|
|
|
 Re: يا محمد فرح يوم بكره بتاعك ده ما بجي .. ياخ الكهرباء بقت تقطع من سته صباحا (Re: وليد محمد المبارك)
|
وليد امبارح كنت بتونس بالمسجات (حنكشه وكده)
مع عضو في البورد ده (عتيق) كده
من زمن الكمبيوتر اوضه..
انا كنت قاعد جمب بيتنا خاتي الموبايل
في شاحن العربيه (بتاعت ناس الشغل)..
واظنه هو زاته كان (نفس الكذالك)..
والكهرباء (كما تكرمت) قاطعه من الصباح..
اخر مسج قال لي فيها
(والله حقو الواحد يعضي محمد فرح في راسه اسا)
والله ضحكني ضحك..
_________________________________
عارف بالطريقه دي البلد دي تزيد خزان واحد
انشاء الله خزان (غلال)
نرجع للرتينه والفانوس تاني
| |
 
|
|
|
|
|
|
|
 Re: يا محمد فرح يوم بكره بتاعك ده ما بجي .. ياخ الكهرباء بقت تقطع من سته صباحا (Re: وليد محمد المبارك)
|
Quote: ياخ انا بديت اشك انو دي دعوات اهلنا المتاثرين من الخزان
|
ياداب بديت تشك...!!!!؟؟
ياخي نحن (شكينا) ولبسنا بدل كمان..
______________________________
صاحبي حلفاوي قال السودانيين كلهم اصلهم (يهود)
قلت ليه كيف الكلام ده..؟؟
قال الأئمه في الجمعه طوالي بقولوا (ربنا اشغل اليهود في انفسهم)
ونحن مشغولياتنا زايده
معناها نحن اليهود..
وطبعا ضحكني ليك ضحك
تخريمه : ضحكني ليك ضحك : مسطلح تحاول به ايصال (الطرفه) لشخص ما
قمت بروايتها له واكتشفت انها غير مضحكه
| |
|
|
|
|
|
|
|
|
|
Re: يا محمد فرح يوم بكره بتاعك ده ما بجي .. ياخ الكهرباء بقت تقطع من سته صباحا (Re: naeem ali)
|
حسب مصدر (من الكهرباء) انو حصلت اخطاء بسيطه نسبه للاستعجال للايفاء بالموعد المضروب للبدايه ..والمشكله الحاليه دي ما حاتتحل في اقل من اسبوعين للاسف
انا ما عارف الشفقه علي شنو !!!الناس دي ما صابره من سنه اسكت بقت علي كم يوم !!بعدين ما عارف ناس الهيئه القوميه ما قاعدين يملكوا الناس الحقائق دي ليه !!! يعني مفروض يجي الوزير ويزيع بيان بالحاصل والناس تصبر قدر شنو تاني ..
| |
|
|
|
|
|
|
|
|
|
Re: يا محمد فرح يوم بكره بتاعك ده ما بجي .. ياخ الكهرباء بقت تقطع من سته صباحا (Re: محمد أبوالعزائم أبوالريش)
|
طبعاً زيي زيك ياوليد إستبشرت بي كهربة السد
بل وكدت أطير فرحاً عند سماعي نبأ الإحتفال بوصول كهربة السد للخرطوم
وواحد مهندس ربنا يديهو العافيه قاللي تاني أنسى حاجه إسمها قطع
أها أخوك قال يبشر الناس الماسكه حبل الصبر دي
بس للأسف الشغلانه مازبطت وإتضح فيما بعد إنو المسأله جايطه جوطه شديده
مشاكل في التوربينات
ومكاوي مختلف مع إدارة السد
ووزارة الري ماده بوزها وقالت ماأشركوها
يعني جوطه لايعلم بيها إلا الله
الجماعه طبعاً ماصدقوا لقوا الفرصه واشبعوا الموضوع سخريه ونقد
وانا بعتبر دي عدم موضوعيه ماأكتر
عموماً أنا واثق إنو بكره حيكون أحلى وقريب جداً قطعة الكهرباء حتبقى من ذكريات الزمن الجميل
إنت بس قول يامهون
مؤونة عام من الود
| |
|
|
|
|
|
|
|
|
|
Re: يا محمد فرح يوم بكره بتاعك ده ما بجي .. ياخ الكهرباء بقت تقطع من سته صباحا (Re: وليد محمد المبارك)
|
إنت يا وليد
لو كنت بعرف مكانك هسع كنت بجيك واديك شلوت وكف وعشرة جلدة بسوط
عنج (ما بسلك كهرباء).
والسبب للسؤال السخيف اللي ضيعت بيهو زمنك وضيعتو معاهو زمننا معاك
إنت عايش وين ؟ ما قريت في الخرطوم قبال بتاع المطعم اللي كان كاتب
(بكرة طلب الفول ببلاش)..
وتكتشف كل صباح بأن (بكرة) لسة...
يا اخوي بنصحك تعود لعقلك وتعرف إنو بكرة لسة وما تسال الأسئلة التعسفية
دي تاني وإلا بحرش ضدك الناس اللي عندهم كهرباء شغالة وإنت عارفهم كويس
مع تحياتي راجياً قبول النصيحة
قير تور
| |
|
|
|
|
|
|
|
|
|
Re: يا محمد فرح يوم بكره بتاعك ده ما بجي .. ياخ الكهرباء بقت تقطع من سته صباحا (Re: ناذر محمد الخليفة)
|
تعرِف يا وليد
نحن لحدي هسع النوع البشيل حفّاظة الموية للمستشفى في الصيف شان المرافقين و مرافقيهم و مرافقي مرافقيهم يشربوا و يرووا
أهة عندي عمن لينا الله يقوموا بالسلامة عامل عملية حصوة و الجماعة جوا و عسكروا
أهة كلّفوني انا بأمر الموية و لازماً تكون من تلاجة البيت لأنو تلج الشارع نشادر و كدة
تخيّل جيت ليك بالليل و ما خليت ليك جركانة لافة ولا قالب تلِج ما مليتو بعد ما وديت الكان موجود و قرطعوهو قرطعة الظمآن الذي كان في صحراء بيوضة
و نمتة و أنا أُمنِّي نفسي بحصيلة وافرة من التلِج كافية بعد تكسيرها لالتفاف حسنوات معسكر المشفى من حولي و كدة
قووووووووووووومي يا الكهربا أعملي يعععععععععععع و أقطعي
و بقت التلاجة عبارة عن مخزن سليقة يا وليد 
| |
|
|
|
|
|
|
| |
وليد محمد المبارك
محمد فرح
waleed500
naeem ali
محمد مكى محمد
GamarBoBa
Maawya Hussein
محمد أبوالعزائم أبوالريش
محمد الطيب حسن
GeerTor Tong
ناذر محمد الخليفة
الملك
يسن ابوالمجد
هويدا شرف الدين
omer osman
فيس بوك
تويتر
انستقرام
يوتيوب
بنتيريست