|
في حاجة كِده ... ما عارِف ... أنا مُشْتاق لِمُعتصِم مكاوي ... ده شنو ده هسِع؟
|
معقول يوم كامِل ما أقرا ليهو شي ... بقيت أفتِش عن إسمو مِن الصباح ما لاقيهو ده شنو ده كمان؟ ... ده إسمو شنو؟ بعد تفكير لِقيتني مُشتاق ليهو ... لأريحِتو ورحابه صدرو ... حقو أعتذِر ليهو ... ولا أخليها كِده ... الزول ده قلبو أبَيض ما بِكون زِعِل مِني ... خلاص أول مُداخلة ليهو أقوم أكسِر ليهو كام لوح تلِج ... لا لا الحِكاية ما بِتستاهل ... بِكون سامحك وإحتِمال كبير ما يكون مُتذكِرك أصلو إنت ما شايفو بقول < أولادي > وكلام الناس الكُبار داك ... خلاص يا عزام ياخ ما تعمِل لينا جوطه ...
يا ود مكاوي إنت وين ياخ؟
|
|
|
|
|
|
|
|
Re: في حاجة كِده ... ما عارِف ... أنا مُشْتاق لِمُعتصِم مكاوي ... ده شنو ده هسِع؟ (Re: معتصم مكاوي)
|
والله يا عزام وماطالبني حليفة..
انا لما افتح المنبر وما القى بوست لي معتصم مكاوي...بجيني احباط..
فرق علينا الغم الله يفرق كربته يارب...
شيء لاتعرفه جن ولا تعرفه تجنن..ولا تعرفه زهللة..
وبالمقابل بقينا نفقده...
معتصم مكاوي زي ماقلت ليك قبل كدة..اعجن ولخ في بوستاتك زي ماداير...وخلينا برضه نرد زي مادايرين..
لكن بالجد...لو عرفتك وانت بتكتب في البوستات دي مخك بقول ليك شنو...نفسيا كان ارتحت هههههههههه
ربنا مايحرمنا منك يا معتصم مكاوي..
| |
|
|
|
|
|
|
Re: في حاجة كِده ... ما عارِف ... أنا مُشْتاق لِمُعتصِم مكاوي ... ده شنو ده هسِع؟ (Re: حنين للبلد)
|
حنين للبلد
Quote: وانت بتكتب في البوستات دي مخك بقول ليك شنو... |
أنا بفتكِر مُخو بِقول ليهو < الناس ديل كٍِفاية عليهُم كِده ... حقو يِموتو > ولا يُخفى عليك يا أُخت حنين إنو الضغط والسُكري وعين السمكة مِن مُسبِبات الجلطة البوستِية ... دي آخِر الأبحاث ... مُعتصِم مكاوي بِوفِر علينا الوقت مِرض ... رقد فوق الإسبِتالية ... سفرو الأُردُن ... كتر خيرو بوستين في اليوم واحِد قبل وبعد النوم تروح في ستين داهِية وإحتِمال كبير < لا تُسْأل > بِإعتِبارك شهيد
| |
|
|
|
|
|
|
|