|
|
 بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!!
|
.
.
والله أثقل من الزول ده ماشفت إلا أمين حسن عمر والمذيع ناجي :
مبروك البوهية الجديدة
التحت ده كمان ثقيل :
سيد البيت العوير كتب على حيطة بيتهم ممنوع الكتابة على الجدران فقام واحد ثقيل كتب ليه تحتها (أبشر طال عمرك) يعني طيب بالخليجي .
إتذكرت قصة الإمام أبو حنيفة النعمان مع الفقيه المشهور الأعمش :
قال ليك الأعمش كان شامي أبو حنيفة شمة السنين زي ما أوكامبو شامي البشير كده، فقام الأعمش يوم مرض ومشى أبو حنيفة يزوره ، وبعد شوية أبو حنيفة شعر إنه الأعمش متضايق بالحيل فقام سأله قال ليه عسى ألا نكون قد أثقلنا عليك ؟ فرد الأعمش وقال ليه : أنت والله ثقيل علي وأنت في بيتك :)
ماليه حق والله إتلوم لوم السواد مع الإمام الأعظم .
.
.
|
|
 
|
|
|
|
|
|
|
 Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: Abomihyar)
|
.
.
أبو مهيار العزيز
لك جزيل الشكر على المرور الجميل .
بعدين ياخي ثقالة ناجي وأمين حسن عمر دي (متفق عليها) باجماع سائر أهل العلم حفظهم الله.
بالمناسبة أشكرك مرة تانية على الإهداء الجميل بتاع عمر إحساس .
شوف القصة دي عن الأعمش مضحكة جداً :
قال ليك حدثت مشكلة بين الإمام الأعمش وبين زوجته ، وكان يأتيه رجل يقال له ابو ليلى , أعمى , فصيح يتكلّم بالإعراب, وكان يأخذ العلم عن الأعمش فقال له الأعمش: يا ابا ليلى, امرأتي نشزت علي وأنا أحب أن تدخل عليها فتخبرها مكاني من الناس وموضعي عندهم. فدخل عليها أبوليلى وكانت من أجمل أهل الكوفة, فقال يا أختاه, إن الله قد أحسن قِسمك , هذا شيخنا وسيدنا وعنه نأخذ أصل ديننا وحلالنا وحرامنا, فلا يضرنك عموشة عينيه ولا حموشة ساقيه. فغضب الأعمش وقال : يا أعمى, يا خبيث, أعمى الله قلبك كما اعمى عينيك قد اخبرتها بعيوبي كلها , اخرج من بيتي .
:) بالله شوف الزول الغريب ده يقولوا ليه كلم المرة عن فضلي ومكانتي بين الناس يدخل يقول ليها راجلك أحوص وكرعينه رقاق سكاكات التقول كرعين السنبر :)
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: وليد التلب)
|
.
.
الأخ الزميل الأستاذ وليد
حبابك ياسيدي الكريم ، ونورت البوست ، لكن ماقلت لي الثقيل ويستاهل منو ؟ الأعمش ولا الزول الأعمى الداير يصالح الأعمش مع مرتو وطبز الحكاية ، ولا سيد الحوش البشتنوا زينة حوشو ؟
:)
قال ليك ياوليد في جماعة أدباء سكرجية من ناس زمان كل يوم عندهم قعدة يسكروا فيها ويضربوا الشيات والمزة(ما عارف جمع مزة شنو وخفت أكتبها مزز الناس تفهما غلط) المهم في واحد ثقيل متلح ليك الجماعة ديل كل يوم وقت العشاء يجي يسكر ويتعشى مجان ملح ويفوت لحدي ماالجماعة شموهوا شمة البشير لي اوكامبو. فقام واحد منهم قال ليهم أنا الليلة بطفش ليكم الزول الثقيل ده.
في الليل أول مالقعدة إحلوت الثقيل شرف ، فقام زولنا سأله قال ليه مالذي عناه الشاعر بقوله:
ولقـد غـدوت بـمشــرفِ /مثل الهرواة ماؤه يتفصدُ/ويسيل مع المزاح لعابه/ ويكاد جلد إهابه يتقددُ
فقام الثقيل قال ليه : الحصان.
فقال ليه صاحبنا : أركبك الله على مثله، والجماعة الحاضرين ماتوا بالضحك وصاحبنا الثقيل فهم الحكاية وإتخارج سريع سريع وهو في غاية الخجل..
.
| |
|
|
|
|
|
|
|
|
 Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ALazhary2)
|
.
.
أثناء بحثي عن بعض طرائف الثقلاء مستعيناً في ذلك بآية الله العظمى العلامة قوقل دام ظله الشريف وجدت هذه المقالة الطريفة عن علامات الضيف الثقيل :
كيف تعرف إن كنت ضيفاً ثقيلا! ً؟
كتبهاابو حسان (ايمن الشلتوني) ، في 22 كانون الثاني 2007 الساعة: 07:38 ص
كيف تعرف إن كنت ضيفاً ثقيلا! ً؟
أتساءل أحيانا ً:هل يعرف الضيوف الثقلاء أنهم كذلك؟ وهل يتعمدون الإثقال على مضيفيهم ؟ !
إن الإنسان لا يرغب أن يكون ثقيلاً على الآخرين، ولا شك أنه لولا حبه للناس لما أثقل عليهم الزيارة ،وبالتالي فهو يريد أن يبادلوه الحب ويرحبوا دائماً بوجوده بينهم.
ويبدو أن هؤلاء الناس لا يعرفون ما يسببونه من إزعاج للآخرين ولهذا السبب ؛ رأيت من المناسب أن أستعرض وإياكم بعضا من تصرفات هؤلاء لقول الشاعر (عرفت الشر لا للشر لكن لتوقّّّيه — — ومن لا يعرف الشر من الخير يقع فيه) .
1- يداهمك الضيف الثقيل فجأة وفي أي ساعة من الليل أو النهار ودون سابق استئذان ،فهو يحب أن يباغتك بزيارته قبل أن تباغته باعتذارك!.
2- يطلق الضيف الثقيل لأطفاله العنان في العبث بمنزلك والاعتداء على أولادك وعلى ألعابهم ويتلفون الكثير مما تصل أيديهم إليه ،وتضطر أنت للسكوت بل و للبشاشة في وجوههم إرضاءاً للضيف .
3- لا يكف الثقيل عن الحديث عن نفسه وعن أولاده وعن همومه ومشاكله وعن إنجازاته -إن وجدت!- وإن لم توجد فليس من الصعب عليه أن يخترعها! ،أما إن أعطاك الفرصة للكلام، فسرعان ما يخطّؤك ويعتبر رأيك غير سليم ولا سديد!، ويستعيد زمام الحديث ليفهّمك الصواب!.
4- يطيل الضيف الثقيل زيارته حتى تصل في بعض الأحيان لساعات متعددة دون اعتبار لحاجتك للراحة أو الطعام أو النوم أو حتى قضاء الحاجة ،وحتى لو تجرأت وأظهرت له بعض الحركات التي تعبر عن الملل مثل التثاؤب أو النظر في الساعة أو أن تقول له (أنك تعبت كثيراً هذا اليوم واستيقظت باكراً…) فإنه يتجاهل ذلك كله وربما اعتبره سوء أدب منك وإهانة لضيفك الكريم ،وربما أمعن في إغاظتك بأن يقول لك:(لقد أثقلت عليك بزيارتي ،يبدو أنك متعب؟) حتى يحشرك في الزاوية وتضطر للقول:(على العكس ،البيت بيتك ،أهلاً وسهلاً بك!).
5- ربما تفنن الضيف الثقيل في اللعب بأعصابك، فيتظاهر بالنظر إلى الساعة ويقول (ياااه لقد تأخرت) ،أو ينادي على أولاده وزوجته ليتهّيأوا للمغادرة ،فتظن أن الفرج قد جاء ،لكنه ينسى الأمر بعد ذلك وكأن شيئاً لم يكن !!ويكررها أكثر من مرة.
6- بعض الضيوف الثقلاء يطلبون منك أن تفتح لهم التلفاز ليتابعوا مسلسلاً يحرصون على أن لا يفوّتوا حلقة منه ،أو برنامجاً ممتعاً -بالنسبة لهم- ويبحلقون في التلفاز ولا بد أن يرفعوا صوته ليطغى على أصوات أولادهم وأولادك ،وليضرب الجيران رؤوسهم بالحائط! وتبقى أنت حائرا ماذا تفعل أو تجبر على حضور المسلسل السخيف!!.
7- لا يبالي الضيف الثقيل بوجود ضيوف آخرين خواص مثل (أمك وأبيك أو أختك وأولادها أو أخيك وأولاده) وهؤلاء جميعاً من حقهم عليك أن يجلسوا معك بخصوصية ،وربما كانت الزيارة لوداع مسافر فتضطر أمه أو أخته لوداعه عند باب المنزل بعد اليأس من مغادرة الضيف الثقيل!! بدل أن تجلس معه ساعة من الزمن تكحّل عينيها برؤيته قبل السفر .
8- تتكرر مثل هذه الزيارات المزعجة بمعدل كبير شهرياً أو أسبوعياً وذلك حسب درجة الثقل التي يتميز بها صاحبها.
في الختام أود أن أذكّر أن الزيارات وخصوصا صلة الرحم هي واجب شرعي واجتماعي مهم، حث عليه شرعنا الحنيف ورتّب له أجراً كبيراً ،لكن لكل شيء حدّه الذي إذا زاد عنه انقلب إلى ضدّه.!
جعلني الله وإياكم من الخفيفين على قلوب الناس!
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: BitAlhana)
|
.
.
الأخت الزميلة بت الهنا
شكراً جزيلاً على المرور الكريم .
Quote: زكرتني قصه الضيوف الثقلاء مع حجه قريبتنا
جوها ضيوف و اكرمتم غايه الكرم و هم قعدوا و قعدوا
والحجه نومة النهار ما بتلعب فيها .. عاينت ليهم كده و قالت ليهم:
عليكم الله اخدوا ليكم غمده!!!
قالوا ليها يا حجه نحنا ما دايرين ننوم... انتي كان دايره تنومي نومي
شفت الثقاله؟؟؟ |
ثقالة اسطورية ، ديل من نفس عينة الناس الذكرهم صاحب المقال الفوق .
في ناس ماعندها دم يابت الهنا.
قالوا الأعمش كان لما يشوف واحد ثقيل كان بقول (ربنا أكشف عنا العذاب )
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ismeil abbas)
|
.
.
الأخ الأستاذ الفاضل إسماعيل عباس
الف شكر على المرور الكريم .
وبعدين ياخي بينك وبين الثقالة ُبعد المشرقين ، والكلام ده ما مجاملة لكن الحاجة دي واضحة من خلال تواجدك الجميل في المنبر ومن خلال شهادة الزملاء الإتشرفوا بمعرفتك شخصياً .
أما البنقو وقناديل عيش الريف وكيف عرفتها فقصة مضحكة جداً لكن كان حكيتها هنا في ناس شيالة حال يااسماعيل:)
البنقو ده ذكرني برنامج المحادثة الشهير (البالتالك) في ناس بنسميهم ناس الليل بجو داخلين البرنامج بعد أنصاص الليالي وبكونوا متعشين قناديل محترمة أو شاربين شاي مقطر * (أجارنا الله وإياكم)
* الشاي المقطر شراب معروف/ لدى الشباب منكر/ يجعل الديك حماراً/ وبياض العين أحمر
:)
خالص المودة وربنا يملاك عافية ويبعد عنك الثقلاء
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ثروت سوار الدهب)
|
.
.
الحبيب ثروت
ولا تعرف أحسن إحتياطاً الزول يقول ليك العزيز ثروت عشان عارفك مكجن ناس حزب الامة وممكن تزعل من كلمة الحبيب دي :)
الجاحظ ده فعلاً كان شين شناة عجيبة شناة (النيتو) زي ماقال عبد الله الطيب في الأحاجي السودانية.
شوف هو زاته بحكي عن شناته المرة :
قال الجاحظ :"ما غلبنى أحد الا امراة جميلة رايتها فاعجبت بها، وذات يوم جاءت إلى وأنا على باب دارى
فقالت : لى اليك حاجة وأريد أن تأتي معى لقضائها ،قال الجاحظ : ففرحت(ماصدق الشين) وقمت معها الى أن أتت بى إلى محل صائغ يهودي وقالت له :"مثل هذا " وتركتنى وانصرفت!!!!!!!!!!!
فسالت الصائغ عن قولها (مثل هذا) فقال الصائغ :إنها أحضرت إلي فص خاتم وأمرتنى أن أنقش عليه صورة الشيطان !!
فقلت لها : يا سيدتى ما رايت شيطاناً قط .
فاتت بك وقالت :"مثل هذا "
:) أمانة ما اتلومت مع الجاحظ لوم السواد وشوكشته كده زي ماأوكامبو شوكش ولي أمرنا :)
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: طارق جبريل)
|
.
.
الاخ الكريم طارق جبريل
| Quote: غايتو دي احسن جملة اتكتبت في المنبر من مدة |
عليك الله وامانة في ذمتك الزول ده ثقيل ولا لا؟
والله ياطارق أمين ده ثقيل ومكمل الثقالة .
دائماً لما أشوفه أتذكر الحديث الذي يقول أن سيدنا يوسف قد أعطي شطر الجمال أو نصف جمال بني آدم.
أها أمين حسن عمر ده أعطي نصف ثقالة الخلائق وباقي الثقالة إتوزعت على بقية الناس، وده مايمنع إنه في رموز يشار إليها بالبنان في موضوع الثقالة دي زي عمر الجزلي والمذيع ناجي وساراكوزي وناس كتار داير أقولهم لكن في حاجات حامياني وماقادر أقول أنا ماقادر أصرح .
:)
خالص التحية والتقدير
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ALazhary2)
|
.
.
ياثروت بمناسبة شناة النيتو(شناة الجاحظ) الواردة في الاحاجي السودانية للراحل المقيم عبد الله الطيب أعلى الله في الجنان مقامه، ياخي فيهاوصف عجيب للشناة والسماحة :
ومختصر القصة أن محمد الشاطر أراد ان يتزوج بفتاة جميلة ووصفت له فتاة تدعى اللعيب وأظن أهل البت كانو دايرين يدبسوه في الشينة (النيتو) فاراد أن يعرف الوصف بنفسه فارسل خادمه بشارة عشان يجيب ليه الخبر اليقين وقال ليه:
ـ اتحيّل و شوف لي اللعيب:
و ذهب بشارة الى أهل العروس ، و طلب منهم ماء، و نظر الى العروس ، و رجع بعد ذلك الى سيده.فقال له محمد الشاطر:ـ كيف وش اللعيب يا بشارة؟ ـ قمر سبعتين الليها دارة.وكيف نخرة اللعيب يا بشارة؟ ـ قمقم الدهب عند النصارى. ـ كيف رقبة اللعيب يا بشارة؟ ـ كوز الدهب وسط الجرارة. و كيف ضهر اللعيب يا بشارة؟ ـ فتر و شبر ليه انفزارة. ـ كيف ايد اللعيب يا بشارة؟ ـ كرباج العنج عند البطارة. ـ كيف بطن اللعيب يا بشارة؟ ـ طاقة الهنود عند التجارة. ـ كيف كفل اللعيب يا بشارة؟ ـ ود الجدي الراقد حدارة. ـ كيف شعر اللعيب يا بشارة؟
ـ هضليم نعام خاتي انقصارة. ـ كيف قدم اللعيب يا بشارة؟ ـ قدم الحمام فوق الحجارة".
وعشان يعرف شكل النيتو نادى بشارة تاني و قال ليه يا بشارة . أمش بيت العروس و اتحيّل، و شوف لي النيتو دي، شكلها كيف انه".
و مشى بشارة لأهل العروس و ادّعى أنه عطشان جدا. و طلب منهم كوز ماء. و كانت النيتو قاعدة قدام المشـّاطة. و نظر إليها بشارة بتدقيق، و عرف شكلها و رجع لمحمد الشاطر. فقال له محمد الشاطر:
ـ كيف وش النيتو؟
بشارة: كدوسك المصّيته.
محمد الشاطر : كيف عيون النيتو؟
بشارة :كديسك الزازيتو.
محمد الشاطر:كيف خشم النيتو؟
بشارة :كنتوش ملاحك التكيتـُه.
محمد الشاطر : كيف شعر النيتو؟
بشارة: صوف كديسك البلّيته.
محمد الشاطر : كيف ايد النيتو؟
بشارة : مغيزلك الترّيته.
محمد الشاطر :كيف نهد النيتو؟
بشارة : قرقادك الشويته.
محمد الشاطر : كيف بطن النيتو؟
بشارة : كرتوبك الوسط الديار رميته.
محمد الشاطر:كيف ضهر النيتو؟
بشارة : قوسك الحنيته.
محمد الشاطر:كيف كفل النيتو؟
بشارة : طارك الدقيته.
محمد الشاطر: كيف كرعين النيتو؟
بشارة:ود السقد السكيته و اتمطرق طالب بيته.
محمد الشاطر:شن يحلني من النيتو؟
بشارة:جملك ان شديته و مالك ان خليته.
و شد محمد الشاطر جمله،و خلّى ماله، و سافر هو و بشارة بليل.و أصبحا من الصباح في بلد طيره عجمي."
:) بشارة الثقيل إتلوم مع النيتو وجعلها مضرب الامثال في الشناة لكن مابنلومه لأن المستشار مؤتمن كما قالت العرب ..
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ALazhary2)
|
الأزهري يا ظريف... تسلم...
قالت السيدة عائشة: نزلت آية في الثقلاء:(فإذا طعمتم فانتشروا,
ولا مستأنسين لحديث)
وكان الأعمش إذا حضر مجلسه ثقيل يقول:
فماالفيل تحمله ميتا بأثقل من بعض جلآسنا
إستيقظ أبوعلقمة ليلا فقال:يا غلام. أصعقت العتآريف?.
فقال الغلام:ذق في لم.
قال أبوعلقمة:وما ذق في لم?.
قال الغلام:وأنت ما معني أصعقت العتآريف?.
قال يا بني لقد أردت: أصاحت الديكة?
قال الغلام: وأنا أردت لم تصح...
بوست خفيف وظريف يا الأزهري...
تسـلمـ...
| |
|
|
|
|
|
|
|
|
 Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: سلمى الشيخ سلامة)
|
.
.
الأخت الحبيبة والزميلة الغالية أستاذتنا سلمى
لو عارفك بتجينا ونشوفك كان إتثاقلت من زمان :)
سعيد جداً بطلتك الجميلة
بعدين ياأستاذة سلمى جدك رحمة الله عليه يضاف إلى موسوعة الظرفاء وليس الثقلاء :)
خليني أحكي ليك قصة حبوبتنا ربنا يرحمها مع واحد ثقيل قبال مايظهر كاشف الرقم في التلفونات جات فترة كده في زول ثقيل بتصل بعد نص الليل زي الساعة (2) الفجر ومايتكلم وطبعاً ناس البيت بكونوا ناموا فتقوم حبوبتنا من النوم مخلوعة خاصة وإنه كان عندها أختها في البلد عيانة فكانت مقلقة جداً . الأزعاج ده إستمر كم يوم. آخر مرة قامت هي نفسها وردت على التفون بضيق وإنزعاج وصوت عالي ألووووووووو الوووووووووووو فقام الثقيل رد عليها ونهرا قال ليها ماتكوركي يكوركك بلا يخمك :) الحاجة طوالي وقعت في مكانها وجاتها حمى أسبوع بسبب الكلمة دي :)
طبعاً الحاجة كان شخصيتها قوية جداً وبتكورك في البيت كله زول يقدر يقول ليها بغم مافي فشكلها ما اتحملت زول ينهرا في التلفون .
بالله شوفي ثقالة الزول ده كان داير يكتل لينا حبوبتنا.
خالص الود والتحية والتقدير وربنا يملاك عافية ياسلمى.
يا أستاذة سلمى بيني وبينك والله من أكتر الناس الذين أكن لهم محبة ومودة في هذا المنبر هي الأستاذة سلمى الشيخ سلامة .
.
.
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ابراهيم الرشيد عبدالرحمن وراق)
|
.
.
الأخ الزميل البرلوم إبراهيم الرشيد
| Quote: بوست خفيف وحلو انجميت فيه بمزاج |
سعيد بتشريفك ، وسعيد كذلك أن البوست نال إستحسانك وإعجابك .
بعدين جوز الحمام الثقلاء ديل وأضيف ليهم المذيع ناجي أثقل منهم لم تر قط عيني، وأبيخ منهم لم تلد النساءُ .
ربنا يعينهم على انفسهم ويعين القريبين منهم .
طبعاً في تلاتة تانين ثقيلين جداً جداً ثقالة مبالغة لكن خايف كان قلتهم ناس صلاح قوش يضايروني من المطار كان مشيت إجازة الخرطوم. عشان كده خلينا في السليم أحسن :)
والا أقول ليك بايظة بايظة التلاتة الثقلاء التانين هم بكري حسن صالح وعبد الرحيم محمد حسين، وباقان أموم .
تحياتي وتقديري
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: معتصم مكاوي)
|
.
.
الأخ الكريم معتصم مكاوي
الف شكر على الطلة الجميلة
تصدق أنا حتى بعد التوضيح من السناجك مافهمت الموضوع بسهولة :)
أسمع النكتة في في أهلنا الشوايقة بس إن شاء الله علاء الدين مايشوفها ويتشبك فيني رغم إنه مسموح لي أقول الدايره نص شايقي ونص بديري دهمشي :)
قال ليك في شايقي إتصل على الخطوط السودانية ردت عليه بت قال ليها حلاقة الدقن والراس بي كم عندكم ياخرابي ؟
قالت ليه حلاقة دقن شنو ورأس شنو إنت عارف نفسك متصل على وين؟ قالها أي عارف الخطوط السودانيي قالت ليه طيب سؤالك ده معناتو شنو؟ قاليها إنتو ياخرابي نزلتوا إعلان في الجريدة كاتبين فيهو (نحلق باقل الأسعار)
:)
خالص التحية والتقدير
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ASHRAF MUSTAFA)
|
.
.
الأخ الحبيب بن العم أشرف
أول شئ صورة البروفايل دي ماعارف أقول ليك عليها شنو لكن بالجد "وش محمر جداً يكاد ينفجر من الإحراج" :) حتى كاد يحاكي وجه معشوقة بن أبي الحديد المعتزلي :
يصفر وجهي حين أنظر وجهه /خوفا فيدركه الحياء فيخجلُ
فكأنما بخـدوده من حمـرة / ظلت إليهـا من دمي تتحولُ
سعيد جداً باطلالتك الحبيبة إلى قلبي ، وسعيد أن البوست أدخل السرور إلى قلبك .
والف شكر على الكلمات النبيلة والمشاعر الأخوية الصادقة ، وربنا يديم المحبة ويسبغ عليك النعم ظاهرة وباطنة بجاه من بيته في طيبة حرم صلى الله عليه وآله وسلم .
وتقبل خالص المودة والتقدير وملأك الله عافية ومن تحب .
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: رغيم عثمان رغيم الحسن)
|
.
.
Quote: الازهرى بوستيك ظريف جدا
ابو سانجو دا مش فى حفل توقيع اتفاقيه ابوجا لما عبد الواحد قال انو ماعوز يوقع قال ليه طيب انت قاعد هنا لى شنو
اسا دى ما ثقاله منو الراجل فى قصروا وفى بلدو يقوم يطردوا |
الأخ الكريم رغيم
الف شكر ياباشمهندس على الطلة الجميلة، ومنور البوست والمنبر كله .
شوف ياعزيزي بالنسبة لأوباسانجو أول مرة أسمع قصته مع عبد الواحد ، لكن قطع شك لو القصة دي حقيقية يكون اوبسانجو ده زول في السلك ومكمل الظرافة لي حدها، وأريت ثقالته ثقالة السرور.
وبعدين في حكمة أزهرية بتقول : ثقالة الثقيل على الثقيل ظرافة :)
خالص التحية والتقدير والمودة
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: ALazhary2)
|
Quote: (شفت كلمة البرلوم دي) نوع من الثقالة الأزهرية2 :)
|
مباااااااالغة...
تعرف يا الأزهر2...
كنا فى موقف بحرى أنا وود خالتى, الواطة ليل والموقف زحمة شديدة
ومافى مواصلات. فجاة جات حافلة جديدة لنج, الناس كبسوها عشان يركبوا
المساعد والسواق قالوا: ما ماشين أى حتة. مشو وجو عملوا نفس الحركة زى
مرتين تلاتة, فى المرة الأخيرة وقفوا جنبنا وقالوا: الكدرو النفر بخمسين قرش.
نحن توووف إنقشطنا فى الكراسى القدام. صاااقطة مكندشة, وشريط أبراهيم
عوض شغال أغنية يا سلوى الزمن داك الشريط ده كان طالع فى الكفر.
الحافلة دورت. لمان وصلنا ميدان عقرب, الكمسارى جاء يلم القريشات.
قام وأحد مصلت قال: يا جماعة ما فى زول يدفع خمسين قرش, حق المشوار طرادة
بس عشان الثقالة العملوها دى. بتاع الحافلة وقف, وخفض صوت المسجل شديد,
والحجة ضربت. المهم الجماعة عصروهو يمشى بالطرادة, وكان زعلان منفخ الأوداج.
أنا على شلاقتى قلت ليهو: يا إبن العم ممكن ترفع صوت المسجل شوية...
طآخ راح قافلو, وقال لى: ثقيل كمان عندك نفس تسمع...
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: معاوية المدير)
|
الزعيم,,, والله الزول ده ثقيل
وامين حسن عمر امه مكجناه
لكن الثقيل بالجد واحد في المنبر
ده برانا بري وفقع مرارتنا,,,
ان شاء الله تكون عرفتو,,,,,,,
وحات الله انت يا الازهري,شفت
عرفته كيف مرشح نفسه للرئاسه
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: الصادق ضرار)
|
.
.
الأخ الكريم الصادق ضرار
الف شكر يازميل على المرور الجميل.
كبير المستشارين ده منو ياصادق؟ البلد إتملت مستشارين ومساعدين وإتلخبت علينا الإختصاص وتشابه علينا البقر .
غايتو لو قاصد نافع فهو أيضاً من عظماء الثقلاء ، ولو كنت قاصد مني أركوي فكمان هو من رموز الثقالة.
تعرف يا صادق القاعدة هي أنو ناس الحكومة كلهم ثقلاء والشذوذ إنو يطلع منهم زول ظريف .
ربنا يجعل كلامنا خفيف على قلوبهم وإحتياط كده ممكن نقول إنو مدير جهاز المغتربين ظريف شوية (إن شاء الله سطر النفاق والتملق ده ينفعني لما أكون عاوز أعمل تاشيرة خروج)
خالص التقدير
.
.
| |
|
|
|
|
|
|
|
|
|
Re: بالله شوفوا ثقالة الزول ده ! (توجد صورة) ليه كده بس!!!!!!!!!!!!!!!!!!!!!!!!!!!!!!!!!!!!!! (Re: عبدالكريم أحمد الامين)
|
الاخ ابو الزهور
شايف الكل اجمع غلى ابو الثقالة واثقل الثقلاء , لكن بالله رايك شنو فى المجموعة دى :
1-على الريح : برنامج الرياضة بالتلفزيون سابقا
2-محمد شريف على : برنامج الرياضة بالتلفزيون سابقا
3-السون منانى مقايا : وزير العمل
4-الصافى جعفر : مدير مشروع سندس الزراعى
5-الطيب محمد محمد خير (سيخة): ماعارفه شنو هسع
6-يوسف عبدالفتاح :نائب والى الخرطوم سابقا
والقائمة تطول لذلك اقترح لو كان ما عندك مانع باعتبارك صاحب البوست نعمل ترشيحات
من كل الاخوة باكثر 10 ثقلاء فى السودان (المركز الاول معروف طبعا) ويكون المعيار للاختيار
بانه كل واحد يرشح 10 اسماء ويتم الفرز بحساب ورود الاسم فى كم ترشيح ويكون ترتيبه فى
القائمة على هذا الاساس؟
ولك كل الود
| |
|
|
|
|
|
|
| |
ALazhary2
ثروت سوار الدهب
فيصل محمد خليل
Abomihyar
haroon diyab
وليد التلب
omer osman
willeim andrea
عبود عبد الرحيم
ismeil abbas
طارق جبريل
معاوية المدير
سلمى الشيخ سلامة
معتصم مكاوي
إسماعيل حسن
رغيم عثمان رغيم الحسن
ASHRAF MUSTAFA
الصادق ضرار
سيف الدولة كامل
يوسف محمد يوسف
عبدالكريم أحمد الامين
إبراهيم عبد الحليم
Abdlaziz Eisa
فيس بوك
تويتر
انستقرام
يوتيوب
بنتيريست