـغـذيــة بتول انتي سببتي لي تسمم في حياتي وعلاقتنا دي ناقصة فيتامين ولازم تنتهي لأنو الاستمرار فيها غير صحي على الاطلاق ، وبعدين انا زهجت من المحاولات الفاشلة لتعقيم علاقتنا و زهجت من تطهيرك لجروحي القديمة وبقى عندي عسر في هضم شخصيتك حتى شهيتي للونسة مع البنات اتسدت .. كفانا مواد حافظة يا دي !
|
|
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
كـلـيـة هــنـدســة الـجـيـنـات
بتول .. إنتي عارفة انو جيناتك هي السبب؟!! ضعف المناعة العاطفي موروث في عيلتك ، أنا آسف بس أحماضنا النووية ما بتتفق و لازم نتحلل وكلو كروموسوماية تمشي جهة و كلو نواة تطلع خليتها
كـلـيـة عـلـوم الـطـيـران
بتول .. يؤسفني اقول ليكي اني دقيت ليكي خروج نهائي من حياتي اعمل شنو ياخ؟ انتي عارفة انو مكنة الحب بتخرب عاجلا ام آجلا وبعدين انا زول درجة اولى وانتي يا دااااااااااب درجة الأفق انا وانتي طيارتنا وررررررررر اقلعت فما تخلينا نهبط هبوط اضطراري برة مدرجات الحياة !
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
هبة الماحي.... ازيك و علك بخير....
غايتو شواكيشكم عينة,كل زول و حسب التخصص.. اها ناس الهندسات ديلك بكونو كيف...؟؟ وخصوصا ناس النجارة,بكونو جايين بي مساميرهم...وفوق عليها اكبر شاكوش في القسم.. اما ناس الطرق و الكباري, بكونو شاكوشهم.حفارات و درداقات... اها ,,ناس قانون..اعلام..(بري تقيل و نقة شديدة...)
واصــــــــــــــــــــــــلي!
وادي فرجيخة معاك...في بوست الشواكيش و المسامير..ده الله يكفينا شرها,اصلو الراس بقي ما بستحمل!!
غايتو استعدي البوست ده.حا يمشي الصفحة التانية...بالشاكوش.!! لك كل احترامي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
كـلـيـة الـمـوسـيـقـى و الـمـسـرح و الـدرامـا اسمعيني يا بتول انا بحبك مووووووووووووت ومتمني أعرسك الليلة قبل بكرة اها نمشي نشتري الشبكة متين؟ رأيك شنو في الدور ده؟ ما انفع ممثل يا بتول ؟ اسمعيني يا بتول بصراحة السيناريو بتاع حبنا ده فيهو خروج عن النص حياتنا بقت نشاز وانا بفتكر اننا لازم نفكر في الحوارات البتدور بيناتنا على مسرح الواقع ولازم نعزف عزف انفرادي كلو واحد براااااااااااااااهو فهمتيني مش؟؟ هاااااا؟؟...لأ المرة دي انا جاااااااااااااااااااادي تمثيل شنو يا دي؟ ما تفهمي ياااااااااااخ إلا ألحن ليك كلامي ده ؟
كـلـيـة هــنـدســة الاتـصـالات
بصراحة يا بتول انا كنت قايلك في السلك لاكين طلعتي موبايل بلا بطارية انا وانتي لازم نقطع اتصالاتنا ببعض انتي مرات مشغولة ودايما مقطوعة المسافات بيناتنا زادت ومشاعرنا بقت مشوشة لأنو عواطفنا للأسف بقت لاسلكية ياخي باختصار حبنا طلع برة الشبكة !!
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
سلامات هبة الماحي
كلمة شاكوش دي دايما وقعها تقيل على الراس زي مسماها.. زمان لما كان الحب حقيقي كانت الشواكيش لها ألم وتأثير كبيرين وفي دائرة قطرها كبير من الأصدقاء والمقربين.. البكاؤ والعويل وهاك يا غناء تكسر ولأن المشوكش/ة يحبان التخفي فالفنان الراحل هاشم ميرغني وجد تفرد بالإستماع اليه خاصة في الغرف المظلمة او الأحادية
ناس فنون كيف بالله؟!!!!!
خلط الألوان الخطأ يؤدي للإلوان الترابية.. أي فاقدة القيمة في اللوحة!!!!!!!!
تحياتي عبدالعزيز
| |
|
|
|
|
|
|
Re: شــاكــوش حـسـب الـتـخـصـص (Re: ابراهيم قناوي)
|
سلامي و تحياتي لكل من مرً من هنا سواء بالمتابعة أو المداخلة
و عذرا" للمتداخلين لتأخري في الرد عليكم لكنها ظروف الشديد القوي كما يقال و لكم جميعا إحترامي
Quote: هبة الماحي.... ازيك و علك بخير....
غايتو شواكيشكم عينة,كل زول و حسب التخصص.. اها ناس الهندسات ديلك بكونو كيف...؟؟ وخصوصا ناس النجارة,بكونو جايين بي مساميرهم...وفوق عليها اكبر شاكوش في القسم.. اما ناس الطرق و الكباري, بكونو شاكوشهم.حفارات و درداقات... اها ,,ناس قانون..اعلام..(بري تقيل و نقة شديدة...)
واصــــــــــــــــــــــــلي! |
أوووه مرحب بيك يا دفعة ، انتو ناس الليل ديل أدري ناس بي سر الشواكيش مش كدة ؟
ناس هندسات ديل جاينهم بس خليك متابع معانا مافي تخصص ح نعتقه ! و كمان لو عندك لينا إي فكرة تقدمية حول كيف المهندس بشكوكش أو بشكوشوهو جيبها و تعال .
شكرأ للمتابعة و خليك قريب
Quote: متخيل كلية الهندسة (مساحة) بتقول ليهو اسمع جر شخيط واقيف بعيد علاقتنا ما ح تستمر |
مرحب بيك يا عبد المنعم و خليك متابع عشان تشوف باقي التخصصات
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
عبد العزيز يا صديق ليك الف تحية و وينك غايب ؟
Quote: كلمة شاكوش دي دايما وقعها تقيل على الراس زي مسماها.. زمان لما كان الحب حقيقي كانت الشواكيش لها ألم وتأثير كبيرين وفي دائرة قطرها كبير من الأصدقاء والمقربين.. البكاؤ والعويل وهاك يا غناء تكسر |
أولا طبعا انتو ناس زمان ديل كنتو ناس الحب الحقيقي زي ما قلتا و الشاكوش ممكن يخلي الواحد فيكم عازف عن الزواج لغاية أخر يوم في عمره ولا شنو ؟
Quote: ناس فنون كيف بالله؟!!!!!
خلط الألوان الخطأ يؤدي للإلوان الترابية.. أي فاقدة القيمة في اللوحة!!!!!!!! |
ناس فنون ديل أسياد الشئ زاتها !! لكن في محاولة لخلق بيئة فنية موحدة تم ضمهم لناس الموسيقي و المسرح ، بس لو عندكم ليهم إيدلوجية شاكوشية مختلفة هاتها و تعال و مابيناتنا اعتبر نفسك سيد البوست . خالص تحياتي و مرفق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: أها دي قعدة يا هبة
واصلي الشواكيش |
شمس الدين يا ساتي حبابك عشرة بلا كشرة ، تابع معانا و ما تحرمنا من التعليقات . بس ما وريتنا انت جاي من ياتو تخصص عشان نفصًل ليك شاكوش مخصوص لو تخصصك ما وارد في اللستة ههههه .
يا زول حبابك و خليك قريب .
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: حسبنا من كل ذلك
الحكمة المثبوتة
والتي تقول:
الرجال كالمسامير ... لا تزيدهم الشواكيش إلا ثباتاً |
شيخ قناوي شخصيا" ؟ يا مرحبا" يا مرحبا" حسب معرفتي المتواضعة المولانات ديل اكثر الناس تأثرا" بالشواكيش لانهم ما بقدروا يصرحوا !! بيأكلوها في حنانهم لكن بعد داك بتظهر عليهم في شكل صلعة أو شيب كثيف في أحسن الاحوال ، و ناس تانين كمان بشردوا من البلد عديييل كدا ... ولا انت رأيك شنو ؟
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
كــلـيـة الـهـنـدســة الـزراعـيـة عارفة يا بتول ؟ الحب ده بذرة دايرة ليها تربة ممتازة وموية نضيفة واضاءة كافية عشان تنمو، وانت للأسف تربتك ما نضيفة وماااااااااااااااالحة تب و مويتك ما ارتوازية وكان لازم نحصد الفشل في علاقتنا دي خلينا من التفرع في المواضيع الغير مورقة علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني بعدين بصراحة انا خايف انو براعمنا في المستقبل يطلعو زيك كدا
كـلـيـة عـلـم الـبـصـريـات
بتول انتي عارفة اني زول عندي بعد نظر وشايف اننا ما بننفع لبعض اقول ليكي أنا ما قادر اكمل حاكتب كلامي على ورقة ركزي معاي وحاولي تقري الحروف دي :
i
h a t e
u
أها غمضي العين الشمال وافتحي اليمين قريتيها؟ كلك نظر يا بتول
| |
|
|
|
|
|
|
Re: شــاكــوش حـسـب الـتـخـصـص (Re: ابراهيم قناوي)
|
ود قناوي تحية صباحية بلون المنقة
Quote: أول حاجة أنا ما شيخ |
Take it easy man
Quote: وقبل ما يثبت الفارس بيختفوا القورة زي ما قالوا اهلنا الشكرية |
خلينا من المولانات بنجيهم راجعين و نشوف الشاكوش عندهم بيحصل كيف بس أحكي لينا انت عن ذكريات الشواكيش المرًت بيك من اول مراحل الشباب و لغاية الان !
تحيااااتي يا صاحب
| |
|
|
|
|
|
|
Re: شــاكــوش حـسـب الـتـخـصـص (Re: حبيب نورة)
|
Quote: وناس الاسلامية ديل !!! |
حـبـيـب نــورة عليك الله خليك في قعدتك الرايقة دي و بطًل شغب عشان ما يجيك شاكوش طاير يعوقك و نبقي بعدين في سوري و ما قاصدين !! خالص تحيااااتي و نورتا البوست بي مرورك
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: ود قناوي تحية صباحية بلون المنقة
Quote: أول حاجة أنا ما شيخ
Take it easy man |
ولك من التحايا مثلها واكثر
ومافي عوجة تب (واتز سو ايزي) والله
Quote:
Quote: وقبل ما يثبت الفارس بيختفوا القورة زي ما قالوا اهلنا الشكرية
خلينا من المولانات بنجيهم راجعين و نشوف الشاكوش عندهم بيحصل كيف بس أحكي لينا انت عن ذكريات الشواكيش المرًت بيك من اول مراحل الشباب و لغاية الان !
تحيااااتي يا صاحب |
ذكرياتي حلوها ومرها ما بعبر عنها منبر
لأنها عاوزة ليها منابر وساحات وبرضو ما
اظن تكفي
| |
|
|
|
|
|
|
Re: شــاكــوش حـسـب الـتـخـصـص (Re: ابراهيم قناوي)
|
Quote: ذكرياتي حلوها ومرها ما بعبر عنها منبر
لأنها عاوزة ليها منابر وساحات وبرضو ما
اظن تكفي |
ولـــد دا !!
شكلك كدا كنت حبيًب من الدرجة الاولي ( الحكومة ما تسمعنا )
خاااالص التحايا و مرفق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: ناس فنون ديل أسياد الشئ زاتها !! لكن في محاولة لخلق بيئة فنية موحدة تم ضمهم لناس الموسيقي و المسرح ، بس لو عندكم ليهم إيدلوجية شاكوشية مختلفة هاتها و تعال و مابيناتنا اعتبر نفسك سيد البوست . خالص تحياتي و مرفق ودي
|
هبة
سلامات
نحن الساس ونحن الراس..
تجي تضمينا للفرع (مع احترمي لناس الموسيقى)
طبعا نحن لينا موسوعات
الوان خطوط اشكال فراغات شعر موسيقى نثر
كل هذه الأدوات تأتي طائعة بين يدي ناس الفنون للتعبير بها.. (كلمة مرهف) ماركة مميزة
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
Quote: نحن الساس ونحن الراس..
تجي تضمينا للفرع (مع احترمي لناس الموسيقى)
طبعا نحن لينا موسوعات
الوان خطوط اشكال فراغات شعر موسيقى نثر
كل هذه الأدوات تأتي طائعة بين يدي ناس الفنون للتعبير بها.. (كلمة مرهف) ماركة مميزة |
عبد العزيز سلام و الف تحية
يا سيدي خلاص سحبنا إنضمامكم لناس الموسيقي و المسرح ، بس ورينا انت ناس فنون ديل بعبروا عن الشاكوش كيف مع الاخذ في الاعتبار استعمال المفردات الواردة أعلاه !
مرفق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
كــلـيـة عـلـم الـكـيـمـيـاء
شوفي يا بتول لمن تحصل أكسدة بيناتنا ده معناتو اني قلوي وانتي حااااااااااااااااااااااامضة ..انتي زمااان كنت فلذة كبدي لاكين اناهسة بطلت أطلع مع اشباه الفلذات ، وبعدين القال تتفاعلي كدة منو؟ انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟ الحكاية دي فجرت معمل حبنا للأسف وبعدين انا اكتشفت لي عنصر مشع وما مستعد اخليها عشان عنصر خامل زيك انتي !
كـلـيـة عـلـم الاقـتـصـاد
عارفة يا بتول المشكلة ومافيها انو حصل ركود لمشاعرنا والاسعار العاطفية انخفضت حتى أسهم القلب بقت بمعدل سهم واحد لكل 100 نبضة وبعدين البضاعة العاطفية ما لعبة ياااااااااااخ ، انتي مش عارفة انك حسب قانون العرض والطلب لمن تزيدي في كمية الحنان ممكن يحصل نقصان في سعر العاطفة؟ و سعر الفائدة زااااتو وصل للزيرو لانك طلعتي مافيك فايدة !! و انا مضطر أسحب رصيدي العندك و أعلن الافلاس .
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
ناس الليل : هواري نمر ( بالعربي ) و من لفً لفه . . . عبد المعنم . . . شمس الدين
وووينكم يا شباب ؟ طفشتوا مالكم ! ما قلنا ليكم البوست بوستيكم تعالوا أحكوا لينا ذكريات شواكيشكم ولا برضو الفضاء الاسفيري ما بشيل حكاويكم زي ما صاحبنا ود قناوي قال !
منتظرين نسمع و يا هواري يا صديقي جيب لينا معاك سامر الليل الاصلي بهاء طوكيو و بيني و بينك كدة بهاء دا بكون اكتر زول في الدنيا اتشوكش لانه بكااااي و حبًيب و بكون اتكسر في بنات الجيران كلهم و بكونوا كلهم أدوهو علي رأسو هههههه !
خـالـص تـحـيـاتـي و مـرفـق ودي للـجـمـيـع
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: يا سيدي خلاص سحبنا إنضمامكم لناس الموسيقي و المسرح ، بس ورينا انت ناس فنون ديل بعبروا عن الشاكوش كيف مع الاخذ في الاعتبار استعمال المفردات الواردة أعلاه ! |
سلامات هبة
شواكيش فنون ناعمة وحالمة.. ريشة ولون!! يعني الورطة دي لزوما شنو...
كدا شوفي لينا ناس هواري ديل.. ناس هربت وتركت خيم الشواكيش في اوربا وجنوب شرق آسيا ومحلات تانية حامياني..
فتك بعافية
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: منتظرين نسمع و يا هواري يا صديقي جيب لينا معاك سامر الليل الاصلي بهاء طوكيو و بيني و بينك كدة بهاء دا بكون اكتر زول في الدنيا اتشوكش لانه بكااااي و حبًيب و بكون اتكسر في بنات الجيران كلهم و بكونوا كلهم أدوهو علي رأسو هههههه ! |
هوي يا هبة
الكلام ده خطير.. انا خليني في الشباك!!
| |
|
|
|
|
|
|
Re: شــاكــوش حـسـب الـتـخـصـص (Re: سيف الدولة كامل)
|
أسـتــاذ سـيـف مـرحـب بـيـك نـورتـا الـبـوسـت والله
Quote: والله ناس المنبر ديل نصهم مشوكشين |
ايواااا ! عشان كدة مدًسين و بتاوقوا من بعيد لي بعيد خايفين نجيب سيرتهم ههههه !!
Quote: عندي صاحبي عزيز كان بيدرس في خامسة طب الكلام
ده سنة 1982 ادو شاكوش لي هسع ما اتخرج,, |
لا حووووولا ! دا شكلو شاكوش خطيييير بس برضو كويس الما وداهو التجاني الماحي زي ما بحصل احيانا" !
Quote: شوفي لينا حاجة لي ناس الليل. |
حاضرين بس قلنا في الاول ننتظرهم يجوا يزوروا البوست و معاهم كبيرهم الذي علمهم السهر اخونا المدعو طارق جبريل !
تـحـيـاتي و مـرفــق عـمـيـق ودي
| |
|
|
|
|
|
|
Re: شــاكــوش حـسـب الـتـخـصـص (Re: عاطف محمد أحمد زكريا)
|
مرحب بيك أستاذ عاطف و شكرا كتير علي المرور الكريم
Quote: ناس آداب يا هبة ....ملوك الرومانسية والوجع الخرافى ما عندك ليهم وصفة؟؟ |
عاوزين ناس آداب ديل يجونا براهم يورونا بدوا الشاكوش كيف حسب قواعد اللغة سواء كانت العربية أو غيرها من اللغات .
منتظرين نسمع منك .
مـرفـق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
سلامات هبة
يبدو ان كلمة شاكوش دي نفسها عايزة ليها شاكوش!!
من ما قمنا ياها هي هي..
من المفترض ان يتغير المصطلح ده مع الأجيال الجديدة.. لكن يبدو انو ماليهو وجود في هذه الأيام..
تحياتي عبدالعزيز
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
عـبـدالـعـزيـز حـبـاب سـلامـك
يا أخوي كلمة شاكوش دي ما بتتغير ابدا" لانها كلمة تحمل معناها في داخلها بكل ما فيها من قوة . علي فكرة الاجيال الجديدة بستعلموا كلمة ركب التونسية لنفس المعني لكن تظل كلمة شـاكـوش الاكثر إستعمالا" و أقرب معني .
عـمـيـق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
ركب التونسية... ركبت التونسية
هذه عبارة حلوة وظريفة.. ممكن ادلها ليكي في جملة مفيدة: ركب هواري التونسية..
ولا نخليها بالسوداني: هواري ركبوه التونسية.. (لقيتو في بوست ناس الليل) شفت كيف انا شاطر في العربي..
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
عـبـد الـعـزيـز سـلام
هواري دا ركب التونسية من زماااان و ما داسيها زي ما انت قلت كاااابي الجرسة في بوستات ناس الليل ، لكن المشكلة الناس المزازين بي برة و ما قادرين يدخلوا و يقولوا رأيهم في بوست الشواكيش دا نظام خايفين من شيل الحال الاسفيري . واحدين مدسين خلف حجاب و واحدين يجوا يعلقوا بس عبر الايميل ولا شنو يا .. ش .. وووو .. ل !
طبعا يا شباب أخونا شول أشوانق واحد من المزازين ديل و بما إنه مأخد شواكيش بكل الوان الطيف الشاكوشي ما قادر يجينا هنا في البوست شغال بس يتاوق من برة برة و يعلق عبر الايميل !
ياخي تعال داخل عاااادي يا شول مافي زول بعوقك زوار البوست ديل كلهم مشوكشين و مافيش حـد أحـسـن مـن حـد
مـرفـق عـمـيـق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
كـلـيـة الآداب قـسـم عـلـم الآثـار بتول أسمحي لي انك تحفة مزيفة الجكس كلهم تحف عتيقة و نادرة الا انتي ما عندك غير فك الرموز بالطريقة التعجبك تنقبي عن المشاكل تنقيب ! وبعدين انا وانت اساسا حضاراتنا مختلفة من البداية وافتكر حقو ندفن البيناتنا بعد ده .. هووووووووووي مالك بتعايني لي كدا ما فهمتي؟ ليــــــــــــه أنا بتكلم لغة مسمارية ولا شنو؟ دي شنو لعنة الفراعنة الانا اتبليت بيها دي بس يا ربي !!
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
دفعتنا في سمــــــــــار الليل.. الفردة هبة بت الماحي.. ازيك و عوافي...
اها جينا راجعين و معليش بس كنا مشفولين مع ناس السودان..و عندي اخوي شوية عمل عملية و الحمد لله تمام التمام الان!!!
(شواكيش البلد.. زادت وكترت )... مع الاعتزار لشاعر الاغنية و للعبقري مصطفي ود سبد احمد...
لكن بي قدرة قادر... البوست اتحول من (شواكيش حسب التخصص..) لينا انا وصحبي المسكين بهاء.. وبيني و بينك بهاء...ده استاذ في البكاء..ماهو بتاع عربي و شعر و أداب و كده...وقارني..
بس اكعب حاجة (حب الكبر)...و الشاكوش لما يجيك و انت كبير..أأأأأأأأأأأأأأأأخ ودي ليها قصة عايزها ليها بوست مخصص.. بكتب فيها الايام دي(ثلات اسابيع حب)..... بس لوكو الصبر!!! و بجيكم راجع يا شلة سمار الليل و شعار الحزب (الشاكوش)....أأأأأأأأخ الله يستر وشكرا ياهبة ولك ودي واحترامي.. هواري
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: يا هواري يا صديقي جيب لينا معاك سامر الليل الاصلي بهاء طوكيو و بيني و بينك كدة بهاء دا بكون اكتر زول في الدنيا اتشوكش لانه بكااااي و حبًيب و بكون اتكسر في بنات الجيران كلهم و بكونوا كلهم أدوهو علي رأسو هههههه ! |
هبة يا ماحي : اصبري لي لشيل الحال الاسفيري دا
والله العظيم البوست دا جا متازمن مع وجع ضرس قديم تاورني الايام دي وقالب ليلي نهار وبقيت مغبي عديل المهم هو في أروع من تحب أو تُحب؟ العالم دي كلها اتشوكشت لمان قالت بس انا ما داسيهو تب والشاكوش الذي لا يقتلني أو يزوزي بي يقوني حتما اكعب شاكوش البخلي الزول في حالة اندراوة اندراوة دي شنو؟ المهم يا هوري وهبة عاملين اسمءكم دي زي الاسبجاتي برجع بهاء /طوكيو
| |
|
|
|
|
|
|
Re: شــاكــوش حـسـب الـتـخـصـص (Re: Baha Elhadi)
|
Quote: مع ناس السودان..و عندي اخوي شوية عمل عملية و الحمد لله تمام التمام الان!!!
|
هواري
سلام يا حبيب
كفارة لأخوك..
طهور ان شاء الله..
تباريح صباحك جات.. ده ما وقت الأنين لما الليل يطول والنوم يجافي العين.. آلالام الشواكيش تبين في هالوقت!!!
صح؟
تحياتي عبدالعزيز
| |
|
|
|
|
|
|
Re: شــاكــوش حـسـب الـتـخـصـص (Re: Baha Elhadi)
|
Quote: كدا شوفي لينا ناس هواري ديل.. ناس هربت وتركت خيم الشواكيش في اوربا وجنوب شرق آسيا ومحلات تانية حامياني |
اها قمنا لي كشف الحال!! وانت يا حبيب...اقول و لالالالا؟؟؟
Quote: ممكن ادلها ليكي في جملة مفيدة: ركب هواري التونسية..
ولا نخليها بالسوداني: هواري ركبوه التونسية.. (لقيتو في بوست ناس الليل) |
ابسنة يضحك علي ابوسنتين..!! يعني مع طولي الفارع ده...بقيت ليك الحيطة القصيرة موش!! بس (الفارع)....كلمة عجبتني شديد.. ههههههههههه
Quote: هواري دا ركب التونسية من زماااان و ما داسيها زي ما انت قلت كاااابي الجرسة في بوستات ناس الليل ، لكن المشكلة الناس المزازين بي برة و ما قادرين يدخلوا و يقولوا رأيهم في بوست الشواكيش دا نظام خايفين من شيل الحال الاسفيري . |
حتي انت يا هبة....!! غايتو الله كريم...
Quote: المهم يا هوري وهبة عاملين اسمءكم دي زي الاسبجاتي |
شكلو الشاكوش كبيـــــــــــــــــــر لما بقيت تنسي الحروف!!! معليش تعيش وتاخد شاكوش غيرها
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: كفارة لأخوك..
طهور ان شاء الله..
تباريح صباحك جات.. ده ما وقت الأنين لما الليل يطول والنوم يجافي العين.. آلالام الشواكيش تبين في هالوقت!!!
صح؟ |
الحبيب عبد العزيز... شكرا يا مان و الحمد لله الان هو تمام..التمام..
انا الالام الشواكيش دي.. وزي ما غني حمد الريح... حليـــــــــــــــــل ناس ليلي.. ساعة الليل يجن... الليل ده سره باتع يا صديقي... وبجيك راجع...
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
سمار الليل ســـــلام ... يا أخونا ياخي ما تخلوا الطابق مستور .. ياخي بهاء ده راسه من كترت الشواكيش لامن عمل فيهو نجيل صناعي .. يا هواري ياخي مافيها حاجة يعني كان اتشوكش ليه كم شاكوش كده .. ما يداك طاااارق راسه بقى مافيهو محل زااااتو للشواكيش وبقوا يدوهو ليه في ظهره ياخ ... هبه دي ما تسوط ليكم العجين وانتو تعوسوا خليكم حريفيين هبه دي خطيره ياااااخ بتودي الزول البحر وبتجيبه عطشااااان ، انا غاااايتو لا شكوكشتا ولا إتشوكشتا
تهديفة : والله يابت الماحي خطييييييرة لكن .... غايتو أنا راجي ناس الرياضيات ديل حياتهم كلها ضرب في ضرب ..
| |
|
|
|
|
|
|
Re: شــاكــوش حـسـب الـتـخـصـص (Re: سفيان بشير نابرى)
|
Quote: انا الالام الشواكيش دي.. وزي ما غني حمد الريح... حليـــــــــــــــــل ناس ليلي.. ساعة الليل يجن... الليل ده سره باتع يا صديقي... وبجيك راجع... |
العزيز هواري
يعني هاشم ميرغني ولا محمد ميرغني ديل مالم؟
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: دفعتنا في سمــــــــــار الليل.. الفردة هبة بت الماحي.. ازيك و عوافي... |
مرحب بيك يا هواري بعد الغيبة الطويلة ( نورتنا )
Quote: اها جينا راجعين و معليش بس كنا مشفولين مع ناس السودان..و عندي اخوي شوية عمل عملية و الحمد لله تمام التمام الان!!! |
الف سلامة لاخونا و ربنا يديهو الصحة و العافية يا رب
Quote: لكن بي قدرة قادر... البوست اتحول من (شواكيش حسب التخصص..) لينا انا وصحبي المسكين بهاء.. وبيني و بينك بهاء...ده استاذ في البكاء..ماهو بتاع عربي و شعر و أداب و كده...وقارني.. |
انا قلتا حاجة ؟ ( وش فتًان )
Quote: بكتب فيها الايام دي(ثلات اسابيع حب)..... بس لوكو الصبر!!! |
منتظريييين فما تطول علينا
خاااالص تحياتي و عميق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: هبة يا ماحي : اصبري لي لشيل الحال الاسفيري دا |
أووووه أخيرا" ظهرتا ؟ مرحب بيك يا أمير البكايين و المشكوكشين !
Quote: والله العظيم البوست دا جا متازمن مع وجع ضرس قديم تاورني الايام دي وقالب ليلي نهار وبقيت مغبي عديل |
ما طوااااالي دي الحالة الجديد شنو ؟ ( وش مستغرب )
Quote: المهم هو في أروع من تحب أو تُحب؟ |
ماااااافي والله و اسأل صحبك هواري
Quote: العالم دي كلها اتشوكشت لمان قالت بس انا ما داسيهو تب والشاكوش الذي لا يقتلني أو يزوزي بي يقوني حتما |
عفيت منك هيييع يا ود دار جعل
Quote: اكعب شاكوش البخلي الزول في حالة اندراوة اندراوة دي شنو؟ |
برًي يطرشني و يعمي جيراني !
Quote: المهم يا هوري وهبة عاملين اسمءكم دي زي الاسبجاتي
|
اسبجاتي مين يا عمك ؟ أتكلم عربي يا زول نحنا ناس ثقافتنا محلية !
منتظرين
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: سمار الليل ســـــلام |
حباب سلام أخونا و صاحبنا و دفعتنا في سهر الليل
Quote: يا أخونا ياخي ما تخلوا الطابق مستور .. ياخي بهاء ده راسه من كترت الشواكيش لامن عمل فيهو نجيل صناعي .. يا هواري ياخي مافيها حاجة يعني كان اتشوكش ليه كم شاكوش كده ما يداك طاااارق راسه بقى مافيهو محل زااااتو للشواكيش وبقوا يدوهو ليه في ظهره ياخ |
بهاء دا يا عمدة قال معترف و ما داسي الكسير ولا الشواكيش عشان خلوه في حاله و شوفوا لينا الناس المندسين و مكابرين و ما دايرين يقولوا . طارق زااااتو ما داسي الجرسة عفيت منه تب .
Quote: هبه دي ما تسوط ليكم العجين وانتو تعوسوا خليكم حريفيين هبه دي خطيره ياااااخ بتودي الزول البحر وبتجيبه عطشااااان |
خليك محضر خير يا عمدة ياخي الناس ديل بينا و بينهم عُشرة اسفيرية ما تحاول تخربها( هههههه )
Quote: انا غاااايتو لا شكوكشتا ولا إتشوكشتا |
عيني في عينك كدا ؟ هههههه عالم كدابين بشكل !
Quote: تهديفة : والله يابت الماحي خطييييييرة لكن .... غايتو أنا راجي ناس الرياضيات ديل حياتهم كلها ضرب في ضرب |
ناس الرياضيات ديل يا عمدة انت شوف ليهم حاجة من عندك و تعال لينا راجع
خالص تحيااااتي و عميق ودي
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: سلامات يا هبة
ياخ كدى دخلي لي ناس الكورة في (شاكوش) مفيد .
وركزى انو المرأة والراجل يكونو هلالاب لانو ناس المريخ سمن علي عسل ومابينهم شواكيش |
حباب سلامك يا سفيان ووووين انت غايب ؟ شربتا القهوة مع أحمد موسي و سكيت علي كدة ولا شنو ؟ ناس الكورة ديل نحنا عاوزين نبعد منهم لكن لو عندك ليهم وصف شاكوشي كاااارب ياريت تجينا بيه و تورينا رأيك شواكيش الرياضيين . المريخاب ديل دااااايما سمن علي عسل مافي كلام !
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
سلامات/
هبـة وسمار الليل
كثير انا محتار في الشواكيش البتودي التجاني الماحي!!!
والله صعب التفكير في ناس رهيفة ومرهفة للحد ده..
أذكر ان لي صديق صبا كنت استغرب فيه كثير جدا.. تخيلوا هو في الجزيرة ابا وكيسو في ربك.. مرات كثيرة يطلع من البيت ويركب البص ولا يحس أين هو إلا عندما يأتيه الكمساري واحيانا على مشارف مدينة ربك.. يعني ما يقارب الساعة منذ خروجه من بيتهم هذا غير الترتيبات من مكوة وحمام وعطر الخ... وبعد كل هذا الهيام التكسيرات المشتركة.. سمعت ان كلاهما تزوج شخصا آخرا..
ما عارف ليه.. لا جنون ولا شقاء..
وربما هنالك شاكوش.. اسمه شاكوش التراضي.. والله اعلم
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
عبد العزيز سلامي و احترامي
منور البوست والله
Quote: كثير انا محتار في الشواكيش البتودي التجاني الماحي!!!
والله صعب التفكير في ناس رهيفة ومرهفة للحد ده |
بالجد الناس الرقيقين ديل يستحقوا الاحترام و التقدير ، بس بيني و بينك كدا اصبحوا عملة نادرة في الزمن دا ! هسة الواحد يأخد الشاكوش بجاي يتنفض و يغير قميصه و يتعطر عشان يمشي يلاقي التانية دون أن يهتز له رمش !! والله انتوا يا اولاد آدم أمانة ما عندكم المحن ! ههههههه و عشان أكون فير والله برضو في بنات بعملوا نفس التكتيك بتاع الاولاد ، لكن نسبة الاولاد الما بهتموا بمسألة المشاعر اكتر من نسبة البنات و دا لانه البنات عاطفيات ولما يحبوا بحبوا بصدق و عمق ( وش كله حب و محنة )
Quote: وربما هنالك شاكوش.. اسمه شاكوش التراضي.. والله اعلم |
والله عجبني شاكوش التراضي دا جنس عجب بس ما نسمع بكرة بشاكوش التوالي !
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
وين يا هبة..
اها شايف موضوع الشواكيش ده.. ما جاب ليه ولا...اي جنس ناعم.... الزمن ده مافي شواكيش ولا.........مافي حب من اصله.. (قلة الشواكيش تعني قلة الحب)... ولالالا شنو؟؟؟
منتظرينكم يا ناس...
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: اها شايف موضوع الشواكيش ده.. ما جاب ليه ولا...اي جنس ناعم.... الزمن ده مافي شواكيش ولا.........مافي حب من اصله.. (قلة الشواكيش تعني قلة الحب)... ولالالا شنو؟؟؟ |
والله انا زاااااتي محتارة معاك ما عارفة بنات حواء البوردابيات ديل مالهم مضربات عن الدخول في بوست الشواكيش دا ؟ يمكن خايفين يجيب ليهم النحس ولا حاجة !! علي العموم ننتظر مع المنتظرين عشان نسمع رأيهن !
لكن من ناحية مافي حب دي مافي ، الحب موجود و عايش معانا في كل مكان علي وجه البسيطة دي و ربنا يحفظه و يديمه.
كل التحايا من جوة الحنايا
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: ازيك يا هبة ... وح اجي لي كلامك الفوق دااااك و اخوي الحمد لله بلغ الصحة... وشكرا ليك..كتير.... |
مرحبتين حبابك سلامات الحمدلله علي نعمة الصحة و العافية و إن شاءالله دايما يارب و منتظرين جيتك ما تطول
Quote: اها حفلة بت عجاج كانت كيف؟؟؟ |
والله الحفلة فاتتني للآسف لاني كنت حضور في مؤتمر القيادات الشابة لبرامج السلام المستدام ( كلورادو ) . بس تحت تحت كدا انا زااااتي ما من ناس بت عجاج ، الرقة و الهدوء ديل نحنا ما بنعرف ليهم ، انا و ناس قريعتي راحت ديل ابدأ لينا من حنان بلوبلو و انت نازل لحدي نجاة غرزة و ما شابه !
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: والله الحفلة فاتتني للآسف لاني كنت حضور في مؤتمر القيادات الشابة لبرامج السلام المستدام ( كلورادو ) . |
عالم خيانـــــــــــــــات!! من ورانا يا هبة؟؟ هههههههههههههههههههه و الله كلنا عايزين نمشي المؤتمر ده,بس ورونا الدرب...
Quote: بس تحت تحت كدا انا زااااتي ما من ناس بت عجاج ، الرقة و الهدوء ديل نحنا ما بنعرف ليهم ، انا و ناس قريعتي راحت ديل ابدأ لينا من حنان بلوبلو و انت نازل لحدي نجاة غرزة و ما شابه ! |
قلتي منو؟؟؟نجاة غرزة؟؟ انتو الاسامي دي بجيبوها من وين؟؟؟؟ غايتو انا الموسيقي و الغناء,شغال بي(لكل مقام مقال).. يعني حسب الجو و الحالة العامة و النفسية كمان..!! مرات جبجبة صاح...و مرات موسيقــــــــــــي بحتة....و مرات حزن..و مرات اناشيد.. غايتو حسب مزاج(دقنوسي) الكبير ده!! الا ..مني القوز..هاجر كباشي..زبيدة الانقاذ..لسه بغنن و لا خلاص...جات موديلات جديدة في الغناء..؟؟
شكلو البوست راح...في خير كان!! التقول ضربو ..شاكوش؟؟
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: ناس الرياضيات ديل يا عمدة انت شوف ليهم حاجة من عندك و تعال لينا راجع |
يا بتول ... انت عارفة الضرب في الميت حراااام ، وانت إحساسك ميت ... عشان كده يا أختي قومي أجمعي عدومك دي النوديك عند أهلك .. انت عارفة الزواج قسمة وجمع قصدي قسمة ونصيب .. أها انت قسمتك ما معاااي الظاهر فخلينا كده نجيب الاهل ونطرح عليهم الموضوع ده نشوف رائيهم شنو إننا نأخذ إجازة بعيدين عن بعض .
نتابع ...
| |
|
|
|
|
|
|
Re: شــاكــوش حـسـب الـتـخـصـص (Re: عماد محمود علي)
|
Quote: طبعا يا شباب أخونا شول أشوانق واحد من المزازين ديل و بما إنه مأخد شواكيش بكل الوان الطيف الشاكوشي ما قادر يجينا هنا في البوست شغال بس يتاوق من برة برة و يعلق عبر الايميل !
ياخي تعال داخل عاااادي يا شول مافي زول بعوقك زوار البوست ديل كلهم مشوكشين و مافيش حـد أحـسـن مـن حـد |
تلقو زول متغطى فى عز الصقيع تجو تجرو منو البطانية! معقولة ياخ! شتارة قدر شتارتك ده يا هبه ما لاقتنى هههههههههه
اها انا جيت فى شنو؟!
ناس الإحصاء شواكيشم كيف؟
حب شديد والله ههههههه
| |
|
|
|
|
|
|
Re: شــاكــوش حـسـب الـتـخـصـص (Re: شول اشوانق دينق)
|
Quote: والله عجبني شاكوش التراضي دا جنس عجب بس ما نسمع بكرة بشاكوش التوالي ! |
هبة - هواري
سلام
شاكوش التراضي كان موجود.. وانا شهدت شاكوش شايلنو الطرفين.. ما عايز ادخل في التفاصيل..
لكن زي ما قلتو.. بوستكم ده بيخوف الجيكس.. وانا بخاف أكثر ,أسأل عليكم الناس..
وده طرفي منكم يا ناس الليل..
تحياتي
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
عبد العزيز سلام
Quote: لكن زي ما قلتو.. بوستكم ده بيخوف الجيكس.. وانا بخاف أكثر ,أسأل عليكم الناس.. |
الجكس بس ما قادر علي مواجهة الشواكيش الكتيرة الفي البوست دا !!
Quote: وده طرفي منكم يا ناس الليل |
معقوووووولة بس ؟ البوست دا ما ببقي من غيرك نهائيا" كدا ولا ناس الليل ببقوا من غيرك لاننا عملناك مساعد خليفة* أمير* البكايين
___________________________________________ *أمـيـر الـبـكـايـيـن : أخــونـا طــارق جـبـريـل *خـلـيـفـة أمـيـر الـبـكايـيـن : أخـونـا هـواري نـمـر
و انـا بـــرررررة
| |
|
|
|
|
|
|
Re: شــاكــوش حـسـب الـتـخـصـص (Re: شول اشوانق دينق)
|
اخـيـرا شـول صـديـقـي مـعـانـا ( عـالـم جـبـااااانـات بـشـكـل ) تـحـيـااااات كـتـارات يـا شــول و لـيـك وحـشـة والله !
Quote: معقولة ياخ! شتارة قدر شتارتك ده يا هبه ما لاقتنى هههههههههه |
شتارة شنو يا جماعة يعني الزول ما يقول الحقيقة في البورد دا ولا شنو ؟ بعدين هو انا جبتا الكلام دا من عندي ؟ ما كل الناس عاااارفة انك زول بكاي و أتشوكشت كذا مرة لمن عرفتا حاجة ! و لو مكذبني و ما مصدقني اسأل العنبة الرامية في بيت ناس طارق جبريل ( أحيييي انا من ناس الامتداد ) هههههه أها نواصل الفتً دا ولا ندفنه هنا ؟ رأيك بسرعة لانه كيبوردي مأكلني شديد ههههه
Quote: اها انا جيت فى شنو؟! |
بــركـة الـجـيـت
Quote: ناس الإحصاء شواكيشم كيف؟ |
ناس الاحصاء ديل شواكيشهم كلها منوال و الي ما لا نهاية ياخ هههههه تعال لينا انت بي فكرة جديدة عن الشواكيش الاحصائية و ليك عليً أدفن السر هنا و ما بقول لي أي زول عن الشاكوش الاخدته في الامتداد !
Quote: حب شديد والله ههههههه |
و لـيـك مـنـي أضـعـافـه يـشـهـد الله
| |
|
|
|
|
|
|
Re: شــاكــوش حـسـب الـتـخـصـص (Re: عماد محمود علي)
|
Quote: يا بتول ... انت عارفة الضرب في الميت حراااام ، وانت إحساسك ميت ... عشان كده يا أختي قومي أجمعي عدومك دي النوديك عند أهلك .. انت عارفة الزواج قسمة وجمع قصدي قسمة ونصيب .. أها انت قسمتك ما معاااي الظاهر فخلينا كده نجيب الاهل ونطرح عليهم الموضوع ده نشوف رائيهم شنو إننا نأخذ إجازة بعيدين عن بعض |
مرحب بيك يا عمدة وشكرا" كتير علي المشاركة اللطيفة
منتظرينك ما تطول علينا
مــرفـق عـمـيـق ودي
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: عالم خيانـــــــــــــــات!! من ورانا يا هبة؟؟ هههههههههههههههههههه و الله كلنا عايزين نمشي المؤتمر ده,بس ورونا الدرب |
قلنا مؤتمر القيادات الشابة يا هواري شااااابة انت موقعك وين من شابة دي ! ( وش شمشاااار )
Quote: قلتي منو؟؟؟نجاة غرزة؟؟ انتو الاسامي دي بجيبوها من وين؟؟؟؟ غايتو انا الموسيقي و الغناء,شغال بي(لكل مقام مقال).. يعني حسب الجو و الحالة العامة و النفسية كمان..!! مرات جبجبة صاح...و مرات موسيقــــــــــــي بحتة....و مرات حزن..و مرات اناشيد.. غايتو حسب مزاج(دقنوسي) الكبير ده!! الا ..مني القوز..هاجر كباشي..زبيدة الانقاذ..لسه بغنن و لا خلاص...جات موديلات جديدة في الغناء..؟؟
|
لقيت مزاجك عالي والله ، و فعلا الغناء و الموسيقي ديل مزاجات و نفسيات . هاجر كباشي و مني القوز و زبيدة الانقاذ لسة قاااااعدات بس كما هو حال الدنيا دارت عليهن الايام بظهور جيل جديد .
خالص تحياااااتي و خليك قريب
| |
|
|
|
|
|
|
Re: شــاكــوش حـسـب الـتـخـصـص (Re: heba Elmahi)
|
Quote: قلنا مؤتمر القيادات الشابة يا هواري شااااابة انت موقعك وين من شابة دي ! ( وش شمشاااار ) |
يا اخوانااااااا....!!! و الله شباب و نص.. نجيب شهادى الميلاد و لا شنو..؟؟ بعدين الشباب ده ,من عمر كم!!
وبعدين.. شباب قوم..عند قوم عجايز... وعجائز قوم..عند قوم شباب..
اها الموسيقي دي..خليها ساي.. مع سهر اليل ده...غياتو بنفرج بيها الهموم...
عاطر ودي و احترامي..
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: معقوووووولة بس ؟ البوست دا ما ببقي من غيرك نهائيا" كدا ولا ناس الليل ببقوا من غيرك لاننا عملناك مساعد خليفة* أمير* البكايين
|
سلامات
صليت الجمعة وجيت غاشي.. شكرا للمساعد دي..
لكني ارفض بشدة مبدأ التعيين ده..
نخليها للناس الوصلوها بالتقادم..
هواري.. تعال لي يا هوري!!
شهادة ميلاد قال!!!
انت ما مولدوك سنة السيل شال السكة وتكاها جنب ثانوية بنات سنجة... عفو يا انقلاب عبود!!!
آي يا ناس الليل.. الظلام كمان بغطي الأعمار..
أحسن تطردوني عديل كده..
سلام
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
Quote: انت ما مولدوك سنة السيل شال السكة وتكاها جنب ثانوية بنات سنجة... عفو يا انقلاب عبود!!! |
كـــــــــــــــــــاج كاج كاج... هههههههههههه و الله قطعته قلبي بالضحك....
ياخي احنا انقلاب نميري ما حضرناه... تقول عبود...مين عبود ده.. ده موش الزول الطلعتة ليه مظاهرات و عملته ثورة.. اقــــــــــول ولالالالالا
بعدين الجاب السكة حديد لي سنجة الثانوية بنات شنو؟؟؟؟
و لالالا أأأأأه ده كان في زمنكم...لانو الاتنين ما بتلاقو...
بس حكايو امير و شيخ.. عندي فيها كلام.. بس ننتظر شيخي بهاء يطلع و يجي مارق وكمان العمدة ود شيقوق و الزعيم طارق جبريل...
وأأأأأه يا الاهيف.
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
هواري : هوي كلو شيء ولا تداخل الاختساسات دا قال أهيف قال ماك عارف دي منطقة محرمة من الفؤاد لا يدخلها إلا من تؤضا بجمر العشق وتنفل في محراب جمالها وأقام الليل يطوي أوراده في داعي لنكت وجع الضرس قلنا وجع ضرس تقول اكلو تسالي هبة كويس شيل الحال ولا أراكم الله مكروه وقيام ليل في شاكوش لديكم هواري : عجبني الزول الجاب السكة حديد لثانوية البنات تعرف دا بكون من زمن سكينة الخير صريف مش حيطة الكتلة نط المنطقة الصناعية بحالها شكلو دا من المحطة وفللي للثانوية ما توجعوا يا هواري ساي وتور عليهو مواجعه القديمة النصيحة لله بنات الثانوية زمان شرط للأرض وأحيييييييييي من الليل وكودات طارق الحمتو المرقة يا شيخي انجدنا فقد تكاثروا علينا يلحقنا وينجدنا شيخنا طارق ان شاء الله بذكر مغربي بهاء
| |
|
|
|
|
|
|
Re: شــاكــوش حـسـب الـتـخـصـص (Re: Baha Elhadi)
|
Quote: ماك عارف دي منطقة محرمة من الفؤاد لا يدخلها إلا من تؤضا بجمر العشق وتنفل في محراب جمالها وأقام الليل يطوي أوراده |
أأأأأأأأأأأخ امانة ما وقع راجل!!! يعني ..جيت مارق.. حمد الله علي السلامة... والبركة(الاهيف) المرقت و جابتك.. وتاني,, أأأأأأه يا الاهيف..
Quote: عجبني الزول الجاب السكة حديد لثانوية البنات تعرف دا بكون من زمن سكينة الخير صريف مش حيطة الكتلة نط المنطقة الصناعية بحالها شكلو دا من المحطة وفللي للثانوية ما توجعوا يا هواري ساي وتور عليهو مواجعه القديمة النصيحة لله بنات الثانوية زمان شرط للأرض |
اها يا بهاء... عبد العزيز..ده..من زمن الكناف.. و الوقت دااااك كان بسافر بالقطر, تقول لي شنو؟؟ اما مدرسةسكينة(الخيش)..و مدرسة(الشول).. يا زووووووول...الله ستر.. مرة من المرات الاستاذ بتاعنا رسلنا هناك... واحنا في المتوسطة...و الله يا بهاء ما مرقنا الا كرعيـــنا!!!!!
Quote: وكودات طارق الحمتو المرقة يا شيخي انجدنا فقد تكاثروا علينا يلحقنا وينجدنا شيخنا طارق ان شاء الله بذكر مغربي |
و ينك يا طارق جبريل... و الله المنبر..من غير كودات.. زي العرس من غير حفلة... نعال ياخي مارق.. وان شاء الله نغني بالباقات بتاعات الموية..و اتخيل نفسك في رحلة!!
بس يا بهاء.. اي شي و الل المفربي ده.. عليك امان الله عندهم فرقى اسمها(ينات اوادان).. كاسرة قلبي ..وفاكة ضلعي..
اما هبة الماحي.. عملتها ظاهرة..زاغت و وعملت نايمة... بعد ما ضربت هواء الروكي البارد.. اها... سلام
و يــــــــــــا مرية..ياااا يا مرية...
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
Quote: بعدين الجاب السكة حديد لي سنجة الثانوية بنات شنو؟؟؟؟
|
اوووووووووووه
بي قطر البخار.. من سنجة لي ابوحجار طبعا دي بالعكس لزوم القافية..
المدارس فتحت في الخريف وهاك يا مطر ويا سيل.. المحطة كانت عايمة.. وقطر الهم متروس جيكس الثانوية!! فكانت الوسيلة المناسبة حسب اقتراح "الرفاق" توجيه السيل تجاه المدرسة.. الفزع جاء من ناس هواري لشيل الشنط وحاجات تانية كدا..
انتو عاملين فيها بتاعين ليل وما بتعرفوا العلاقة بين الأتنين!!!
خلاص ما بدخل تاني..
| |
|
|
|
|
|
|
Re: شــاكــوش حـسـب الـتـخـصـص (Re: Abdlaziz Eisa)
|
الـفـيـزيـاء قـسـم الـعـلـوم الـفـلـكـيـة
اسمعي يا بتول انتي ما لاحظتي انو سنتنا الضوئية مرت بسرعة؟ يا بت الحلال الشمس والقمر ما بتلاقو في سما وااااااااحدة يعنى باختصار نجم حبنا أفل وبعدين انا كنت قايلك مجرة مختلفة عن باقي المجرات ، كنت قايل ما ليك زي في الكون ! طلعتي ثقب اسود في حياتي وانا بالشكل ده ح الف معاك مدارات الحياة من غير اي هدف ! أفتكر كلامي واضح وضوح كوكب الزهرة الساعة 4 الفجر و ما داير ليهو تلسكوب !
| |
|
|
|
|
|
|
Re: شــاكــوش حـسـب الـتـخـصـص (Re: هواري نمر)
|
الـسـلام و الـتـجـلـة لـكـل زوار الـبـوسـت الـكـرام
Quote: وبن يا نـــــــــــــــاس الاخت المحترمة\هبة اين انت؟؟؟؟؟ منتظرين باقي الشواكيش؟؟؟؟ |
قاعدين والله يا هواري بس قلنا التعدًي فترة الاحزان بتاعة اليومين الفاتوا ديل ، آللهم أجعلها أخر الأحزان يارب .
Quote: بهاء عبد العزيز باقي الناس التانبة؟؟؟؟؟ |
تعالوا كلكم عليكم الله نكمل ونسة و نحاول ننسي مرارة الأحزان .
| |
|
|
|
|
|
|
|