|
|
 لو ........
|
لو....
"لو " هذه للتمني المتاح وليس بعيد المنال وخاص بهذا المنبر ( واكيد منابر اخري سودانية ) .. تمني متاح يعني ليس حلما و لا يستوجب بروتكولات ولا مبالغ مادية ... لو هذه لجعل الجميل هو الغالب ... فهنالك وسط الغث والقبيح جميل كثير متاح ولكن اما يحجبه بخل او سوء اختيار للطريق دون قصد او بقصد او هروبا من الجمال لخشية من امر ما في الخاطر .... لو ولو ...
للتوضيح وارجو الا يظن من غابت اسماؤهم بانني قصدت ولكني ارجو العفو ان نسيت فقلة الجمال والجميل تصيب عقولنا وابصارنا بغشاوة فننسي دون قصد ... ولذا فانا لا اريد تعقيبا علي هذه المداخلة الا ان يضيف الجميع اسماء يروون انني قد نسيت ان اذكرها ..
المهم لو كتب هؤلاء ابداعا جماليا يتقنونه جيدا لتغيير واقع المنبر وخرس المتهالكون العابثون ( وهنا لا اطلب ان يبتعد هؤلاء عن امور الحياة اليومية في كتاباتهم وما نعيشه ويعيشه السودان من صعوبات وصراعات ولكن في خضم هذه الصراعات الكثيرة والتي اهلكتنا جميعا في الداخل والخارج في مقدور هؤلاء ان يضخو فينا بعض من دم وهواء نقي .. وا):
عزاز شامي لو كتبت وما سكتت
شاهين شاهين لو واصل رسمه الابداعي حروفا
غادة عبد العزيز لو كتبت وبس
طلال عفيفي لو صور كتابة وصورا ورسما
دكين لو كتب دون مماحكة
تيمبس لو كتب عن الابداع والفن وامدرمان والعباسية
مني خوجلي لو كتبت زي زمان
سناء جعفر لو صورت الواقع بفلم لا ينته (وبطلت الكسل)
مصدق لو رسم كاريكاترات علي طول
حليمة لو كتبت وتركت حكاية صفحة مسودة وصفحات بيضا
سلمي سلامة لو كتبت وكتبت وكتبت
بدرالدين الامين لو واصل الكتابة بانتظام وطلع الكرفتة والجزمة وقعد في الواطة بس يكتب
عماد عبدالله لو بس عرف انو الديامة كتار ويمكن كل العاصمة ديامة وكتب بعدد الديامة
الطيب شيقوق لو بطل ملاوعة وقعدات سوق الناقة وقندهار وهييع وكع وواصل قصة عمر ومشوار سنين
ودالمرتضي لو بطل الكسل وكتب في مواضيع كتيرة
ودالقرشي لو واصل في كتاباته الفنية
احمد طراوة لو ترك امور الطب في المنبر وواصل في امور الفن
خضر حسن بس يكتب اي حاجة
مصطفي سري يتذكر انو شغلانتو اصلا كتابة ووالده بيعلم الناس الكتابة
نادية عثمان تكتب عن حاجات كتيرة بس ما اعلامية ( الفضائيات التطير )
ابوجهينة يخلي كلمة ونص ويكمل ياااخ
عبدالعزيز عيسي بس يجيب صور ويرسم كاريكاترات
محمد جعفر خطوط ابداعية يكتر منها
د. محمد حسن يكتب زي زمااااان
حبيب نورة يقعد زي ما عايز بس يكتب
نور الهدي يكتب رسما
شول اشوال يكتب تشريحا لواقع غاب عن كثيرين منا قصدا او تجاهلا او جهلا او حسن نية
كيكي يكتب اي حاجة
نجوان ياريت ترجع تكتب زي زماااااان
ممكونة وبس تكتب مهما كان الظرف والظروف واللمكونيين وكلهم
كارلوس يكتب الماضي الذي يعرفه جيدا
فيسل هليل يكتب اسمو بالعربي ويجمع كل الصور الجميلة
ودالمنسي .. في حاجات كتيرة بيعرفا غير الانجمامة بس تقول شنو ؟؟
سمية بت الناظر طلحة دي ممكن تملا المنبر ابداعا بس تقول شنو ؟
دومة دي عندها امكانات كتابية مهولة وقصص بس ياريت تنتبه لذلك
نجاة الامين والله ممكن تكتب اشياء مفيدة جدا جدا
تماضر الخنساء ممكن تكتب نثرا وشعرا
هند محمد كتاباتها رقيقة وشعرها جميل
شذي بلة حروفها جميلة وراقية بس تكتب
الكيك عندك كتير غير السياسة
ماجدة خوجلي هي بس تكتب
بت ربيع لو كتبت في المحطات لحد ما الركاب ينزلو
وحنواصل لما الذاكرة الكهل الخربة ترتاح شوية
ارجو ان تضيفو اسماء وارجو من اصحاب الاسماء المساعدة في ضخ هواء نقي ونسيم عليل
|
|
 
|
|
|
|
|
|
|
|
Re: لو ........ (Re: abubakr)
|
سلام يا صاحب
بعض راي
أ.زمراوي عندما يغوض في الكلمات ليعبر عن ألناس
أ.مجاهد عبدالله عندما يعري زيف أهل الكهنوت
أ.لنا مهدي عندما تعبر بلسان الاغلبية الصامته من أنصار المهدي
أ. عبد القادر عندما ينقل ما أراد القلة حظره ومنع شيوعه
أ. سالم احمد سالم عندما يحلل بعمق ومعرفة ودراية
هم كثيرون من أجد نفسي مبهورا بكتاباتهم ..
تحياتي واحترامي
| |
|
|
|
|
|
|
|
|
|
Re: لو ........ (Re: abubakr)
|
| Quote: ودالمرتضي لو بطل الكسل وكتب في مواضيع كتيرة |
الباش،
سلامات يا مولاي،
يا سيدي المسألة ما كسل بل واقع عملي يتعارض رأسيا وأفقيا مع التواجد المستمر
في هذا المكان الجميل بأهله وكتاباتهم ، ورغم ذلك أرى أني من أنشط الأعضاء هنا
رغم قلة معرفتي وسفور جهلي ، فمنذ التحاقي بالمنبر قبل ما يقارب ثلاثة أعوام ابتدرت 14 بوست
تجدها في (المكتبة) وتسبب الهكر في مسح بوست عن (المعلومة بنت الميداح)
و بوست آخر (زول سمح) وحاليا لي بوست يبدو أنك لم تره بعنوان بنات أودادن..
على أية حال أشكر لك أن أدرجتني ضمن الأسماء اللامعة أعلاه والتي بيني وبينها ما بين
الثرى والسِماك الأعلى.
مودتي يا أبابكر.
| |
|
|
|
|
|
|
|
|
|
Re: لو ........ (Re: أيمن الطيب)
|
يافتحي كتر خيرك .. الذاكرة صارت في حاجة الي بطاريات جديدة كل يوم .. ذكرتني بك وبما كتبت انا يوما في معني ان نلم شتات ما يجمعنا ونحاول ان نجعله قاسما مشتركا نقويه بعمل وصناعة فشعوب الارث الشفاهي لا تعمر طويلا متحدة وانما تبقي شتات ويتمزق نسيجها وتتوزع في اركان الدنيا تتجرأ ذكريات ايام مضت .. عمل وصناعة اولا واولا ثم وغناء وشعر وكتابة ورسما ومسرحا (الفن عامة) يمكن ان يتحول صناعة كذلك ولا يبقي للهواة فقط ...
| |
|
|
|
|
|
|
|
|
|
Re: لو ........ (Re: abubakr)
|
ياايمن قطعت خالص لحد ما الواحد قال انو هاجرت تاني .. كتر خير "لو" الجابتك ... خليك قريب فانت قادر علي اشياء جميلة كتيرة
| |
|
|
|
|
|
|
|
|
|
Re: لو ........ (Re: abubakr)
|
سلمي صبحي دون ان يقطع احد استرسالها كتابة انيقة
الزوول يكتب عن مخزون فني كبير خلاهو في سحارة حبوبتو حتي يستمتع به وحده يااااخ تعال
زمراوي اي زمراوي الاتنين دون فرز البيكتب شعر والبيكتب نثر
الشايقي الاتنين صاحب االملوخية والمحامي بس يكتبو
دينا خالد لديها اشياء جميلة كتيرة يمكن ان تكتبها وتللي "لووول"
| |
|
|
|
|
|
|
|
|
|
Re: لو ........ (Re: BitAlhana)
|
كتر خيرك شرنوبي قريبي بغيب كتييييييييير لحدما الواحد يفتكر انو بقي من اغنياء العالم البيستاجرو مركبات فضائية وبيسافرو القمر تغيير شوية بعيدا عن دنيانا .. هو بيس يكتب وحيوصل القمر مجانا
| |
|
|
|
|
|
|
|
|
|
Re: لو ........ (Re: abubakr)
|
ناظر عموم عمد ومشايخ وغفرا المشخصاتية محمد السني دفع الله .. يا جماعة الزول دة مليان حاجات متيرة عن الفن والمسرح والشعر ومسرح الطفل والسينما والانتاج الفني وووووو بس اليكتب .. يا جماعة تاريخ السودان القديم ما قبل الاستقلال جمع من دفاتر رحالة جو ماريين او دفاتر يوميات ضباط في جيوش غازية او مارة .. نحن فضلنا امة شفاهة فارجو ان نهتم بكتابة العندنا برانا عشان الاجيال الجاية ما تكون في حوسة اكتر مما هي فيه الان
| |
|
|
|
|
|
|
|
|
|
Re: لو ........ (Re: abubakr)
|
ونواصل
هسع جماعة يقولو الرطاني السجمان دة نسي اسامينا ويكجنوني .. ياجماعة والله الذاكرة شغالة بسنادات ودايما ذاكرة امثالي يتنسي القريب وقالو انو الواحد كلما يكبر( انا اكبر من دومة ياجماعة عشان شايفكم واقعيين خالتو وعمتو وحبوبة .. دي بنية ) الذاكرة ببتذكر البعيد وتنسي القريب يعني انا بتذكر العشا وبنسي الفطور وبطلع لابس الشراب كل واحد لون وحاجات عجيبة فبالله سامحوني
| |
|
|
|
|
|
|
|
|
|
Re: لو ........ (Re: abubakr)
|
وواحدة اسمها زي اسم اختي "عشة بت فاطمة " بس اندنا "اشه بت فاتنة" المهم دي عندها امكانات تصويرية عظيمة بس تجي مرة كل سنتيين وتغيب ...مهمتكم انو تخلوها بجاي وبالذات ناس مسقط ومعهدالموسيقي والمسرح
| |
|
|
|
|
|
|
|
|
|
Re: لو ........ (Re: abubakr)
|
لو أبوبكر ساب الخفسات العجيبة دى
مشتاقين والله
تعرف نفسى فى بوست مقفول تعمله أنت
ويشارك فيه .. علوبة .. والمحرب والعائلة .. ومولاناعادل .. وبت طلحة .. وأبو العزايم أخوان .. ومنى خوجلى .. ويكون البطل الفاتح جبرة ..
والباب مفتوح .. بس شيقوق تكون على رقابة مكثفة 
| |
|
|
|
|
|
|
|
|
|
Re: لو ........ (Re: رأفت ميلاد)
|
ما قلت ليكم الواحد لما يعجز ذاكرتو بتنسي الاقربون .. اها رافت دة كتاب وعندو حاجات كتيرة يقولا قبل ما ينسي كلام الاعراب ونحتاج مترجميين .. المهم البنية كيف ..
تعرف الجاعة دييل الا يعملو ليهم مؤتمر بتاع جي 10 زي الجي 20 عشان يجو ونشتري لينا كلبا هاوند نشممو دلاقيين ود شيقوق كلها ونوقفو في الباب بشان ما يعتب باب المؤتمر تب ..
تسلم
| |
|
|
|
|
|
|
|
|
|
Re: لو ........ (Re: رأفت ميلاد)
|
| Quote: الطيب شيقوق لو بطل ملاوعة وقعدات سوق الناقة وقندهار وهييع وكع وواصل قصة عمر ومشوار سنين |
انت يا مسنوح بتخليني ؟
من امبارح بدودر فيك للبوست ده عشان اصرفك من هناك - اها الليلة اتورطت . الليلة المنبر كلو بجيك بهنا واى واحد عايز ليهو ملوة رد شد حيلك وانا ماشي اسوط بهناك ومحل رهيفة تنقد.
الاسماء التى سقطت سهوا :
فاروق حامد - كان تجانست كتاباته عن السياسة بحاجات تانية حامياني
محمد على طه المك - كان صبر واتحكر للكتابة
كبر - اكان كتب باسلوبه السلس عن القضايا الاجتماعية
محمد هارون - اكان نسى اوكامبو
بريمة - اكان ابعد من شرك ام كيكي
ناهد بشير الطيب -اكان بطلت الجري وراء الشمارات لزوم طباخة مواد اعلامية
مولانا حسن طه - كان وجد قرين لايت من ام الاولاد
كرار التهامي - اكان ترك السياسة والطب واتجه للكتابة الادبية
عبد الرحمن حلاوي - ( بقولها ليهو في المسنغر)
سوما - كان قالت بسم الله وكتبت عن الموليته والضهاري والعنكوليب والتقابة ( الرطاني اكيد مسطح) نان اخوك قاعد بشرح ليك
نادر ابو كدوك - كان
عبدو ود جاد الله - كان جانا قادل كل صباحية رمى ليهو كلمتين وعيييييييك
ابو بكر الرطاني - كان ترك الكتابة جوة الناموسية
الزاكي عبد الحميد - كان غفل عن الدادئيين
ود الخضر - كان كتب بعد صلاة العشاء
جاييكم
| |
|
|
|
|
|
|
|
|
|
Re: لو ........ (Re: الطيب شيقوق)
|
| Quote: سوما - كان قالت بسم الله وكتبت عن الموليته والضهاري والعنكوليب والتقابة ( الرطاني اكيد مسطح) نان اخوك قاعد بشرح ليك |
دي بتكتب شعر بيفهمو الرطان زي فبالله الديكشنري القاطعو من راسك دة خليهو لروحك ...
| |
|
|
|
|
|
|
|
|
|
Re: لو ........ (Re: رأفت ميلاد)
|
لو محسن خالد..كتب و لون الدنيا بالروايات..و القصص
لو فضيلي جماع..ملآ البورد شعر ونثر..
لو منوت...سخي لينا و كتب..يا هذا المليان ابداع و ذكريات و ادب
لو بهاء..خلي البكاء..وكتب..(فهو اديب اريب)
لو خدر..عطر البورد اعنيات و انغام...فله صوت شجي طروب ..وفنــــــــــان
لو سوداني عجوز رجع و كتب عن ذكرياته في ؤبوع السودان..
لو عادل عبد الرحمن...رجع وكتب..شعرا...نثرا..وقصص
لو خالد ماسا...كتب و الطق الخاص..
لو شيري جات و خلت الغياب..وكتبت اول الحكي...
لو الموصلي...جاءنا..وحلل و دوزن للموسيقي...
لو...
لو...
لو...
لو..
لو...كثيرة يا باشمنهدس..
بس اخرها.....
لو انت يا باشمهندس ابوبكر...ما تفيب و خليــــــــــك علي طول متواجد
لك كل الامنيات الطيية..
دوما
هواري
| |
|
|
|
|
|
|
|
|
|
Re: لو ........ (Re: Hawari Nimir)
|
| Quote: لك كل الامنيات الطيية.. |
كتر خيرك كتييير ياهواري .. ارجو ان تستمر تساهم هنا بحثا عن هؤلاء ...انها محاولة اضعف الايمان استنفارا لجميل في دواخل كل هؤلاء لو اجتمع بعض منه هنا لطغي الجميل وذهب القبيح ... الكلمة مسئولية وانا اردنا ان نكون هنا فيجب ان نقاوم ونصر علي ان يذهب كل قبيح يخترق منابرنا ...انها مسئولية فاما ان نكون هنا محرضيين لجميل وخير واما ان نذهب ونرحل من هنا
| |
|
|
|
|
|
|
|
|
|
Re: لو ........ (Re: abubakr)
|
ياعرريب ودشيقوق فيك فائدة كتيرة بس لو خليت اكل الويكاب ونومة الضهرية ...
اها ذكرتني باسماء قريبة لكن ذاكرة الشواب بتنسي القريب وتذكر البعيد ..
ونواصل :
روزمين عثمان لو اكثرت من كتابة شعر ليس فيه ترمييز كثير يذهب برقة كتاباتها
عمر الفاروق ناقد فني وله معرفة واسعة في هذا المجال بس لو ترك حدته التي تذهب بواقعية ومضمون نقده
| |
|
|
|
|
|
|
|
|
 Re: لو ........ (Re: الطيب شيقوق)
|
مرات بستغرب لما الناس تكتب عن فساد المنبر و فراغه من المضمون...
كيف يكون العدد الهائل دا من المبدعين موجود هنا و يكون في إسفاف او إبتذال أو عدم موضوع !!؟؟؟
كل البيحتاجو الواحد انو يكون عندو قدرة على تمييز الصالح من الطالح...
و بعد كدا هو سيٌد كي بوردو و ماوسو...
بي نقرة أو كليك واحدة ممكن يُثري معلوماتو او يَرثي لحالو...
و هو حر في إختياراتو...!
............
شكراً يا باش لإدراج إسمي في قائمتك الذهبية..
I am flattered !
| |
|
|
|
|
|
|
|
|
|
Re: لو ........ (Re: mamkouna)
|
سيدي ومولاي
ابونا الحنين
بدينا نكتب في تاريخنا
لكن لي الأطفال واوعدك
تكون اول من يراجعوا ويقدم ليهو يا حبيبتا
مودتي ومحبتي
الأبدية
| |
|
|
|
|
|
|
|
|
|
Re: لو ........ (Re: mamkouna)
|
| Quote: مرات بستغرب لما الناس تكتب عن فساد المنبر و فراغه من المضمون... |
تفاحة عطنة واحد تفسد كل الصندوق وكلمة نابية واحدة تتكاثر بسرعة والشر في دواخلنا مجتهد جدا فنتهافت علي ماهو يبدو لنا مثيرا وما هو الا شر وهكذا تضيع اجتهادات وابداعات كثيرة في تلك الزحمة ... ما قصدت انو القادريين علي رسم ابتسامة وابداع هنا كثيرون وانا احاول استنهاضهم كاضعف الايمان
| |
|
|
|
|
|
|
|
|
|
Re: لو ........ (Re: سلمى الشيخ سلامة)
|
Quote: ياصحبى الجميل
ازيك وبركة الشفناك طيب
عارف الكتابة مزاج
والمزاج صعب لكن بنحاول
تسلم وتسلم يااجمل زول |
ياصحبي الجميل .. الغرض ليس البدء فورا بالكتابة ولكن التواجد من خلال كتابات جميلة وخصوصا الغالبية التي غابت بحيث يكثر الجميل ويتوالري القبيح الذي يملا المنبر شجار وصراعا
| |
|
|
|
|
|
|
|
|
|
Re: لو ........ (Re: abubakr)
|
| Quote: سمية بت الناظر طلحة دي ممكن تملا المنبر ابداعا بس تقول شنو ؟ |
بما أن الغرض من البوست التحفيز وليس التعقيب
وذكر أسماء أنت نسيت تذكرا
فعلا نسيت وكان ممكن أذكرك
بس تقول شنو ؟
باشمهندس / أبوبكر
عودًا حميدًا
*
| |
|
|
|
|
|
|
|
|
|
Re: لو ........ (Re: سمية الحسن طلحة)
|
يالملكة انتي بس قولي .... انا نسيت وشوية اتذكر وفي ناس قراب نسيتم وبعديين شوية شوية اتذكر ... وصلنا المرحلة الفيها خلايا المخ بتكون تعبت زي العربية القديمة والواحد لازم يدور ويدور زيدور لحدما يتذكر ....
| |
|
|
|
|
|
|
|
|
|
Re: لو ........ (Re: abubakr)
|
ابوبكر سيداحمد الصائغ (المعروف ب بكري الصائغ) موثق حريص ونابه ومرجع لاحداث كثيرة خلال العقود التي قاربت الست الماضية منذ استقلال السودان .. الان ونذ فترة اصاب اشتراكه في المنبر ما اصابني يوما واصاب البعض وامل ان تحل العقدة ويعود ليفيض معلومة ..
| |
|
|
|
|
|
|
|
|
|
Re: لو ........ (Re: abubakr)
|
ياجماعة اسعد الريفي كاتب مميز وبالوراثة ويبدو ان ذاكرتي الخربة ستؤدي بي الي مهالك فلقد نسيت اسماء كثيرة فارجو المعذرة وما تزعلو لو نسينا اسما فالغرض تحفيز وتحريض للكتابة الواعية المفيدة في محاولة لمناهضة الكتابات الفالتة .. ارجو ممن يزور هذا البوست القليل الاقبال عليه ان يضيف اسما غاب عني عليكم الله
| |
|
|
|
|
|
|
|
|
|
Re: لو ........ (Re: Gaafar Ismail)
|
الباشمهندس ابوبكر
سلام
المنبر هذا ممتلئ بشخصيات جميلة ومتفردة..
الهنات هنا وهناك غبشت الرؤيا وأضعفت الصوت..
يا ريت.. أو أحسن نقول: لو ولو تطلع الأقلام الحبيسة لتعطر سماوات المنبر..بالجمال.
ويك اند طويل في كوالالمبور أبعدني عن المنبر..
تحياتي
عبدالعزيز
| |
|
|
|
|
|
|
|
|
|
Re: لو ........ (Re: دينا خالد)
|
عزيزى الباشمهندس
تحية من الشباك
ولو ود الموج بطل مناقرة المسئولين
ولو قمر بوبا ظهر وبان على طول الازمان
ولو بكرى ابو بكر لحس بوستات شيقوق
ولو
ولو
ولو
لو اني اعرف ان الحب خطير جدا ما احببت
لو اني أعرف ان البحر عميق جدا ما ابحرت
لو اني اعرف خاتمتي ما كنت بدأت
كيمـــو ..لو مابقة عمــو
| |
|
|
|
|
|
|
|
|
|
Re: لو ........ (Re: فيصل محمد خليل)
|
| Quote: كيمـــو ..لو مابقة عمــو |
انتو لو مابقيتو عيال اخواتو !!! المهم لو كيمو كان بيكتب مباشرة حتي تتوسع القاعدة وما يجي العرريب يقو شخصية "صورية"
| |
|
|
|
|
|
|
|
|
|
Re: لو ........ (Re: فيصل محمد خليل)
|
انتة عارف يا باشمهندس عنوان البوست يأخذنى
اللى كل( الولوات) الشهيرة فى مجالات الشعر
والادب والغناء وعلى ايامنا اشتهرت اغنية لصلاح
مصطفى بقول فيها:ـ
لو لو بتحبنى
لو لو بتعزنى
ما كان فى مرة يوم فارقتنى
وايضاالشاعر صلاح جاهين يقول:ـ
آه لـو أنا ومحبـوبي
آه لـو أنا ومحبـوبي جـزنا الفضـى
فـى سـفينة وحـدينا.. وأشـيا رضا
سـاعة صـفا تعجبنـا نرجـع لـهـا
والهـم قبـل ما ييجي… يبقى مضى
عـجبي !!
لك كل الود
كيمــــو
| |
|
|
|
|
|
|
|
|
|
Re: لو ........ (Re: محمد أبوالعزائم أبوالريش)
|
ياابوالعزايم وفيصل ... "لو" المتاحة دي والما بتكلف سفر ولا مصاريف ممكن تعمل حاجات كثيرة من ترطيب لنفوس البشر و وراحة بال وصفاء ذهن فالنفس التعبانة الزهجانة والذهن المشوش بتجعل الحياة رمادية في احسن الظروف ...لو كل واحد نظف مثلا قدام بيتو ولو كل واحد ما قال "انا مالي" وهو بيشوف الخطا ولو كل واحد ادي "حصة " مجانا في الحلة يعلم الكبار والغلابة المابيقدرو يمشو مدرسة ولو كل واحد عمل شغلو بكفاءة واقتدار وبطل ياكلو فول في المكتب ولو كل واحد بكطل يتونس وقت الشغل ولو الفضائيات السودانية اتقفلت وريحتنا من الفوضي في اللبس والرتابة وقلة الابداع واللبس المبهدل ومكياج البنات العجيب ولو الموظفة والمدرسة والماشة بيت البكا و او العاملة بطلت تحاكي ندي القلعة وتجي الشغل وكانها ماشة حفلة لو الجلاليتن النيجرية والطواقي العمانية تركوها لاهلها ولبسنا ما لدينا من لبس يلبسه اهل السودان ولو عرف اغنياء الغفلة انو الثروة هي فان تكون امينا والفلوس لو مكتوبة عليك بتجييك لكن كومشينات وهي في الاساس سرقة فحرام وما بتنفعك ..التمايز بين البشر يجب ان يكون بالعمل ونظافة اليد والبدن وليس بمال اتي من حرام وما في داع للغش يا اغنياء الغفلة لو الناس خلت البوبار وهي اساسا سارقة حق الغلابة بوبار في شنو ؟ اتقو الله
| |
|
|
|
|
|
|
|
|
|
Re: لو ........ (Re: abubakr)
|
باشمهندس أبوبكر ..
إضافة بعض أقلام أرى أنها تستحق:
* شاب حديث الإنضمام للبورد، ولكنه دخل بخطى واثقة وثابتة .. حمّور زيادة.
* صاحب الكتابة المتميزة .. الأخ كمال علي الزين.
لك التحية
| |
|
|
|
|
|
|
| |
abubakr
محمد المرتضى حامد
فتحي الصديق
أيمن الطيب
رأفت ميلاد
الطيب شيقوق
Hawari Nimir
mamkouna
محمد سنى دفع الله
سلمى الشيخ سلامة
Gaafar Ismail
sama7
فيصل محمد خليل
Abdlaziz Eisa
دينا خالد
محمد أبوالعزائم أبوالريش
معتصم مكاوي
فيس بوك
تويتر
انستقرام
يوتيوب
بنتيريست