|
شعر اونطة !! لسن هن للفراش وحده ,
|
لسن هن للفراش وحده ، فقناني الخمر لا تفتح إلا بأمرهن، وأجراس الشروق لا تصدح إلا بايقاعن، لسن هن للفراش وحده ، فداري الذي يحويني منذ أعوام أضحي مدفني يوم سفرها وتلك الباحة الممتدة لم تعد إلا مدفن للبيع وما تركته لي في البراد يقيني عوز الجوع, أصبح طعاما للكلاب المشردة ما تبقى من حزنها حين وداع، هو الذي أحيا من اجله لسن هن للفراش وحده ، فمن وراء مكنوناتهن تسكن الحياة لسن هن للفراش وحده ، فسطوتهن هي براعم النرجس وحرصهن هو احتشاد الزمان لسن هن للفراش وحده ، والا لما نحيبي الموجع حينما هممت بتلك الفتاة اللعوب؟
ــــــــــــــــ اخوكم الشاعر الحداسي الجديد
|
|
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
جعيرك .. وانبعاجة الاونطة أرخص ما نملُك . هي كائنات نتفق معها ضمنياً ، ونكتمل في عضدهن ، فنغدوا بيضاً من عجة دجاجة طرية . أهلاً بكَ شاعراً يهبط بمقام الشعر بجذوره شكراً لك شخبط و دعنا نشخبط...
_ برضو نجر من هناكـ .
| |
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
ساكون واضحا من البداية كي لا يحدث لي ما حصل للكاشف اخوي : احب ان ارد علي بعض النقاط المتوقع حول قوة النص , حقيقة هذا النص لا يختلف كثيرا عن نصوصي التي لم اعتاد عليها ربما لانه ليس هناك ما يستدعي التحول في تجرتي الشعرية كما هو معروف عني اتقاني لكافة الصور الشعرية وكل اشكال البديع والمستحسن في اللغة والابداع النصي والشعري, ولكن النص لا يخلو مطلقا من الاتجاهات الشعرية الحداسية ولتكونوا منصفين لا تاخذوا النص اجمالا لم اقرأ كثيرا مثل هذه الاشعار والتي اعجبتني جدا في النهاية ولكني بعد عدة قراءات لم ادرك قيمتها حتي الان في تحويل النصوص الشعرية الي نثر وذلك من خلال عدة موضوعات ليس بينها النقاش الفكري ومن السهولة للشعر اقتحامها وهذا اخر اقتحام لي , واعرف اني لن اواصل مطلقا في هذا الضرب ولن اعود الي ما لا اجيده من الشعر الماسخ حاولت قدر الامكان ادخال الغنائية والتي لا تعجب الكثبر من قرائي وانا نادما جدا ( وسافي التراب علي كتابة هذا النص ) ولا اعتبره شعرا مغايرا لكتاباتي وهذا ما اوقعني في عقدة تكرار نفسي بالطريقة المعتادة التي اكتب بها ولم يتعرض الكثيرون من المشاركون المحتملين الي محاولة نساء مورتانيا استخدام اجسادهن الممتلئة لحل المشاكل الزوجية وذلك من خلال استخدام فارق القوة لديهن وربما انهن لا يستبطن ان الرجال يرون في المراة روحا وليس مجرد جسد وهذا ما يحاول نصي الشعر الباذخ ان يقوله ولا اتفق مطلقا مع الذين سيحاولوا ان يقولوا ان النص لا يخلو من ابتزال ولا ارجو ان يتواصل النقاش وساكون كعادتي عندما يحمى الوطيس ويحتاج الجميع لاجابات مني علي اسئلة تعسفية قد تطرح ان امارس عادتي في الهروب من الردود متعللا باسباب اكاديمية غير مقنعة للكثيرين
تحياتي لهذ السخف الغريب محبتي المشاي بكراعه
| |
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
Quote: جعيرك .. وانبعاجة الاونطة أرخص ما نملُك . هي كائنات نتفق معها ضمنياً ، ونكتمل في عضدهن ، فنغدوا بيضاً من عجة دجاجة طرية . أهلاً بكَ شاعراً يهبط بمقام الشعر بجذوره شكراً لك شخبط و دعنا نشخبط...
|
النص محبط لعزيمة الحوار ومرابط المتُحدث عنه كثيرا , فشكرا على الاحباط
الاقتباس اعلاها من الاخ نوبي واسئلته الباهتة , لاسباب عدة هو ان الادب هو الوجه الآخر للسياحة فى السودان ولان السياحة تمارس من موقف بصات الدمازين على السوق الشعبي الخرطوم, فالذلك تأثيره بشكل مباشر على علائقنا البشرية العامة.. الى ان اغادر لاحقا اقتبس من كتابة جديدة لم اكتبها في غير ذات الموضوع لوقف هذا النقاش
Quote: بوح {قيثارات الجسم} حين يكون لا يكون الشريك جاحدا بحق شركائه في البعث ، جاحدا بان نفسه ستهبط الي نقطة انهيار العتمة وليس بتوحد واندماج روح عدوه التي تامروا علي بشريتها ولم تساهم مطلقا في هذا الحشد .. حين لا ينتبه انها جسد بلا روح وليس من حقها ان تحدث عن مكنوناتها كما لا تشعر بها دون ان يضعها علي الطريق الصحيح في تماهي انساني محض في ان {يشيعها} ثم {يهبها نتنه} ولم يترك لها مائها لتغتسل, امراة تعرف كيف تجعل اشواك روح شريكها تدمي الما وكيف تثبطه بجفوة ان يدمي سحابه ليكون هناك اطفال المايقوما .. وفيصبح اعمي لا يري الحياة!!
|
------------- سلامات يا نوبي وحمد الله على سلامتك - ليك زمن يا اخوي.
| |
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
نظل نستهجن هذه الافاعيل ونكتب خرمجات في شكل شعر مستهترين بما يكتبون.. تريث يا صاحبي.. فلو اعدت النظر الى ماتكتبه من خرجات لوجدت فيه لذةً وبياناً وسحراً..
دونك الكتبتو انا في مقامات النهلة قبل مدة..
قعدتا اكرر في قرايتو مرة ومرتين حتى عشقت نصي .. من الواضح انو المسالة محض تكرار..
هاك النص ده اعد فيه النظر ثم وافني بالقرار
ماجرى به الغبار
في تثبيرهم ماجَرى به الغُبار.. صارَ حبكاً وقصة ًكَلت بها قدَّماي.. غَسلتك الشوارعُ يابن امي.. عَبرتك الدمُوع نحوَ حُـزني.. تسارقُ النظرَ الى زاويةِ القلبِ الرحيم.. والعتاميرُ جوقة سرحانكَ.. افقُ الرياحِ ظلامُ النهاياتِ .. احقاً تنتظر النساء َيرِقن دِماك؟! احقاً اصابِ نباحُـك داء الرحيل؟! كيهوديٍ يعوي في التاريخ* النخلُ باسقاتٍ صبرنَ على رملٍ ونيل.. هزَّزن النخل تساقطَ صبرٌ جميل.. ُخدعت بواسطة حواتي.. خيطُ الطريق جرسُ اذاب ركامَ المدافِن.. إلام يصبو صخرَ هذا الرحيلِ المرير.. وانت زكاةُ البهيمةَ .. وانت غمارُ الحياِة الغريب.. مدافنُ صبري بشفةِ الحَبيبة.. مطاميرُ وسعي بنهدِ الحبيبةَ.. مداركُ حُـزني بعينٍ رَحيبة.. حبيبةُ قلبي شقاني بلائي..وغنت لهاتي: جهادية الاورطية جهادية الحلبونا شدو جمالم وجونا جلبنا ليهم سمسم السمسم ما كفاهم جلبنالهم سعيا.. رحمة الحديدِ صهيلُ الاوابد.. قُدوم الحياة رحيلُ الحديد.. حديد انجبَ اخاك الحنون.. عند صلف السحاب تفرق حبي بين المدائن.. تنزل غيماً فهبت رياح الحبيبة.. لازلت ابكى حفنة من تراب كل الناس صوب المطر.. شوقى وحيدا صوب حذائك.. دربي على سقف بابك.. اانتِ التي ادخرتي الحروف تجيش وصمتي كبوق؟! تساقط جيش الخليفة فكيف تخون؟
الدوحة- 11فبراير 2009
* ماجري به الغبار نصوصي الشعرية التي اعتز بها..اختير لها الغبار مجازا كونني كنت اكثر الاولاد غباشاً في شرق دنقلا واطراف العتامير المتاخمة..
| |
|
|
|
|
|
|
Re: شعر اونطة !! لسن هن للفراش وحده , (Re: DKEEN)
|
Quote: ويتبعني كديس الميتفزيقيا |
يا حليل ايام الصبا الماضي Quote: شدو جمالم وجونا جلبنا ليهم سمسم السمسم ما كفاهم جلبنالهم سعيا.. |
عليكم الله شوفوا الدنقلاوي اللسانو اغلف دا انا قلت لسانو بث
| |
|
|
|
|
|
|
Re: شعر اونطة !! لسن هن للفراش وحده , (Re: DKEEN)
|
غريب عنك أن تخوض في هذه السيرة يا دكين.. فقد تفوه بعض الجاهلين -و ربما المتجاهلين - أننا معشر الحداسيين لا نجيد الخوض في هذه السيرة.. نحيا و معنا تحيا احاسيسنا التي لم نبثها للرفيق الفسل .
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
فيصل نوبي ...
Quote: ليه في غالب الاحيان المثقفاتية بيميل للجانب الجنسي نوع شبق و نهدين و سرير و الناس بتهلل ليهم |
على قول الأستاذ مُحمد السني دفع الله < في الدول المُتقدِمة > دي ما شغله المُثقف بس عِندنا لأنو الجانِب الجِنسي < مُغَيب > تماماً في المدارِس وما بِنعرِف عنو أي شئ إلا مِن ونسه الحِله لامِن نتلم بعد تمرين العصُر ... أها بِيجي < المُثقف > وهو عارِف إنو جمهورو دايِش ... يِقوم يِتنطع ويتشدق فوق تضاريس المرأة ... ونِحنا الدايشين ديل تلقانا نسوي جِنس ده < الله الله > < يا سلالالالام > < كلام والله > < عجيب عجيب > ويا ويلك لو قُلت بس ما فاهِم يِمكِن يِعلِنو عليك الجِهاد ... ده كُلو كوم والعامِل < مُثقف > كوم تاني خالِص ...
| |
|
|
|
|
|
|
Re: شعر اونطة !! لسن هن للفراش وحده , (Re: عزام حسن فرح)
|
طيب يا عزام ديل حقننا نحن ديل لقيت لي رابط خاتاو اللخت إشراقة هناكـ عن واحده إسمها (جمانة حداد) فارشاو عديل في سوق الله أكبر اها دي يكون حبوبتها من اللنا ؟
_ غايتو بعد كلامكـ الفوق ده مثقفاتيتنا ديل طلعو قليلين أدب ساي .
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
Quote: طيب يا عزام ديل حقننا نحن ديل لقيت لي رابط خاتاو اللخت إشراقة هناكـ عن واحده إسمها (جمانة حداد) فارشاو عديل في سوق الله أكبر اها دي يكون حبوبتها من اللنا ؟
|
ازيك يا نوبى وعودا حميدا
اها قول لىّ منو هى الفارشاهو فى سوق الله اكبر؟ وشنو هو ذاتو الفارشاهو؟
لحدى ماتدينى الاكيدة بالمقصود اهديك صفحة جمانة حداد, بتحفزّ على القراءة
http://www.joumanahaddad.com/
تحياتى يا اخوى
--------
عاد يا اساسى يا ابو البنية بقيت زول {شنكبات} ساى, ما كان اخير مواصلة النقاش هناك خاصة وانو رؤيتك موضوعية فيما طرحت, يازول ماتشتغل بكلامى ده, ده كلام {عنكبات} ساى
| |
|
|
|
|
|
|
Re: شعر اونطة !! لسن هن للفراش وحده , (Re: Ishraga Mustafa)
|
الله يسلمكـ يا اشراقة .. لا زلت أذكر مرة واحدة بدأنا فيها نقاشاً و كانت الاخيرة .. اها نجيكـ من الاخر .. مع إنه كلامي الفوق ده واضح .. لكن تاني نعيدو بتفصيل .. الفارشاهو في سوق الله أكبر (جمانة حداد) .. " منعاً للإلتباس" نجي لمثال للفارشاهو ..
Quote: غرورُ النهدين أنا صغيران لينموا ويضحكا ليطالبا ويؤكلا نهداي مالحان شاهقان لا أبلغهما قبِّـلوهما عنّي
|
و لعلمكـ مشيت و قريت باقي الموقع بصورو و موسيقاه .. _ يله عشان ندخل في المفيد و بعيداً عن الردود علي شاكلة : الهيمنة الذكورية / والافكار المخلخلة / والرجل البدائي / والمراة الخارقة
سؤالي واضح .. و نعيدو تاني
Quote: ليه في غالب الاحيان المثقفاتية بيميلو للجانب الجنسي نوع شبق و نهدين و سرير و الناس بتهلل ليهم |
بدون تحديد المثقفاتية ديل حريم ولا رجال ..
إتفضلي :
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
في عام 2005 كتبت قصيدة أوتومسفيرية رائعة إهداء لأديبنا عثمان صالح وفوجئت من ينتقدها بعنف في ذات البوست للدرجة التي سببت لي إحباطا وجعلتني أهجر كتابة القصائد ..!!
ولكني بعد قراءتي لما كتب هنا ندمت ندما شديدا على إعتزالي الشعر وأنا في ريعان شبابي لانني لو كنت سموت فوق الإحباط والنقد الهدام في ذلك الوقت لكنت بلا شك امتلك الان ديوانين ومطبخ وحمام بالإضافة لغرفتين خلف خلاف من أعذب الشعر وأكذبه ..!!
لعن الله الإحباط واليأس ..!
صنفرة :
معليش أخونا أساسي ولكنك حتما ليس فوق النقد ..! ومعليش عشان حا أجيب رابط قصيدتي ديك هنا بعد شوية ..!
| |
|
|
|
|
|
|
Re: شعر اونطة !! لسن هن للفراش وحده , (Re: ناذر محمد الخليفة)
|
Quote: وليكن هذا البوست (بوست أساسي يعني) ! هو ضربة البداية لعودتي بعنف الساحة الشعرية ..! |
ده الكلام والله يا ناذر .. أيوة تعال بعنف.. صراحة قصيدة ما فيها أي كلام ..
Quote: جاييكي يا درة الصحراء ووميضا الجاية من تعب الجراحات والمسافة طالعة من جيشا مكسر في دواخل الفرح المكجن يا ماشة من تاريخ بلادا كرهت في جواك العساكر نضالا تمحرق في ضفاف مدنا مولعة في منابر الحوار والإنحدار كلبا تمرق في دواخل شعب جاي من لهيب الانتطار ..
وبرضو راجيكي .....
برضو راجيكي يا زمن فرقة مواعين النضال المتعبة الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
كسرة وشاي موزة وناي ضهب شاشاي ترزي غناي نجار كجراي بتاع ورنيش ضهباي
وبرضي راجع وتاني راجع وبرضي راجغ
(صفقة وصفير وهتاف) |
أنا (بعد إذنك) ح أشرع في تلحينها .. بس البيت الأخير حق الصفيق ده تبعها ، والا ديل الجماهير ؟؟
| |
|
|
|
|
|
|
Re: شعر اونطة !! لسن هن للفراش وحده , (Re: Ishraga Mustafa)
|
إشراقة العزيزة ... سلامات ...
Quote: ومالو الفراش والسرير يا صلاح يا خوى؟ |
والله الاتنين كويسين ..
Quote: السياسة بتبدأ من هناك؟!! |
غايتو ، عرفنّها نساوين ( كينيا ) ...
هسى عليك الله يا إشراقة ، نساءنا المصونات ، بيقدرن يصرّحن (بـ) ويتبعّن أسلوب نساء كينيا في محاولتّهن لحل مشكلات بلادهم السياسية؟؟؟
لو فعلّن ، لأقيم عليهن الحد..
| |
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
أساسي الاساسي ...
حياتي من غيرك انت و عماد عبدالله ... سلطة! _______
Quote: ليه في غالب الاحيان المثقفاتية بيميلو للجانب الجنسي نوع شبق و نهدين و سرير و الناس بتهلل ليهم بصراحة كده ما فكرت في الموضوع ده بيرجعني لمربع (الشعراء يتبعهم الغاوون) |
نوبي ازيك ...
ذكرتني حوار دار منذ فترة قصيرة جدا مع صديق عزيز عن اختيارات البعض لمواضيعهم و طرقهم على حديد الغرايز طرقا لا يلين، حتى تكاد تظنهم لا يفارون خدورهم إلا ليأتو للكمبيوتر و يشاركونا نشوة لياليهم الحمراء ...
حادلو بدلوي ولا ما مفيد، ارفعو لي تاني
يا سيدي الكتابة الغرائزية ما جيدة ولا بتاعت مثقافيتة هي من زمان موجودة بس كل مرة بتبقى صفوية بشكل مختلف مرة لشعراء بلاط السلطان، مرة للسلطان نفسه، ومرة للباحثين عن التغير
الكتابة الوصفية للعلاقة الحسية ما سيئة لو كانت موظفة بشكل مناسب في بنية النص بس كونها تكون محور القصة و القصيدة و نبقى بين نهد و قُبل و غيرو فأعتقد انها مراهقة و كسر تابو لمجرد كسرالتابو ... رواية الخبز الحافي لمحمد شكري مثلا كانت صادمة في مفرداتها بشكل يخلو حتى من جماليات، و لكن بقراءة القصة في بعدها الآخر و كونها مذكرات الكاتب الخاصة و تعكس حياة الأزقة، تغاضيت أنا شخصيا عن اللغة البذيئة لانها كانت أداة الكاتب لوصف حالة البؤس و مآل أطفال يتلقفهم الفقر ...
رواية لباولو كويلوو اسمها (احدى عشرة دقيقة) و تحكي قصة فتاة برازيلية جميلة قادها حب المغامرةو الاكتشاف لسويسرا و انتهى بهى المطاف لامتهان الدعارة، تخيل يا نوبي لا يوجد فصل واحد يصف العلاقة الحسية؟؟؟ تخيل رواية عن بنت ليل ما فيها وصف حسي! بالعكس فيها عودة للروح و لقيم الحب الحقيقية وكنه الاشياء في حضور الحب ...
وده الفرق، انو انحنا بنبتدي و ننتهي في بدايات الآخرين و نقعد نراوح نراوح محلنا من نحفر حفرة تحتنا ظانين انها زمزم ..
| |
|
|
|
|
|
|
Re: شعر اونطة !! لسن هن للفراش وحده , (Re: عزاز شامي)
|
عزوز يا عزوز ياخ ماف أحلي من كده دلو
Quote: حادلو بدلوي ولا ما مفيد، ارفعو لي تاني يا سيدي الكتابة الغرائزية ما جيدة ولا بتاعت مثقافيتة هي من زمان موجودة بس كل مرة بتبقى صفوية بشكل مختلف مرة لشعراء بلاط السلطان، مرة للسلطان نفسه، ومرة للباحثين عن التغير |
رواية الخبز الحافي دي ما قريتها ياريت لو عندكـ نسخة الكترونية منها ترسليها لي أما رواية باولو كويلو و أتفق معاكـ تماماً أنه مجريات القصة طلبت الحروف الغير مستثاقة و جعلتها ممكنة .. مع أنه ده ما بيعفيها من إنها خادشة ..
لدي بعض مما أطرحه هنا و لي عودة بإذن الله بعد ترتيب بعض الافكار .. ( عشان أجادل بطريقة مثقفاتية ) .. لووووول .. تحياتي يا عزوز.
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
Quote: Quote: سؤالي واضح .. و نعيدو تاني
Quote: ليه في غالب الاحيان المثقفاتية بيميلو للجانب الجنسي نوع شبق و نهدين و سرير و الناس بتهلل ليهم
بدون تحديد المثقفاتية ديل حريم ولا رجال ..
إتفضلي : |
|
يزيد فضلك يا نوبى ياخ...
فى البداية خلينا نضبط المصطلح؟!!
ماالمعنى بالمثقفاتية وماالمعنى بالمثقفين؟
وهل كل مثقف بيمارس الكتابة الابداعية؟ والابداع هو ذاتو شنو؟ ومنو وشنو اللى بيحدد معيار العمل الابداعى.. وهل فى معيار ثابت بنحدد بيهو {كمجموعة} القيمة الابداعية للنص مثلا؟ - اها اتفضل, الكورة فى ملعبك-
بالاشارة مثلا لرواية الخبز الحافى او الاعمال الكاملة لمحمد شكرى { زمن الاخطاء, وجود اضافة للخبز الحافى} فى الخبز الحافى كانت هناك لغة {صادمة}- اضعها بين قوسين لانها كلغة موجودة فى هذه المجتمعات ومسكوت عنها الكتابة المجردة عن {النهود والسرير } من غير محتوى لا تفعل فينى اى فعل كقارئة سوى بعض القرف واللى ممكن اقدر القى ليهو قرينة من واقعنا, اى لغة بتعكس اشكاليات المجتمع, فى مجتمع بتغيب فيه دور للمثقافه, للممارسة الابداع.. فى مجتمعات مافيها دور سينما ولا افلام ذات قيمة ومضمون انسانى مجتمعات بغيب فيها الكتاب الجاد والحوار الحر من غير خوف وقهر فى ذات المجتمعات اللى بيتم غتغت كل شىء فيها,, واللى كشفها محمد شكرى فى {سيرتة الذاتية} التى تجاوزته الى واقع فيهو ملامح عامة لعوالم الفقر والازقة المنسية..
لا غضاضة بالنسبة لىّ من استخدام مفردات مثل النهود او السرير { هى النهود دى مش بتنتمى لجسم الانسان؟ والسرير ده مش بينتمى لحياتنا وصيرورتها؟ مش اللى بنتولد فيهو واللى بنلد فيهو واللى بنعيش فيهو {المودة والرحمة} اللى جابتنا للدنيا؟ مش هو ذاتو اللى بيودونا بيهو تربتنا؟
طيب التحسس فى شنو من مفردتين بينتمو لحياتنا العادية؟
طيب, كل مايشير للجسد وطالما بتعالج داخل بينة النص موضوع انسانى الجسد وعلاقته الاستعباد/ البغاء/ الاتجار بالبشر الجسد وعلاقته بالقوانين/العنف/الحرب/ السلطة الجسد وكل اشكال الانتهاكات, من اغتصابات/ اعتقالات وغيره..
اذا خرج النص فى معالجته عن ما اعلاها {الجسد كبعد للنشاط السياسى والاجتماعى} لقراهو برضو ولا يثير فينى سوى {غريزة} الامتعاض..
النص الممتع بالنسبة لىّ بحدده باحساسى كقارئه, تعجبنى اللغة البسيطة والغير مؤطره واللى بتلامس اغوار نفسى من غير اى حواجز
واتفضل مع كل الاحترام والمعزات
-----------
الخبز الحافى يمكنك تحميله من النت..
(عدل بواسطة Ishraga Mustafa on 05-03-2009, 03:34 PM)
| |
|
|
|
|
|
|
Re: شعر اونطة !! لسن هن للفراش وحده , (Re: Ishraga Mustafa)
|
سلامات يا اشراقة لعبة ذكية منـ إنكـ تحولي الهجمة الي دفاع .. مرقتينا و مشينا للمثقفاتية و و المثقين .. و بدلا من أن أكون السائل بقيت المسؤل .. طبعاً نوبي زول عنقالي لا بيجمل الكلمات ولا بيرصرصن زي ما ناس كتار هنا متمكنين من اللغة اها المثقفاتية ديل في وجهة نظري هم من يمارسون كتابة الشعر أو القصة أو النثر أو الرواية و كذلكـ يناقشونها علي حسب نمط و دراسات معينة ومتفق عليها ... ده ببساطة كده و بدون فذلكة لغة .. و كان عندهم تعريف تاني بفذلكة اللغة نسمع منكم .. قصة إنه كل مثقف مبدع دي طبعاً متفقين إنه ما حاصلة .. ( لأنه ممكن يكون زول عنقالي و مبدع أكتر من مثقف متحجر) (أساسي صديقي الوغد مثالاً) لووووووووووووووووول في ناس راسهم زي الهارد ديسك تحفظ فقط ولا تبدع ..
(نعتذر عن ما سيأتي إن سبب إحراج) و لا قصد سيء فيه : الحاجات اللي إنتي ما شايفه إنه فيها غضاضة دي علي عكسكـ تماماً بأشوف فيها غضاضة يعني مثلا ممكن أجي قدام الناس أقول ليكـ لمي نهودكـ دي عليكـ ؟ او أسال عن اخر مرة أتاكـ إحساس الشبق ؟ و انتي تجاوبيني بكل أريحية ؟ علي الطلبات الفوق دي ؟ ده برضو ما جزء من حياتنا اليومية !!! اذا مشينا علي ناس دور السينما و الافلام ديل خلينا منهم ما دايرين نركز عليهم .. خلينا فينا إحنا الناس المساكين ديل علي حسب تربيتنا و علي حسب تقاليدنا و عاداتنا .
يعني أمسكـ لي نص الليلة أقعد أكتب عن ليلة حمراء واصفاً تفاصيلها بطريقة ممكن تجعلكـ تستمعي كقارئة في الحالة دي حتكوني مستمتعة بقراءة الحروف ؟ الحروف دي ممكن تحركـ إحساس أي بشر و تعتمد علي تقبل العقل ليها و علي توجيهات العقل للحروف الي بقية أجزاء الجسم يعني ممكن زول تستفزه كلمة فستان أحمر و زول تاني يشوف كلمة نهود مثيرة و زول تاني يقراء كتب كاملة لا شيء فيها غير فنون ممارسة الجنس و لا يثار جنسياً و لا يستمتع بالحروف و العكس أيضاُ في النهاية القصة ما بتعتمد علي طرف واحد بتعتمد علي طرفين الكاتب و القاريء .. و القاريء أهم من الكاتب في نظري لأنه يحدد سلعة الكاتب .. و للأسف الشديد نجد أن كتابنا الذين يستخدمون لغة الجسد (زي ما سميتيها) يكادو يكونو 90% (إحصائية عشوائية من نوبي) السؤال الاول : ليه بيستخدمو اللغة دي في وجهة نظري أجد إنهم بيستفيدو من لهفة القاريء لحروف كتلكـ .. و الدليل : أكتبي بوست عنوانه شبق و آخر عنوانه : قصة حب جميلة شوفي عدد قراء هذا و عدد قراء ذاكـ .. نقطة ما بيتناطحو فيها إتنين يله ده بيطرح السؤال التاني : ليه القاريء بيحب يقراء (هكذا شاكلة) ؟
في أشياء كثيرة هنا يا أشراقة و ما دايرين نمسكها هجوم و دفاع و بإسلوب متشنج بعيداً عن قصة الغتغته أو الكتاب المفتوح ..
نمسكها بالفهم البسيط التقليدي .. ما داير أقول السوداني ...
_ بالمناسبة الرد ده ممكن يكون جايط و ممكن يكون مرتب ما قريتو تاني لانه نعسان و ماشي انوم بعد كورة الهلال الاخيرة .. فمعذرة إن أنقصت شيئاً الي حين عودة .
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
سلامات يانوبى
Quote: (نعتذر عن ما سيأتي إن سبب إحراج) و لا قصد سيء فيه : الحاجات اللي إنتي ما شايفه إنه فيها غضاضة دي علي عكسكـ تماماً بأشوف فيها غضاضة يعني مثلا ممكن أجي قدام الناس أقول ليكـ لمي نهودكـ دي عليكـ ؟ او أسال عن اخر مرة أتاكـ إحساس الشبق ؟ و انتي تجاوبيني بكل أريحية ؟ علي الطلبات الفوق دي ؟ ده برضو ما جزء من حياتنا اليومية !!!
|
خلينى ابدأ ليك بكلامك الفوق ده واللى مقدما قدمت فيهو اعتزارك..ومقدما اعتقد انك لم تقصد بها شىء سىء ولكن.....
الحوار ده يانوبى عام وليهو علاقة بفهمنا للنصوص وفيهو محاولة منى زى آخرين واخريات للرد على تساؤلاتك وحواراتنا فى المنبر هنا محكومة بعلاقتنا كزملاء وزميلات وبينا الاحترام هذه العلاقة وبحكم مساحتها المحدودة لا تتيح للآخر {سواء كنت انا او انت او اى شخص آخر} ان يوجه اسئلته بهذه الشكل الذى ينتهك الخصوصية, فهل تقبل يانوبى ان يتجاوزك آخر ويخاطبك بهذه الخصوصية وليس بينكما سوى رابط الاخاء والاحترام؟ كان يمكن توجيه اسئلتك بضمير الغائب لكن ان توجهها لىّ وتفترض انى ممكن اجيب باريحية فهذا وبصراحة عكر مزاجى فى حوار جاد افترعته انت باسئلتك حول موضوع مرتبط بالجسد, ولان موضوع الجسد يقع ضمن اهتماماتى البحثية اجدنى تداخلت معك باريحية محكومة باحترامى لنفسى اولا واحترامى ليك وللآخرين/ت
لن اطالبك بالتعديل ولا الشطب لهذه الجزئية تحديدا فهى تمثلك ومع ذلك ينبغى ان اقول وجهة نظرى.. هذه الجزيئة تجاوزت الخطوط الحمراء عندى يانوبى { واتمنى ان بتسع صدرك لما قلت}
عندى موضوع لسه ما اكتمل بتناول فيهو موضوع {انتهاك الخصوصية فى الثقافات السودانية}- اتمنى تلقى زمن تقراهو
نواصل فى الموضوع الاصلى:
Quote: لعبة ذكية منـ إنكـ تحولي الهجمة الي دفاع .. مرقتينا و مشينا للمثقفاتية و و المثقين .. و بدلا من أن أكون السائل بقيت المسؤل .. |
انا مابتعامل فى مسائل الحوار دى يانوبى بعقلية {ناس الكورة} خط دفاعى وخط هجومى الحوار بالنسبة لىّ اخذ وعطاء وكل مداخلة هنا من ايا كانت بكون استفدت منها وفتحت فى ذهنى ينابيع للتفكير الجاد واى نقد بتقبلو ايضا بذهن مفتوح طالما بيؤدى فى النهاية لهدف انسانى هو الاستفادة العامة وايماننا بمشروعية الاختلاف وممارسته بروح طيبية. سؤال حول ضبط المصطلح - مثقافتية او مثقفين, معناهم مختلف المثقفاتى بالنسبة لىّ مدعى والمثقف غير مدعى فى تعامله مع معطيات الحياة وفى المثقفين نفسهم فى ناس تنظير وفى ناس فعل وفى ناس بيربطوا بين الاتنين يعنى سؤالى ماكان اعتباطا يانوبى يا اخوى,
Quote: اذا مشينا علي ناس دور السينما و الافلام ديل خلينا منهم ما دايرين نركز عليهم .. خلينا فينا إحنا الناس المساكين ديل علي حسب تربيتنا و علي حسب تقاليدنا و عاداتنا |
سيرة السينما والافلام جات هنا يانوبى فى اشارة الى انو اى كتابة بتعكس الواقع وبتحاول تجمله وتخترق اغوارنا لتفعيل روح التفكير فى كل جملة اتكتبت, وفى واقع زى بتاعنا فى السودان اللى فيهو كل شىء مغتغت ومدسدس بنلقى كل المفردات اللى ممكن وصفها بانها {صادمة} فى الخبز الحافى, بنلقاها موجودة ومتداولة
Quote: في وجهة نظري أجد إنهم بيستفيدو من لهفة القاريء لحروف كتلكـ .. و الدليل : أكتبي بوست عنوانه شبق و آخر عنوانه : قصة حب جميلة شوفي عدد قراء هذا و عدد قراء ذاكـ .. نقطة ما بيتناطحو فيها إتنين يله ده بيطرح السؤال التاني : ليه القاريء بيحب يقراء (هكذا شاكلة) ؟ |
الكتابة عن الجسد بالنسبة لىّ ماهى مجرد حروف مرصوصة, وقلت فى مداخلتى الاولى, انو النهد المرتبط فى بنية النص ومحتواه هو اللى بيحدد بالنسبة لىّ درجة الامتاع الروحى لاى كتابة, بغض النظر لتناولها للحسيات طالما انها بتتناولها فى اطار موضوع
اتفق معاك لحد ما فى مداخلتك الاقتباس اعلاها وبعتقد انو ممكن فرضيتك دى تفتح مواعين واسعة للنقاش واتمنى القى زمن ومزاج للمواصلة فيهو من حين لآخر.
Quote: في أشياء كثيرة هنا يا أشراقة و ما دايرين نمسكها هجوم و دفاع و بإسلوب متشنج بعيداً عن قصة الغتغته أو الكتاب المفتوح ..
نمسكها بالفهم البسيط التقليدي .. ما داير أقول السوداني ... |
راجعت مداخلتى اعلاها ولم اجد فيها اى روح هجومية ولا تشنج ولم افهم برضو مداخلتك {باستناء الجزء اللى اعتزرت عنو مقدما} فيها اى نوع من الهجوم او التشنج نحن بنتحاور يانوبى, وماجنبى اى حجر افلق بيهو اى زول لو فى فلقان بنحتاج نفلق مع بعض اى ذهنية متحجرة وماعندها المقدرة تقبل الآخر كما هو نفلقها عشان ممكن تنفتح كوة يقدر يشوف فيها الرأى المختلف ويتقبله ويحترمو
وبينا الاحترام يانوبى والخوة لله..
---------
فى مداخلتى الاولى فى خطأ فى اسم خاص بالاعمال الكاملة لمحمد شكرى كتبتها وجود والصاح وجوه- خطأ مطبعى
------------
العزيزة امانى..
صدقينى اللى بيقربنى من الناس خطوة ضوئية هو الاحتفاظ بروح المودة بينا والاحترام رغم الاختلاف
| |
|
|
|
|
|
|
Re: شعر اونطة !! لسن هن للفراش وحده , (Re: عزاز شامي)
|
Quote: يا سيدي الكتابة الغرائزية ما جيدة ولا بتاعت مثقافيتة هي من زمان موجودة بس كل مرة بتبقى صفوية بشكل مختلف مرة لشعراء بلاط السلطان، مرة للسلطان نفسه، ومرة للباحثين عن التغير
الكتابة الوصفية للعلاقة الحسية ما سيئة لو كانت موظفة بشكل مناسب في بنية النص بس كونها تكون محور القصة و القصيدة و نبقى بين نهد و قُبل و غيرو فأعتقد انها مراهقة و كسر تابو لمجرد كسرالتابو ... رواية الخبز الحافي لمحمد شكري مثلا كانت صادمة في مفرداتها بشكل يخلو حتى من جماليات، و لكن بقراءة القصة في بعدها الآخر و كونها مذكرات الكاتب الخاصة و تعكس حياة الأزقة، تغاضيت أنا شخصيا عن اللغة البذيئة لانها كانت أداة الكاتب لوصف حالة البؤس و مآل أطفال يتلقفهم الفقر ...
رواية لباولو كويلوو اسمها (احدى عشرة دقيقة) و تحكي قصة فتاة برازيلية جميلة قادها حب المغامرةو الاكتشاف لسويسرا و انتهى بهى المطاف لامتهان الدعارة، تخيل يا نوبي لا يوجد فصل واحد يصف العلاقة الحسية؟؟؟ تخيل رواية عن بنت ليل ما فيها وصف حسي! بالعكس فيها عودة للروح و لقيم الحب الحقيقية وكنه الاشياء في حضور الحب ...
وده الفرق، انو انحنا بنبتدي و ننتهي في بدايات الآخرين و نقعد نراوح نراوح محلنا من نحفر حفرة تحتنا ظانين انها زمزم .. |
الاخت عزاز سلام كتير صراحة شغل راقي ومتقدم جدا
| |
|
|
|
|
|
|
Re: شعر اونطة !! لسن هن للفراش وحده , (Re: ismeil abbas)
|
[RED[صلاح ..
Quote: ده الكلام والله يا ناذر .. أيوة تعال بعنف.. صراحة قصيدة ما فيها أي كلام ..
|
يا زول حمدلا على السلامة ..!!
وأنت طبعا كنت معايش ساعة وجع ومخاض القصيدة دي .. عشان كدة أنا بقدر إحساسك تجاهها ..
عزام ...
Quote: كيف ما فيها < كلام > ! |
صلاح قصدو ما فيها كلام بخلاف الكلام المنمق المدوزن الجميل ..!!
اوع تكون فهمتو غلط ؟!!
| |
|
|
|
|
|
|
Re: شعر اونطة !! لسن هن للفراش وحده , (Re: ناذر محمد الخليفة)
|
يا ناذر ،، كيفك
أساسي ده زول إنتقائي ، واللا شنو؟؟ ياخ ده بيجي قايم فينا سداري ، ولا بيهببوا لينا .. الحمد لله الما قلنا شئ في بوستيهو بتاع الرد على المداخلات داك.. كان مسكها لينا ( تار بابكور الصديق)..كهكهكهكهكه..
فعلاً ناس الزمن الجميل طلعوا (أوانطة)..
| |
|
|
|
|
|
|
Re: شعر اونطة !! لسن هن للفراش وحده , (Re: Salah Abdulla)
|
يا صلاح ما قلت فوق سيد البوست وسيد الشي زاتا فاهمنك , يبقي انت الما فهمت الجدعة لو تابعت نموذج الشعر الاونطة المقتبس منه هذا البوست ستجد ان النسق يسير علي نفس الدرب لذا جاءت هذه الجدعة كمثيلتها هناك , بعدين انتو دخلتو في حوار جادي وانا احترمت الحوار دا جدا , لكن من ناحية تانية اخوك نفسه ومني عينه يكون انتقائي ذو ميول غرورية لكن القصة دي مؤهلات ربنا ما حبانا بيها لكن كان عرفت الدرب للانتقائية عليك دينك كما وريتني كيف السبيل
| |
|
|
|
|
|
|
Re: شعر اونطة !! لسن هن للفراش وحده , (Re: ismeil abbas)
|
التحايا والاشواق اخي اسماعين
كن دائما بخير بالمناسبة الاونطة في تعامل الجميع مع الكاتب واسمه قبل الكتابة فمثلا اجتهاد الاخ سيف في الزود عن اسامة من واقع فكرة مسبقة داخله عن اسامة الخواض الشاعر يجعل من الانسان مشروع شهيد من اجل نصرة فكرته , لذا لا يستطيع محاكمة النص مثل الاخرين الذين ينظرون بحيادية , الحب اعمي يا صديقي
| |
|
|
|
|
|
|
Re: شعر اونطة !! لسن هن للفراش وحده , (Re: عمر عبد الله فضل المولى)
|
<دعونا ننسق هذا الفضاء ،بلا نظر مسبق في النصوص، نحاول ما حاولته الشعوب الحديثة من نظرٍ فاحص في كتاب الطبيعة ،والذات، لا تشترونا بتلك الوعود، ولا تجرفوا يأسنا من حقول الأماني، ولا ترجمونا بهذي الحروف العتيقة، إنا سئمنا نصوص الجدود، سئمنا وعود الجدود، دعونا نشاكس أجدادنا،ونجادلهم، فسنرمقهم إن أصابوا بعين الرضا، و نعلقهم من سراويل أوهامهم ،بحبال المتاحف ،إن أخطأوا، دعوتنا لخبرتنا الأنثوية في الجمع بين الطبيعة،والرب ،والحب ،والموت، لا توغلوا في الوراء الضبابي، سوف نصلّبكم في جذوع الهجاء، لكم دينكم والجدال العقيمْ لكم دينكم،وعفا الله عما سلفْ ولنا ديننا،والنهار بألوانه الدافئةْ دعونا ندحرج آمالنا في ممر الحياة الوسيع، نصيب، ونخطئ، ننعم بالارتباك، ونغمس في الصمت حاستنا الدنيوية، ننثر هجراتنا في المتاحف، نطردها من هواجس أطفالنا القادمين، ونعطي الرحيل مواطنةً من غبار، دعونا نؤثث صمت الحياة الفسيح، فإنا سئمنا الكلام المعاد: "كلام ركام، كلام زكام، منابر تذهب ، أخرى تجيئ، فباسم الاله اقتتلنا على وطنٍ من ذبول جميل ، وباسم التقدم شلنا السلاح على شهوة من طحين الجنون، كأنا اكتشفنا الإله حديثا!>
اسامة الخواض.
| |
|
|
|
|
|
|
Re: شعر اونطة !! لسن هن للفراش وحده , (Re: سيف النصر محي الدين محمد أحمد)
|
الاخ سيف النصر
من الجيد جدا انك قمت برفد هذا البوست بهذا العمل الشعر لاسامة الخواض , وخلاصة فكرة القصيدة اتفق معها مخبرا ومظهرا وهو من الاراء القوية التي ادعمها وازود عنها ولكن في نفس الوقت وعندما يأتي انتاج هذا الراي في اشكال ادبية ضعيفة وهزيلة لا اتفاني في الدفاع عنها بكل كياني لاثبت الفكرة التي ادعمها بل احاكم هذه الاعمال كما هي هناك الكثيرون الذين يكتبون انواعا عدة من الشعر الحديث والذين ينتهجون نفس هذا الراي الذي جاء علي متن القصيدة التي استعرتها لاسامة وفيهم من يجود وفيهم من يبتزل واسامة نفسه لديه كتابات اكثر من رائعه ولكن ليست كل كتاباته دائما رائعة وتستحق الاشادة بل الكثير من كتاباته وخصوصا في فترة انتاجه السايبري كانت عبارة عن اضحوكات اكثر منها اشكال ادبية قوية وانا من المتابعين لهذا الامر منذ سنوات خلون منذ ان استعر الحوار عن البنيوية وما جاء بعده من اشكال ادبية ان جاز لنا ان نطلق عليها ذلك وفي النهاية انا اقول ان هذا رايك في ما تراه في كتابة الخواض وهذا راينا فيما نراه وهنا تختلف الذائقة
| |
|
|
|
|
|
|
Re: شعر اونطة !! لسن هن للفراش وحده , (Re: عزاز شامي)
|
عزاز طبعا قبل الحكومات كان رد الواحد بكل يسر ( ومن غيرك شوربة )
ــــــــ
اضافتك في شان الكتابة الغرائزية تحتاج مني الي اعادة قراءة مرة اخري ليكون لي راي مناسب فحتي الان راي مبعثر في هذا الضرب من الكتابة تتجاذبني اراء عدة قد اعود الي التداخل ان خلصت الي وجهة نظر نهائية او ساكتب الاراء التي تتجازبني ان لم اصل الي شئ
| |
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
الحبيب اساسى ماعارف البوست دة بتكلم عن شنو لكن شكلو كدة شعر وغاغات زى دى موضوعى يااخى عندى مداخلة كتبتها ليك فى بوست غتس وحارقنى جدا عدم الرد عليها لانى دايما باتذكر المثل السعودى بتاع الرجال وسالفته وكمان كنت متوقع القى منك دعم اسفيرى للتجاهل الذى تم ممارسته على فاذا بى ولا اقول ليك اهديك القصيدة دى وجدت نفسي أهرب منك إليك وأشتكي منك إليك وأبكي منك عليك شعرت اننا روح في جسدين قلب ينبض ....... لاقلبين يارفيق روحي أعترف لك اننى أحاول الإنهزام ماذا أفعل؟
| |
|
|
|
|
|
|
Re: شعر اونطة !! لسن هن للفراش وحده , (Re: Amin Mahmoud Zorba)
|
تحيه طيبه للأخ أساسي وللجميع هنا .. بعيدا عن موضوع البوست, شدّ انتباهي وجذبني للبوست بشده تساؤل الأخ فيصل نوبي الذي يقفز الي لساني, كلما قرأت روايه أوشعرا عاطفيا أو شاهدت فيلما سينمائيا .. لماذا كل هذه الاثاره للخيال والغرائز واستخدام مفردات وتوصيف دقيق لمشاعر أو أحاسيس دقيقه أقل مايمكن أن توصف به أنها شخصيه؟ صحيح أن الروايه أو الشعر يخاطبان الوجدان قبل العقل, ولكن لماذا الاسراف في مخاطبة الغرائز؟؟!!! لماذا كل هذا الاحتفاء بالجسد, والتمجيد للغرائز؟ لماذا هذا النقل الحي المباشر لتفاصيل علاقه حميمه كأننا نستمع الي تعليق اذاعي لمباراة كرة قدم؟ مالفائده التي يخرج بها القارئ من هذه السياحه في عالم الجسد وتفاعلاته؟
Quote: السؤال الاول : ليه بيستخدمو اللغة دي في وجهة نظري أجد إنهم بيستفيدو من لهفة القاريء لحروف كتلكـ .. و الدليل : أكتبي بوست عنوانه شبق و آخر عنوانه : قصة حب جميلة شوفي عدد قراء هذا و عدد قراء ذاكـ .. نقطة ما بيتناطحو فيها إتنين |
كنت سأورد يا فيصل نفس ما كتبت هنا .. أحيانا كثيره أشعر أن هذا تسويقا للنص .. فالجمهور الراغب والمتحفز لسبر أغوار العلاقات بين الجنسين بشغف, يميل الي البحث عن هذه التفاصيل الدقيقه في كتابات حرّه جريئه .. وأحيانا لايخرج من النص بغير هذه الومضات الغرائزيه .. والمستفز حقا حين تأتي هذه الومضات في ثنايا نص سياسي, أو وطني, أي في منتصف حيز لا يتوقع استحضار الغريزه فيه .. شخصيا أفضل القراءه يانوبي لنص عن الحب فهو شعور انساني سامي . . وأتقزز من القراءه لجزء شهواني غرائزي أو توصيفي في قصيده أو روايه, فالغريزه حيوانيه وهي أدني مافي الانسان,
تحيات كثيره ل د. اشراقه , واختلاف الرأي لايفسد للود قضيه ..
احترامي,,
| |
|
|
|
|
|
|
Re: شعر اونطة !! لسن هن للفراش وحده , (Re: Amany Elamin)
|
سلامات يا أماني تحياتي ياخ .. لقيت لي زولة واقفة معاي في صفي و كمان ذادت الحوار نقاط دعيني أقتبس بعض من مداخلتكـ حتي تكون نقاط لتوسع الحوار اذا سمحت لي
Quote: لماذا كل هذه الاثاره للخيال والغرائز واستخدام مفردات وتوصيف دقيق لمشاعر أو أحاسيس دقيقه أقل مايمكن أن توصف به أنها شخصيه؟ صحيح أن الروايه أو الشعر يخاطبان الوجدان قبل العقل, ولكن لماذا الاسراف في مخاطبة الغرائز؟؟!!! لماذا كل هذا الاحتفاء بالجسد, والتمجيد للغرائز؟ لماذا هذا النقل الحي المباشر لتفاصيل علاقه حميمه كأننا نستمع الي تعليق اذاعي لمباراة كرة قدم؟ مالفائده التي يخرج بها القارئ من هذه السياحه في عالم الجسد وتفاعلاته؟ |
Quote: فالجمهور الراغب والمتحفز لسبر أغوار العلاقات بين الجنسين بشغف, يميل الي البحث عن هذه التفاصيل الدقيقه في كتابات حرّه جريئه .. وأحيانا لايخرج من النص بغير هذه الومضات الغرائزيه .. والمستفز حقا حين تأتي هذه الومضات في ثنايا نص سياسي, أو وطني, أي في منتصف حيز لا يتوقع استحضار الغريزه فيه .. |
نكاد نكون متفقين تماماً و أتمني أن نجد إجابات ..
كوني بخير..
_ اساسي ياخ ما تجيب لينا نقاطكـ عشان نقدر نصل لحلول القصة دي جايطة و نوبي زاتو ما عندو خط معين .. (مضابط الحوار) كما يقول إخواننا (المثقفين) هي (التقاليد) و (الدين) .. ترجل بما لديكـ يا صديقي ...
| |
|
|
|
|
|
|
Re: شعر اونطة !! لسن هن للفراش وحده , (Re: خدر)
|
والله يا خدر من حقك جدا انك تحتفل باسامة الخواض في بعض نصوصه ومن حقنا ايضا ان ننتقد بعض نصوصه , النص من حيث انه ضعيف و فكرته غير ملائمة لاطروحات اسامة فهو كذلك , اما انتقادنا بالطريقة التي نراها فهو ايضا من حقنا كما هو الحال في احتفائكم بالطريقة التي ترونها
ـــــــــــــــ
هذا يا صاح ليس تجني , وانما ضرب من ضروب النقد لا يستوعبها الكثيرون وان كنت متفاجئ بانك منهم بعدين يا صديقي في النهاية هي كتابة مختلفة فقط محض كتابة .. ولم يصل الحال بنا الي (البلنجة)
| |
|
|
|
|
|
|
Re: شعر اونطة !! لسن هن للفراش وحده , (Re: احمد التجانى احمد)
|
ههههههههه والله يا ابو حميد ضحكتني , قلت لي استخدمت معاك اسلوب دكتورنا الغائب التجاهل التجاهل التجاهل هاهاها لا ياخ لكن لو رجعت للبوست داك لوجدتني نحن الضيوف وانت رب المنزل , البوست داك كانت الفكرة فيه هو استفتاء واستنطاق , وبالرغم من دا جاب لي جمهور كبير طبعا مع الشغل والبيت المتابعة اللصيقة الزمان راحت علينا لكن بالرغم من دا وعدت في نهاية البوست وبعد مداخلة شاملة للجميع اني ساعود لكن عودة براااااااااااحة براحة الشباب ناس ود الصايم وتامبا متهمين اخوك بانه بقي يجليها ثابتة واخوك من كترة ما سمع الحنك دا صدق فعادي يا راعي البرادو احنا نقسي وعادي جدا انت تنسي
| |
|
|
|
|
|
|
Re: شعر اونطة !! لسن هن للفراش وحده , (Re: اساسي)
|
الاخ اساسي تحايا وود تعليقك على مداخلة الاخ سيف النصر اشار لانك تحترم بعد اشعار اسامة وانا كذلك وقد لا تعجبني نصوص كثيرة اخرى وهذا ينطبق على عدد من الكتاب والشعراء .. لكن بعد قراءتي الكاملة للبوست وجميع المشاركات الموضوع ليس رايك في هذا النص فقط بل التشكيك بالكامل في شاعرية اسامة وهذا الذي قد نفته مداخلتك بعد ايراد سيف النصر للنص الذي اعجبك لذلك يمكني القول ان عنوانك قد مهد لان عدد من المشاركين يذهبوا في نسف شاعرية اسامة وانت برغم اعجابك بالنص الثاني الا انك تتحمل عاقبة الهجوم على اسامة وشعره .. وليس نص "لسن هن للفراش" وحده وانا اتفق معك ان هذا النص ضعيف جدا ,, ولكني معجب مثلك بنصوص اخرى لاسامة
مع كامل احترامي لك ... حول كلمة او لقب مثقفاتي ... صراحة هذا اللفظ يطلق على الشخص الذي يطرح نفسه مثقفا وهو ليس كذلك في ازمان ما في السودان ظهر عدد من المتبطلين الواحد فيهم يطلع على كتاب كتابين ويجي يقعد معاك يخشى ليك في الانطلوجيا ويطلع ليك بالاركلوجي وفي النهاية لا انت تفهم حاجه ولا هو ذاتو يفهم حاجه .. كما ظهرت في بعض الفترات ولع بعض المثقفين الحقيقين بالمصطلح ونموذج لذلك الاستاذ/امفريب خريج قسم النقد بالمعهد العالي للموسيقى والمسرح فهو مولع بالمصطلح لدرجة يصعب ان تسمع له او تتحاور معه .. وهنا عندنا نموذج في البورد ده الاستاذ قاسم قور لو ما دخل ليك التماهي واللاء انتماء وانطلوجيا المعرفة ما برتاح ...
نص مثقفاتي عاوز انجر ليك قصيدة بالدراجه هنا هسه ممكن
استنيتك تدلقي في جواي خوفك وتمرقي للشوارع بتعابير الغناء وانا ما بكيتك لكني راجيك براي في الشوارع وما تقفلي جواي باب الحياة اليوماتي والناس الشقية
لقيت نجري اقصد شعري كيف
| |
|
|
|
|
|
|
Re: شعر اونطة !! لسن هن للفراش وحده , (Re: Ali Alhalawi)
|
يا اخوانا على هذا السايبر الاف الصفحات التي تقلد القرٍآن الكريم نفسه تقليدا كاريكتوريا كتابة و تلاوة على اليوتيوب و غيرها فهل هذا السلوك يقلل من قيمة القرآن أو قدسيته؟؟ هل بناء ناس هيئة حلمتنيش العليا لقصائدهم على غرار المعلقات و الشعر الجاهلي اذهب بريق المعلقات أو اثر على معجبيها؟؟
| |
|
|
|
|
|
|
Re: شعر اونطة !! لسن هن للفراش وحده , (Re: نادية عثمان)
|
دندونتو:
Quote: حولاااااااااااااااا!!! |
وناديه:
Quote: كيف الكلام ده ياجماعة ممكن نفهم ؟!( وش مافاهم صراحة لله ) !! |
ما قصدته هو اشتراك الانسان (كحيوان متطور) مع الحيوان في شأن الغرائز .. وهذا ما مهّد له Charlis Darwin في كتابه المثير "أصل الإنسان والانتخاب الجنسي" The Descent of Man, and Selection in Relation to Sex الذي تمت طباعته ونشره في جزءين عام 1871. وفيه يشرح دارون رؤيته لموضوع الانتخاب الجنسي .. ليكون كتابه هذا تمهيدا لنشره كتابه بعنوان" التعبير عن الانفعالات عند الإنسان والحيوانات" The Expression of the Emotions in Man and Animals, عام 1872 ليشرح فيه التطور السيكولوجي للإنسان ومدى علاقته بالسلوك الحيواني.. والذي أدّي لاحقا الي ظهور علم الاجتماع المقارن psychologie comparée مابين الانسان والحيوان .. المفهوم لدي من الفكره أن ما يرتقي بالانسان عن الصفات الحيوانيه تطوّر وانسانيه .. وأن مايشترك فيه الانسان مع الحيوان هو رجوع الي الأصل ..
----- ملحوظه: طبعا لادينا ولا ناديه وجّهوا لي سؤال مباشر !!! بس حبيت أجاوب علي تعجب دينا, وتساؤل ناديه ب: ياجماعه !!! علي انو بيخصّني, طالما الاقتباس الأصلي لي ..
متأسفه يا أساسي علي الخروج عن الموضوع ..
| |
|
|
|
|
|
|
Re: شعر اونطة !! لسن هن للفراش وحده , (Re: Amany Elamin)
|
امانى ؟ برضو ما فهمنا حاجة ,, Quote: الذي تمت طباعته ونشره في جزءين عام 1871 |
دى ذكرتنى بهامش دكين عن كتاباتو (عشا البايتات ص 478 ) !!
Quote: المفهوم لدي من الفكره أن ما يرتقي بالانسان عن الصفات الحيوانيه تطوّر وانسانيه .. |
يعنى بعد كم سنه كدا من تطور الانسانية ورقيها ستنقرض هذه الممارسات الى غير رجعه ؟؟؟؟؟؟؟
ــــــــــــــــ الله يطمنك !!
| |
|
|
|
|
|
|
Re: شعر اونطة !! لسن هن للفراش وحده , (Re: دينا خالد)
|
Quote: يعنى بعد كم سنه كدا من تطور الانسانية ورقيها ستنقرض هذه الممارسات الى غير رجعه ؟؟؟؟؟؟؟ |
دينا ياخ ماتضحكيني ... الظاهر فهمك للتطور زي فهمي للطاقه الذريه ..
ماعلينا ..
بالعربي: الغريزه عامل مشترك بين الانسان (الأصلا حيوان ربنا كملوا بعقلوا) والحيوان .. البيميز سلوك الانسان عن سلوك الحيوان انه الأول عقلوا مفروض يتيح ليهو يتحكم في غريزته ويهذبها ويوجهها .. يعني الغريزه كصفه مطلقه حيوانية الأصل والمنشأ ..
كده كيف؟
| |
|
|
|
|
|
|
Re: شعر اونطة !! لسن هن للفراش وحده , (Re: دينا خالد)
|
Quote: يعني الغريزه كصفه مطلقه حيوانية الأصل والمنشأ .. |
ما فهمت الغريزة كصفة مطلقه دي شنو...يعني الغريزة المتجرده من الاهداف؟ او الغير منظمة؟ الغريزة ايضا عند الحيوان عندها هدف و يحكمها قانون و هو البقاء الجنس غريزة بقاء، ربنا اداها للانسان و الحيوان اصلا و من البداية معا، بغض النظر عن وجهة نظر داروين عن نشاه الانسان اولا كحيوان
------------- معاكم غايتو في عدم تذوقي للشعر او الكتابه الما بتخلي حاجه للخيال عموما و البتميل لاستخدام الاثارة و خصوصا ما يدور في فلك وصف محاسن المراة الحسية، بغض النظر عن انه شعر موزون ولا ما موزون.. شفتو ليكم يوم قصيده انكتبت في عضلات راجل؟ ولا خشونة صوته؟ الكلام ده ما ليهو دخل باسباب تذوقي او عدمه لكتابه الخواض و لكن ردا لنوبي في اسئلته..
| |
|
|
|
|
|
|
Re: شعر اونطة !! لسن هن للفراش وحده , (Re: Rihab Khalifa)
|
رحاب:
Quote: ما فهمت الغريزة كصفة مطلقه دي شنو...يعني الغريزة المتجرده من الاهداف؟ او الغير منظمة؟ |
الغريزه كصفه مطلقه يعني الغريزه !! الحرص علي البقاء أو الحفاظ علي الجينات الوراثيه "بلغتنا حقت ال Genetics" برضو غريزه .. زي ما الأمومه غريزه .. وغيرها من الصفات اللي بيشتركوا فيها المخلوقات الأخري معانا, أو نحن بنشترك فيها معاهم .. كلامك صاح غريزة التكاثر عند الحيوان هدفها أو سببها البقاء,لكنه هدف unconscious .. دارون ياستي اهتم تحديدا بموضوع السلوك (الانسان والحيوان) وتطوره ..
---- مبسوطه انك موافقانا نوبي وأنا في الفكره الأساسيه, بس للأسف نوبي وأساسي الاتنين اختفوا في ظروف غامضه,
| |
|
|
|
|
|
|
Re: شعر اونطة !! لسن هن للفراش وحده , (Re: دينا خالد)
|
Quote: اموت واعرف عماد حرد البوست دا لييه ؟؟ |
يادينا ياخي لا تموتي ولا حاجة .. . أها أنا جيت وما حردان . بعدين أنت يانوبي يعني ما شايف إلا قصيدة أساسي دي عشان تعملها ممر ولا كيف؟ يعني هسه محمد الأمين ما قاعد طووول حياته يغني : صدرك لي خصرك ضرا .... وكمان وردي بغني البرتكان نهدك مدردم .. يعني ديل كلهم ما سمعتهم جااااي بس لي حبيبي ده ... غاتيو جنس غايتو ... ( مع الاعتذار لصاحب الجملة ) . وفي جانب آخر : نوبي أزيك ياخ .... رأيك شنو في تصنيف المريخ ياخ؟ وفي جانب غير الجانب دااااك : يادكين ياخي تعال شوف لينا الزول ده ياخ ...
| |
|
|
|
|
|
|
Re: شعر اونطة !! لسن هن للفراش وحده , (Re: داليا حافظ)
|
سلامات للجميع و مساء الخير بتوقيت هنا .. أماني .. تحيات طيبات Quote: بس للأسف نوبي وأساسي الاتنين اختفوا في ظروف غامضه, |
ابدا ما إختفيت و لاشيء موجود و بكثرة لكن كقاريء .. بعد رد إشراقة الاخير .. حسيت إنها ما دايره معاي تاني مشيت عملت ليها Search عشان أشوف آخر مداخلاتها لقيتها من يوم (4) مايو غائبة .. ربنا يكتب سلامتها و ينعم عليها بقليل من الوقت لتدينا طلة ..
رحاب ما قلت ليكـ ست الاسم ديمة متفقة معاي ياخ
داليا مع إني ما مشيت لحتة إنه الكاتب ينتظر نقد و هجوم Quote: فهذه الكتابة عادة بتكون " فطيرة "..مالم يكون الكاتب فطرة كدة .. |
لكن ما بأتفق معاكـ في الحتة دي نهائي لانه أي كتابة تخضع للنقد و أول شيء يفكر فيه أي كاتب محترف تجويد كتابته ليكون النقد فيها قليل و يكاد يكون معدوم ممكن أدمج نقطة حواركـ دي عشان تدخل في سؤلي الفوق ده إنه بعض الكُتاب يجتهد في وضع الحروف لكي لا تكون الكلمات (صادمة) او (شوارعية) عشان القاريء يستمتع بكتابته أو ما يحس بالاشمئزاز زي ما حضرتكـ تفضلتي و ذكرتي أعلاه .. و كمان عشان يقراءها أكبر عدد من القراء في شكل (أسري او اجتماعي متبادل بدون خجل) .. وده بيودينيا لسؤالكـ التاني بتاع القنوات (الاباحية أو الجنسية) شوف انتي بطبيعة حالكـ و تفادياً للكلمة قمتي عملتي شنو ؟ كتبتيها ما لأنكـ دايره تتفلسفي و لا لأنكـ ما عارفاها بل لأنه طبيعة التربية و المجتمع و العادات و التقاليد أجبرتكـ بعدم ذكر كلمة (جنس) في حواراتكـ العادية او العامة .. ناهيكـ عن تفاصيل الكلمة أو تفاصيل الحالة أو تفاصيل الجسد أو اي الفاظ إباحية .. يعني مستحيل أدخل البيت و أقول : (فلان كاتب قصة عن جسد واحدة .. حقيقي ممتعة) لكن ممكن أقراها في البيت و أكون حذر إنها ما تقع في يد زول .. سؤالكـ بتاع القنوات الجنسية ده تحديدا إجابته كالاتي : الزول اللي بيمارس (الزنا) .. ممكن يقول للمجتمع إنه بيزني ؟ و بالفعل مشاهدة القنوات الاباحية أو الجنسية زنا .. بنفس الطريقة ايام الهكر الفاتت كان في صور (خليعة) هنا .. اي واحد/ة منكم ممكن يفتح بوست يكون فيو صور زي دي في بيتهم أو مكتبه أو أما أهله ؟ ليه ؟
_ نهاية أسبوع هنيئة لكم جميعاً ..
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
Quote: الغريزة عند الحيوانات موجودة صح ؟ يعني الخروف عندو غريزة و الغنماية عندها غريزة و التور و البقرة عندهم غريزة !! دي ياها الغريزة المطلقة .. |
انا يا فيصل دايره افهم، البقاها مطلقه شنو الغريزه دي، او بالاصح شنو هي صفات الصفه المطلقه دي، وسالت سؤالي لانه اماني ذكرت في ما معناه انه الغريزه دي حقت الحيوانات اصلا، و ده كلام ما بيقتنع بيه الا زول يكون يوافق داروين في نظريه النشوء و التطور كونها مرتبطه بحيوان ما بيخليها غريزه مطلقه انتو قصدكم غريزه مطلوقه ساكت من غير راعي، قيد او قانون؟ طيب دي بيتساوو فيها كدايسك ديل و نوعيه معينه من البشر، هل اسمها لسه مطلقه؟
باقي اسئلتك عن الكدايس دي الا تنادي سجيمان lol
--------
سيد ست الاسم مساك الله بالخير، تصور الزوله دي لسه ما ردت علي؟ تكون غيرت رايها من الجيه؟ ههههها، كله منك
| |
|
|
|
|
|
|
Re: شعر اونطة !! لسن هن للفراش وحده , (Re: Rihab Khalifa)
|
رحاب دايره تكملي لينا السهرة هنا ؟ Quote: كونها مرتبطه بحيوان ما بيخليها غريزه مطلقه انتو قصدكم غريزه مطلوقه ساكت من غير راعي، قيد او قانون؟ طيب دي بيتساوو فيها كدايسك ديل و نوعيه معينه من البشر، هل اسمها لسه مطلقه؟ |
علي حد علمي الغريزة المطلقة هي التي لا يتحكم فيها العقل .. يبقي ياها مطلوقة بمعني إنه الزول ما بيفكر في عواقبها .. و بكده فعلا بيتفق فيها الكدايس او الحيوانات مع مجموعة من البشر (لا تتبع العقل) أو (غير سوية) أو (في كلمة لكن ما مستحضرها في الوقت الحالي) اما قصة إنه الانسان أصله حيوان دي الله أعلم (لكن ما مقتنع بيها) .. و بتدخلنا في متاهات أخوكـ شخصياً في غني عنها .. يعني هسي نحن كده قادرين نكمل اساسيتنا لامن نفكر إننا كنا حيوانات ولا لا ؟
_ بخصوص ست الاسم : بنحاول نشوف ليها حل وسطـ .. يعني يا اطلع منها أو أصلح ذات البين .. لوووووووووووول
| |
|
|
|
|
|
|
Re: شعر اونطة !! لسن هن للفراش وحده , (Re: فيصل نوبي)
|
رحاب:
Quote: انا يا فيصل دايره افهم، البقاها مطلقه شنو الغريزه دي، او بالاصح شنو هي صفات الصفه المطلقه دي، وسالت سؤالي لانه اماني ذكرت في ما معناه انه الغريزه دي حقت الحيوانات اصلا، و ده كلام ما بيقتنع بيه الا زول يكون يوافق داروين في نظريه النشوء و التطور .. |
أول حاجه أنا متحسسه جدا من أساسي لأنه احتلينا البوست بغير الموضوع اللي هو فاتحه ليه .. أساسي معليش بالجد.. بس لما ألقي كلام لي ما بقدر ما أرد .. موضوع الغريزه وكلمة صفه مطلقه ده بسيط جدا .. اللي أنا قصدته بكلة مطلقه: لما نجيب كلمة غريزه معرفه بالألف واللام "الغريزه" يبقي الفهم منها الصفه المطلقه أو معناها المطلق .. زي ما أسماء الله الحسني معرفه بالألف واللام وبتعني انها مطلقه زي الغني, أو القدوس ...الخ .. لكن لما حنسمي عليها يا حنقول غني, يا حنقول عبد الغني .. والصفه علي الاطلاق هي الغني .."بكسر الغين وفتح النون" .. عشان كده قلت ليك Quote: الغريزه كصفه مطلقه يعني الغريزه !! |
بعد كده اذا حنضيف ليها كلمه زي غريزة البقاء, أو غريزة التكاثر وكده حنكون حددناها أكتر .. الصفه المطلقه "الغريزه".. بتنطبق علينا وعلي الحيوانات .. الفهم ده ماداير زول مقتنع بنظرية دارون علي فكره .. لأنه دارون بدأ نظريه جاء العلم وأثبتها لاحقا .. يا رحاب ويا نوبي تصنيف الانسان علميا (وده علم اسمه ال Taxonomy) انه بينتمي للملكه الحيوانيه "Kingdom Animalia" تحت شعبة الفقاريات Vertebrates, طائفة الثديات Mammalia , رتبة الرئيسيات Primates اللي هي حقتنا نحن والقرود Apes, نوع الانسان Homo Sapiens اللي هي علي فكره بتعني Wise man وهي كلمه لاتينيه .. وثابت علميا برضو انه كان يوجد أنواع أخري انقرضت وبقي الانسان الأكثر ملائمه .. الكلام ده أي زول بتاع بيولوجي عارفه أكيد .. يبقي دارون قال كلام سبق عصره وبس لأنه لما جات الثوره حقت الجينوم جاء الاثبات العلمي والدليل المادي علي كلامه ..
تحياتي,,
| |
|
|
|
|
|
|
Re: شعر اونطة !! لسن هن للفراش وحده , (Re: Amany Elamin)
|
أماني
Quote: الصفه المطلقه "الغريزه".. بتنطبق علينا وعلي الحيوانات .. الفهم ده ماداير زول مقتنع بنظرية دارون علي فكره .. |
يعني تنظيري طلع صاح ! ياخ طيب و القراية فوق كم ! هسي أقوم أنظر ليكم أطلع داروين ده أي كلام لوووووووووووووووووول يا زولة أكتبي ساي كله يصب في محتوي البوست الاساسي و ده أساس الحداسية ..
حيدرنا يا قريبي إكتشفت مؤخراً إنه في خلال شهر ممكن تكتب شعر حداسي و كمان بكراعكـ .. المهم إنكـ تكون زول شفت و مقرم و تدخل ليكـ شطر بيت في عضده و تصاحب ليكـ مجموعة من المنبر تطبل ليكـ و أي زول يقول ده ما شعر يقولو ليو هات ما عندكـ اها شوية شوية بمشي علي منبر حسن شطة بفوريل رايدنق يوم الجمعة بس
_ جمعة مباركة للجميع
| |
|
|
|
|
|
|
|