|
الكـهـربــاء واقـفـه ويـن ؟ وموقـفها شـنو ؟ والأخت نـادية مـخـتار !!!!
|
حسب وعدي بالكتير من البوستات التي سأرفق فيها إسم الشقيقه نادية مختار
الحكاية بتاعت قطوعات الكهرباء والبوستات الفلقتونا بيها في الفتره الفاتت ديك الحاصل شنو هسع يا بورداب الخرطوم
وعلى رأسهم أخونا محمد عادل ومعتصم محمد صالح - السؤال ليهم !!
أها نشوف البوست دا بيمشي كويس والا برضو برجع لي وراء بسرعة الصاروخ
ولو في برضو معلومه عن المويه بكون كويس لأنو الناس مُنحـدره على السودان في الإجازات
ومن حقهم يتنوروا قبل ما يعملوا لاندنق في مطار الخرطوم
واحد قريبنا قال لي إياكم وتجـوا هنا !!!
واوع يكون في كتمه في السودان ! الكتمه البتخليك لا تعرف تنوم لا تصحى لا ترقد لا تقعد
والسموم أحسن منو الغبار والله ! والكتمه أحسن منها الغبار والكتاحه
أها ورونا والناس التانين - الوضع كيف ؟
أكيد أكيد منتظرين !
هشام
|
|
|
|
|
|
|
|
Re: الكـهـربــاء واقـفـه ويـن ؟ وموقـفها شـنو ؟ والأخت نـادية مـخـتار !!!! (Re: Hisham Ibrahim)
|
سلام وتحية ... ماذكرته وتساءلت عنه يثير الشفقة والهم ، ونقول الى متى دوام هذه الحالة يا معتمدية الخرطوم ويا إدارة الكهرباء والماء ، ؟؟!! وفعلا تساؤلك مطلوب وهام بل هو من ضرورات الحياة إن كان الماء هو عصب الحياة ، ... .. تماما كما قلت ، الناس مقبلون على الإجازات وهو دخل إقتصادى ومعنوى للبلاد ، وهو مدخل تراحمى يا ناس الإنقاذ فى زمن غبض فيه الكثيرون عن السفر والزيارة لأسباب مختلفة ، فهل جزاء الإحسان إلا الإحسان ؟؟؟
.. كم من الأسر تنتظر تلك العودة الظافرة المظفرة لأبنائها وأرباب الأسر يا إنقاذ وهم يحملون لهم عرق الشهور والسنين ، .. اليس من الأحرى والأجدى ، بل ومن المروءة بمكان أن يعمل المسؤولون بكل ضمير وشفافية من أجل تحقيق هذه الغاية للناس فى هذه الفترة التى يشتد فيها غيظ الحر وينعدم الهواء إلا من فلل وبيوت وعمارات بعينها ، لأصحاب كروش تمددت واستطالت حتى أستبدلت لها العربات لتتكيف مع واقعهم الجديد الذى كانوا يحلمون به قبل مجيء الإنقاذ حيث حلت الفلل الفاخرة محل بيوتهم المتواضعة التى كانوا يعرفون بها ويعرف الحى بهم لأن ( صرتهم ) دفنت بها ، فحلو فى مناطق بأسماء راقية وشوارع مخضرة وسرر مرفوعة ومراكز تسوق مفتوحة متنوعة ،وحدائق مبهرة ، وخدم من دولة جارة ..
اللهم إنا نشكو لك قلة الماء ونحن نحمله على ظهورنا ولا نرده ، ونشكو لك الفانوس ولمة الشريط والغيطان ولا ننالها فى زمن صمت آذاننا من قرع طبول السد ، السد ، السد ، الرد السد .. أين السد وأين الضوء ، بل أين قطر الماء يا أهل السد ... تم حديثى وكفاى .. شكرا أخى فقد تنفست من خلال بوستك قليلا ، وتحيتى ...
محمد مختار جعفر
| |
|
|
|
|
|
|
Re: الكـهـربــاء واقـفـه ويـن ؟ وموقـفها شـنو ؟ والأخت نـادية مـخـتار !!!! (Re: محمد مختار جعفر)
|
Quote: ماذكرته وتساءلت عنه يثير الشفقة والهم ، ونقول الى متى دوام هذه الحالة يا معتمدية الخرطوم ويا إدارة الكهرباء والماء ، ؟؟!!
|
محمد مختار
شكراً لي زيارتك لي البوست بي قربة بارده وقرعة شراب
كل شبر من أرض الوطن يجب أن يكون فيها ماء وكهرباء
فجميعنا ننطوي تحت ذاك الوطن الكبير الذي يسعنا والناس أجمعين
عصب الحياة الماء والكهرباء
هذا منذ القرن الذي سبق !
كل الحاملين لي جواز شعاره صقر الجديان ولو غيروه فهم لحب الوطن ما ناسين
راحة المواطن أمانه في يد المسؤولين يسألون منها يوم القيامه !
وكفى بموت النميري وموعـظة وعبره
هشام
| |
|
|
|
|
|
|
Re: الكـهـربــاء واقـفـه ويـن ؟ وموقـفها شـنو ؟ والأخت نـادية مـخـتار !!!! (Re: Hisham Ibrahim)
|
وبيــ مناسبة الإجازات دي
وبالنسبة لي الناس الماشين بي العربية عشان يوفروا حق التذاكر والا حق إيجار العربية أو الأهلهم بعيدين من بعض
ورونا حكاية الرواكيب الفي ميناء سواكن ديك شلعوها والا زادوها والا حكايتها شنو ؟
وقصة نقاط التفتيش بتاعت الشرطة ديك زادوها والا لغوها من الشارع !
وما عاوزين حكاوي التجارب الشخـصـية
لأنها كتيره ومسيخه وعجيبه
الجاي من بره دا ناس جوه والمسؤولين عارفنهم سودانيين والا عندهم فيهم شك ؟
بورداب بورسودان وسواكن والمجازفين اولا يفيدونا
هشام
| |
|
|
|
|
|
|
|