|
ظلمتك أنا ..
|
ظلمتك أنا .. ظلمتك أنا يوم وصفتك .. وقلت عليك أجمل زول .. ظلمتك أنا .. يوم حكيت ريدك شعر .. ورسمتك لوحة ناقصة اللون .. ظلمتك أنا .. ورب العباد أعدل .. سوّاك أحلى زول فى الكون .. لوّن من التبر لونك .. وخلّص فصُوصُو .. خلاك للدهب بس توم .. خُصل شَعرك ترد الرُوح .. تهدّى البال تزيدو سُكون .. وجيهك قمر دورين بيتكمّل .. يسامر فى عيون تجافى النّوم .. رموشك سر سُهادى .. وليلى الطال وزادو مجُون .. وحاجبك تعزّر تحرى الرُؤيه فيهو .. تامى شهرنا تلاتين يوم .. عيونك رجّة سلاح مجنون .. يهدد فى سكون الكون .. شفاهك إكسير شهد ريدى .. مخلوط فى عسل معطون .. زفيرك طيب رحيق شهيقى .. تأكسد جوّه رئاى مسك مختوم .. وجيدك سفر يطول مشوارو .. يعبر لى وطن مظلوم .. خصرك قسمة عادله بين إتنين .. مقاماً .. عاليه سدودو .. وبسطاً .. أصلو كان مقسوم .. مخيّر الله فى قدرتو .. واجب الشكر وحمدو لزوم !!
|
|
|
|
|
|
|
|
Re: ظلمتك أنا .. (Re: صلاح أبودية)
|
Quote: سوّاك أحلى زول فى الكون .. لوّن من التبر لونك .. وخلّص فصُوصُو .. خلاك للدهب بس توم .. خُصل شَعرك ترد الرُوح .. تهدّى البال تزيدو سُكون .. وجيهك قمر دورين بيتكمّل .. يسامر فى عيون تجافى النّوم ..
|
الاخ الحبيب صلاح,
خيالك واسع وجميل ووصف المحبوب عندك وضئ الطلعة,
قربت تقول (لي في المسالمة غزال)
ليك تحية يا عظيم وواصل كفاحك,
أحمد الشايقي
| |
|
|
|
|
|
|
Re: ظلمتك أنا .. (Re: معتصم مكاوي)
|
Quote: الله من الكلام الحلو النافج من القلب يديك العافية وتغرد كمان وكمان |
الأخ معتصم مكاوى ! شكرا على المرور والكلمات الجميلة ! ومرحب بيك فى البورد !
| |
|
|
|
|
|
|
Re: ظلمتك أنا .. (Re: صلاح أبودية)
|
Quote: مخيّر الله فى قدرتو .. واجب الشكر وحمدو لزوم !! |
السيد صلاح
تحياتى الخالصة
وغير الوصف الجميل عجبتنى القفلة , ليس لنا حق التقييم لكن استمر فى الكتابة
والتعبير الشفيف وحتما ح تحس بالراحة .
لك كل الود
| |
|
|
|
|
|
|
Re: ظلمتك أنا .. (Re: صلاح أبودية)
|
والله عاد دا موضوع داير دراسة!!!
إكتشاف شاعرية في الاربعينات؟؟ في شيء خطير حاصل،،
أعرف الموصوف يقيناً فقد صورتها للناس كما هي !!
فعلا ظلمتها يوم أن بينت كل هذا الحسن بالدقة الرهيبة دي ولناس سودانيزونلاين ديل ابو عيون حارة ، خاصة احمد الشايقي دا!! = انت ياولد بقيت شاعر!!!
تهانينا ، ونبارك لمن خلدت وصفها بهذه الروعة،،
= فوائد إنعدام الكهرباء بدت تظهر ،، حر يفسخنا إن شاء الله طالما إنتشار الظلام سينثر فينا مثل هذه البهرة،، = واصل،، خلينا من علبة الماكنتوش!!
| |
|
|
|
|
|
|
Re: ظلمتك أنا .. (Re: ابراهيم الرشيد عبدالرحمن وراق)
|
Quote: ياهو زاتو بشمحه ولحمه وغايتو كان ما الكلام عجبنى كنت اسديت فيك حق الدورة 17 |
الأخ أبراهيم الرشيد ورّاق مبرووك اليوزرنيم ! ومرحب بيك عضو فعّال وما تبخل علينا ! ما شفت ليك بوست ترحيب عشان كده تفاجأت بك ! تحياتى لكل الفدائيين ! شرفنى مرورك !
| |
|
|
|
|
|
|
|