|
خلونا زي ناس دولفين وكوارا / الاهلي والزمالك ( الحشاش يملا شبكته)
|
العام الماضي
في دوري المجموعات لابطال أفريقيا
كان الأهلي والزمالك في مجموعة واحدة
ولعبا مباراتين قويتين
فاز الأهلي في المباراة الأولى بهدفين لهدف ( على أرض الأهلي)
وتعادل بهدفين لكل (على أرض الزمالك)
النتيجة 4 نقاط للأهلي ونقطة للزمالك (وضاعت النقطة الباقية للتعادل)
ومن قبلها وفي عام 2007 تعادل فريقا دولفين وكوارا النيجيرين في بطولة الكونفدرالية مما سهل للمريخ تصدر مجموعته ولعب نهائي البطولة مع الصفاقسي التونسي وكانت فرصة لنا لمشاهدة الاربعة الشهيرة في النهائي في أستاد المريخ
لذا لابد من الحشاش يملا شبكته
وكل فريق يعمل العليهو عشان يمشي بطولة العالم للأندية 2009 ( وطبعا حيمشي سيد البلد لهذه البطولة)
وبالمناسبة دي نذكر الناس قصيدة الصفاقسي
واهداء لهارون دياب ومحمد علي البشير وطلحة
الليلة وين يا ناسي بهدلني الصفاقسي الليلة وين يا ناسي بهدلني الصفاقسي أربعة كسروا راسي رجعوا لي مآسي
******************* جاب قونو بدري من أول دقيقة والتاني جابو فجأة بي نيران صديقة ياناس فهموني ووروني الحقيقة هل انا جوه تونس أم في بير غريقة ******************* قالوا علي زعيم وكتبوا فوقي راية والصفاقسي اللئيم صدق بالحكاية من أول دقيقة علمني القراية هجومو كيف وجبنة وخلاني الوقاية ******************* من خش قونو اول وتاني وحتى رابع ناس قلعت هدوما وما قدرت تتابع وناس تبكي تجعر وناس غرقت مدامع وانا والله خفت يوصل حدو سابع ******************* أنا بالجد غلطت يا ناس اعذروني غشتني الجرايد غشامة ودروني قالوا علي كبير للصفاقسي قنطروني جابو(النفطي) لي مكنة ودوروني ********************
أنا كشفت حالي وعذبت النفوس ناس كثيرة كضمت وناس حرقت كدوس هم عزالي قالوا يا الصفاقسي دوس عشق نمرة اربعة كسر لي تروس ***********************
في ناس لسه بتأمل في تونس ممكن أغلب وأنا خوفي تبقى حفلة واقوم اجقلب الصافقسي العنيد مواجع لا تقلب أنا لو كان علي من الاستاد اتلب *******************
رجاء(ي) يا صفاقسي حن وأرأف بي حالي الكأس حقك إنت حقيقة من غير تعالي يا ناس يا عوازل انتوا مالكم ومالي إستادي إنشاء الله يبقى مخزن للطبالي
تسلل :
طبعا القصيدة مكتوبة في عام 2007
ومقطع يوصل حدو (سابع) دي وصلوها مع ناس الوحدات (ابو سبعة ) في عام 2008
سنة يا أب سبعة
|
|
|
|
|
|
|
|
Re: خلونا زي ناس دولفين وكوارا / الاهلي والزمالك ( الحشاش يملا شبكته) (Re: جمال السنوسي)
|
جيمي ياحبيب ... مشتاقين وكده وبعدها : هاك القصيدة دي فاكرها ؟ الداوؤدي .. الداوؤدي إنشاء الله تموتي الداوؤدي بنينا المقصورة الدوؤدي لا فوز لا كورة الداوؤدي بنينا المنصة الداوؤدي إنشاء الله تنقصه ... الداوؤدي فرشنا النجيلة ... الداوؤدي فريقنا ضعيف حيلة .. الداوؤدي عملنا الإنارة .... الداوؤدي رجعنا للحجارة ... وكاااااااااااااااااااااااك يا الداوؤدي ................... سنة ياالوداد المغربي ...
| |
|
|
|
|
|
|
Re: خلونا زي ناس دولفين وكوارا / الاهلي والزمالك ( الحشاش يملا شبكته) (Re: عماد محمود علي)
|
Quote: الاربعات والستات انت سيدها وفايت الناس مسافة .... |
ياحبيبنا ك الموضوع الآن وصل سبعات كاكبر انجاز للمزملاب.. الستات دي سبق اخدتوها من اليمن .. انتو حكايتكم شنو مع رحلتي الشتاء والصيف من اليمن للأردن.. سبعات وستات.. الله استر.. كورة 2000م مع سانت لويزيان وقت لافضائيات قالوا احدتوا سبعة في جزيرة رينيون وبعد جيتو عملتوها اتنين فقط وحمدو في بطنو!!! تحياتي لك استاذي وأهي ونسة..
| |
|
|
|
|
|
|
Re: خلونا زي ناس دولفين وكوارا / الاهلي والزمالك ( الحشاش يملا شبكته) (Re: عثمان جلال الدين)
|
Quote: جيمي ياحبيب ... مشتاقين وكده وبعدها : هاك القصيدة دي فاكرها ؟ الداوؤدي .. الداوؤدي إنشاء الله تموتي الداوؤدي بنينا المقصورة الدوؤدي لا فوز لا كورة الداوؤدي بنينا المنصة الداوؤدي إنشاء الله تنقصه ... الداوؤدي فرشنا النجيلة ... الداوؤدي فريقنا ضعيف حيلة .. الداوؤدي عملنا الإنارة .... الداوؤدي رجعنا للحجارة ... وكاااااااااااااااااااااااك يا الداوؤدي ................... سنة ياالوداد المغربي |
يا عمدة
ما سمعت بالقصيدة العصامية
الوحداتي ... وبتذكر حجاتي
الوحداتي ... وعمان ميقاتي
الوحداتي ... السبعات جمراتي
الوحداتي ... وأديت عمراتي
الوحداتي ... وكترت دعواتي
الوحداتي ... وركبت عرباتي الوحداتي ... وأزور ساداتي
الوحداتي ... وستفت شنطاتي
الوحداتي ... وحجزت رحلاتي
الوحداتي ... ورجعت لي بلدي
الوحداتي ... بالسبعات حقاتي
| |
|
|
|
|
|
|
|