|
العناوين الحمراء ... اهتمامات زوجة ...
|
الزوج بوردابي كثيرا ما يميل الى رهافة الحس .. فبذلك يكون فهم الزوجة انه هدف منشود ...
يجلس البوردابي وهو يقلب مواضيع المنبر العام .. كل موضوع فتحه تحول لون العنوان الى الاحمر ..
دون ان يدري ان هذا اللون الاحمر قد ساعد زوجته في تصفح ما يتصفه زوجها البوردابي .. وقراءة ردوده ..
يذهب الزوج صباحا الى العمل .. تفتح الزوجة المنبر العام .. همها في تلك العناوين التى اصبح لونها احمر ..
اختصر لها اللون الاحمر عناء البحث الطويل واصبحت دائرة التفتيش ضيقة جدا .. وبعد الاطمئنان على الردود
تأخذ نفسا عميقا استعدادا للواجبات المنزلية ...
من هنا ننادي الاخ بكري بحذف هذه الخاصية ...
|
|
|
|
|
|
|
|
Re: العناوين الحمراء ... اهتمامات زوجة ... (Re: أحمد الشايقي)
|
ابن عمي / ابو حميد الشايقي
كيف يا راجل ومشتاقين
Quote: معكم نتضامن ونطالب معاً بحذف خاصية تغير المواضيع المفتوحة للون الاحمر,
|
فعلا ياخ اللون الاحمر دا بجيب مشاكل وكدا وفي ناس بخلو النت في البيت شغال وبجرو المقاهي .. دا كلام دا ؟؟ مش لازم نتضامن معاهم ..
| |
|
|
|
|
|
|
Re: العناوين الحمراء ... اهتمامات زوجة ... (Re: بكري الخير)
|
الحبيب / بكري
والله الشوق مطر ياخ
Quote: علاء حيمورة ياخوي نحن الخاصية دي مستفيدين منها معشر العزابة ولا عزاء للمتزوجين
|
انت كمان محتاج ليك لاحمر او اصفر او اخضر ؟؟ ما اهو تقاطعك بدون اشارة مرور ...
بس المتضررين كتار يا اخوي ..
اسحب اسحب يا بكري ..
| |
|
|
|
|
|
|
Re: العناوين الحمراء ... اهتمامات زوجة ... (Re: هويدا شرف الدين)
|
Quote: من هنا ننادي الاخ بكري بحذف هذه الخاصية ... |
ضحكتني والله يا علاء ... والملاحظة ذكية.
لكن أقول ليك؟ خلي الخاصية ياخ .... وخليهم يفتشوا ورانا. بيني وبينك أنا مرات بقعد وبلقى عناوين ما فتحتها ولونها أحمر .. يبقى برضو ذوي الأغراض ممكن يستفيدوا من الخاصية، طبعاً مش للتجسس، لكن بتساعد في معرفة الميول والإهتمامات، ولو المزاج رايق والاّ (العصفورة) قايمة ... إلخ.
بعدين إنت لو متضرر من الخاصية دي، ياخ أعمل حساب دخول (للكمبيوتر) بإسمك، وواحد تاني بإسمها ... وخوّة (كمبيوترية) فرتق.
| |
|
|
|
|
|
|
Re: العناوين الحمراء ... اهتمامات زوجة ... (Re: BitAlhana)
|
اهلا بيك بت الهتاء
Quote: زكرتني زمان كنا بنقعد 48 ساعه في اليوم في البورد ده
|
والله يومكم كان يوم الهنا والسرور ابو 48 ساعة دا ..
Quote: فصاحبنا البوردابي الأصيل مرته هرشته و قالت ليه يا انا يا الكمبيوتر
|
قصرت معاه شديد ... تكون جديدة كانت لكن حمالتك علي كان قالتا ليه هسي كان قال ليها الكمبيوتر .. ترمي ديمعاتها وتقول ليه خلاص اكتب كتابتك في المنبر وما بسالك تاني .. هو اصلو النسودان عندهم حاجات بعرفوها براهم ...
اها لكن زولتنا دي لو لقتو احمر وبتكلم عن قضية سياسية وحاتك ما بتهبب ليه وبتكون عارفة انو فتح البوست دا بالغلط ساي .. لكن لو البوست كاتباه فلانة وخاته صورتها الما خمج .. الشرونة بتقوم واليوم داك الا ياكل كبسة رز بخاري.
محنكم محن
| |
|
|
|
|
|
|
Re: العناوين الحمراء ... اهتمامات زوجة ... (Re: محمد أبوالعزائم أبوالريش)
|
الحبيب / محمد ابو الريشQuote: لكن أقول ليك؟ خلي الخاصية ياخ .... وخليهم يفتشوا ورانا.
|
غايتو الما شغال بخاصية اللون الاحمر بكون مدي مرتو العين الحمراء بس في ناس ادو نسوانهم العين الحمراء لكن كبو ليهم قطرة .. اها دي الشريحة المستهدفة ..
لكن كمان لو في عناوين انت ما فتحتها ولقيت لونا احمر اكيد بتكون فتحتها المدام .. في الحالة دي ببقى المنبر كلو احمر في احمر ... بس انت اهرشها ..
| |
|
|
|
|
|
|
Re: العناوين الحمراء ... اهتمامات زوجة ... (Re: هويدا شرف الدين)
|
العزيزة / هويدا شرف الدين
Quote: لا لو سمحت يا باشمهندس بكري - لازم الخاصية دي تفضل وتبقي |
مؤكد كدا انتي بتنادي بهجرة الاجهزة من المنازل واعتماد دخول البورداب من المكاتب فقط .. ودا بيؤدي الى زعزعة الاستقرار ...
ارجوك ان تسحب هذه الخاصية وتزيد من متاعب الزوجات ..
| |
|
|
|
|
|
|
Re: العناوين الحمراء ... اهتمامات زوجة ... (Re: محمد على طه الملك)
|
اخوي محمد علي
Quote: يعني كويس كده يا علاء .. الما ناقشه نقشت ..
لكن برضو الخاصية دي مريحة للمتابعة. |
هي لكن باقين للزول في حلقو ؟؟ الناس عايزا تشم الهواء دا شوية ... تعرف الباخرهم لو لقو الكلام فيه حبة كسير تلج .. يرجع يلقاها لاوية بوزا ..
وطبعا البنات كلهم بكونو اسمح منها .. اصلو بس الشينات ديل عرسوهم لينا وقعدو
| |
|
|
|
|
|
|
Re: العناوين الحمراء ... اهتمامات زوجة ... (Re: علاء الدين حيموره)
|
اها في يوم لفت انتبها مداخلة لا تخلو من كسير التلج كاتبة الموضوع حليوة ورزينة وشفافة ووريفة وجامعة كل الصفات الحلوة .. اها ما ادس عليكم انا ناديت زوجتي وقلت ليها ياخ انتي عارفاني اني بريء جدا والبنية دي زميلة جديدة معانا وعشان نحافظ على وجودها معانا في المنبر كدي خليني اشكرها شوية ( شكر اخوان طبعا ) .... بعد تحانيس شديدة وكتبنا المداخلى الوورد وراجعناها كويس واخدت الضؤ الاخضر .. رسلت المداخلة ... الرد وزي ما كنت متوقع كان رد متوزان ينم عن عقلانية الزميلة وشكرتني على تلك الكلمات الطيبة .. اها انا بردت بطني لكن في السليم .... لكن زولنا الشفيف داك قصتو جاطت جدا .. يظهر بعد ما قرأ المداخلة بتاعتي شهيتو اتفتحت لكسير تلج موك ( الثلج الموك دا ثلج ناس مصنع القاضي وعايز فرار سنين لانو ثلج على اصولو وزن اللوح 30 كيلو جرام ( عيار ثقيل ) اها زولنا انداح شديد في الكسير لامن البت المسكينة احتارت في روحا .. شوية ونشوف عقبات التلج ..
| |
|
|
|
|
|
|
Re: العناوين الحمراء ... اهتمامات زوجة ... (Re: ياسر عبدالكريم محمد)
|
اخوي ياسر حامدQuote: علاء الدين ياخ وقعت لى فى جرح قدر ما كست لى إستيكة تمسح السجم الاحمر دا ما لقيت
|
انت حالتك مستعصية والحل الا انك تفتح كل العناوين ( اوبن ان نيو وندو ) يعني تخلي الموضوع المقرقشك فاتح وتفتح الباقين في اطار جديد ... بعد موضوعين ثلاثة بتلقى الصفحة كلها بقت احمر زي الدم .. بكدا تكون جهجهت اللاعب وزهجتو ...
شغل مخك ياخ واديهم العين الحمرا واعمل فيها زعلان
| |
|
|
|
|
|
|
Re: العناوين الحمراء ... اهتمامات زوجة ... (Re: علاء الدين حيموره)
|
انا زاتي بتضايق من اللون الاحمر.. لكن ما عندنا قصة القط والفار دي... لكن اناعندي طريقة معينة لقراية المنبر.. لاحظتها ما قاعده تعمل لي احمر ولا شي... ببدا من اول المنبر.. كل ما ألقى موضوع interesting to read بعمل Right-click عليه.. وبعداك Open in New Tab... وبعد امشي اشوف البعده.. وهكذا.. بنزل لتحت.. لما انتهي بلقى لي كم موضوع مفتوحين.. ومافي احمر visited link... غايته للناس البتخاف من نسوانها وكده.. دي طريقة تنفع معاها
| |
|
|
|
|
|
|
Re: العناوين الحمراء ... اهتمامات زوجة ... (Re: مريم بنت الحسين)
|
استاذة مريمQuote: لكن ما عندنا قصة القط والفار دي |
مؤكد قصة القط والفار بكون المتضررين منها الاخوة الزملاء من زوجاتهم ولكن لان الزوج بكون واضع في الاعتبار ان زوجته الزميلة ومهما كتبت فانها ساظل زوجته الوحيدة ولا يمكنها ان تقع في حب رجل آخر .. بعكس فهم الزوجات وما احل لرجالهم مثنى وثلاث ورباع .. من هنا بجي الخوف والرجفي ..
ولكن انا في بعض الاحيان لما افتح في اطار جديد برضو بحمر لون العنوان لكن قصة زولتنا فاتت الحد وحا نتابع ..
| |
|
|
|
|
|
|
Re: العناوين الحمراء ... اهتمامات زوجة ... (Re: علاء الدين حيموره)
|
اها طلع اخونا الشغل وجات الزوجة المصون تقلب في العناوين الحمر وقع في عينا البوست المعني .. لفت نظرها الموضوع .. وكانت عادة لا تهتم بقراءة الموضوع لكن لانو دا كان فيه كسير تلج كتير من زوجها رأت انو من الضروري جدا قراءة الموضوع كاملا ... خاصة وان صورة كاتبة الموضوع تزين البوست ... اها الشيطان ركب راسا .. وبدت تفكر في كيفة مخارجة البت دي من خريطة زوجها لكن قبل ذلك لازم تجس النبض عشان تعرف انو البت خفيفة ولفيفة وللا رزينة وما شغالة بغنى البنات (( راجل المرا حلو حلا )) ... قررت تكتب ليها رسالة داخلية طالما انو كلمة المرور محفوظة في الجهاز وتعمل نفسها انها هي الزوج لكن يكون فيها كلام مباشر عشان تقطع الشك باليقين
وحا نشوف الرسالة ...
| |
|
|
|
|
|
|
Re: العناوين الحمراء ... اهتمامات زوجة ... (Re: مريم بنت الحسين)
|
اها جلست وبدأت تكتب في رسالة للزولة المعنية
الرسالة الاولى
سلامات يا شفيفة بالجد انا اعجبت بكتاباتك جدا وحسيت بانك زولة جميلة في دواخلك سحر الكتابة مع جمالك زاد رغبتي في التواصل معك ولا اخفي عليك الاعجاب الشديد بشخصك .. ارجو ان تضيفيني في قائمة المسنجر على الهوت ميل او الياهو او الاسكاي بي مع عميق تقديري
انا
| |
|
|
|
|
|
|
|