|
Re: يوست خاص بمناسبة عودة الرطاني للمنبر العام (Re: doma)
|
Quote: سلام يا شيخ العرب وحباب اخي السوداني اصيل بن النيل الجميل ابوبكر سيد احمد |
يازينب كنتي وين ؟؟؟ يعني الصغار زييك لما يقولو عن قلة الشوف انا اقول شنو باربع عدسات اتنين جو واتنين برة ... تسلمي من كل ردئ وعيونك تفضل مفنجلة ..قولي لمين
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
الاستاذة Doma
Quote: سلام يا شيخ العرب وحباب اخي السوداني اصيل بن النيل الجميل ابوبكر سيد احمد علا يا شيخ العرب فديوهاتك دي ما قدر اشوفها اصلوا الشوف بقي قليل يا ود ابواتي |
كيفك انت وليك طولة وكتر خير الرطاني الجابك انت والفاتح ميرغني طالين علينا
الفديوهات شغالة يمكن تكون عندك مشكلة تقنية راجعي الوليدات الصغار اصلهم صاروا مراجع في كل ما يتعلق بامور ال IT
كل الود
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: خالد ماسا)
|
الزعيم شيقا
الباشمهندس يستاهل اكتر من بوست
وشخصية كنت اتابع كتاباته التوثيقيةالجادة
بالمناسبة المهندزين ديل انا عندي علاقة خاصة بيهم
ما بتي الحلوة طالبة هندزة وان شاء الله تتخرج مهندزة كبيرة ونفرح بيها وتمشي علي خطي الباشمهندس في الهندزة.
قلبت السين زاي تقليدا للممثل عبد الله السدحان في احدي الاعلانات وهو يقول :
يا مهندز ... يا مهندز.
للجميع تحياتي وكل الود،،
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: محمد أحمد الخضر)
|
Quote: بس أنا عاو أعرف العريبي لقط الخبرية دي كيف ومن وين؟ |
يااستاذي ودالخضر .. العرريب اضنينو لاقطات ويرلس ولقاني مزنوق في كورنر واهو لقاها فرصة ثمينة وخصوصا اليوميين دييل سوق الاوراق المالية الشغال فيهو حولوه لسوق سمك بعد الازمة الاقتصادية واهو قاعد وقدامو كوم زبيدي وهامور وخلافو بيفتش علي زباين
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: Elmoiz Abunura)
|
شيقاشيقو (على وزن شيكابيكو) بوست فنان ودمو خفيف (وزن الريشة) ورغم خفتو قدر يقبض االباشمهندس) بجلالة قدرو ويجيبو مستسلما لأحبابه وعشاقه ويحكم عليه "بالإقدام" حبا والخروج من مخبئه السرى ... عندما يختفى الزعيم سنسلط عليه الأعاريب من بنى شيقوق لإعتقاله واستجوابه بواسطة محبيه الغاضبين وتوقيع أقصى (اقسى بالحلفاوى) العقوبات لدى محكمة"الجبايات" الدولية عشان يتغرم ... وما فيش حد احسن من حد... مش ودوا ناس لمحكمة الجنايات الدولية!!!
سعيد بظهور الزعيم من مخبئه وإطلالته علينا بعد غياب... يا الرحتو طولتو ويا شيقاشيقو... قرض شديد عشان ما يزوغ... زوغة زعيم... وخلى سعادة المستشار يساعدك بدفرة.... هيلاهوب....
منان
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: Mannan)
|
Quote: شيقاشيقو (على وزن شيكابيكو) |
يابن عمي العرريب يقوم يفتكر الاسم دة شيشاني ويحلف انو اجدادو ما من الجزيرة العروبية وهم جو من هناك ويمشي يطالب بغاز شيشاني طبيعي ويحارب روسيا ويدخل اهل البردانة في معارك لا تنته ؟؟؟ ما قال قبل كدة انو خبير اسواق مالية واها انت شايف الحال والدوا تحت ال8000 يعني دبريشن ومش ريسشن ...؟؟خليهو في حالو يدوبي ساااااي
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: Elmoiz Abunura)
|
Quote: مرحب بصديقنا المشترك, وحكيم النوبيين أبوبكر |
عزيزنا المعز مودتي . يااخي عشرين سنة وبنكتب ونتكلم والحال ما بيتعدل فقلنا نصمت ..الارث الشفاهي الغالب عند اهل السودان لو تم تحوييل نسبة منه الي عمل لتغيير حال بلادنا ...السواقي بس لو اشتغلت لكفي بعض اهل السودان مشقة مد الايادي للغير باسم دين مالي او معونة انسانية اومساعدة عينية.. نحن في ورطة والقادم اصعب فماذا تركنا لاجيال قادمة غير مجلدات من نوستالجيا لماض كان مجيدا بفعل غيرنا حتي ولو كنا منه وحاضر جعلنا منه عقدة معقدة بعقد كثيرة...ماذا يفيد الصوت العالي والضجيج وبلادنا في محن تتوالد فيها محن وحتي البترول الذي تحت الارض بيع مقدماوالاراضي الزراعية اما حولت الي اراضي سكنية لم تتطور او بيعت لاجنبي لم يدفع شيئا .وكثيرو اخذو ثمن ذلك وهربو الي بلاد اخري تستفيد من مال اهل السودان واهل السودان افقر من الفقر ذاته .. ماذا يفيد جعجعة بعزة نفس لم نقرنها بفعل عاقل منتج ولكن البسناه ثوب نفاق لا يبلي . هل فينا حكيم بعد هذا ؟؟
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
Quote:
اتلومت بالحيل يا ود محجوب - يعني خايف على قريبك منى ؟
ده نحن ساعينو يرجع لينا المطلقة ويحل نزاعات حدود الاراضي ويشيل الجدادة منجضة يختها للنفساء في تربيزتها
د رطاني من طراز غير |
بمناسبة الحدود والأراضى دى ما قلت لينا عملت شنو فى البترول والغاز الظهرو عندكم دى. يعنى وفرتو الفحم ؟؟؟
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
الف مرحب بى شيخ الرطانه ليكم وحشه والله العظيم نجد انفسنا معكم دوما. ياياشمندس العريبى مايكسر مقاديفك ويبهل ريك دى دايره ترجمه ياشيقوق انا شايفو قرح خلاص دحين افتح ليه بوست عشان انقى شعيرو . انا عارفك بتجيب خبرو . حفلات ساهى فى الشهور الفاتن ديل . تحياتى
شيقوق اعزم الرطانى فى شهر 8 خلينا نوديه البطانه يشرب ليه لبن ابل حامض وفطير . والله يجى صبى ....
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: خالد المحرب)
|
Quote: شيقوق اعزم الرطانى فى شهر 8 خلينا نوديه البطانه يشرب ليه لبن ابل حامض وفطير . والله يجى صبى .... |
ياشيخ العرب التحية لكم وللست الطيبة عفاف والانجال كلهم ... انا بعيد عندك عندي Lactose intolerance يعني ما بشرب لبن ولا باكل مشتقاته وعندي Yeast and wheat intolerance وبالتالي ما بكل فطير ولا رغيف ولا اية حاجة بس خيار زي الارانب . شفت جنس الحالة دي ..ودي بتخليني ما اتعزم ... ودحين العرريب عرف مشاكلي وحيصر علي العزيمة بشان يغطس حجري بتاع القرود والنهر الجاف دة ؟؟؟ وبعدين مرة كنت متابع برنامج عن البادية وشفت واحد بيكون مسئول عن امن وسلامة المجموعة (نسيت اسمو او تعريفو ) وما بينوم الا بعد ما كل المجموعة تنام وهو البجهز للرحيل ..الخ .. انا برشح العرريب دة تاخدو معاك البادية تشغلو الشغلانة دي اها ما عندو شغل بعد الانهيار الاقتصادي واخير ليهو كدة سكن واكل مجاني ...هو لاقي يخدم شيوخ البطاحيين عرريب البندر بتاع سوق الناقة دة ؟؟؟
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
سعادة الزعيم منان النوبي
بوست فنان ودمو خفيف (وزن الريشة) ورغم خفتو قدر يقبض االباشمهندس) بجلالة قدرو ويجيبو مستسلما لأحبابه وعشاقه ويحكم عليه "بالإقدام" حبا والخروج من مخبئه السرى ... عندما يختفى الزعيم سنسلط عليه الأعاريب من بنى شيقوق لإعتقاله واستجوابه بواسطة محبيه الغاضبين وتوقيع أقصى (اقسى بالحلفاوى) العقوبات لدى محكمة"الجبايات" الدولية عشان يتغرم ... وما فيش حد احسن من حد... مش ودوا ناس لمحكمة الجنايات الدولية!!!
معذرة الاقتباس عندي ضربوهو عين
عليك الله ما تخرب علينا الراجل نحن بندودر فيهو دودار وبنولف فيهو توليف خلينا ندخلوا الحلقة عشان يزيد من ايقاعه المنبري . كن في انتظاره ليرمي الجير بوكس في نمرة 5 وعييييييييك علا تخت ايديك في رموشك عشان تشوف علالو .
ويا شيقاشيقو... قرض شديد عشان ما يزوغ... زوغة زعيم... وخلى سعادة المستشار يساعدك بدفرة.... هيلاهوب....
الايام دى بنعلق ليهو بالنبق واللالوب لزوم التوليفة
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: فيصل محمد خليل)
|
عمك كمال
اتلومت بالحيل انت سيد الحارة تجينا متاخر كدا؟.
Most people walk in and out of your life, but only FRIENDS leave footprints in your heart
دى الغفرت ليك سيئاتك يا عمو -
ذكرتني عمي عبد الغني ود شيقوق شيخ الحلة - الله يرحمه - لما كنت محامي في السوكي كان بيكون منتظر عودتي للحلة في نهاية الاسبوع عشان اعصر ليهو ولما اتاخر لاسبوعين بيزعل منى ولو تلاته عييييييك بكشف حالي . اها اخوك لو غاب تلاتة اسابيع لازم يناول حاجة كبيرة تطرح الوش وكمان معاها فطور وشاى .
اها انت هسع جيتنا بعد تلاتة اسابيع لكن جيت صار ليك خيرا سمح بالحيل ليك علينا الفطور والشاى يا مسنوح .
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
الرطاني
انا بعيد عندك عندي Lactose intolerance يعني ما بشرب
Lactose intolerance دى علا يعرفها مرتضى ود حامد _ نبعدها لحدى يجي يفسرها لينا
لبن ولا باكل مشتقاته وعندي Yeast and wheat intolerance
برضو جنبناها للمرتضى ود حامد
وبالتالي ما بكل فطير ولا رغيف ولا اية حاجة بس خيار زي الارانب .
تأكل امباز؟
شفت جنس الحالة دي ..ودي بتخليني ما اتعزم ... ودحين العرريب عرف مشاكلي وحيصر علي العزيمة بشان يغطس حجري بتاع القرود والنهر الجاف دة ؟؟؟
هو انت فضل ليك شنو غير دا
وبعدين مرة كنت متابع برنامج عن البادية وشفت واحد بيكون مسئول عن امن وسلامة المجموعة (نسيت اسمو او تعريفو ) وما بينوم الا بعد ما كل المجموعة تنام وهو البجهز للرحيل ..الخ .. انا برشح العرريب دة تاخدو معاك البادية تشغلو الشغلانة دي اها ما عندو شغل بعد الانهيار الاقتصادي واخير ليهو كدة سكن واكل مجاني ...هو لاقي يخدم شيوخ البطاحيين عرريب البندر بتاع سوق الناقة دة ؟؟؟
انت ابقى مارق علينا بس شوف عز ود المحرب وعزي ليك كيف
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: فيصل محمد خليل)
|
Quote: ابو بكر والذى افتقدتة كثيرا لانة من نوارات هذا المنتدى |
ياكيمو اخجلتم تواضعنا (هم الاعراب ليه بيقولو كدة ؟ اها سمعناها منهم ..اخجلتم تواضعنا بس العرريب بتاعنا ما بيعرف الحاجات دي )... وشكرا عي غناء الانسان الجميل المرحوم خليل اسماعيل ....بعدين العرريب دة احفادو في مرحلة الاحتراف الكروي في بتسوانالاند ويجي ويقول ليك "عمو" .. اديلو سوط هذا العرريب العجوز
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: abubakr)
|
يا حليلك يا الرطاني الماضقت لبن الابل يا حليلك يا الرطاني العمرك ما مزيت بالموليتة يا حليلك يا الرطاني الما شويت عود اليوي في النار وسويتو ملود قدلت بيهو في السارايا ( اليوى ده نوع من الشدر - انقرض الان - زمان اهلنا بيقطعوا منو عيدان عشان يركبوا فيها حديد الحشاشة ومنها جات العبارة المشهور - أسد اليوى) وقد وردت في اغاني الراحل قريبك خليل فرح .
ويا حليلك يا الرطاني الما اتعصرت جنب امك زمن النفاس واكلت معاها الرز وعصيدة الدقيق الفيني بالحلبة ويا حليلك يا الرطاني ما جربت النقزة بعد الدروس في الاولية لبيتكم عشان تجرى تسقي حمارك وتعوم في البحر وتلقط اللالوب. يا حليلك يا الرطاني الما ضقت الجرية من ناس القراحة والتطعيم زمان وقت الانسان كان انسان يا حليلك يا الرطاني ما حضرت زمن ناس البوف يجوا ونطلع ليهم المراتب برة لرش البيوت من الحشرات
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
يا عرريب القرن الواحد .. حليلك انت الما اكلت سوشي ولا ياكيتوري ولا شربت الاومي شو والهوت شيك ولاشربت الايسد موشا في دوم ولا اكلت جكن نقتز ولا اونيون رولز ولا بارليينز من باسكن روبنز ولا شربت ايسد تي .... وتقولي شنو وتقولي منو ....عصر حجري ...
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: Mannan)
|
الرطاني
Quote: يا عرريب القرن الواحد .. حليلك انت الما اكلت سوشي ولا ياكيتوري ولا شربت الاومي شو والهوت شيك ولاشربت الايسد موشا في دوم ولا اكلت جكن نقتز ولا اونيون رولز ولا بارليينز من باسكن روبنز ولا شربت ايسد تي .... وتقولي شنو وتقولي منو ....عصر حجري ... |
وحاة الرسول انا طالع ماسح من كلامك ده .
انت تاني مافيك رجاء ترجع للويكاب وام تكشو وام صقعو يا مسنوح
عيييييييييك ده طرفنا منك خليك مع ياكتوريك والاميك والهوشيك
منان
دحين سمعت بكلام قريبك ده هل فعلا في حاجات زى دى ؟
غايتو اقول ليك كلام انا المحيرني مشيت لكارفور اكبر محل تسوق في السلطنة وحاجات الرطاني دى كلها ممكن تشتريها بكيلو واحد بتاع طحالب اسمو عندنا ( ... الواطة ) بقوم عندنا هناك بروس وفي الصقيعة ساى .
منان السر شنو في بتاع الواطة ده هنا غالي خلاص في الخليج
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
ورسالة تانية من العم كمــال
ــــــــــــــــ
لا شكر على واجب يا باشمهندس
انتة عارف لما العرررريب بضرب فى الحاجات المش عارف اية..كنا نحنا فى الصباح
بنضرب فى المياك شيك والبننا سبيليت فى محلات مرهج فى السوق الافرنجى اما بالليل
فهاك يا كروفوزير وبلا اند وايت والمزة مارتيدلا وورق عنب محشى ..قال موليتة قال
اوعى غريبة يجى بجاى...... واللة يا باشمهندس رجعتونا للايام الحلوة فى البورد
ايام الون تو بتاعتكم ديييييك واسمحو لى بان انزل بعضا منها فى هذة المساحة:ـ
كيمـــو (شلنا حكاية عمو يا هندسة) قر قر قر ـ حقت الجماعة
ـــــــــــــــــــــــــــــــ
Quote: انت هسع صليت ولا جيت طوالي على النت ؟
انا النت عندي سو سو مع التلفزيون شغال طول اليوم وفي اي بكان ودي ميزة التكنلوجيا وممكن اكون مسطح وشغال بالريموت .. يعني حالتك حالة معاي .. صباح مساء اي وكت يعجبك ياحتات ــــــــــــــــــــــــــــــــــــــــــــــــت شيخ شيقوق (ختـر) نزل البلد بي شوقو
يا البادراب وقوف والنهمة تفزعو فوقو
زولاً كان نصيح في (النت) يجرجر عـوقو
ناوي العودة طيّـبـنـا المبطّــر ذوقـو
ود الشايقي ـــــــــــــــــــــــــــــــــــــــ
Quote: يازول ها البرش ودشيقوق بى اللبن نحن نرشو بالدم
ياشيخ العرب مش الاول نلقاهو .. اهو لي ساعتيين بتصل وهو قافل تلفونو ... اها دة معناهو شنو ...؟؟؟ واحنا بقي فينا دم بشان نرشو....؟ ما تخلينا مع اللبن البدرة الكتير دة ... ــــــــــــــــــــــــــــــــــــــــــــــــــــــــــــت معقول نسيتو ودشيقوق ياجماعة البطانة والنهر الجاف ؟؟؟ اها بس العرريبة ام احمد وابوحمد ( دي مش المحطة دي يعني فازر اوف احمد ) هم الجايبين خبارو ودي كمان لانو بواحمد عندو مصالح اخري مع ود شيقوق وام احمد منضامنة مع ام عبدالله لمراقبة الحتاتيين الاتنين ... ــــــــــــــــــــــــــــــــــــــــــــــــــــــــ الواحد بقي يهطرب .... دوبيت وكلام عراريب كتير ماني قادر افك طلاسمو ( حلوة دي ) وات قاعد هناك وقدام البيت عشرة ركشات واحدة للاعراس وواحدة للمستشفيات وواحدة للحفلات وووووووو ات خلاس اشتغلت في المواصلات العامة وام عبدالله الكمسارية وودرت البورصة ؟؟ ما ترجع .... ــــــــــــــــــــــــــــــــــــــت
Quote: غايتو اى زول جعورد بتجيه الهطربه انشالله تبري انت من الحمى
يا ماجدة ما شايفة قريبي رافت بيزيد الحمي كيف ويكاويني بالعربي الفصيح والغيد والجندول في عرض القنال وانا في صحراء سلقط ملقط وودالمحرب بيقولي بتدلع وانا صغير ما ادوني فرصة ادلع -اها قراية قراية وعمي الله يرحمو كان عندو مدرسة صغري وعلي طول من شطر امي الي المدرسة دة كلام ياناس -اها اسويها كيف ودلع الكبار شين
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: فيصل محمد خليل)
|
Quote: انتة عارف لما العرررريب بضرب فى الحاجات المش عارف اية |
اها ياكيمو قدر ما فتشت في كتب الطبخ للشف رمزي ومواقع الانترنيت لراشييل راي والفلبيني وبرامج فتافيت وحتي برامج شف اسامة ما لقيت العدة الكتب عنها العرريب .. دة ما عدة طبخ culinary وغالبا من اسبيرات تيمس عمو ما لقي ليها اسم فقام مسميها الاسامي الغريبة دي ...دة ايه يامرسي ؟؟
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
شو عناصرها وخرابيط ؟؟ هادي شو ؟؟اسبيرات ؟؟شو هالاسماء ويكاب وما ادري ايش ؟؟ ياعرريب احنا كنا بنروق بعد الفطور في السويت روزانا وبنتغدي عند الشف سمير بتاع صحاري ونتعشي في المك نمر ومرات في مطعم المطار او نادي سودانير او النادي السوري او ابولو ولما نفلس اها نتعشي في الشرق واسبوعيا لازم سانت جيمس ومرات في المناسبات صالة غردون وتقولي ما عارف ايش ويكاب وركشة ؟؟؟ شو التخلف هذا ....
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: abubakr)
|
عمو كمال
Quote: كنا نحنا فى الصباح
بنضرب فى المياك شيك والبننا سبيليت فى محلات مرهج فى السوق الافرنجى اما بالليل
فهاك يا كروفوزير وبلا اند وايت والمزة مارتيدلا وورق عنب محشى ..قال موليتة قال
اوعى غريبة يجى بجاى...... واللة يا باشمهندس رجعتونا للايام الحلوة فى البورد
ايام الون تو بتاعتكم ديييييك واسمحو لى بان انزل بعضا منها فى هذة المساحة:ـ |
يعني عشان الذلمة من إنديكم بّدك تنحاز ليهو بهون؟
تاني لا انت ولا هو ما فيكم رجاء لاهليكم طالما بقيتوا تقرمشوا العنب بدل البركاوي وتمصوا المارتدلا بدل الشرموط الجاف الكان زمان يتدلدل من مشلعيب اماتكم وطالما بقيتوا تتطوحوا في اللابتوبات بدل القفاف وطالما بقيتوا تفتشوا في الاوقات الباردة للرياضة وتخيف الوزن بدل خمج البادوب وطالما بقيتوا - تعملوا كلك للغسالة وعيييك بدل تفرشوا توب الدمورية في القرير طرف البحر وتهرسوهو براحات كرعيكم وآخرتا تمطوهو في فروع السدرة عشان يجف وآخرتا تجوا تلقوا الطير ... فوقو .
هيييييييييييع
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
Quote: ياعرريب احنا كنا بنروق بعد الفطور في السويت روزانا وبنتغدي عند الشف سمير بتاع صحاري ونتعشي في المك نمر ومرات في مطعم المطار او نادي سودانير او النادي السوري او ابولو ولما نفلس اها نتعشي في الشرق واسبوعيا لازم سانت جيمس ومرات في المناسبات صالة غردون وتقولي ما عارف ايش ويكاب وركشة ؟؟؟ شو التخلف هذا .... |
القال لك منو تخلف ؟ هو انت جيت متلب من السماء للحاجات دى يا العشاء اب لبن ؟
وحاة النبي رحل اولادى الخرتوم وساكنين سمح ماكلين حاجاتكم ديل علا بحسبوا للاجازة بالثانية عشان يهربوا من الخرطوم ويمشوا يجلسوا مع حبوبتهم تحلب ليهم البقرات وتجيب ليهم اللبن بي ذبدو حااااااااار يقرطعوا وينبسطوا منتظرين القمر يطلع متين عشان يمشوا يلعبوا حرت والرمة الحباسة وشدت مع اولاد عمهم وخالاتهم وبعد ينتهوا يجوا بغبارهم ينوموا كلهم في بيت حبوبة ومنها يسمعوا حجيتكم ما بجيتكم الرطاني جاني وجاكم وعييييييييك يا الغمضة علا الشمس تطلع ويمشوا يتلببوا نار قهوة وتدفوا من السقط وعييييك
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
Quote: وحاة النبي رحل اولادى الخرتوم وساكنين سمح ماكلين حاجاتكم ديل علا بحسبوا للاجازة بالثانية عشان يهربوا من الخرطوم ويمشوا يجلسوا مع حبوبتهم تحلب ليهم البقرات وتجيب ليهم اللبن بي ذبدو حااااااااار يقرطعوا وينبسطوا منتظرين القمر يطلع متين عشان يمشوا يلعبوا حرت والرمة الحباسة وشدت مع اولاد عمهم وخالاتهم وبعد ينتهوا يجوا بغبارهم ينوموا كلهم في بيت حبوبة ومنها يسمعوا حجيتكم ما بجيتكم الرطاني جاني وجاكم وعييييييييك يا الغمضة علا الشمس تطلع ويمشوا يتلببوا نار قهوة وتدفوا من السقط وعييييك |
يعني الصبيان ما عمبروحو الاسكيينغ في المول ؟؟ وما بيلعبو ببلاي استيشن ثري ويسمعو سيلون ديلون في الاي بود ويرمسون مع رفيقاتن بالايفون ثري جي ويتعشون في ناندوس ويشترون ابس كريم من هاقانداس ؟؟؟ شو هالحالة ؟ شو ابقار والرمة الحباسة ؟؟هادي اثار ؟؟؟
خليك مع الزمن ...!!!
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: abubakr)
|
Quote: يعني الصبيان ما عمبروحو الاسكيينغ في المول ؟؟ وما بيلعبو ببلاي استيشن ثري ويسمعو سيلون ديلون في الاي بود ويرمسون مع رفيقاتن بالايفون ثري جي ويتعشون في ناندوس ويشترون ابس كريم من هاقانداس ؟؟؟ شو هالحالة ؟ شو ابقار والرمة الحباسة ؟؟هادي اثار ؟؟؟ |
لالالالالا كلامك لمو عندك شغلكم ده نهايتو ما زينة . الواحد بدل شايل لابتوب المدنية في كتفو بيصير شائل صيدلية في ضهرو من الضغط والسكري والقاوت واخرتا يقنع من الاكل البتقول فيهو ده كلووو علا يأكل خيار بس زيك كدا با اللخو .
هيييييييييع
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: ود محجوب)
|
Quote: الاخ عبد العزيز عيسى
Quote: i will be back in arabic welcome ya habeeb |
العزيز ود شيقوق
سلام الرطاني الفصيح قحا في لسان العرب.. التحية والتهنئة بعودة العمدة/ ابوبكر سيداحمد.. والشكر لجهودكم الثرة التي أفلحت بهذا الصيد الثمين وأخص العلم/ مصطفى سري صاحب السنارة المتميزة..
(عمل فورمات للجهاز فأصبح رطاني وبحثت عن سوفتويير عريبي والآن الحمدلله)..
تحياتي عبدالعزيز
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: ود محجوب)
|
ودمحجوب
حبابك
Quote: انا قلت ليك ما عندو امان. |
الامباز ذاتو تاني زولك مو لامي فوقو - زولك الزمن ده كلو بياكل في السمح البحندكنى بيهو ده و آخرتا صار ما بدور علا شمامة وما بياكل علا الخيار والجرجير ومشتهى البتنة ( البتنة دكوة السمسم)
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
Quote: يعني افسر ليك ؟ Ours and not theirs
الليلنا It stands for ours
الليلهم - استاندز فور زيرس |
العزيز ود شيقوق
يا أخي انا معاك رحت.. الليلنا هذه انا كنت فاكرها: our night
استاندز فور زيرس: يعني غيرتها من: دارفور الى استاندز فور زير س = برمة ص
الليلة خليت المرحوم عون الشريف يتملل في قبره..
تحياتي
عبدالعزيز
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: الطيب شيقوق)
|
شيخ العرب أسعد الله أيامك
يا أخي الرطانة تعبانين معاك والما رطانة برضو ما لا قين معاك فجه. حكايتك ايه يا أخي!!
زمان كانوا أولاد الرطانة بشرحوا لي بعض الرياضيات بالرطانة عشان الناس التانيين ما يفهموا منهم حاجة.
تحياتي لك ولصاحبك الباشمهندس الرطاني الذي عاد.
| |
|
|
|
|
|
|
Re: يوست خاص بمناسبة عودة الرطاني للمنبر العام (Re: abubakr)
|
محمد هااااااااارون كيفك شيخ العرب
Quote: زمان كانوا أولاد الرطانة بشرحوا لي بعض الرياضيات بالرطانة عشان الناس التانيين ما يفهموا منهم حاجة. |
دي عمايلم الربنا سلط عليهم الفرزعة دى وتفرقوا ايدى سبأ في المعمورة الواحد يفيب طويييل اكان لاقاهو ولدو ما بعرفو وضاعت هويتهم وانحشرت في هويات الامم حتى صاروا اثرا بعد عين
يعيشوا اهلنا الغريبهم ود شيقوق برااااهو كملوا فلوسو بالاتصالات ساااااااى
| |
|
|
|
|
|
|
|