|
Re: يا مهندسين يا زراعيين .. أراضي سوبا شرق .. هل المتعافي الوزير .. ورانا ... ورانا (Re: Salahaldeen Nadir)
|
الأحبة رهف .. نصر الدين والأخ صلاح .. لكم التحية على المرور .. أختنا رهف والله قصتكم دي مسلسل عديل .. الواحد بكون متشوق ليوم بكرة .. عشان يتابع دخول المتعافي لمكتبو .. ( ترمترم ترمترم تراااام ) موسيقيى تصويرية من النوع البكلكل داك .. ثم الكاميرا تعمل زوووم إن للملف بتاع الشكوى لوزير الزراعة القديم ضد الوالي الهوا وزير الزراعة الجديد .. أمانا واطاتنا ما أصبحت في خبر كان ... وكما تنبأ الأخ نصر الدين وحدث ما حدث بالبنط .. وقبل أن يتحقق الآتي من النبوءات .. ياجماعة .. مافي زول يطرح هذا الأمر بطريقة مثيرة لجعلية السيد الرئيس ... ولا الموضوع ما بستاهل ولا شنو .. وروونا .. لأنو بصراحة أي تعويض مالي مرفوض ... إن شاء الله نحرد الواطة دي عديل كدة .. بعدين أي تعويض مكافئ " يعني أراضي أخرى " لازم يكون اليوم قبل الغد .. لأنو كلما تأجل التعويض كلما بعدت مسافة وقيمة الأراضي المعوضة وأزدادت جربنة .. أيها السادة / نحن جاهزين لكل الإحتمالات بما فيها النزول للشارع .. وقطع الاعناق ولا قطع الأرزاق.
|
|
|
|
|
|