|
كرهت الحب !! ( يوجد شعر وغاوون) وبدون صور ومستندات !!
|
حبلك شنق نبض الحروف
صمتك كتم فيني الكلام
الجفوة من طرفك عذاب
وحروبنا ماضاقت سلام
كم في هواك عشت السراب
وصبحت قصور الريد حطام
كل الوعود البينا زيف
الهمسة والشوق والهيام
غرويدة العين في الوريد
وتنهيدة الروح في المسام
طفلتنا والبيت الجميل
والرفعة والشأن والمقام
كل الزمان قلناه عهود
أصبح خداع ودموع ملام !!
وهاك قولي في آخر الوداع
أنا جد ( كرهتك) والسلام !!
في تمام ساعة الحزن من العام 1850م( موش على كيفي ) ؟!!
( وش ضحوك خلقة الله )
|
|
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: علاء الدين حيموره)
|
علاء الدين حيمورة
Quote: في العام 1850 بدأت رحلتين رحلة اكتشاف منابع النيل ورحلة اكتشافك لمنابع الحب فقلبك الذي احب النيل والحب لا يكره .. |
لا
لا
كان على قلبي أنا لو ولعت فيهو حريقة مابعرف يكره تأكد من ذلك !!
قلبي ياعلاء مابعرف يكره حتى من يستحقون الكراهية والبغضاء !!
ماتشوف الشعر ده كده ياخ
ثم في العام 1850 م ذاتو ماكان إكتشفوا الكراهية صاح ؟؟
ده كلام شعراء .. إنت ماغاوون ولا شنو ؟؟ ( وجه بسوم خلقة الله )
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: معتصم مكاوي)
|
Quote:
كل الزمان قلناه عهود
أصبح خداع ودموع ملام !!
وهاك قولي في آخر الوداع
أنا جد ( كرهتك) والسلام !!
|
هذا توقيع نهائي مؤلم
شكرا استاذة نادية ..
اليك هذا الطلب المتشائم ايضا
Quote: لانك.. اول من ادخل في عالمي الكئيب توليفة الفرح المعافي ثم البسني ثوب الدهشة الأولي وعشق الوطن الخرافة ثم دس شرايينه في دمي لتموت انسجة المخافة كان حتما ان تزول بيننا كل اقبية الانتظار وكل ابعاد المسافة .. فلا تكرهيني .. الا حين يندلق الكاس .. بما تبقي من سلافة ولاتحرقيني .. الا بعد ان تضعي التبغ في اجمل لفافة .
|
تري لماذا تكون الخاتمه دائما الكراهية حين يكون العشق عميقا جدا
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: بابكر عثمان مكي)
|
الأخ الفاضل
بابكر عثمان مكي
Quote: تري لماذا تكون الخاتمه دائما الكراهية حين يكون العشق عميقا جدا |
أنا لا أؤمن أبدا بنظرية تحول العشق والمحبة الحقيقية والخالصة الى كراهية وبغضاء
فالقلب الذي يحب من المستحيل ان ينسرب الى شرايينه الكره والحقد على المحبوب
مهما كانت قساوته وجفاه وظلمه للحبيب .. هذه قناعة تصل حد اليقين لدي .. البحب مابكره !!
حتى وإن أعلنها في كل كتاباته الشعرية فهنا فقط تأكد أن الشعراء يقولون مالا يفعلون !!
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: نادية عثمان)
|
الرائعة ندوية سلامات
Quote: حبلك شنق نبض الحروف
صمتك كتم فيني الكلام
الجفوة من طرفك عذاب
وحروبنا ماضاقت سلام
كم في هواك عشت السراب
وصبحت قصور الريد حطام
كل الوعود البينا زيف
الهمسة والشوق والهيام
غرويدة العين في الوريد
وتنهيدة الروح في المسام
طفلتنا والبيت الجميل
والرفعة والشأن والمقام
كل الزمان قلناه عهود
أصبح خداع ودموع ملام !!
وهاك قولي في آخر الوداع
أنا جد ( كرهتك) والسلام !!
|
تسلم حروفك ياصاحبة
تيف تيف
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: نادية عثمان)
|
Quote: ضحكك شرح قلب السماء رطب الصحراء و لمس عصب الجبل دوزن الحزن المهاجر فى المقل صحى انوار المداين و غازل النيل و السهل ضحكك وصول حزمة رسائل من اهل
اضحكى تضحك الدنيا ..و تفيض
اضحكى تصحى الكهارب فى الشوارع ينكسر سور الموانع و تبدا اعراس المزارع و المصانع
و توصل الناس
الروائع
يا روائع اضحكى |
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: محمد الجيلى)
|
Quote: وهاك قولي في آخر الوداع
أنا جد ( كرهتك) والسلام !! |
لا أدرى لماذا يوجد في الدنيا الوداع لماذا نبتعد ونعاني في حياتنا من الضياع متاهة هي.. هل من الأفضل أن أمضي.. أن أبعد.. بدون سلام ولا كلام.. أم هل أودع.. ويبقى الحلقم في الحلق.. والذكرى عالقا... نفارق على نوتة موسيقية راقية أجمل من قطع حبال الود.. إلى الأبد..
نادية إزيك
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: Kostawi)
|
كستاااااااااوي
عارف ؟
لو يوم ربنا كتب لينا وإتلاقينا في ممشى الدنيا العريض ده
بس عايزاك توريني صوري العندك كلها لأنو صورى العندك دي أنا ذاتي ماعندي
والأغرب مامتذكرة إتصورتها متين ذاتو ووين والمناسبة شنو تصدق ؟!
عاين
في صورة رايحة لي بلقاها عندك ؟( وش مبسوط منك ياخ)
تسلم وكن بألف خير
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: Kostawi)
|
كستاوي الفنان
يارب ما أعدمك يارب قول آآآآآآمين
إنت عارف الصور الانت جبتها دي من كم دولة ؟؟
وأحدات في البحرين
ووأحدة في ارتيريا
وفي مصر
وفي الامارات
وفي السودان
ومعظم الصور الجبتهم ديل ولا عندي في كمبيوتراتي شفت كيف ؟!
تسلم لينا إن شاء الله ياكوستاوي
ومعناها إنت بتأرشف لينا لي جنا الجنا
وكده ضمنت لما أموت حاتعمل لي بوست نعي محترم بالصور سمح ؟
كن كما أنت طيب وأبيض القلب
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: mamkouna)
|
ياااااااااااممكونة
الغالية على قلبي جدا جدا
ماتتخيلي مشتاقة ليك ومحتاجة ليك ومفتقداك قدر شنو ياخ !!
عارفة ؟!!
إنتي وأحدة من حسنات منبر بكري ده الممكن تشفع ليهو يوم القيامة ويدخل الجنة !!
ماتتخيلي وجودك هنا في اللحظة دي بالذات جاء في وكتو كيف ياممكونة ياخ !!
موش مرات تحسي انك محتاجة تشمي هواء نضيف ونقي يفك خنقتك وعبرتك ؟!
موش بتكوني مرات محتاجة حضن صديقة حقيقية حنين
بيحبك عن جد ترتمي فيهو وتبكي وتشكي ظلم الدنيا والناس والأقربين والغرباء ؟!!
اللحظة دي ياممكونة وأنا بفتش عن الصديقة
دي جيتي إنتي في المكان ده وبكيت معاك وقلدتك شدديد
وإرتحت رغم العبرة المازالت محشورة بالعرض في حلقي !!
شكرا ياحبيبة وطمنيني عليك سمح ؟
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: نادية عثمان)
|
Quote:
ثم في العام 1850 م ذاتو ماكان إكتشفوا الكراهية صاح ؟؟
ده كلام شعراء .. إنت ماغاوون ولا شنو ؟؟ ( وجه بسوم خلقة الله ) |
الأخت نادية
سلام
كلامك ده ذكرني بهند آكلة الأكباد.. طبعا أكلتها بحقد كما روى لنا التاريخ!! آخ الحقد درجة أعلى من الكراهية.. وعندما يدخل قلب حواء.. يا إلهي.. نقول على الأرض السلام.. يعني الكراهية المرفوعة للقوة حقد قديمة واقدم من 1850م.. والنيل ده البقولو فيه الكلام الكثير من حب و"جكيس" لما يأخذ عزيز لدينا تتبدل مشاعرنا تجاهه.. لكن طبعا كلام شعر..
تحياتي عبدالعزيز
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: حسين محي الدين)
|
كرهت الحب عشان كان ليك
وكرهت قليبي شان حباك
كرهتك يوم ضحكت علي
وجيتني كأنك إنت ملاك !
جيت شايل كراريس ريد
وتحلف بالذي سواك !!
إنك توفي وعد الريد
ويروح برد الفؤاد بي دفاك !
كرهتك إنت جد كضاب
ورودك في الأساس أشواك !
كرهت زمن عرفتك فيه
وقلت حبيبي ما أحلاك !
طلعت وهم سراب خداع
صباحك زيف وبرضو مساك !
كرهت حلم حلمتو في يوم
أكون جنبك شريكة معاك
بطعم الحنضل المطحون
شربت المُر كتير في هواك
ياما سهرت أبكي الليل
يشهد قمري والافلاك !!
ياما صبرت حاضنة الشوق
أعد ساعاتي شان القاك !
هديتك روحي وردة حب
ورهنت سنيني منتظراك
لا بتستاهل الدمعات
ولا قلبي الحزين هماك
كرهتك من صميمي خلاص
وبقدر اقولها أتحداك !!
كــــــــــرهتــــــك !!!
تموز في ليلة قمرية من العام 1900م
| |
|
|
|
|
|
|
Re: كرهت الحب !! ( يوجد شعر وغاوون) وبدون صور ومستندات !! (Re: معتصم مكاوي)
|
العزيزه ناديه عارف انه الكره ده لما تم توزيعه لم يصرف لكي منه شئيا ...
وعارف قلبك المليان حب ومحنه بلا فرز او تصنيف ...
عارف حبك لكل الناس وحبك لعملك وحبك لوطنك .,,,
وزوله بتقول درر فالكره هو اخر شئ يمر ببابها ...
Quote: وجيتني كأنك إنت ملاك !
جيت شايل كراريس ريد
وتحلف بالذي سواك !!
إنك توفي وعد الريد
ويروح برد الفؤاد بي دفاك ! |
| |
|
|
|
|
|
|
|