يا وليد : خصيصا له دي شنو دي ؟؟ يعني زيو وزي البينسون ؟؟ يعني اسة شركة اديداس او بوما او وت ايفر قامت صنعت الحذاء ده للعجب بس؟؟ يا وليد نحن ناس صعاليك كورة والله ما تشوفنا كده وبنعرف كويس يعني شنو حذاء صنع خصيصا .. لمن يقولوا حذاء صنع خصيصا لبيكهام معناها بيجيبو بيكهام ويشوفوا بيسدد الكورة بسرعة كم ووضع الرجل كيف وبيكون الكورة مصنوعة من ياتو جلد ولمن يشوتا وهو منحني بي زاوية 137 زي لمن يشوتا جاري؟؟ ول الضربة الثابتة بتكون فيها الجزمة ماخدا الوضع السليم مع حركة الجسم وهل وهل وهل شوفت كيف؟؟ لمن يقولوا صنعت خصيصا لي رونادلينهو بيقولوا عشان فيها 20 جرام من الذهب الخالص وفيها ارضية تساعد على الانزلاق والتمويه وفيها جلد نمر وريش نعام بيخلي الكورة ملصقة في رجل اللاعب.. اها العجب ده صنعوها ليهو بي ياتو مواصفات ؟؟؟؟ تعال وصف لينا جزمة العجب دي مميزاتها شنو عن باقي جزم اللاعبين ؟؟؟ الجزمة دي يا وليد مشترنها من محلات عالم الرياضة بي 120 ريال ومشوا بيها البطحاء(سوق الشمش حق السعودية) لي واحد فلبيني وطبع ليهم فيها اسم العجب ولو عايزين كمان يطبع ليهم اسم ود جيرانهم وجمال الوالي وست الشاي الجمب استاد المريخ كان كتبوا ليهم .. دي كلها محاولات عشان تخلوا العجب يجاري هيثم مصطفى .. الفيفا بصدد اختيار هيثم مصطفى افضل لاعب في تاريخ السودان وانتو شغالين بصدد العجب اول لاعب تخصص ليهو جزمة ..
04-04-2009, 12:29 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
# طيب الشركة دى حتستفيد شنو من لاعب عمره 35 سنو و9 شهور يعنى ما ظنيتو حيدق كفر بعد المباراة البكرة دى
# وحتستفيد شنو من كابتن فريق مهدد بالهبوط على حسب كلام عمر الفاروق,,,
#اسى الليلة قول للجماعة كتروا من الاهداف فى الشوط الاول عارف ليه,,لانه الشوط الثانى كل العواجيز لياقتوهم زيرو # لا تجى تقول لى لسع الفريق عناصرو شباب,,,قول الاحتياطى فيه 2 شباب وجون نتالى القادننا بيه ظااااااتو شطبتوه اها مقبلين وين تانى,,,, لا عندكم نعيم ولا عندكم ود الفاضل,,,
# لكن بالله عليك ياشفت,,النيجيرى هداف الدورى دا مش احسن من وااااااااااارقووو ادفعو لناس كادقلى ديل حق النجيلة,,وسجلوه والله بنفعكم,, الهلال دا ما بديكم زول بلعب موسمين
# فريق كلو بقى مشاطيب هلال زى الشمالى عطبرة وتلقاهم يرددون صفوة,,والصفوة تفلق فى اللعيبة والله عشنا وشفنا الصفوة بتعمل جفوة قدام
04-04-2009, 01:04 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: يا وليد نحن ناس صعاليك كورة والله ما تشوفنا كده وبنعرف كويس يعني شنو حذاء صنع خصيصا ..
عيني باردة ياخي .. هو في شىء في الدنيا دي انت ما جيت ناطي فيهو جوز وقلت أنا خبير فيهو ..؟؟؟؟؟؟؟ عبقرية في الكورة . خبرة في لبس الفنانات وشياكتهن وشتارتهن علاوة علي فراسة واضحة في معرفة من هي المتكلفة المغرورة التى لا تعيرك إنتباها أو تلك البسيطة المسكينة التى تهاتفك لتبدي إعجابها بما تكتبه عنها من نقد للون الإسكيرت الأسود الذي لا يتماشي مع شنطة اليد البمبية . أنت أسطورة يا أبو عمير .
04-04-2009, 01:10 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
وليد المبارك إنت شكلك عايز تعمل ليك لعبة مع صحبك وليد عباس يا أخوي عليك الله قول ليهو أنا ذاتي عايز لي جزمة يكون مكتوب فيها حمادة تش في اليمين و بشبش في الشمال إنت قايل الصين دي في شي صعب يعني
عمر الفاروغ كرّهتة وليد البِلِّي ياخ خليك في شروخ عليك الله سيب فردتنا دة في حالو
04-04-2009, 01:13 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
يا وليد : لمن ميلا دخل التاريخ من اوسع ابوابه عشان عمره اللي لعب بيهو في كاس العالم وعدد المرات اللي شارك فيها .. لمن يقولوا اللاعب الفلاني دخل نادي المئة ما بيقولوا جاب كم كاس ولا كم هدف.. لمن يوم اختارو الدعيع عميد لاعبي العالم ما عشان شال كاس اسيا .. ولمن الفيفا والاتحاد الافريقي احتفل بحسام حسن ما عشان شال لي مصر تلاتة كاسات افريقيا خليك من الاهلي.. يا وليد انت زول بتعرف كورة سيبك من كلام الجرايد ده .. ريان قيقز ده منقطها نقيط مع مانشستر يونايتد وبيلعب معاهو من 90-91 وشال معاهو اي بطولة حايمة في الدنيا دي كاس دوري كاس محلية كاس بلدية كاس اوروبا كاس العالم للاندية بس وبس لانو يا وليد ويلزي وويلز ما عندها اي تاريخ كوري فقيقز ماحصل دخل بورد الكرة العالمية والفيفا عشان يترشح لي جائزة عالمية .. العجب ما جاب اي كاس للمريخ ياوليد الفيفا بيعرفو اللهم الا اذا كاس ولاية الخرطوم من اجل محاربة شلل الاطفال بطولة عالمية .. وبعدين شنو بقينا في نافس وينافس فهو منافسا .. عايزين ارقام يا مان .. هيثم لعب منتخب ناشئين العجب لعب منتخب ناشئين ؟؟ جانا كبييييييير كده.. هيثم لعب منتخب شباب العجب لعب منتخب شباب؟؟ جانا بي شنباتو .. هيثم لعب اولمبي.. هيثم لعب في القومي.. ديل كم منتخب يا وليد ؟؟؟ هيثم لعب بطولة افريقيا للناشئين وهيثم لعب بطولة افريقا للشباب وهيثم لعب بطولة افريقيا للكبار .. كان للتهديف فمهند الطاهر الجاكم اسسسة ده ماشي في بوابة العجب وممكن يفوتو عااادي مع العلم انو العجب بعد ده باقي ليهو يعمل عملية البروستاتا او الموية البيضا ايهما اقرب ولا بأس بحج البيت .. ما هي انجازات العجب يا وليد سواء مع المريخ او مع المنتخب ومااا تقول لي نافس دي جيب لي ارقام .. سمح؟
04-04-2009, 01:24 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: احتل قائد المريخ فيصل العجب المركز الرابع في استفتاء اكثر لاعبي العالم شعبية متفوقا علي لاعبين كبار علي مستوي العالم .. بينما في الاستفتاء الضخم الذي اجراه الاتحاد الدولي لتاريخ واحصاء كرة القدم عبر موقعه علي الانترنت .. وذكر منظمو الاستفتاء انه تم اختيار (100) مرشح من جميع قارات العالم للتنافس علي اللقب وشاركت (109) دولة في التصويت وحصل النجم المصري ابو تريكة علي اعلي الاصوات بعد منافسة شرسة مع نجم هندراوس ديفيد سوازو الذي حصل علي المركز الثاني بينما حصل البرازيلي ماركوس علي المركز الثالث وجاء نجم الكرة السودانية فيصل العجب رابعا .. وقدم الاتحاد الدولي لتاريخ واحصاء كرة القدم نبذة عن اللاعبين الذين حصلوا علي المراكز الاولي في الترتيب العام لقائمة اكثر لاعبي العالم شعبية واشار الي دور فيصل العجب مع المنتخب الوطني والاهداف المؤثرة التي سجلها خلال مسيرته مع صقور الجديان :
1-المصري محمد أبو تريكة لاعب الأهلي 301.837 صوت. 2-الهندوراسي ديفيد سوازو لاعب بنفيكا 283.829 صوت. 3-البرازيلي ماركوس لاعب بالميراس 155.282 صوت. 4-السوداني فيصل العجب لاعب المريخ السوداني 104.521 صوت. 5-البرازيلي روجيرو سينى لاعب ساوباولو 94.622 صوت. 6-التركي أردا توران لاعب جلاتا سراي 88.321 صوت. 7-الإيراني على ريزا لاعب طهران 82.597 صوت. 8-التركي سميح سينتورك لاعب فنار بخشة 42.024 صوت. 9-السعودي ياسر القحطاني لاعب الهلال 38.698 صوت. 10-الكرواتي داريو سرنا لاعب نادى شختار 20.
يا جماعة سيدا وين هنا ؟
هاهاهاهاهاهاهاها
04-04-2009, 01:36 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
يا وليد ياخ مالك عايز تبقا لي زي طلحة انت زول بتفهم كورة ياخ :) البتجيب فيهو ده كلام الفيفا للاحصائيات الما عندو علاقة بي الفيفا الاتحاد الدولي حق بلاتر .. بعدين الاتحاد الدولي حق الاحصائيات ده انتو اووووول ناس جقلبتو منو وقلتوا مااا معترفين بيهو لمن جاب الهلال زمااان ووقتها المريخ ما كان في ال1000 خليك من المية ووقتها شنيتو عليهو حملة وقلتو ده موقع بتاع ونسة ساي ولا يعقل ان يكون ترتيب فريق ارواو كتوشوششو البنغالي اقوى من ريال مدريد.. نجيك لي موضوع اكثر لاعبي العالم شعبية ده .. يا وليد ده تصزيت برضو تبع الفيفا حق الاحصائيات ما حق بالتر سمح ؟ اجيب ليك العجب فاز كيف؟؟ اجيب ليك من منتدى المريخ البوستات الاتفتحت إنو مفروض كل واحد من المريخاب مفروض يخش ويصوت اكتر من 100 مرة ؟؟ اقول ليك إنو عدد اللي صوتو كان ما بيتجاوز ال500 لكن كل واحد منهم صوووت زي الفين مرة ؟؟ هي الشعبية دي كيفنها ؟؟؟ تعال يا وليد نطلع لي مصر القرييبة دي ونسال من العجب لو بس 30 واحد عرفوهو يبقا كلامك صاح ..
04-04-2009, 02:24 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
Quote: تعال وصف لينا جزمة العجب دي مميزاتها شنو عن باقي جزم اللاعبين ؟؟؟
تتميز جزمة السلطان عجبنا بوجود (يايات ) علي الأجناب والكعب لزوم مرجحة * اللاعبين ذات اليمين وذات الشمال فضلا عن مواد متفجرة توضع في مقدمتها وباطنها لتنفجر مع تسديده للكرة فتنطلق بسرعة الصاروخ ثم لا يراها حراس المرمي إلا وهي تتراقص مع الشباك ، إلي جانب دهنها بمادة لاصقة وهو ما يفسر الصعوبة البالغة التى يعانيها لاعبي الخصوم في إقتلاع الكرة منه إلا بمخاشنة ودفر ولز وخلافو ، وذلك فضلا عن مميزات أخري لا تستوعبها عقول حزب الأقلية من مشجعي الفريق المهلهل . بالنسبة لسيدكم هيثم مصطفي فيستحق فعلا أن يكون أكثر اللاعبين شهرة بالنظر لسوابقه ونوادره اللافتة في سوء السلوك ، وبإستثناء هذه المميزات المتفردة فهو مجرد لاعب مثله وأي لاعب في حواري وطني الكبير . عليك الطلاق يا أبو عمير تبطل الرغي البتعمل فيهو دا .. ياخي انت عضو مابطال في المنبر ويرجي منك فلا ترهق الباندويث في الهرجلة وغلاط ناس سوق الطماطم ، وفلانة لبست كعب عالي وعلانة عاملة في شعرا ميج .
حاشية : * المرجحة المقصودة اعلاه تعني القلب والبطح والشتح وربما التسبب في الغضروف نتيجة المراوغة والمحاورة .
04-04-2009, 02:31 PM
abuguta
abuguta
تاريخ التسجيل: 04-20-2003
مجموع المشاركات: 8276
Quote: حذاء بتصميم خاص من شركة نايكي للملك فيصل تسلم فيصل العجب قائد فريق المريخ مساء أمس حذاءً خاصاً قامت بتصميمه شركة نايكي العالمية والمتخصصة في صناعة المعدات الرياضيةوكان عضو منتدى محبي المريخ على الانترنت مزمل النور قام بتصميم حذاء خاص لقائد المريخ تقديراً لجهود اللاعب في قيادة الفرقة الحمراء ومن ثم متابعة تنفيذ عملية التصنيع بمعامل شركة نايكي العالمية بالصين حسب المواصفات والتصميم المطلوبتين وتسلم قائد المريخ الهدية عقب تدريب الأمس بحضور محمد علي الجاك ضقل مساعد الرئيس للشئون الاجتماعية وحاتم عبد الغفار مدير موقع المريخ الالكتروني وأسامة حاتم رئيس تحرير صحيفة المريخ بمنتدى كورة سودانية، وعبر اللاعب عن شكره وامتنانه لأسرة منتدى محبي المريخ مبدياً إعجابه بالتصميم الجميل للحذاء والذي جاء باللونين الأحمر والأصفر وحمل اسم القائد على الجانب الأيمن، ومن المنتظر أن يدشن قائد المريخ الحذاء الجديد خلال مباراة الفريق اليوم أمام الاتحاد الليبي في إياب الدور الأول لمسابقة دوري أبطال أفريقيا.
وليد : تعرف أنا كنت قايلكـ مشجع فاهم شوية لكن لقيتكم كلكم مريخاب مخكم قدر السمسمة شوف المفارقات و الكذب في نفس الخبر الفوق ده ...
كيف يكون الحذاء صممو مزمل مين ما عارف و في نفس الوقت صممتو شركة نايكي ؟؟؟؟ أنتو يا وليد يتكذبو الكذبة و بتصدقوها و لا شنو ؟؟؟ ياخ أنا ده ممكن أصمم حذاء لعمر الفاروق الواحد ده و أمشي أصنعو في شركة نايكي لكن هل معناها شركة نايكي صممت حذاء لعمر الفاروق؟؟؟؟؟؟؟؟؟؟؟؟؟؟؟؟
04-04-2009, 02:58 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
Quote: حذاء بتصميم خاص من شركة نايكي للملك فيصل تسلم فيصل العجب قائد فريق المريخ مساء أمس حذاءً خاصاً قامت بتصميمه شركة نايكي العالمية والمتخصصة في صناعة المعدات الرياضيةوكان عضو منتدى محبي المريخ على الانترنت مزمل النور قام بتصميم حذاء خاص لقائد المريخ تقديراً لجهود اللاعب في قيادة الفرقة الحمراء ومن ثم متابعة تنفيذ عملية التصنيع بمعامل شركة نايكي العالمية بالصين حسب المواصفات والتصميم المطلوبتين وتسلم قائد المريخ الهدية عقب تدريب الأمس بحضور محمد علي الجاك ضقل مساعد الرئيس للشئون الاجتماعية وحاتم عبد الغفار مدير موقع المريخ الالكتروني وأسامة حاتم رئيس تحرير صحيفة المريخ بمنتدى كورة سودانية، وعبر اللاعب عن شكره وامتنانه لأسرة منتدى محبي المريخ مبدياً إعجابه بالتصميم الجميل للحذاء والذي جاء باللونين الأحمر والأصفر وحمل اسم القائد على الجانب الأيمن، ومن المنتظر أن يدشن قائد المريخ الحذاء الجديد خلال مباراة الفريق اليوم أمام الاتحاد الليبي في إياب الدور الأول لمسابقة دوري أبطال أفريقيا.
Quote: وليد : تعرف أنا كنت قايلكـ مشجع فاهم شوية لكن لقيتكم كلكم مريخاب مخكم قدر السمسمة شوف المفارقات و الكذب في نفس الخبر الفوق ده ...
كيف يكون الحذاء صممو مزمل مين ما عارف و في نفس الوقت صممتو شركة نايكي ؟؟؟؟ أنتو يا وليد يتكذبو الكذبة و بتصدقوها و لا شنو ؟؟؟ ياخ أنا ده ممكن أصمم حذاء لعمر الفاروق الواحد ده و أمشي أصنعو في شركة نايكي لكن هل معناها شركة نايكي صممت حذاء لعمر الفاروق؟؟؟؟؟؟؟؟؟؟؟؟؟؟؟؟
يارشاشه إنت عارف الفرق بين تصميم وتصنيع ???
صحى رشاشه
Ali
04-04-2009, 03:39 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
يا عمر ياخ انت فعلا هلالابي غاللالالالالالالالالالالالالالالات في الفافضي
Quote: لبتجيب فيهو ده كلام الفيفا للاحصائيات الما عندو علاقة بي الفيفا الاتحاد الدولي حق بلاتر ..
ما عندك مشكلة اها الموقع بتاع الفيفا الما عنده علاقة بي موقع فيفة بلاتر سيدا ما رشحوه فيه ليه ؟!
الله
مع انو الموقع حسب فعهمك اي كلام
زولكم ده فطوه ليه؟
هاهاهاهاهاهاهاهاهاهاهاهاهاهاهاهاها
Quote: بعدين الاتحاد الدولي حق الاحصائيات ده انتو اووووول ناس جقلبتو منو وقلتوا مااا معترفين بيهو لمن جاب الهلال زمااان ووقتها المريخ ما كان في ال1000 خليك من المية ووقتها شنيتو عليهو حملة وقلتو ده موقع بتاع ونسة ساي ولا يعقل ان يكون ترتيب فريق ارواو كتوشوششو البنغالي اقوى من ريال مدريد..
خليك من قولنا ابقى في قولكم وكت نحن رفضناه انو كنتو قارين بيه هسع وكت اب المريخ والعجب بقى كلامنا الزماااااااااااااااااااااااااااان داك صاح
حي انا
Quote: يا وليد ده تصزيت برضو تبع الفيفا حق الاحصائيات ما حق بالتر سمح ؟ اجيب ليك العجب فاز كيف؟؟ اجيب ليك من منتدى المريخ البوستات الاتفتحت إنو مفروض كل واحد من المريخاب مفروض يخش ويصوت اكتر من 100 مرة ؟؟ اقول ليك إنو عدد اللي صوتو كان ما بيتجاوز ال500 لكن كل واحد منهم صوووت زي الفين مرة ؟؟ هي الشعبية دي كيفنها ؟؟؟
مع انو ده يا مر حنك بيش وغلاط دافور وقون مغربية لكن نعتمده ليه
نقول كلامك كله صاح
الحاة الوحيده الفاتت عليه انو العجب كان ضمن المرشحين للتصويت وهم 100 نفر
هاهاهاهاهاهاهاها اها الـ 100 نفر ديل
سيدا ما منهم هاهاهاهاهاهاهاهاهاهاهاهاها
ده قبلي ما يبدا الترشيح ذاتو م مذكور
Quote: تعال يا وليد نطلع لي مصر القرييبة دي ونسال من العجب لو بس 30 واحد عرفوهو يبقا كلامك صاح ..
ليه مصر القريبة دي مالي البعيدة ديك وكت سالو سالو عن العجب وهيثم ما جابو سيرته بعرفو هيثم طمبل بس
اها خلينا من احصاءات الفيفا المزورة الفيفا الما مزورة ما قالت العجب 6 هادفين العالم لسنة 2007 مال قلت انه تاني احسن هدافي افريقيا لنفس السنة
ولا دي برضو الفيفا الكضابة
04-04-2009, 04:22 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
يا وليد ياخي انا لا هلالابي لا مريخابي ناسكم قافلين الشارع والاعلام..قلت انافقهم يمرروني وحاتك اتنين بوري بس كلهم بقوا يبشروا لي طلعت منهم حنك ساي ماتقفلوا الشوارع انشاء الله يرشوكم زاتو. وبعدين ناس الكورة ديل انا بوتروني لانو مرة معاي وحدة صحبتي راجعين من الغربي للسوق العربي ايام الجامعة وهم قاعدين فوق في استاد الخرطوم شاغلوا البنية عملت فيها راجل قلت ليهم احترموا نفسكم، والله مرقننا كرعينا، اي لفظ ممكن تتخيله سمعونا ليه أعوذ بالله
__ ياخي داير لي شعار لمنظمة تعمل في طب الاطفال اسمها : منظمة صبا لطب الأطفال ياخي ما تدخل يدك معانا، شايف ليك شعارات في حتة قبل كدة ان لم تخني الذاكرة
04-04-2009, 05:00 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة