المغالط : موعدنا القناة الرابعة اي ار تي التاسعة و45 مساء اليوم مبارة الأياب!!!
طبعا مبارة الذهاب كانت في برشلونة وفازت 4 صفر في شوط واحد!! = كلينسمان عامل مناورة وقال انو مستحيل الفوز اليوم على برشلونة بنفس النتيجة ، لكن سيحاول محو الصورة المخجلة التي ظهر بها فريقه في الكامب نو،،
كل جماهير البارسا كانت تصفر على بلال (ريبيري) لأنه ابدى رغبته في اللعب للملكي المدريدي، اليوم سترون ريبيري يبهر العالم !!! موعدك مع المجد يابلال!!
04-14-2009, 02:15 PM
ادريس خليفة علم الهدي ادريس خليفة علم الهدي
تاريخ التسجيل: 10-11-2005
مجموع المشاركات: 5409
Quote: هى متلفزة على القناة 3 والرابعة محجوزة للبلوز واصلا انت خاسر الرهان كدة كدة تعال اتفرج على البلوز فى معقلهم واشمت فى جرسة الردز برشلونة فريق لا يقهر بالسهولة فى هذا الزمن , ثلاثى خط هجوم مرعب
معليش ياحامد ،، انت اليوم مضروب محلتين : تصدق؟؟ ياخي سندرلاند دا موش كان حيعمل معجزة كروية بالأمس القريب؟؟ وجون تيري كمان مافي؟؟ ثلاثي خط مميز ماقلنا شيء ، لكن والله لم تتاح لهذا الفريق فرصة حقيقية لتحكموا عليه في الدفاع !!!
Quote: حالياً برشلونة افضل فريق فى العالم اداءاً ونتائج
ازيك ياناجي !!
أفضل فريق في العالم كنتائج نعم ، لكن كأداء لا أوافقك!! ليس أفضل من مان يونايتد ولا ليفربول،، وليتك شهدت المباراة التي جمعتهما معاً قبل أسبوعين ، المباراة الأجمل في التاريخ!!
برشلونة فريق اللاعب الواحد!! ميسي : كم من المشاهد تكررت حينما يبدأ بتربيط حذائه ويتشنط والفريق مهزوم ويدخل ليغير النتيجة؟؟
04-14-2009, 03:04 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
نظريتكـ دي يا عبد اللطيف طلحة تنظير زاتو ما أظن يفكر فيها !!! برشلونة بلعب كورة زي ما قال الكتاب بالضبط ... وعشان تعرف أنو معلوماتكـ الفوق دي كلها مغلوطة ريبيري جاي برشلونة الموسم القادم و أصلاً هو أحد مشجعي برشلونة زي ما قال كابتن بايرن ميونخ فان بومل !
برشلونة حاياً أفضل فريق في العالم مش على مستوي الفرق و بس بل حتى على مستوي المنتخبات يعني برشلونة ممكن ياخد كأس العالم زي الحلاوة !!
Quote: نظريتكـ دي يا عبد اللطيف طلحة تنظير زاتو ما أظن يفكر فيها !!! برشلونة بلعب كورة زي ما قال الكتاب بالضبط ... وعشان تعرف أنو معلوماتكـ الفوق دي كلها مغلوطة ريبيري جاي برشلونة الموسم القادم و أصلاً هو أحد مشجعي برشلونة زي ما قال كابتن بايرن ميونخ فان بومل !
برشلونة حاياً أفضل فريق في العالم مش على مستوي الفرق و بس بل حتى على مستوي المنتخبات يعني برشلونة ممكن ياخد كأس العالم زي الحلاوة !!
أتمنى من كل قلبي أن يطلع طلحة الحبيب بيشجع الريال بعدما فجعنا في خالد!! فان بومل أكتر واحد حاقد على برشلونة ولك أن تحكم من الهوك الذي حظي به ميسي في مباراة الذهاب ، وبعدين دي كلها مناورات سمسرة لرفع السعر للسيد بيريز!!
البارشا ياخالد ما حيشيل الليغا السنة دي ،، ماداير أحلف زي خليل لكن تأكد أن أول خسارة لهم بالذات في فالنسيا أو في مدريد مع ختافي تعال في البوست دا وودع هريرة!! بيكيه ، ماركيز ، سلفنيو ، (طلع ام شبتو : دانيل الفيس) تقارنهم بكنفارو وبيبي وراموس؟
هل تقارن إيتو بهيغواين؟؟ ام هنري بروبن؟ وديل كلهم كوم وعليك الله ياخالد اتفرج بتمعن في الزول ابوراسين بتاع الريال دا : الحسن ديارا (لاس)،، ميسي + انيستا : غياب أي واحد فيهم لاي سبب = ضياع اللقب من برشلونة دون شك،،
الله يعوضنا فيك بعودة قودوين!!
04-14-2009, 03:01 PM
haroon diyab haroon diyab
تاريخ التسجيل: 06-20-2007
مجموع المشاركات: 23215
عبد اللطيف ازيك معليش ما سلمت عليك المداخلة الاولى
وبما انك هلالابى وانا مريخابى قاطع وعلى السكين ولكنى اشجع البلوز ضد الاحمرين المان وليفربول
واماعن البايرن فهم باى باى من كل البطولات وعجبا استغنت ادارة البايرن من مدربهم السابق حامل 3 بطولات فى عام واحد واتو بالمستجد كلينسمان وتوالت الخسائر على البايرن وبايه باهداف عددها لم تدخل مرماهم من قبل
اصبح البايرن برغم نجومه الكبار فريقا سهل المنال للاندية فى المانيا ناهيك عن الشامبيونز معركة الكبار
وكيف تقول بان برشلونة ميسى فقط ياخى انت كدة بتظلم ايتو ... شافى..انيستا...تورى....بويول...تيرى.والظهير الطائر ( لاعب اشبيلية السابق نسيت اسمه)
Quote: أ. عبد اللطيف بكري سلامات وباذن الله البارشا فائز 2/ صفر والمريخ فائز 1/ صفر والعربية هدية للمواسير....!!! مشتاقين
الحبيب هارون ، مشتاقون!! كنا نتمناك ملكي خارجيا كما نحن بالداخل لكن الله أراد ،، المريخ إن شاء الله يفوز بلقب خارجي بعد أن فقد المنافسة على الممتاز (دي كمان ماتغالطونا فيها)!!
الحبيب حامد ، وعليك السلام والتحية والشكر على الروح الرياضية الجميلة ،، نحن والله نستمتع بكرة القدم بدرجة كبيرة ونفرد لها حيزا مقدرا بالذات مباريات الليغا والبريمير ليغ والكالتشيو (بعضا منه)، ونحاول بقدر الامكان ان نحتفظ بأواصر رياضية مع المشجعين المنافسين ولا تكتمل الفرحة لدينا إلا بإغاظتهم ولكن في حدود الدعابة لا أكثر،، لذا أحييك تاني ،،
Quote: وكيف تقول بان برشلونة ميسى فقط ياخى انت كدة بتظلم ايتو ... شافى..انيستا...تورى....بويول...تيرى.والظهير الطائر ( لاعب اشبيلية السابق نسيت اسمه)
ستثبت لك الأيام صدق قولي : وقريباً ، انيستا أحسن لاعب في العالم وتشافي لاعب ممل وتقليدي ، أما إيتو فهو لاعب غير مهاري ولا يمتعني أبدا مثله مثل راؤول في مدريد ، حتى أيام سطوته لم يكن ليثير إنتباهي: تيري هنري يتهاوى ولا علاقة بينه وبين أيامه في الأرسنال،، بيول يعني موش ولا بد بس متحمس ولعبه يثير الحماس ،، الفلتة في دفاع البارشا هو دانيل الفيس : شخصيا لا أعرف سر هذا الجدع : لا يتعب قوي ورشيق الحركة ويدعم الهجوم،، توريه : أنا شخصيا لا أوافق على تسجيله في هلال الابيض ! أكثر من عادي!!
إحتمال كبير اصابة ميسي مباراة اليوم ، لذا ستتأكد من تأثيره كلاعب فرد في مبارة الأسبوع القادم في خيتافي!!!
= موعدنا مساءاً بإذن الله !! المترشحون لدوري الأربعة بايرن ميونخ × ليفربول مان يونايتد × أرسنال
Quote: تستاهل العربية ، بس غير أقوالك!! شول!!! أفو!!!
تعرف يا لطيف الدورى الألمانى زمان لمن كانوا بيجيبو فى التلفزيون السودانى كنت بشجع إنتراخت فرانكفورت لدرجة الجنون لمن كان بيلعب عندهم يبوا (اللاعب الغانى). فى ميونخ كنت بتكيف جداً لــ براين لاودروب الدنماركى وراس حربة ميونخ المنحوس لاباديا يا حليلو زمن ياخ بس فى مطلع التسعينات البايرن دور تمام لمن كان بيلعب معاهم محمد شول (المانى وتركى الأصل) الموسمين الفاتو البايرن كورتو فكت ياعم ما فضل ليهم شيتاً يذكر.
04-14-2009, 04:07 PM
حامد محمد حامد حامد محمد حامد
تاريخ التسجيل: 11-19-2008
مجموع المشاركات: 3085
ود خالتي عليك الله قول لي رشاشة وعرفناها كمان البرصا دي مافي زل بيشجعها
ياخي ذكرتني ود تكروني في البركل: وقبل كدة الكلام دة انا كتبته في بوست عصام جبر الله
ود تكروني لقى ناس الاتحاد الاشتراكي في سوق كريمة وكان وقتها يا دوب نميري منع المشروبات الروحية (ههههه) قام قاليهم: المسخرة عرفناها السرقة عرفناها كمان شوية العرقي البينوم بيهو الجمهور تمنعوه هههههههههههههههههههههه
wallahi ya shabab it's really unfortunate, i 've been invited to attend a very urgent meeting that will will take place 15 minutes after that match starts!! Surely it is a very bas sign!! Plzz do me a favor and keep me posted, i will see the match here only!!
Thanks to all, C u 2morrow!!
04-14-2009, 07:46 PM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
عبد اللطيف الجاتك في العربية سامحتك، بايرنك وطار وريح الله يستر على مانشستر الليلة، فريق ليه مدة يا مهزوم يا متعادل وان فاز بفوز في الزمن الضائع ومشكلته انه متعادل في ارضه 2/2 ، الله يستر
هارون دياب : كدا معناتا نخصم واحد من البارشا ونضيفو للبايرن ونخصم 1 من المريخ نضيف للجماعة تبقى (حسب توقعاتك الفشنك) النتيجة النهاية 1/1 1/0 ================== شول : الحارس الله خارجو من كبكة أول ربع ساعة ، لكن برضو عمنا ريبيري عملو بشاورة للنجيلة,, ============= عصام جبر الله : وجودك الكريم خفف علينا صدمة البايرن ، عليك الله خليك بهنا وفكنا من السياسة دي،، والله نشتغلها كورة نحل مشاكل السودان!! خليك متابع الليغا لأنها بدت الآن ، الفات كلو هظار ساكت!!! ختافي السبت!!
=
حامد محمد حامد : والله لو كنت أعرف جيرارد بعد عن هذه المباراة لما تهورت وافرطت في التفاؤل ، رغم ذلك خرج البلوز وهو بين مصدق ومكذب لما جرى في الماتش!!كورة جميلة على العموم!!
== مهاتير : قرافيش أعجوبة ، برضو لو شفت الهدف دا ما كان اتهورت وفتحت البوست من أساسو ،، بس الدفاع فتة ولا الهدف جميل؟؟ بورتو × أرسنال ؟؟؟ حامضة شوية!! =
ود الخالة : الله يقطع شيطان ود تكروني : ناس البارشا ديل ليهم يوم!! الغريبة أهلكم المغاربة هناك كلهم ملكيين ماعارفك انت مالك بقيت زي ود الصايم جنو خلف خلاف!!
= سنوسي : شكرا على الهدية موقع المباراة ، لكن الجماعة المجتمع معاهم لقيتهم مرضانين أكتر مني خاتين التلفزوين 42 بوصة وقافلين الصوت ومشغلين الأنجليز فقط!! أبشرك خالد واخوانه عندكم في نوتنغهام الاسبوع الجاي إجازة عشرة أيام ، عاد شد حيلك وخلصنا من عقدة الأيلتس ينوبك ثواب !! خالد ح يواصل والباقين راجعين ،، وصولهم عن طريق بيرمنقهام تفاديا لهيثرو وبلاويه!!
عيبك أنك برشلوني ، دا عيب كبير ما بالساهل تتخلص منو ، لكن حاول!! خالد أوعك تجيب ليهو سيرة لموضوع البارشا دا لانو حيقاطعك من أول يوم!! =
مهاجر: العربية الله يعوضني فيها : الكويسة الجماعة حردوها وطالبو بفلوس كمان!! كل التجيب ليهو سيرة ماكينة ألمانية يقول ليك عايز تضرني؟؟
= ود الصايم ،، رسل السطحة !!
= فيكي : ياخ بركة بالشوفة : وينك ياراجل؟ الله يستر ، باقي لينا الشواطين الحمر فقط!! تبيع الفوكسهول لو انضربو؟ = شكرا ياشباب على روحكم اللطيفة ،، مبروك للبارشا دوري الأبطال في حال خروج مان يونايتد!!
04-15-2009, 12:04 PM
عزيز عزيز
تاريخ التسجيل: 04-12-2002
مجموع المشاركات: 3290
تعرف انا قبل 5 سنوات كان معاي فى البيت واحد من الأصدقاء فقال لي اليوم هلال مريخ
وسألني .. هل إنت هلالابي ولا مريخابي؟؟؟؟؟؟؟
ضحكت وقلت ليه انا ما بتفرج على الدافوري !! أسألنى لو كنت برشلوناوي أم ريال مدريداوي..
وكان حتى ذلك الزمان فريق برشلونه فيه 9 لعيبه هولنديين والمدرب كذلك وبرشلونه الهولنديين يعتبرونه فريقهم منذ أيام كرويف..(ونحن بقينا منهم بالتجنس) ثم أتى الود المعجزه رونالدينهو فأصبحت لنا برشلونه عشق لا يصله عشق فريق آخر والآن هناك ليونيل ميسي ورفافه أكزابي وأيتو وإنستا والود الشقي آدفيز وبقية العقد الفريد..
هذا فريق وإن هزم فهو العشق والعشق والعشق..
بايرن سوف ينتهي بإنتقال بلال للبرشه..
هاردلك .. والجاتك فى عربيتك سامحتك مع أنه تمبس يستاهل مرسيدس موديل 2009
مودتى صادقة
04-15-2009, 12:16 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
تعرف انا قبل 5 سنوات كان معاي فى البيت واحد من الأصدقاء فقال لي اليوم هلال مريخ وسألني .. هل إنت هلالابي ولا مريخابي؟؟؟؟؟؟؟ ضحكت وقلت ليه انا ما بتفرج على الدافوري !! أسألنى لو كنت برشلوناوي أم ريال مدريداوي.. وكان حتى ذلك الزمان فريق برشلونه فيه 9 لعيبه هولنديين والمدرب كذلك وبرشلونه الهولنديين يعتبرونه فريقهم منذ أيام كرويف..(ونحن بقينا منهم بالتجنس) ثم أتى الود المعجزه رونالدينهو فأصبحت لنا برشلونه عشق لا يصله عشق فريق آخر والآن هناك ليونيل ميسي ورفافه أكزابي وأيتو وإنستا والود الشقي آدفيز وبقية العقد الفريد.. هذا فريق وإن هزم فهو العشق والعشق والعشق.. بايرن سوف ينتهي بإنتقال بلال للبرشه.. هاردلك .. والجاتك فى عربيتك سامحتك مع أنه تمبس يستاهل مرسيدس موديل 2009 مودتى صادقة
الفنان عزيز ،، أوافقك تماماً فيما قلت عن هلال مريخ ، فهي دافوري مقنن يشرف عليه شذاذ آفاق ونفعييون!! بدأت تلوح في الأفق بعض أثار الدوري الإسباني في سلوك بعض اللاعبين والجمهور مثل تحية الجمهور عند الخروج ، التصفيق للزميل وهو يباصي للآوت ، الأخذ بيد اللاعب المصاب ، باقي ليهم تغيير الفنلات ، لكن دي عايزة زمن !! برشلونة فريق جماهيري وممتع ، بس ريال مدريد هو الفريق الكبير في أسبانيا ، وهو الفريق الأكثر إنجازاً في العالم ، وهو الحائز على شهادة نادي القرن من الفيفا ،، يعني هو وبرشلونة ماخدين دوري الأبطال 11 مرة ، هو تسعة والبارشا 2 31 دوري أسباني مقابل 18 للبارشا ، يعني الفرق معدوم في الإنجازات بينهما ، ولكن يبقى التنافس أزلي ويطغى عليه بعض الترسبات السياسية بعض الأحيان حيث يعتبر الكتلان أن فريق البارسا هو جيش كتلونيا ، وهذا في حد ذاته نعتبره تطور كبير في الفكر السلمي للثوار وياليت كل الحركات الإنفاصلية والتحررية تنتهج نفس الأسلوب في تكوين جيش بحلاوة البارشا!!
= شكرا ياعزو ، وموضوع الدوري الإسباني موضوع شيق ومتعة للروح والنظر ويجمع بين العلم والسياسية ، والتاريخ والجغرافيا اللذيذة في الأندلس وبقية الاقاليم الاسبانية،،
= بلال لن ينضمن للبارشا : خذها مني : خليفة زيدان ، وزيزو هو مستشار الرئيس بيريز القادم قد أكمل الصفقة تقريباً ، مثلما أكمل كالدريون صفقة كريستيانو رونالدو الذي سيكون في يونيو القادم مدريدي برفقة كاكا!!
04-15-2009, 12:38 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
يظل ريال مدريد هو الفريق المحبب في اسباينا وان كان البرشا يمتع .. الريال يكفي انه النادي الملكي.. برشلونة ده طالما فيهو بويول وفيكتور فالديس ما حا يبقا الفريق الاول في اسبانيا .. مشكلة المشاكل الحاصلة في ريال بسبب الادارات فقط ولكن اريال سيعود .. برشلونة فريق مواسم وفورات .. كنت بحب برشلونة لمن كان بيعتمد على الهولنديين و وانقلبت 180 درجة من يوم جابو رونالدينهو .. الزول ده انا مااااااااا بحبو .. واقول ليكم حاجة وتجوطو؟؟ انا ما بحب البرازيل عدييييييييييل كده .. برشلونة فيهو زول اسمو إنييستا لا تقولوا لي ميسي لا تقولوا لي الجن الاحمر.. برشلونة يملك خط دفاع ضعييف سهل الاختراق والمراوغة .. برشلونة يملك مدرب شغال بالدفع الرباعي الحماسي دون ان تكون له بصمات واضحة على الفريق وطريقة اللعب ويعتبر الامتاع المقدم عبارة عن مجهودات لاعبين .. اتمنى اللاعب قوودينسن في مانشستر فاللاعب يشبهنا حقيقة ولا يتم توظيفه والاستفادة منه بالشكل الامثل في برشلونة .. ريال مدريد فيهو حاجة اسمها روبن اووعك تديهو ضهرك لانو ممكن عاادي يخليك تقرا رقم فنيلتك .. راؤوول استنفد غرضه وان كان هو رمز النادي لكنه خصم على الفريق والاداء .. كازياس ممكن يلعب برااااهو والكورة تنتهي تعادل.. كانافارو لاعب هيبة بالرغم من انو قصيير القامة لكن احسن زول في العالم ممكن يشيل الكورة العالية .. بيبي ماشي بي البركة في الريال.. غياب نيستلروي مؤثر.. ووجود لاعب مثل تيرينتي خصم على الفريق..
Quote: يظل ريال مدريد هو الفريق المحبب في اسباينا وان كان البرشا يمتع .. الريال يكفي انه النادي الملكي.. برشلونة ده طالما فيهو بويول وفيكتور فالديس ما حا يبقا الفريق الاول في اسبانيا .. مشكلة المشاكل الحاصلة في ريال بسبب الادارات فقط ولكن اريال سيعود .. برشلونة فريق مواسم وفورات .. كنت بحب برشلونة لمن كان بيعتمد على الهولنديين و وانقلبت 180 درجة من يوم جابو رونالدينهو .. الزول ده انا مااااااااا بحبو .. واقول ليكم حاجة وتجوطو؟؟ انا ما بحب البرازيل عدييييييييييل كده .. برشلونة فيهو زول اسمو إنييستا لا تقولوا لي ميسي لا تقولوا لي الجن الاحمر.. برشلونة يملك خط دفاع ضعييف سهل الاختراق والمراوغة .. برشلونة يملك مدرب شغال بالدفع الرباعي الحماسي دون ان تكون له بصمات واضحة على الفريق وطريقة اللعب ويعتبر الامتاع المقدم عبارة عن مجهودات لاعبين .. اتمنى اللاعب قوودينسن في مانشستر فاللاعب يشبهنا حقيقة ولا يتم توظيفه والاستفادة منه بالشكل الامثل في برشلونة ..ريال مدريد فيهو حاجة اسمها روبن اووعك تديهو ضهرك لانو ممكن عاادي يخليك تقرا رقم فنيلتك .. راؤوول استنفد غرضه وان كان هو رمز النادي لكنه خصم على الفريق والاداء .. كازياس ممكن يلعب برااااهو والكورة تنتهي تعادل.. كانافارو لاعب هيبة بالرغم من انو قصيير القامة لكن احسن زول في العالم ممكن يشيل الكورة العالية .. بيبي ماشي بي البركة في الريال.. غياب نيستلروي مؤثر.. ووجود لاعب مثل تيرينتي خصم على الفريق..
والله لا أملك إلا أن أحيك أخي عمر ،، وتاني أدي حمد الريح في خاطرو،، - ريال مدريد يصفقون لرونالدينهو وديل بيرو في برنابيو وبرشلونة يرمون برأس الخنزير في وجه فيغو! - القديس كاسياس يقول : نحن نحسد برشلونة على أدائهم الجميل ، بيكيه : اشاهد مباراة معادة للبارشا ولا حية للريال،، - البارشا تجتهد كل عمرها لتحطم أرقام الريال القياسية،، - البارشا تبني أمجادها على كراهية مدريد وكذلك بلباو،، - راؤول لاعب كرة قدم ل 18 موسم لم يتلقى بطاقة حمراء أو يطرد من الملعب،، - أسطورة الريال الحية : ديستفانو : تمحو آثارها أسطور في الثلاثين : راؤول غونزالس - صحافة النادي (الماركا) تشيد بالرئيس اليوم وتطيح به غدا لإرتكابه مخالفة في الإنتخابات!! - ديفيد بيكهام : لعب في مانيوناتد وفي الميلان وفي جالاكسي : مثل عشق وسحر الريال لم أجده في فريق كرة قدم،، == الفروقات كبيرة ياعمر الفاروق ، لكن المكابرة،، الموسم القادم تمتع بالريال،، فريق في أسوأ حالاته الموسمين الماضيين يفوز بالدوري وتستقيل الإدارة إن جاء في المرتبة الثانية،،
شكرا ياعمر ،،
04-15-2009, 12:58 PM
Zomrawi Alweli Zomrawi Alweli
تاريخ التسجيل: 08-04-2007
مجموع المشاركات: 3368
بالرغم من استراكنا في الاي ار تي الا ان محل الشيشية والتلزيون كل واحد برموت كنترول حاجة فانتاستك تعاين في تلفزيونك وتلفزيون غيرك يعني بقعر العين واتفرجنا الكورتين في آن واحد وشربنا شاي منعنع والشيشة الجراك ابو 5 امتار حاجة فانتاستك.
والجاتك في عربيتك سامحتك وانت تشجع الفرق المهاليك ايتو بي جاي ودروقبا بي جاي
بالرغم من استراكنا في الاي ار تي الا ان محل الشيشية والتلزيون كل واحد برموت كنترول حاجة فانتاستك تعاين في تلفزيونك وتلفزيون غيرك يعني بقعر العين واتفرجنا الكورتين في آن واحد وشربنا شاي منعنع والشيشة الجراك ابو 5 امتار حاجة فانتاستك.
والجاتك في عربيتك سامحتك وانت تشجع الفرق المهاليك ايتو بي جاي ودروقبا بي جاي
الظاهر أنا ح أتشاكل مع كل الحلوين بتاعين سيلين ديون!!
ياعمران ماتسمع لي كلام الدجال الشوالي وتقولي لي هدف عالمي،، هاك أجمل هدف في تاريخ كرة القدم : نهائي أوربي للملكي ،، ولو ماشعرة جلدك وقفت من تعليق الأسبان ، ماتسمع تاتينك من الليلة، دا لو ما دموعك جرت!!!
04-15-2009, 01:33 PM
ضياء الدين ميرغني ضياء الدين ميرغني
تاريخ التسجيل: 01-29-2009
مجموع المشاركات: 1431
ضياء ياخ عليك الله ماترسل لي العود الفنان دا!! العربية دي مابتنفع مازول فنان،، مالك ومال التلتلة؟ = كدي قول لي رايك شنو في هدف زيزو وبعدين اديك عنوان ترسل بيهو العود،، شفت الناس بتدي عربية مرسيدس كيف؟؟
استاذى الحبيب عبد اللطيف ....كيفك؟؟ومشتاقين كتير والله... ويا اخ والله استغربت كتير انك بعد كورتك الانيقة ديك الكنا بنلعبها فى ميدان اليد فى خور عمر وشخصيتك الجذابة وصفاتك الحلوة اللى كلنا كنا بنحبها تجى تشجع لى ريال مدريد؟؟(الهلال قلنا ما مشكلة لانو نحن فكينا طرفنا من المريخ) يا اخ الريال ده فريق الكورة التجارية بامتياز ماجاب فى تاريخه كله غير زيدان لكن والله لمن تكون البرشا لاعبة العالم الحياة كلها تتوقف حتى لو مع ملقا؟؟ يا اخ حتى لعيبة الريال عارفين انو المتعة فى برشلونة واسال بيبى وراموس وكاسياس... بعدين ياخ الريال ده تيم الحكومة ودى براها كفاية عشان تكجنو.. والله مشتاقين ليك كتير لكن مصيبتنا فى ذوقك كبيرة عبد الرحمن
عبد اللطيف اخوي: البرشلوناب فصاحتهم دي زي فصاحتنا نحن مع المصريين .. الكراهية الناجمة كراهية سياسة ومقاطعة وكاتلونيا لكن لمن نجي للجد الفارق كبيير.. يكفينا فخراً إنو قائدنا راؤوول وقائدهم بويول.. عليك الله بويول ده لاعب كورة ؟؟ والله بحس بيهو مفروض يكون عندو جيتار وبيعزف في نادي ليلي.. جماهير برشلونة يبدو انها بتشعر بي الدونية لمن يلاعبو الريال مع انو جمهور الريال جمهور مهذب راقي يكتفي فقط برفع الاعلام البيضاء للاحتجاج.. غن كان من فرق انا ممغوووووووووص عليهو فهو مرور اللاعب الذي احب مارادونا من بوابة برشلونة .. للاسف يا عبد اللطيف عظماء اللاعبين يمرون عبر بوباة البرشا وهذا ما نفتقده في الريال.. اجمل ما سمعت من تعاليق حول عظمة اللاعبين يوم انا فاز نابولي بالدوري الممتاز بفوزه على الاي سي ميلان وكان مارادونا قد قاد الفريق للقب بعد ان استعصى عليهم سنوات فما كان من جمهور نابولي الا وتوجه بعد نهاية المباراة وتسليم الكأس إلى المقابر وقالوا للمراحيم : ياااااااااا حليييلكم متتتوا قبل ما تشوفو ماردونا :)
Quote: عبد اللطيف اخوي: البرشلوناب فصاحتهم دي زي فصاحتنا نحن مع المصريين .. الكراهية الناجمة كراهية سياسة ومقاطعة وكاتلونيا لكن لمن نجي للجد الفارق كبيير.. يكفينا فخراً إنو قائدنا راؤوول وقائدهم بويول.. عليك الله بويول ده لاعب كورة ؟؟ والله بحس بيهو مفروض يكون عندو جيتار وبيعزف في نادي ليلي.. جماهير برشلونة يبدو انها بتشعر بي الدونية لمن يلاعبو الريال مع انو جمهور الريال جمهور مهذب راقي يكتفي فقط برفع الاعلام البيضاء للاحتجاج.. غن كان من فرق انا ممغوووووووووص عليهو فهو مرور اللاعب الذي احب مارادونا من بوابة برشلونة .. للاسف يا عبد اللطيف عظماء اللاعبين يمرون عبر بوباة البرشا وهذا ما نفتقده في الريال.. اجمل ما سمعت من تعاليق حول عظمة اللاعبين يوم انا فاز نابولي بالدوري الممتاز بفوزه على الاي سي ميلان وكان مارادونا قد قاد الفريق للقب بعد ان استعصى عليهم سنوات فما كان من جمهور نابولي الا وتوجه بعد نهاية المباراة وتسليم الكأس إلى المقابر وقالوا للمراحيم : ياااااااااا حليييلكم متتتوا قبل ما تشوفو ماردونا :)
يابوعميرتحياتي واسفي الشديد على التاخير والله ماشفتها الا الليلة على اعتاب نهائي كاس الملك
كلامك درر ودرايتك طافية بموضوع الصراع بين الكتلان واحفاد ماركو
05-13-2009, 11:30 AM
صلاح أبودية صلاح أبودية
تاريخ التسجيل: 03-29-2008
مجموع المشاركات: 4557
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ادريس خليفة علم الهدي
احمد التجانى احمد
Naji A.Moniem
حامد محمد حامد
خالد عبد الله محمود
haroon diyab
شول اشوانق دينق
محمد عبد الماجد الصايم
Mahathir
طارق جبريل
Elsanosi Badr
M A Muhagir
محمد عمر الفكي
عزيز
عمران حسن صالح
عمر الفاروق
Zomrawi Alweli
ضياء الدين ميرغني
صلاح أبودية
فيس بوك
تويتر
انستقرام
يوتيوب
بنتيريست