|
Re: الف مبروك اسماء نزار محمد عثمان 92.7 وآلاء 87.5 فى الشهادة السودانيه (Re: بدر الدين اسحاق احمد)
|
العزيز بدر الدين اسحق بارك الله فيك أخي.
Quote: نزار محمد عثمان .. زول الدناقلة زاتو ... والله الناس كبرت والبنات اصبحــن ( وش عرس )والاباءاصبحو على اعتاب ( الــــجــد ) |
ياني حميدة القِديِّم، زي ما قال ود بادي. وياحليل أيام الدناقلة. مر العشي وكرة الإصباح *** أودى برونق عيشنا يا صاح. واقعا تجاوزت الاربعين بثلاث سنوات، وصورة بعشرين سنة لدرجة أن بعض أبناء دفعتي أنكروني،و لم يدخل أحد منهم مهنئا حتى الآن، إن لم يتطوع بعضهم سأناديهم بالاسم ذكورا وإناثا.
| |
|
|
|
|
|
|
Re: الف مبروك اسماء نزار محمد عثمان 92.7 وآلاء 87.5 فى الشهادة السودانيه (Re: Shams eldin Alsanosi)
|
Quote: مبروك كتير لاسماء ومبروك التانية لدكتور نزار والتالتة لــــ عمهم الدكتور بتاع الكوارث والرابعة للصحابية بتاعت ساسكتشوان ومبروك الاخيرة لي انا زاتي وبعدي يجي العوض |
ألف مبروك لك يا شمس الدين وعارف عمهم دكتور الكوارث وعد البنيات بحلاوة النجاح وعمل ما شايف (بانر) حافظ للتحويلات المالية الفوق دة، عليك الله وريهو ليهو يا شمس. كذلك أحر التبريكات لـ ناس ريجاينا،وتورنتو، وساوث بورت، وساوث داـ ناق ـ له، وهلتهمد، شفت أسرتنا مشرورة كيف في العالم، طبعا الأخيرات ديل هم: الدناقلة جنوب وحلة حمد.
| |
|
|
|
|
|
|
Re: الف مبروك اسماء نزار محمد عثمان 92.7 وآلاء 87.5 فى الشهادة السودانيه (Re: زوزو)
|
العزيزة د. زوزو بارك الله فيك... وتقبل دعواتك ... لك جزيل شكري وشكر والدتهن.
Quote: بالغوا لكن ابناء دفعتك !!! اتمنى ان يكونوا دخلوا للتهنئيه، إحتمال يكون عشان كبرتهم. برضو الدنيا مشغوليات يكونوا كذلك، دعهم و لا تذكر اسماءهم |
الحمد لله دخل بعض المهنئين من أبناء دفعتي ... بل ومن الدفعة التي قبلنا الحبيب أنور الطيب.
Quote: إحتمال يكون عشان كبرتهم |
والله أنا من ناحيتي غايتو، كبرت لدرجة أنني أصبحت أردد الشباب حالة نفسية ونحوه من الكلام الذي لا يقوله إلا العجائز. وأشهد أن في أبناء دفعتي شباب يمتلئون حيوية ورشاقة، وشيوخ وخط الشيب نواصيهم وأنا من الفريق الأخير، والدليل زيادة على الواقع هو قولك (شيخ نزار). وطبعا أنا مقدر جدا لمشغوليات، والعذر مبذول للجميع، ولم أكن اقصد العتاب أو ذكر أسماء بقدر ما قصدت المزاح (طبعا أستنثي الشباب المكتهلين في شبابهم مثل أنور الطيب وبكري سيد الحوش). سلمت.
| |
|
|
|
|
|
|
|