|
|
|
 Re: الحزب الشيوعي السوداني فرع سيدني يحتفل بالخامس .. صور (Re: محمد هشام)
|
يا خالد العبيد
الخامس كان حدث بحجم الحزب
والذى انتخب المؤتمرون لرئاسته وبالاجماع
رئيسا له عمنا التجاني الطيب بابكر
مع تصفيق لمدة تصل لخمسة دقائق (وقوفا)
هذا الرجل الذى لم يمل النضال لمدة 63 عاما
وهذا المؤتمر كان ديمقراطيا (لو وزعت هذه الديمقراطية)
لحلول مشاكل السودان جميعها لحلت في شهر واحد
* اذن الخامس بهذا المجهود يستحق أن يحتفل به في كل العالم
وقيل أن رئيس اللجنة التحضيرية (دكتور الشفيع خضر) كان كالنحلة
وسحنات قبائل السودان جميعها كانت موجودة
وكانت الحوارات علي مستوى (حزب بهذا الحجم)
من العمال والطلاب الي دكاترة الجامعات (الكل سواسية)
اذن هنيئا لكم بهذا الاحتفال (الذى يستحق أن يحتفل به)
وبتظاهرته الفكرية.
ولكن جهجهتنا (ياخي كنت تأخر البوست ده شوية)
يعني ننتظرك اسبوع تاني ؟؟؟؟؟؟
| |
 
|
|
|
|
|
|
|
|
Re: الحزب الشيوعي السوداني فرع سيدني يحتفل بالخامس .. صور (Re: محمد الجزولي)
|
| Quote: زي ما قال محمد نقد الزم دائرتك يا زميل |
كنت حاضر يوم قالها نقد اول مرة
والمناسبة انه لحظ احد الزملاء من مدينة أم درمان
وكان نقد يعرفه معرفة شخصية فقال له :
يا زميل الزم دائرتك ، ناسك هناك محتاجين ليك
وفعلآ كانت ظاهرة طواف الزملاء على الدوائر ملحوظة
ومع اثرها الايجابي في اظهار التضامن ورفع المعنويات
إلا ان اثرها السلبي كان كبير حيث يتركون دوائرهم ومهامهم فيها
ودائرتنا { الديم والعمارات } أكثر دائرة شهدت طواف الزملاء عليها
بسبب انها دائرة السكرتير العام ومايمثله من رمزية واهمية لوصول البرلمان
وايضآ كانت تعبير عن حالة قلق بأن لايفوز نقد
وكنا نطمئنهم بأن الدائرة في يدنا والفوز مضمون
بس إنتو كربوا شغلكم في داوائركم
وفعلآ كانوا بيرجعوا وهم في منتهى الحماس
وحالة القلق تلك لم تكن مقصورة على الزملاء من الدوائر الأخرى
بل حتى زملاء دائرتنا متعددة المراكز كانوا يتركون مراكزهم
ويشرعون في الطواف ليتأكدوا ان المراكز مزدحمة وشغالة تمام
مثلآ كان ممكن تلقى زميل من مركز ديم التعايشة حايم في مركز ديم القنا
وبالمناسبة زملاء مركز ديم القنا والسجانة الجديدة لم يغادروا مركزهم أبدآ
وكنا بنقول لأي زميل جاي من مركز أخر : يازميل الزم مركزك
| |
|
|
|
|
|
|
|
|
|
Re: الحزب الشيوعي السوداني فرع سيدني يحتفل بالخامس .. صور (Re: خالد العبيد)
|
استاذ خالد
التحيه والاحترام
انا فى سؤال يدور فى ذهنى منذ زمن طويل لم اجد له اجايه
انت مشكلة الشيوعيون مع شعر الراس شنو ؟ انت ليه دايما اما ان تجد الشيوعى مصلع او شعرو منكوش او مامهتمى بمظهرو
هل ده الشعار بتاع الحزب ولا شنو
بالمناسبه مافى السودان فقط حتى فى بقية دول العالم العربى هم على هذة الشاكله
| |
|
|
|
|
|
|
|
|
|
Re: الحزب الشيوعي السوداني فرع سيدني يحتفل بالخامس .. صور (Re: motaz ali)
|
Quote: استاذ خالد
التحيه والاحترام
انا فى سؤال يدور فى ذهنى منذ زمن طويل لم اجد له اجايه
انت مشكلة الشيوعيون مع شعر الراس شنو ؟ انت ليه دايما اما ان تجد الشيوعى مصلع او شعرو منكوش او مامهتمى بمظهرو
هل ده الشعار بتاع الحزب ولا شنو
بالمناسبه مافى السودان فقط حتى فى بقية دول العالم العربى هم على هذة الشاكله |
كدي عليك الله يامعتز خالد دا يهتم ليك بشعرو اكتر من كدا كيف...؟
.
.
.
اما الباقي دا خلي يجيك ليه خالد.
.
.
ودي
| |
|
|
|
|
|
|
|
|
|
Re: الحزب الشيوعي السوداني فرع سيدني يحتفل بالخامس .. صور (Re: rani)
|
سلام يا معتز
وتحياتي
| Quote: انت مشكلة الشيوعيون مع شعر الراس شنو ؟ انت ليه دايما اما ان تجد الشيوعى مصلع او شعرو منكوش او مامهتمى بمظهرو |
انا شخصيا عندي مشكلة مع شعر راسي
يعني كل اسبوعين تلاتة لازم امشي الحلاق
اعاني من مشكلة غزارة !!
ودي وراثية ما عندي فيها دخل مش لانو انا شيوعي !
والكلام ده بينطبق على الناس المصلعين برضو!1
واعني مسألة الوراثة وكده
اما حكاية ما مهتمي بي مظهروا
نحن السودانيين على العموم ما بنهتم بي المظهر الخارجي شديد
واسأل ناس الخليج لمن سوداني ولبناني يمشو لي معاينة !
السوداني بي مؤهلاتو وخبراتو
واللبناني بي بدلتو وكرفتتو
بيستلم الوظيفة هوا
وزمان كان في فهم خاطئ بانو الشيوعي
البرولوتاري مظهرو مقطع ولابس جينز وسخان
وشايل شنطة معفنة زي وشو
وكيس صعوط وشبشب مرتق
وخاتي فيها كتابين لي مين كده ما عارف !
وبي كده بتكتمل شيوعتو
والفهم ده خاطئ ولعب الكيزان دور كبير في تكريسو
واذا اطلعت على وثيقة عبدالخالق محجوب بعنوان
اصلاح الخطأ بين الجماهير
بتعرف من هو الشيوعي الحقيقي وكيف يكون مظهرو وجوهرو
هسه بالله عليك الله املا عينك من صور الشيوعيين والشيوعيات
في بوست احتفالنا هنا في سيدني
وفي بوست طلال عفيفي عن الخامس
عشان تآمن !!
ولك محبتي الاكيده
| |
|
|
|
|
|
|
| |
خالد العبيد
EHAB ALI
محمد الجزولي
هاشم ودراوي
الارقم عبدالله طلب
باسط المكي
خدر
بشرى محمد حامد الفكي
rani
ابراهيم برسي
Amin Mahmoud Zorba
فيصل محمد خليل
مصطفى كدفور
محمد هشام
عاطف مكاوى
محمد مكى محمد
Shiraz Abdelhai
أبو ساندرا
امال حسين
motaz ali
فيس بوك
تويتر
انستقرام
يوتيوب
بنتيريست