Quote: أخى محمد الأمين أنا صاحب الفيديو أعلاه. الما عجبك فيهو شنو؟
إبراهيم عبد الحليم
أغنية جديدة للبنات فقط .. الرجال يمتنعون
الأخ محمد الأمين تحياتى.
فى أعتقادى أنو فى حاجات كتيرة ممكن نتفق عليها فى البوسط دة, لكن أولاً بالتبادى تجاوب على سؤال الدكتور ده. إتمنى أن يكون السؤال لأجل تطوير الأداء و ليس الزرزرة و البحث
المحموم عن كلمات الإطراء الجوفاء( على العموم الإطراء برضو مطلوب لأنو وقود المسيرة)...
المهم فى إنتظارك و بهدوء و تهذيب كما عهدناك تورينا وجهة نظرك.
العزيز إبراهيم عبد الحليم تشكر على الجهد و نرجو سعة الصدر, فالنقد يمكن أن يعتبر نصائح مجانية, نعم للمفيد منه.
04-13-2009, 05:38 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: فـ يا استاذ ابراهيم عبدالحليم لك العتبى حتى ترضى، و اى حكم تقولو انا راضى بيهو فـ اغنيتك (قلبى الحنين) أغنية رقيقة و ضمن my favorites بالغ اعتذارى و اسفى على الخطأ غير المقصود
فعلا أنا ملحنها على مايسمى بالريقى الناعم Soft Reggae
يا أخى محمد الأمين أعتذارك مقبول وحتى النقد البناء ألف مرحب به وكعربون صداقة هاك الأغنية كاملة صوت بس بدون صورة لأن الفيديوكليب تنازلت عنه لصالح قناة هارمونى متمنيا أن تنال اعجابك واعجاب قرائك. من هنا يمكن التنزيل
أخى أبو القاسم محمد يا أخوى أنت ما تا بعت البوست من الأول. أنا الفيديو بتاعى ليس بين هذه الفيديوهات الآن. شعرت من كلامك إنك قاصد الفيديو رقم 2 من الترتيب وده ما بتاعى. للتوضيح وتحية إبراهيم
04-13-2009, 10:49 PM
نوفل عبد الرحيم حسن نوفل عبد الرحيم حسن
تاريخ التسجيل: 02-27-2009
مجموع المشاركات: 2361
ممكن نقول اغنية شروق مسجله من حفله وصوت العزف والغناء ما متوافق مع ملاحظة انه ناس قناة زول بالغوا شديد وممكن نقول الشباب ديل برضو تسجيل قعدة شباب وما فيها مواصفات صوت وبغنوا ساي ونسه وبجربو في اصواتهم دي لكن اغنية عبد الوهاب وردي الطالعه مباشره من التلفزيون القومي دي يقولوا فيها شنو ؟
04-13-2009, 11:15 PM
مزمل خيرى مزمل خيرى
تاريخ التسجيل: 03-29-2009
مجموع المشاركات: 5652
يا أستاذ محمد الأمين .. بتبالغ عدييييييييييل كدا !! الناس ( البدع !! ) ديل جبتهم من وين .. وناس فرقة جخرور دي قاعدين في ياتو جخنون ... مبالغة !!! ولله في خلقه ( .. فنون !!! ) .. الله يصبرك يا روح !!! هو نحنا ناقصين ياجماعة ...
04-14-2009, 08:37 AM
ALazhary2 ALazhary2
تاريخ التسجيل: 09-06-2003
مجموع المشاركات: 4966
ياجماعة والله صوتي وأنا بغني في الحمام أحسن من صوت عبد الوهاب وردي :)
والله أنا بكتب الكلام ده وحزين لأنه ممكن كلامي يجرحه لكن فعلاً الزول ده أكعب فنان سمعته في حياتي ، ياخي ده أكعب من عمر إحساس زاته وأكعب ومن الفنان البيض الكان بغني نميري قال كلام وعنده اغنية تانية كلها لولوة لو لو بتحبني لكن خلاص ماعارف كده بشتنتني .
ياخي أنصحوه كلموه والله حرام حررااااااااااام
بصراحة كل النماذج أعلاه غير جميلة وبايخة بياخة السنين أبيخ من أمين حسن عمر وأبيخ من المذيع البيض الإسمه ناجي . . .
الأخ عبدالوهاب وردى.. بواسـطة الأستاذ محمد الأمين وبواسطة الأستاذابراهيم عبدالحليم.. ارجوك يااخ عبدالوهاب وأتوسل اليك بكل عزيز لديك ان ترحمنا من مسألة ان تغنى هذى وذلك رحمة بأبناء الشعب السودانى الذى والله العظيم هو ماناقص وانا اشكرك مقدما على استجابتك وجعلها الله فى ميزان حسناتك يوم القيامة. اخى الأستاذ عبدالوهاب وردى..انت تملك اقبح صوت سمعته فى حياتى وفى كونك ابن الأستاذ وردى فهذا لايعطيك الحق ان تلحق بنا كل هذه الأذية.منك لله .
04-14-2009, 01:59 PM
نوفل عبد الرحيم حسن نوفل عبد الرحيم حسن
تاريخ التسجيل: 02-27-2009
مجموع المشاركات: 2361
Quote: الأخ عبدالوهاب وردى.. بواسـطة الأستاذ محمد الأمين وبواسطة الأستاذابراهيم عبدالحليم.. ارجوك يااخ عبدالوهاب وأتوسل اليك بكل عزيز لديك ان ترحمنا من مسألة ان تغنى هذى وذلك رحمة بأبناء الشعب السودانى الذى والله العظيم هو ماناقص وانا اشكرك مقدما على استجابتك وجعلها الله فى ميزان حسناتك يوم القيامة. اخى الأستاذ عبدالوهاب وردى..انت تملك اقبح صوت سمعته فى حياتى وفى كونك ابن الأستاذ وردى فهذا لايعطيك الحق ان تلحق بنا كل هذه الأذية.منك لله .
هههههه قلقو الله يديك العافيه ياخ كتلتني بالضحك
04-14-2009, 02:10 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ياجماعة والله صوتي وأنا بغني في الحمام أحسن من صوت....
الحمام بديك عادة أجمل مؤثر صوتى:
-المدى Reverb or Echo -و الصدى أو التأخير Delay
هذا المؤثر الصوتى يستخدم بكثافة فى الأستديوهات عشان يجمل الصوت. بعبارة آخرى ليس المهم الصوت بل المهم فى عالم اليوم مهندس الصوت ههه.بيعمل من الفسيخ شربات.
Quote: عبد الوهاب وردي من أسوأ المغنيين على امتداد تاريخ البشرية ، منذ بدء الخليقة إلى يوم الناس هذا...
سمعت اسمه يتردد كثيراً... في هذا المنتدى وليس خارجه. كان الحديث يدور دائما في إطار المقارنة بينه وبين وردي الأب. لم أتخيل قط أنه سيكون هكذا. هل هي ـ كما يقولون ـ مجاملة السودانيين التي فاتت الحدود؟ هل التلفزيون مجامل؟ ولمن؟ وردي؟ أم عبد الوهاب؟ ما هو إحساس هؤلاء العازفين خلفه: متورطون .. أم مجاملون ... أم منافقون... أم مغلوبٌ على أمرهم؟ سؤال أخير (لم يعرفونه عن قرب): هل عبد الوهاب وردي بكامل قواه العقلية؟
04-15-2009, 09:26 PM
نادر السوداني نادر السوداني
تاريخ التسجيل: 08-21-2006
مجموع المشاركات: 1374
في البداية اشكر كل المتداخلين ونحن نتناول هذة الخيط المهم مدفوعين بغيرتنا وحبنا لموسيقانا السودانية الخالدة كما تجدوني اتفق معكم غالبا ومضمونا في كل ما ورد من نمازج غنائية في هذة الوبست وبدون اي شفافية احب ان اوضح للجميع لم اكن راضيا عما قدمتة في تلك الامسية التي ونحن نحتفي بفنان بقامة الوطن / رحمة اللة الفنان الراحل المقيم مصطفي سيد احمد الذي اسري الساحة الفنية بالعديد من دورر الاغاني / ففي تلك الامسية طلب من كل فنان شارك في تلك الامسية بتقديم اغنية لهذة الهرم الفني لم يكن نادر السوداني محبا لغناء اغاني غيرة من الفنانين كما لم يكن في يوم من الايام مقلدا لاي فنان لايماني بالمثل البيقول سمح الغناء في خشم سيدة وكنت اقدم اعمالي الخاصة من خلال فرقة السودانيين او في شرايط الكست كما نزرت نفسي لتقديم شكل جديد للغنية لعدم غناعتي بتقديم الغنية السودانية بشكلها التقليدي لاسباب كثيرة لا اريد الخوض في دهاليذها في هذة المداخلة / اما بخصوص ما قدمتة في تلك الامسية لم يكن سوي المشاركة باحد اغاني مصطفي وكنت اعلم تماما سوف يعلن معجبي مصطفي سيد احمد الحرب وبلا هوادة منتقدين الشكل الذي تناولت بة هذة الاغنية / وتناسو تماما فكرة المشاركة وليس المقارنة من الالف .........لل ..........ياء .........لهم كل العزر لوقدمت هذة العمل ضمن مجموعة اعمالي / داخل البوم / قد ياتي نقدهم في محلوا فهنالك الكثير من السلبيات واجهت العديد منا ونحن علي خشبة المسرح / لم يحظي اي فنان منا بقدر كافي من البروفات لتجويد ما سوف يقدم مع العلم تعتبر اغاني الراحل مصطفي ليس كغيرها مما نسمعة فلها بريقها ورونقها اللذي قد يحتاج اي فنان مهما كانت مقدراتة الفنية لوقت لتجويد ما سوف يتغني بة لة / وهنالك مشكلة ازلية وهي الاجهزة الصوتية / الساوند /لم نكن نسمع ونحن علي خشبة المسرح بصورة مرضية تساعدنا للوصول بشكل غنائي يرضي احاسيسنا / وعلي الجانب الاخر تجد اللجنة المنظمة لهذة المناسبة في حالة استعجال وارتجال مما اربك العديد من الفقرات التي قدمت في تلك الامسية / وتاكيدا لما ورد نجد العديد من النماذج لما ورد اعلاة في الصعيد المحلي او العالمي / في الصعيد المحلي هنالك اخفاقات لكبار الفنانين وهم علي خشبة المسرح وقد تكن اخفاقاتهم لها نفس الظروف التي ذكرتها اعلاة فنجد انفسنا واجدين لهم الاعزار بقض النظر عن اي شئ وعندما نسمع عن فكرة جديدة اوشكل فني قد يكون جديدا لا تعتادة مسامعنا او لا تفهمة مداركنا نعلن علية الحرب حتي لو كانت في هذة التجربة مفاتيح لابواب سكك جديدة قد تقودنا لطرق اكثر وضوحا لاجيال قد تاتي من بعدنا تتبناها وتخلق منها اشكال تساعدهها في الخروج من الشكل الذي ندور في لولبة منز بدايا منتصف الخمسينات
04-15-2009, 09:47 PM
Salahaldeen Nadir Salahaldeen Nadir
تاريخ التسجيل: 08-03-2006
مجموع المشاركات: 987
انا بالذات ما من أنصار المثل البيقول: سمح الغنا في خشم سيدو وبالعكس أغاني كتيرة عجبتني عند مقلدين اكتر من عند أصحابها. المرحوم مصطفى سيد أحمد و كل الكبار وموسيقاهم لا قداسة لهم ومن حق أي (قادر) ان يطور فيها
لكن
الفيديو ده ماااااا...
على كل I think that we are on the same page
تحياتي
!
04-15-2009, 09:50 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
مزمل خيرى ، اذا فى زول نبيل هنا فـهو د. ابراهيم عبدالحليم ، تحياتى لكما مرة آخرى ========================================================== محمد معتصم ، سلامات ، غايتو كان يزرر الجلابية على الأقل ، ولا كيف ؟! ========================================================== ابو القاسم محمد، يا مراحب، اتمنى تكون الصورة وضحت اسه ، بعد الترتيب الجديد ========================================================== عبده عوض، تحياتى ، الناس ديل عندهم اكتر من كليب !!! شكلو سوقهم ماشى ========================================================== الازهرى ، حياك، لكن بالغت مع الفنان عمر احساس، الرجل ده ذو بصمة حقيقة فى ساحة الغناء السودانى، و لكن الناس اذواق، انا عن نفسى معجب بيهو جدا من زمان ========================================================== قلقو ، مرحب بيك ، و الله انا اتمنى صادق ان يستمع الى ندائك، , و لو مصر شديد خليهو يلحن من وراء الكواليس ========================================================== ناذر خلفية، حبابك، كنت اتمنى ان تفصل اكثر و انت زول عندك خبرة فى المجال ده ،لكن بالمناسبة فى هارمونى فى ثنائى كده عندهم اغنية اسمها (تستاهلى) مشرك ليهم من كم يوم ، بس ما اقادر الم فيهم ========================================================== محجوب البيلى ، نزلت اهلا ، ما عارف اقول ليك شنو ، لكن شوف البوست ده من الارشيف عبد الوهاب وردي في افادات ساخنة حول والده
04-15-2009, 10:20 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
جميل دي أنا عرفتهاهنا في البورد دا ، من مشاركاتك..
والله أبدا ما شكيت في ذائقتك الجمالية..لكن أنا بهديك
عمر احساس في العمل دا اسمعه تاني لعل وعسى..
(الفنان قال الحب قسم يا عيني)..
تسلم يازول ياذوق.
لك جزيل الشكر على لطف كلماتك ومشاعرك الأخوية النبيلة،وحسن ظنك وإهتمامك .
وكمان أشكرك تاني على الإهداء الجميل ، وأعني كل حرف من كلمة جميل .
تعرف المشكلة أنا سمعت عمر إحساس بغني في فيديو كليب مامتذكر كلماته لكن كان بايخ وكمان قبل فترة قريبة شفت ليه فيديو كليب تاني في قناة هارموني إسمه نتمايل نتمايل أو حاجة زي دي فما عجبني كمان وحسيت بيه بايخ ، لكن بالجد الأغنية الجبتها يا أبو مهيار جميلة وتطرب ، وكمان كلام ناذر عنه خلاني أفتش أفتش أغانيه وإن شاء الله أعيد الإستماع ليه من جديد.
خالص المودة والتقدير وربنا يملاك عافية وكمان أغتنم هذا البوست ،للإعتذار للفنان عمر إحساس .
. .
04-16-2009, 03:24 PM
عز الدين بيلو عز الدين بيلو
تاريخ التسجيل: 07-15-2007
مجموع المشاركات: 1909
ابو مهيار ، حبابك و البركة فى عمر احساس المرقك علينا
عز الدين بيلو ، برضو مقدر موقفك، انا غلطت و استهال ! لكن قول البغم و قول رآيك ! عندك اسوء من الفوق ديل ؟
كوستاوى ،تحياتى ، للأسف الأغانى ما اشتغلت معاى؟ لكن نحنا كلامنا على الفيديو ، و ليس على مسيرة الفنان يعنى شوف ده كليب قديم للفنانة حنان بلوبلو اضغط هنا و صراحة كان ازعاج ! التحية للفنان نادر السودانى برضو
04-20-2009, 03:59 AM
Kostawi Kostawi
تاريخ التسجيل: 02-04-2002
مجموع المشاركات: 39980
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد الامين احمد
إبراهيم عبد الحليم
مزمل خيرى
يوسف الولى
Abuzar Omer
حبيب نورة
Salahaldeen Nadir
Mohamed Foto7li
ombadda
Mahmoud Mustafa Mahmoud
Abuelgasim Mohamed
نوفل عبد الرحيم حسن
Mohamed Moatasim
عبده عوض
ALazhary2
قلقو
ناذر محمد الخليفة
محجوب البيلي
نادر السوداني
Abomihyar
عز الدين بيلو
Kostawi
فيس بوك
تويتر
انستقرام
يوتيوب
بنتيريست